權記雲吞麵

Chef Ecy’s Dining Experience:🥰 Food | Service | Price | Easy Access | Easy Parking | Wheelchair Friendly🙂 Restroom Cleanliness😠 Pet Friendly | Corkage Fee | Cake Cutting Fee | Ambience【北角街坊隱藏版】渣華道「權記雲吞麵」$28鮮蝦雲吞抵食到笑！交通超方便- 位置：渣華道地舖（北角站A1出口1分鐘直達），輪椅可直接推入。 - 點去： - 地鐵：北角站A1出口轉右即見 - 巴士/電車：2A、8H、49M等線「城市花園」站落車 - 駕車：北角匯停車場 或渣華道路邊咪錶位 食咗咩？逐樣評1. 招牌鮮蝦雲吞麵（$28）｜必食！ - 雲吞：皮薄到透光，咬開爆出成隻蝦！蝦肉爽甜無雪藏味，豬肉餡比例剛好。 - 麵：幼細彈牙，鹼水味輕微（加啲紅醋更完美）。 - 湯：濃淡適中，唔會口渴，但冇落韮黃少咗傳統風味。 2. 牛丸/貢丸｜可以一試 - 牛丸有肉汁，貢丸彈牙但偏淡（自己加魚露更惹味）。 - 墨魚丸：可以不試，直接skip！ 3. 其他選擇 - 鯪魚球（街坊推薦）、炸魚皮（+$10配湯超正） - 樽裝汽水+$9支環境服務- 座位：窄身摺枱，冷氣夠但午市要搭枱（12點前到較舒服）。 - 服務：阿姐手腳快，但忙起嚟可能漏單（建議落單後再確認）。 - 只收現金！無八達通/支付寶外賣貼士一定要叫「湯底分開裝」，否則麵會浸淋！ $28仲想點？呢間係打工仔同學生哥嘅飯堂，雲吞水準拍得住$50+名店，其他配料就當bonus啦！…查看更多

今日趕時間要快食lunch所以去咗權記食左個黑椒牛丸雲吞米粉佢個湯底正常雲吞亦不錯不過個黑椒牛丸味太過濃黑椒味過重不過講緊一碗麵都只係$28呢一個價錢嚟講都OK嘅…查看更多

1月15日揾食肥華下午4點鍾，要到港島北角，接做完公事啲靚媽，到西環食蛇羹，肥華刻意到此區一間，標榜賣$26碗麵食啲，街坊好評粉麵店，食雲吞麵，睇吓質素如何。雲吞麵一上枱，眼見麵嘅係大湧份量，但入口有鹼水味，肥華要用高份量大紅浙醋分解，嗰朕鹼水味才能入口，而個銀絲幼麵，質感真係爽彈，係好食嗰隻。而雲吞則有四大粒，蝦算新鮮，味道則比上不足，比下有餘。至於此碗麵嗰湯底，飲唔到有大地魚味，亦未見有韮王，味道清淡，唔似係正常雲吞麵湯底。總結以今時今日在香港，用$26蚊食到呢碗雲吞麵，都算👌…查看更多

同事極力推介權記！ 平得黎唔差架！今日涼返少少天氣舒服就行過黎北角，叫左碗牛丸河，好食呀，唔係平時街市普通凍肉舖個啲質素，$24 有驚喜~可以食得豐富啲，仲可以加炸魚/加菜/加嘢飲， 都唔肉赤。…查看更多

離開附近做嘢想快快趣趣食嘢唔想等位又唔使等得耐呢度係一個好選擇正正常常雲吞麵嘅味道大地魚湯底雲吞麵頂到幾個鐘有力量去做嘢唔攰又唔係話坐得好舒服唔係話特別乾淨正常老字號雲吞嘅味道同埋想快食可以一試而家買個華禦結都十八蚊啦佢二十幾蚊其實好抵食…查看更多

想食中式粉麵，見到呢間粉麵店就睇下餐牌，見到價錢超抵，即刻買咗外賣試下。單或雙拼只係$24，三拼就要$33，而外賣再加$1。見到咁平，就叫咗三拼試下！覺得份量同其他粉麵店差唔多，但價錢就平好多！雲吞墨丸魚皮餃河 $33+$1外賣碗河粉有2粒雲吞、2粒墨丸同3粒魚皮餃，我覺得都夠晒啦！粒雲吞好好食呀，仲要大大粒！叫外賣時特別叫姐姐記住俾辣油我，辣油夠晒辣。碗粉加埋辣油更好食！…查看更多

食雲吞麵，我就一定會食權記！因為真係性價比超高的雲吞麵店來！北角站過條天橋橋底就係！叫左個鯪魚球雲吞麵，嘩！真係大粒到成個乒乓波咁！味可，湯清，麵量可接受！價錢大眾化！口痕平食醫肚一定食這間！…查看更多

又到食lunch 既時間 臨近聖誕 又係洗好多錢既日子唯有最近食平d ！呢頭最多平民食堂…..呢間真係首選！ 單拼雙拼都係$21 叫左雲吞 牛丸河 一個腐乳通菜 $10菜有蠔油菜心/腐乳通菜加埋都係31… 有送有菜有面 味道正常 而家真係好難搵😅雲吞好食 牛丸就正常水平 軟軟地唔係好有口感既牛丸！ 似凍肉鋪買個d 不過同事話墨丸好食 好似話無咁林有機會下次都試下～ 加埋辣油仲正 辣油真係辣！ 唔係流既不過可以咸小小～ 就一流 天氣開始轉涼 食完成個身暖曬～ …查看更多

呢一間老店其實係北角已經營業咗幾十年 但味道素質一直都保持得好好食 由我中學到依家都一直喺度 做開嘅都只係一啲街坊生意 小小既店舖價錢一直都好抵食 一直都覺得係窮人恩物 記得初時食嘅時候十年前既價格 一碗嘅雲吞麵真係賣十蚊碗 到依加十年之後 都只係賣緊21蚊碗 講真呢個價錢已經好少會係粉麵鋪會再見到但最重點係 佢哋所包嘅雲吞 全部都係自己親手去包 隻蝦一直都係保持鮮甜可口 咬落去好有質感 都好新鮮 正正就係佢既雲吞 令我時不時都會專登過去食 下午茶小食冇胃口既時候 一碗雲吞麵 剛剛好🤗環境格局一直都保留最old school味道 人情味一直存在 支持小店❤️…查看更多

重要既野要講三次，抵食，抵食，好抵食呢間雲吞舖頭，要你係早上經過一定會聞到好大陣蝦湯既味道，好鮮甜既感覺雖然店舖細細，賣既野不過得幾種，但水準就keep得好好雲吞絕對係必食，大大粒好多蝦肉，鮮甜美味另外我就鐘意食牛丸，好爽牙同埋個湯先係重點，係清湯黎，濃厚既海鮮鮮甜味道濃而不漏，飲哂成碗都可以最緊要個價錢真係係第二度食唔到，去開個頭我都會食一杯…查看更多

北角一向美食多多， 今日小跳豆媽趁小跳豆返學， 去咗附近一間小店食雲吞麵。 小跳豆媽由細到大都鍾意食雲吞麵， 貪佢又平又好味。 想當年我讀書時期嗰陣，仲食緊$14雲吞麵， 不過隔咗咁耐 ，有通脹等因素 ，$14 雲吞麵就好難見到啦。 但係今日都畀我搵到$20碗雲吞麵。 餐廳位於 渣華道體育館斜對面， 細細間， 舊式裝修， 勝在夠經濟實惠。 雲吞麵入面有四粒雲吞，好足料，都算唔錯。 一路食仲一路見到啲員工喺度親手包緊雲吞。 我亦都見到有啲熟客同啲員工有傾有講，好有街坊人情味嘅感覺。 大家有興趣就去支持下啦， 始終香港小店愈來愈少。…查看更多

巴打戲癮突起，居然要看大戲，小人一於奉陪到底。明知大戲做得長，二人都不敢吃多；所以只叫了少少來吃。店子上菜的速度相當快，令人以為食物都是灼一灼就上枱。吃下竟是夠熱夠燙，是時間掌握得好，值得一讚。淨雲吞一客五顆，說多不多；但粒粒大顆，肉感豐足，咬下爆湯。雲吞皮有魚尾，滑不溜口，是佳品。魚皮餃無魚肉味，亦缺乏豬肉的鮮甜。貢丸更為敗筆，過實而全欠香菇的香氣，明顯地煮得未夠透。叫了一碟油菜，蠔油極鹹，生菜過腍，我們吃時都避過了蠔油。作為將急就車的一餐，還是可以的。…查看更多

新年伊始，趁放假去九龍城個邊閒逛，之後就坐渡海小輪番北角。係北角碼頭一落船，就發覺有少少肚餓，又未到晚飯時間，想搵啲輕食頂住先，係碼頭向英皇道方向行，就見到「權記」。當然啦，呢類麵檔係香港唔算罕有，但一睇就知係平民消費。行入店舖，人客坐滿每一張枱，就隨意挑一張坐下。望一望貼在牆上的餐牌，亮點係單雙併同價，三併先另外加錢，不過呢間就無賣牛腩牛筋，只有賣鮮牛肉作配料。平時自己去呢類麵檔，一般都會要求加色(加腩汁)，食落會較為惹味。最後叫左碗雲吞片頭河，朋友就叫左雲吞魚皮餃麵，另加一碟通菜。兩碗麵好快就端上來，配料份量正常，兩粒雲吞加兩塊片頭。先試下粒雲吞，size都夠大粒，入面包滿鮮蝦，不俗。然而，片頭就比較失色，咬落去唔夠彈牙，明顯係粉比重太多。至於河粉都不過不失，湯底方面可能平時都會要求加色，覺得味道略為偏淡。碟通菜就好麻麻，可能唔太時令，偏黃偏老總括而言，我覺得以呢個平民價錢，野食要求不能太高，用作充飢之用已足矣。是日點餐: 雲吞片頭河雲吞魚皮餃麵油菜(腐乳通菜)豆漿…查看更多

權記雲吞麵~係我最鍾意食嘅雲吞麵，雲吞饀料十足，加上原隻大蝦，D蝦肉咬落真係嗦嗦聲，好爽脆，用料真係好新鮮，鯪魚球又係彈牙，而且魚味濃，又食到好香嘅果皮味，麵質幾好唔會過淋，D阿姐服務態度又良好，而且呢度地方夠大，一行到入嚟嘅感覺令人舒服，唔會覺得侷促，仲有呢度嘅蘿蔔相當清甜，剩食$8元，三拼$24元…查看更多

簡直窮人恩物～已經幫襯過幾次，每次想平價賣單都會諗起權記。係今日既香港已經好難搵到19蚊又食得飽既晚餐，仲要個雲吞係有蝦算足料！再加魚露、醋同辣椒油，真係快靚正。…查看更多