影片
#20250503 🤍📍 #權發小廚觀塘成業街16號地下A號舖 🍽️銅鑼灣｜佐敦｜油麻地均有分店➖➖➖➖➖➖➖➖➖➖➖➖➖➖➖➖➖#三餸飯 $53 🥢 #枸杞火腿浸莧菜 #豉椒炒鵝腸 #欖菜肉鬆四季豆 💭 呢間野講到話係兩餸飯既天花板，當然要試一試😏款式係多既，但十幾廿款餸入面綠色蔬菜既比例佔得太少，莧菜比較少見，無浸到淋晒抵讚，反而覺得四季豆可以淋啲，依家咁樣有啲生😅鵝腸處理得幾好，完全無怪味，入口爽脆，而且有好多條好抵食😗.#三餸飯 $53 🥢 #泰式豬扒 #豉椒炒大蜆 #蒜香椒鹽骨💭 堂食個兜如果裝大件野唔會裝得好多件，炒蜆連殼就更加唔抵，可能人人都咁諗所以無人叫，結果兜蜆無機會refill就變左攤凍晒🙈豬扒同蒜香骨都香口，食落啖啖肉，雖然唔多件但絕對夠飽，因為兜飯勁大兜，overall係唔好當佢係兩餸飯，有位坐有冷氣當佢係茶餐廳咁會比錢比得甘心啲😎.
繼續閱讀
買了兩個兩餸餐。 收銀處的員工態度差極，問多句都west面，但照試下。有多款菜式供選擇，欲考慮下乜餸時，員工十分冇耐性，只想我們盡快决定。由放份量極少，吃元要去鄰店再食。雖然只43一位，但份量值25。如要醫肚，要另作考慮。味道方面，普通。店內有進區，尚算足夠但dirty。但因禍得福，由於不夠飽，用39蚊去附近另一店再食過下午茶，味道及份量更好。十分後悔去了這權發吃一頓垃圾。可能官塘上班一族，只救方便及快才去幫襯
繼續閱讀
長期排長龍的兩餸飯 油麻地佐敦都有分店值得一讚係觀塘店收銀姐姐好好人😁服務態度好好👍🏼👍🏼👍🏼冬天限定生炒糯米飯 ($58)一盒睇落唔係好多但係超飽都算足料 味 花生 蛋仲有冬菇好粘 食落都少少油油地 不過夠味食完個人真係暖哂胃 勁飯氣攻心🥱另外都叫左個淨餸 ($53)可以揀兩個餸 揀左西蘭花蝦球🍤蝦球幾大隻 彈牙 另外係蒜香骨炸得好酥脆 好食😋
繼續閱讀
今日Lunch同同事去權發小廚買咗兩餸飯($53)，揀咗魚同西蘭花蝦仁。成個餐整體正常穩定，味道冇問題，但可能食得太多次，感覺開始有啲悶。食品部分倉魚：魚煮得幾新鮮，調味唔會過鹹，入口滑溜，算係一般兩餸飯會出現嘅水準之上，無功無過。西蘭花蝦仁：西蘭花焯得啱啱好，仲有啲爽口，蝦仁唔算大，但勝在嫩滑，仲帶啲鮮甜味，配埋白飯食係幾滿足嘅。不過呢個餸太常見，無乜新鮮感。⭐食品評分：3.5/5環境與服務由於係買外賣，環境同服務冇咩特別可以評論。佢哋出餐速度算快，份量亦算合理，但冇太大記憶點，屬於一般快餐嘅正常水平。⭐服務評分：3/5總體感受權發小廚兩餸飯食落穩定又正常，無論魚定蝦仁味道都合格，但冇太多驚喜。成日食同一間確實有啲悶，如果你喺附近想搵個穩妥嘅選擇，佢就係唔會出錯嘅答案，但偶爾都應該換換口味試新嘢！⭐總體評分：3.5/5
繼續閱讀
叫左$58 3餸飯，見咁多人排隊所以都想去試下。菜式的確好多而且望落都唔錯反而要諗一諗要揀食咩好。最後排到先知鱔會當兩個餸所以都唔緊要怕阻到人就叫左鱔同海鮮豆腐蒸蛋。份量得5舊話好食都算，但係鱔味道比較淡，比起其他兩餸飯鋪頭仲少反而人地仲平。不過講起淡都唔夠呢個海鮮豆腐蒸蛋既味道淡，淡到好似水咁。同樣，份量都係好少，而且都唔會值得呢個價錢。至於員工方面都唔洗講，一開始話要兩個三餸飯，結果收銀好心急問多次要咩，重覆多次又話知道咁我地係米要兩個三餸飯，冇野搵野話咁。入面啲姐姐當然都唔洗講，人多心急緊張明白，但係唔耐煩等等既情緒放曬上面，地方嘈大家聽唔到大家講野就好容易激動，雖然最後都冇咩特別，相信佢地都係太忙先會有咁既態度。最後都係番去食物味道同份量方面，希望可以盡量改善下，而可以值番呢個價。
繼續閱讀
您可能會有興趣的...