欣榮咖啡室

營業中

休息中

平時見好多人食呢間鋪所以跟風去試下叫左牛腩鴨胸烏冬(難得有間鋪，轉烏冬唔洗加錢)鴨胸同牛腩既份量都唔多牛腩味道都ok 但烏冬既質感同平時食開既唔太同食落有少硬，唔怪得知唔洗加錢😂

B類單拼麵$32：我叫左豬扒米粉。豬扒雖然浸係湯度，但煎得好香，仲有啲啲脆，唔知可唔可以另上。豬扒好淋，夠味，湯唔覺有味精，味道好有家嘅感覺，幾好味。熱奶茶跟餐叫$+10，嚟到個杯超熱，完全拎唔起🤣，唯有連碟拎起飲。聞到有茶香，奶滑，比例唔錯，下次要試茶走🤤。就係個杯超熱，食完碗麵仲飲到未凍晒嘅奶茶，超感動😭。平時响第二度食，通常未食完杯奶茶已經凍晒🥲。鹹牛治$23，諗左好耐叫唔叫，因為怕太飽，食左半碗都係決定叫，因為米粉唔多，個胃仲有位放多個鹹牛治。其實鹹牛治係我至愛，不過之前食過好多都係求其熱個鹹牛就放落包，但呢間係煎香㗎，仲要好夠熱，個包軟淋淋，鹹牛香噴噴，真係好好味丫🤤。下次想試下鮮牛蛋包，因為見到隔離枱食，好似好正咁👍。⭐重要情報：因為呢頭嘅鋪頭好細間，呢間都算坐得迫，但冷氣好夠，夏天食都唔會滿頭大汗，不過收5pm，想食要趁早丫

📌欣榮咖啡室📍荃灣西樓角路170-184號華都中心商場1樓42號舖☎️24922092★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*一間令我一個月去咗兩次嘅小店，真心要介紹下。小店位於荃灣地鐵站附近嘅華都中心，有天橋連住唔怕日晒雨淋。第一次去叫咗💫番茄洋蔥豬扒飯（$51）豬扒煎香夠入味，肉質軟腍唔鞋，豬扒碎上唔洗切，啱晒我呢啲懶人。鮮番茄洋蔥食到家嘅味道，番茄汁撈白飯一流，阿姐仲話唔夠可以添飯添。另外（+$10）要咗杯奶茶，杯茶好夠熱，茶底香濃茶味突出。💫餐肉紅腸丁（$40）另一日奶茶癮起，簡單叫咗個餐肉紅腸丁，餐肉同 紅腸即叫即煎，另外餸係會另上😍唔係浸喺湯度，唔會搞到個湯油晒，超抵讚。丁麵唔洗額外加錢，質感爽彈得黎唔會過生。不容錯過枱面嘅菜甫，很新鮮，入口卜卜脆，微辣惹味，撈飯撈面都咁正。小店勁多熟客，老闆💁🏼‍♂️熱情，店內充滿笑聲，感覺好溫馨。★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*

今日中午時段經過門口 看似老字號 即管入去試一試 一睇個餐牌已經知道唔對路 價錢偏貴唔緊要，如果好食就冇所謂觀摩其他食客啲食物 湯麵，完全唔得 湯多麵少餸更少搏一搏，叫個飯食絕世難食嘅 蕃茄豬扒飯送上嚟嗰碗蕃茄多煙到離奇 應該喺微波爐翻熱咗3分鐘豬扒同白灼，沒有分別同侍應講佢仲話已經煎過嚟 對唔住完全食唔出，就算係有煎過嚟，因為你擺入蕃茄湯裏便用微波爐翻熱 啲豬扒同白灼真係冇分別最後小弟只吃了飯撈蕃茄湯 便走了成為$51 🥲

平時好少特登行去荃豐-華都-荃昌方向搵食，見奶茶group有谷友推欣榮嘅奶茶，搵日平日有時間就去嘆下杯奶茶。當日就算過咗午餐時間有8成位都滿，要搭枱。一坐低拎起餐牌，對面個伯伯同我推薦豬扒包同奶茶，最後決定聽伯伯意見🤣奶茶-夠厚身，茶味有層次，前濃後甘，奶味剛剛好，係我杯茶👍🏻豬扒包-大大塊豬扒，肉質唔係行鬆軟路線，有咬口得嚟唔會好硬，中間有沙律醬加黃芥末醬。本身個人唔食太醬汁，食到一半"了"走部分醬，店員姨姨就好好心咁問👩‍🍳你係唔係唔食黃芥末，叫我地走呀嘛😺唔係呀，我唔食咁多醬👩‍🍳下次叫我地少醬嘛，無問題架😺唔梗要，係我頭先唔記得講加埋搭枱嘅伯伯，呢餐我食到小店嘅人情味，令到看似普通嘅野食，擁有普通的美味。

假日無聊去荃灣行行，見到商場內有一間裝修比較光猛嘅冰室，鋪頭比較細，座位比較擠迫，餐牌上可供食飯選擇款式不多，來來去去都係啲豬扒雞扒腸仔餐肉等等的粉麵飯之類，全部散叫，等候時見好多人叫番茄洋蔥豬扒飯，今次無試留下次，但本人被另一個蘿蔔牛腩飯所吸引。所以就叫呢個，食物方面，蘿蔔入味，牛腩牛筋非常淋唔錯，亦不會黐住牙縫，好啱曬老人家食，居然有一種細個阿媽煮嘅住家牛腩味道，而咖啡方面，奶味比較重沒有苦澀味。睇得出此店係小家庭經營，本人覺得小店值得支持。

今日(16-7-2022 Sat)同老公去睇冷氣機前食嘢,唔知食邊間好,呢間吖,我哋嚟到啱啱重有位,坐睇後睇完menu,老公決定要$49.00嘅蘿蔔牛腩飯,加$13.00要凍奶茶.我要$30.00嘅豬扒包同$25.00嘅奶茶紅豆冰.落完單,老公嘅嘢好快到齊,睇見佢嘅蘿蔔牛腩都唔少,我試吓,所有嘢都好夠腍同入味,蘿蔔又甜又冇渣,重有牛筋,好正.味道:5分我嘅奶茶紅豆冰呢?比較甜啲,可能有紅豆嘅關係,而紅豆就爭少少,稍為唔夠腍.味道:4.5分而老公嘅凍奶茶就正確冇問題.味道:3分豬扒包最後上,睇到已幫客人切成兩件,重細心地將骨位切出,等客人啖啖肉咁食.我揭開件包時佢係好熱,睇到佢有芥末醬同番茄,食落,個包唔止熱,重要係脆,而除咗芥末醬重有沙律醬,味道啱啱好,唔錯,老公食都話好食.味道:5分而原來呢個都已經好飽肚.服務:等人落單時有啲心急,我明白座位有限,但我哋之後都冇客人嚟,就算有,都重有位,呢點可能要改一改.4.5分抵食係 2.7分上次食評係2022年2月26日刊登嘅呢篇:https://www.openrice.com/zh/hongkong/review/%E6%AC%A3%E6%A

不知是地點或是時間的原因，我印象中每次經過都係坐滿人。今日lunch搵食時難得見到有位就入去試下。店不大，坐滿應該都係十多二十人。食物選擇不太多，專注做好某d食物，我覺得才是小店的優勢。咖喱牛腩飯($49)港式咖喱汁，有小許辣，咖喱汁夠多，撈完個飯都有小許剩。薯仔好大粒。鍾意食薯仔的不容錯過。鮮牛肉雪菜肉絲一丁($40)沒有最愛沙嗲牛肉有些失望。。。轉試下鮮牛肉。牛肉算多，肉質軟淋。雪菜肉絲好送麵。麵正常，不過不失。熱奶茶(+$10) 因為叫咖啡室，本身對飲品有些期待，但這杯只是一般水準，不特別推薦。辣菜甫枱面上有免費菜甫，小許辣，加落麵或者飲都夾，可以一試。一入去阿姐就好熱心問你食咩，見到店主同員工同客人傾計都多，相信係熟客為主的店？食物水準合格，氣氛令人舒服，但因店比較細，坐位比較迫，對大隻的我來講有d辛苦。

第一次食呢間餐廳，叫咗個洋蔥蕃茄豬扒飯，蕃茄汁好好食好舒服因為佢係用蕃茄煮出嚟唔係頹飯汁，豬扒碎上好方便最重要嘅係員工很好人，因為佢本身飯嘅量比較少，本身我都擔心唔夠，不過我食食吓嘅時候落單姨姨突然間走過來，同我講如果你要加飯就話俾我聽，聽到呢句之後我就即刻留番啲汁食完之後就同姨姨講話加半碗飯得啦，最令我估唔到嘅係竟然佢除咗俾咗半碗飯之外我，再加左啲蕃茄汁同埋幾舊蕃茄俾我太溫馨了💛ps 張相食到一半影唔好意思😂😂

今(26-2-2022 Sat)朝同老公落荃灣食個早餐,佢話呢間嘅奶茶掂,於是走嚟,睇完menu,老公要$31.00嘅牛腩上海麵,加$10.00要熱咖啡.我要$31.00嘅雪菜肉絲米,加$13.00要凍奶茶,因為呢喥熱熱地.老公嘅熱咖啡好淺色,我哋冇落糖試吓先,甜度啱啱好唔甘苦,老公話唔錯.味道:5分凍奶茶我就覺得正常冇問題.味道:3分老公嘅牛腩上海麵呢?我冇試到,佢係第二次食,話好味.我嘅雪菜肉絲米都係正常冇問題.味道:3分而佢嘅菜脯呢?比較淺食,我試吓,都辣嘅但惹味,口感又爽,唔錯.味道:5分服務:感覺比較心急,一坐低我都未睇menu就問食咩嘢?我叫佢等等,老公就嗌先,我後叫.啲嘢嚟齊就俾張單,睇睇,$89.00,我好奇再睇清楚menu,計嚟計去都應該係$85.00,加一?又唔係呢,於是問問亞姐,佢計我$44.00,啱.老公嘅呢?佢睇真啲係單餸麵,計多$4.00,就俾過另一張單我.不過佢哋服務都唔差嘅.

📍荃灣西樓角路170-184號華都中心商場1樓42號舖經過見到一間港色嘅懷舊茶餐廳，最緊要嘅就係一個味道，經過聞到好香嘅牛腩味😋😋😋見到坐滿晒人就覺得冇死，應該一定要試佢😂😂😂餐牌超平返帶有一點懷舊🤤🤤🤤，1) 蘿蔔牛腩飯🍛$47，超多牛腩，啲滷水味超香👍🏻👍🏻👍🏻，牛腩炆得好琳超入味尤其是佢舊蘿蔔，最緊要係個滷水汁撈飯，冇得頂🤤🤤🤤個味道超出色，有懷舊茶餐廳嘅感覺，一定推介👍🏻👍🏻👍🏻環境舊式茶餐廳，環境有少少迫因為地方比較細小，選擇唔多但係CP值高嘅，😂😂😂要排隊都值得試嘅👍🏻👍🏻👍🏻，係食感覺😆😆😆

而家啲飲食業，唔搞下啲下午茶優惠，好難維持得到。惟獨呢間小店，大約座位只有15個左右，又冇早餐、午餐和下午茶供應 ; 全部炒散，飲品另計，實屬罕見。直得一提，昨天33.5度高温，走進咖啡室，充滿人情味，只點了回鍋肉米粉，侍應阿姐即遞上新鮮冰涼哈蜜瓜兩片，說是老闆買了回來，請大家吃。所以，我連🥤也省錢了😚

有時候最原始的東西就是最好的味道。好像在看以前的電視劇，這家小店感覺很古老也很古早，只有10個位左右的人情味小店，隨便點了一個奶油多配熱奶茶，簡簡單單，熱騰騰的吃，好吃！

今日食左鮮牛火腿通粉， 好難得係細個食既通粉 軟硬適中。 絕對唔係梳打牛， 湯底似媽媽煲既一樣， 仲要加埋幾片生菜， 真係用心製作。凍檸茶少甜少冰都唔錯， 茶味夠， 不過少冰得黎冰太多。下次要試咖啡牛腩飯同熱奶茶先得。

眼見呢間食店座無虛席，而且仍不斷有食客等位，好奇心驅使下即刻等埋一份。論食店的環境及座位，绝對不能以舒適寬敞形容，每位食客只能佔一張木櫈，腰板當然要伸直，多一點的空間看來也很奢侈。眼見小店提供的飯類及食物款式有限，但飲品則較為特别。目測其他食客所揀的食物，蘿蔔牛腩飯和蕃茄洋葱豬扒飯較多人選擇，所以我也跟大隊。再附加熱杏仁露及華田咖啡呢！呢個蕃茄洋葱豬扒飯論賣相及食味都超水準，飯同餸分開上，已經抵讚！整個蕃茄汁非常出色，用新鲜的蕃茄煮出嚟，並非一般食店用茄汁、茄膏製造出來。很有住家的風味，喺街度都可以品嚐到屋企嘅飯餸，令一眾打工仔特别覺得窩心。豬扒煎香後再切细件混入蕃茄煮，令肉質更加入味，而食的時候也非常方便。呢種家庭式的煮法，餸汁並不油膩，不像一般的食店以芡汁上碟，所以呢種食法較健康，令人較開胃。呢款蘿蔔牛腩飯可算係男人的浪漫，通常都係男士點呢個飯。餸的份量很足，牛筋及牛腩的比例好平均。牛筋、牛腩夠稔及非常入味，最精彩當然是沉底嘅蘿蔔，吸收咗餸汁的精華，香軟入味，入口即溶，簡直是人間美味。同樣用家庭式的炆煮法，少油健康，將食材本身的鲜味突出，令食味提升。熱杏仁露不過不失，值得一讚係老闆