權發海鮮酒家 (已結業)

我的男朋友雖然不是一個專業品茶人，但卻十分喜歡飲茶，毎個月至少到酒樓四次。當日，去完青衣自己徑做運動後，便陪他到附近的權發酒樓飲茶。兩點到達酒樓門口，便發覺門庭若市，十分擠湧。拿了籌後，等了約十五分鐘便能進場入席。我們一行兩人，點了6款點心，包括有奶皇流沙包、牛栢葉、雞腳、油菜、蘿蔔糕及鮮竹牛肉球。全部都份量十足，味道濃郁。特別一提就是其熱騰騰的包，裡面流出金黃的奶皇，太美味喇，而牛柏葉則爽脆可口，鮮竹牛肉球則有質感，總括來說，質素不錯。…Read More

平時同舊同學食飯，講真都係等多個食哈哈哈哈哈，冇辦法啦學校畢業之後各散東西每個人做嘅行業都唔同返工地點又唔同唯一相同嘅係大家住嘅地方都係嗰個區所以呢間地道嘅酒樓就係最佳選擇！同夠朋友食飯真係唔係食餐飯嘅味道係食對象不過今日呢間酒樓嘅味道都唔錯而且賣相都幾靚環境都幾舒服唔嘈唔吵，職員都算有禮貌覺得特別好食嘅係佢哋嘅炸豆腐油溫啱啱好豆腐唔會一夾就散另外咕嚕肉都好唔錯味道中上特別值得讚嘅係佢哋嘅價錢真係非常抵晚餐平均每個人都係＄160左右…Read More

星期日晚一家人黎食，都係屋企人提議，平時自己真係唔會黎到呢個位置，所以都真係幾靜。因為食物用料比較差，所以都唔影相。火鍋湯底叫左個皮蛋荽茜，冇乜皮蛋，用料差。食物係自助式，行出去夾幾特別，除左火鍋配料，有驚喜係仲有熟食任揀，同雪糕甜品，如果用料願意用靚啲食材，真係唔錯！肥牛啲肥膏多過肉，所以超靱，咬唔開，其他一般般，都係嗰啲，只是部份用料較差。牛油粟米老過我阿媽，咬唔爛架。驚喜在有膏蟹可打邊爐，用料新鮮架！總括短期內我都未必會再黎，因為整體都較差，而且衞生欠佳，熟食區枱布發出異味，污糟碟又同乾淨放埋一齊。以$148一位唔算貴，不過我寧願俾多$30出荃灣食好啲，最唔值係小朋友8歲要計大人價，因為呢度係計高度。…Read More

食物一般，火鍋的材料不太新鮮，都總算過得去。然而服務態度認真欠佳，樓面服務員叫極唔黎，收銀處的員工更是服務態度極之低劣，竟然會鬧人，像是前世欠了他們。以後都不會光顧。…Read More

難得聚會，想搵間似樣d既酒樓，點知黎到呢度中左伏。劣質火鍋，肥牛全部肥膏肉丸好低質湯底味精，之後不停加水變白烚食物種類，配料都少食過一次一定唔會返轉頭而且收費每人140元，一d都唔值…Read More

母親節晚餐今晚黎到青衣權發被宣傳吸引，即管一試任飲任食火煱首先，湯底我選左三個沙嗲、皮蛋窩好多配料好吸引。之後出左食物bar, 嘩分左邊爐食材、熱盤、甜品。熱盤有咖哩魚蛋、鹵水雞翼，青瓜，點心，湯，好豐富既食物、味道很好邊爐食材都多款式、整體$148全包真抵食，最緊要坐得舒服，可以一家人慢慢傾偈，可以再來👍下次期望食小菜，因為睇到隔離枱色香幾好，又大碟，下次再見…Read More

成日食青衣城都悶，今次我地去一間未食過而有同事推介的權發。去到如舊式茶樓好大隻字寫大排檔，幸好坐下都乾淨，而我地4個人每人約2個點心，共10個點心每人$56都抵食而味道不錯添。整體沒想到味道會好過大集團喎，尖椒炒得香好有豆豉香，流沙包都有吾少流沙和吾太甜。粉果皮薄材都多，但最驚喜係蘿蔔糕真係有蘿蔔絲粒，絕吾係粉。唯一覺得麻麻係馬拉糕，偏濕同實左少少和青瓜海哲味道怪怪地，吾辣又咸。但其他不錯，都足以會再黎的原因…Read More