權發酒家 (已結業)

第一，酒樓冇人帶位，自己搵位坐第二，落左單坐左半個鐘乜都未有，樓面再跟，完全冇提到漏單。坐左一個鐘先得一碟腸粉。好耐冇黎食，次次食親都係咁，以後都唔會再黎呢間酒樓。

職員態度真係非常差，我碌卡問佢拎收據，佢竟然唔肯比，仲可以話我，咩依家客人唔可以要求拎收據的嗎？佢唔肯印比我，得張碌卡紙，要求佢比，佢竟然話有碌卡紙就得，咁我問商場唔受係咪可以返上黎拎，佢竟然話你返上黎都無辦法。咩依家可以咁的嗎？

同商場的另一間酒樓正在裝修, 休業一個月,  所以這間就擠滿了人, 等位的也不少.點心可以, 少味精. 份量夠.  其中燒腩卷不俗, 一籠兩件. 但大小不一.  點了鯪魚球郤沒有出現,  詢問是否漏單, 侍應只把點心單打印出來, 讓我們自已看, 如此服務也就算罷.   在等位時, 我站在知客前, 有兩名手持號碼較我後的女仕郤可先安排位置,  開口一問, 一名自稱姓吳的女知客回應對方不介意坐近問口, 但我說你並沒有問我時, 她說可以叫她們走, 讓我們坐下,  還再三問我真的是否要坐.  但郤一直讓她們坐在那枱,  為了避免吵架, 我也讓她們坐了.  知客回咀現在是你們不坐........到我們有枱時, 誰知有另外的人已經坐下了, 侍應看到我們來, 就跟他們說, 已派了枱給別人, 沒有辦法了....  唉...真是..... 希望另一間酒樓快點完成裝修, 讓我回歸.....

妹妹想起權發的冬瓜盅，所以一家十口去啟田食。不要話好靚，好好食，只是“抵食“就叫我們再次去食。那是街坊小菜，街坊小菜要咩？當然是大件夾抵食。每樣小菜真的不少，特別是蔬菜，喜歡素食的我就至like.小朋友就喜歡炸嘢，食物炸到剛剛好，又不太油！如果要食冬瓜盅就要打電話去預訂，還有至少四個人至好叫。

其實都唔係第一次光顧權發，因為屋企人話依度閒日過左八點半就有宵夜小菜幾抵食，岩岩我地夜鬼家族。入到入面，一般小酒樓既格局，唔算好大但係地方都幾乾淨。首先食咗金牌蒜香雞半隻，其實嚟到嘅時候已經唔係好熱，而且個皮得唔夠脆，已經淋淋地，可能為已經過咗氣。比之前食退步左好多！但係同樣煎炸類嘅椒鹽脆皮就非常之好，外皮好香脆仲撒咗啲椒鹽非常野味，但入面嘅豆腐好嫩滑豉汁蒸大鱔，條鱔好肥美，薑蔥美國桶蠔，蠔就幾肥美，不過個粉厚左小小。炒大蜆就完全唔掂，海鮮依家野唔熱就真係完全唔好食，碟蜆送到黎嘅時候已經凍左一半糯米蟹就好好味，糯米煙煙un un仲索左蟹味，超正！而且隻蟹都算幾好肉最尾叫咗個菜食，上湯雲腿扒西蘭花，本來味道OK幾好味，不過食食吓竟然有嘢送！居然食食吓見到一條非常肥美嘅菜重蟲一齊炒嘩！嚇死人咩！即時叫咗經理過嚟，佢都嘩咗一聲，之後講句唔好意思就收咗隻碟走。雖然我都明白菜有菜蟲佢好難避免，但咁大條其實係咪係代表冇洗過呢？？真係好令人疑惑！！最後＄667埋單，平均每人百幾蚊就食到咁多野都真係幾抵，但希望酒樓可以改善下食物嘅熱度同蔬菜類嘅衛生

權發等位不算太久的時間，始終周日人較多，大概45分鐘左右才有位。3個人點了8樣點心。權發的點心質素「芝士鮮蝦長春卷」超好味！薄脆的春卷皮，每咬一口都有啖啖的蝦肉，超正！「炸鮮蝦雲吞」雲吞皮佔了整個雲吞的8-9成，蝦肉的成份較少。雲吞上的鮮果沙律值得加分！「蝦米腸」腸粉拉得夠柔滑，煎得夠金香，但略嫌質地厚身了一點點。「流沙奶黃包」很香濃的奶黃，一咬下去便爆汁，好好味「鮮竹卷」普通，中規中矩。「家鄉咸薄罉」難得見酒樓的薄罉可以咁足料，煎得也很好味！吃了不少件～

今晚做左速遞員，送貨去朋友屋企，順便去食飯聚舊。因為想傾計傾耐啲，所以揀左間酒樓食飯。可能已經九點，所以唔洗點等位已經可以坐低。我哋叫左兩個餸，煎蠔餅同八珍豆腐煲。蠔餅煎得都算香脆，不過就好油，蠔仔太少。至於個八珍豆腐煲，味道唔錯，又夠熱喇喇，而且都幾足料，鍾意食豆腐嘅人係不錯之選。

叫左9個點心，埋單都糸$170 左右，3個人吃。用價格計，真的不可以有什麼要求，純粹充幾。食物質素入到口，不要希望好味道。炸點當然是反炸😂。豬腳醋當然是不入味，羌超硬。食完走人。

食物普普通通都係一般嘅酒樓質素，但係權發酒家嘅服務生態度十分惡劣，雖然以前食過有啲酒樓例如富x，啲態度都麻麻，但呢間真係極品，幾個時應三五成群喺度傾事非，客人等完又等，等到有得食，啲侍應又粗聲粗氣，我哋係客人入嚟消費，都唔使入來受你氣掛？好似比錢難受，跟住條路已經好窄，經過阻住啲阿姐推野，又啤住晒，話借借啦，條氣真係頂住頂住。酒樓嘅嘢普通又唔係特別好食，態度咁惡劣一定無下次。

經常到啟田商場行街，因為個女鍾意食粥，多數會去桃園食晚飯。但見到權發門面裝修唔錯，啲菜式又唔係貴，一於試吓。6點去到已經差唔多滿座，剛好遇到親戚又係度食晚飯，叫部長講話幫手換大枱，本來差唔多滿座，部長都幫手想辦法，最後都換到，呢樣要讚吓啲服務。五個人食飯，叫咗咕嚕肉，瑤柱抄波菜，抄蜆($48)，兩隻大閘蟹($68)，佛跳牆($138,好足料，居然有大條海蔘)，三碗飯。食物好食大碟，湯足料味濃，咕嚕肉大舊鬆脆好味，抄蜆入味，蟹雖細但多膏，五人食到攬住個肚，但埋單只係四百餘，唔使加一，好似飯茶都好平，以後會多啲去權發食飯飲茶

我今晚與家人來做節，訂了位，但剛好遲了15分鐘到達，那個周姓女服務員態度不知所謂，我聽到她電話賣了枱給其他客人，見到我到達，不斷說我遲到，不願給我枱，態度好差，好像是我做錯什麼要她寬恕一樣，最後我頂住度氣再問她：「咁究竟有無得食呀？」她才慢慢地寫張檯單給我，這種令人極之討厭的態度根本不應該出現在服務行業中，後來我坐下忍不住向經理鄧潤容投訴，吃完了還氣頂頂，其他服務員態度多好都被這個周乜乜的極差所掩蓋了！

服務員太差 ， 在 12/9 早上飲茶，已叫開茶等了 2服務0 分鐘仍沒有理會，須大聲說才有理會， 不明我們是消費者， 須受這待遇於今天 21/9 也是早上飲茶， 坐在開茶附近， 全部之服務員當我們透明， 完全沒有理會開茶， 最後沒有飲

四個餸，雞煲，蒸蝦，斑腩，炒蚬。味道都屬一般。但服務態度實在太差，愛理不理。最過分是雞煲裡的豬潤有異味，連續同兩個樓面講都係“哦”一聲走咗，毫無歉意 垃圾酒樓，絕不會再來

今天和家人去藍田啟田的酒樓晚餐，（其實之前試過其他分店，覺得好好味，所以來藍田分店。）當中有個籠仔糯米蒸蟹，印象很深。大蒸籠內，大大隻蟹，蟹身已砍件，連同蒜蓉，放於糯米飯面蒸。蒸籠一上來，大家先食蟹。自己取蟹腳最扁果邊的蟹身，啖啖鮮甜的蟹肉，配上蒜蓉的香味，連手指都吮到乾乾淨淨。而糯米飯本已粒粒分明，煙韌Q彈有底味，加上蟹的精華已流入糯米飯內。糯米飯吸盡鮮味真是一滴也沒有浪費。因為熱辣辣，好好味，食完先醒覺忘了拍照呢。不單只籠仔蒸蟹，還點了其他菜式。都是好好味，價錢又抵。今晚6人晚餐全單6百零蚊，平均每人百零蚊炸，真係超值。