檸檬冰室 (中海日升中心)

營業中

休息中

難得去返老地方，好似轉左呢間餐廳，見到成個門面都係好黃好黃好吸睛，同左媽咪入左去食晚飯檸檬冰室真係用曬檸檬黃做主色，仲有好多檸檬裝飾，好清新上網見人點左個冰鎮蜜桃咕嚕肉好吸引又唔會太大份，岩曬我細食之人，點知一上枱嚇親好大份但好好食又唔膩唔會好多肥肉，而且仲保持到香脆仲可以加錢升級套餐加特飲鮮薄荷青檸沙冰超級大杯，酸酸甜甜清新解膩開心果芝士撻，好香脆之餘芝士好濃，入面仲有啖啖開心果醬同粒粒，食到停唔到口秘制無骨海南雞飯，每次食飯見到就必點，最鍾意佢個雞啖啖肉，仲要無我至憎個種肥肉黐住，平時其他地方食都無咁瘦，岩曬又大件加錢轉特飲熱玫瑰椰子蜜好好飲，好香濃又唔會太甜，天氣凍飲完好暖暖咁多野食要飲多杯熱鮮檸百香蜜先夠，酸酸甜甜夠開胃又可以解膩又暖心最後甜品作結，藍莓奶凍，奶味濃加藍莓醬，甜度適中，優惠價加就食到，平時外面食飯食一個都幾十蚊，呢到唔洗份量又十足既冰室，性價比，平時晚飯想食得經濟又夠飽，呢到確係唔錯選擇！可惜我而家少返九龍，希望佢遲啲係港島區都開返間

平靚正的檸檬冰室，我一向有幫襯開，尤其糧尾唔食日本野， 一定要食冰室， 而其中分店在日升中心，環境舒服寬闊我覺得茶餐廳來說，呢間食物真心水準好好👍我喜歡燒味，有燒鵝，燒鵝脾加$20 另仲有乳豬飯，午餐時間點有套餐優惠比較便宜，乳豬燒得剛好外皮脆卜卜， 肉嫩多汁好好吃🤤連埋飯吃最飽肚！套餐加錢特飲有個杏仁茶都不錯， 啖啖蛋白杏仁香！開心果芝士撻 最近至愛吃呢款有濃厚芝士，輕輕開心果醬，咬落爆汁的感覺，是我的飯後甜點的選擇呢！

最近喺檸檬冰室試咗幾道好味嘅菜式，性價比好高，觀塘返工一定會嚟食😆 仲要有甜品烘焙區，可以買啲返屋企慢慢食～今次試咗二人餐食到勁飽都只係$178咋😆 包兩個小菜兩碗飯兩杯飲品同兩碗湯🥢馬來咖喱薯仔牛筋腩馬來咖喱味道濃郁香辣，牛筋腩經過慢煮，肉質軟嫩，薯仔吸收咗咖喱嘅香氣，食落去非常過癮，啱晒配白飯食🥰🥢黑松露脆蝦炒滑蛋鍾意食黑松露一定要試😍蝦肉鮮嫩 好脆口，搭配半熟滑蛋，口感非常豐富🤤黑松露嘅香氣為整道菜增添咗奢華感～🍪開心果曲奇🍪有大大桶裝曲奇 好多口味選擇😆 好吸引呀，曲奇餅又香脆又鬆軟，帶有濃郁開心果味，值得一試！

檸檬喺觀塘又開分店，成日經過都未有機會食，今次為咗佢新出嘅開心果系列終於扚起心肝過嚟令人失望！失望嘅係開心果芝士蛋糕竟然售罄，好彩有開心果老婆餅 $12都非常驚喜，平時少食老婆餅怕個冬瓜蓉好甜，但佢個餡溝咗開心果碎勁香，加上酥皮香脆，食落完全唔膩，如果下午茶時間我叫正餐，可能我可以食兩三件😂包飲品同餐湯嘅晚餐都算好抵食，茶記炒出大排檔小炒鑊氣。彩椒薯仔牛柳粒煲 $85 用砂鍋上熱辣辣，牛肉腍得嚟唔削，黑椒、洋蔥、三色椒炒得好香，薯仔外脆內軟，勁好送飯蒜香脆皮炸子雞 $78 拍得住大酒樓，雞肉鮮甜帶少少油香，脆皮好薄唔會一大嚿肥膏咁食到成口油西式意粉都唔錯，單點咗香煎比目魚忌廉意粉 $80 個份量大到嚇親，兩大條比目魚香脆，魚肉嫩滑，真心抵食中西湯正常發揮，特別一提羅宋湯竟然呼應店名落咗檸檬去煲，仲要係食得唔苦澀，酸酸甜甜更清新跟餐可以優惠價加配甜品：檸檬芝士杯同木糠布丁 $12 個人覺得檸檬芝士杯更有驚喜，芝士同海綿蛋糕夾住一層食落冇咁飽飽滯滯，但當然同樣價錢我寧願食多個開心果老婆餅，真係好正😂餐飲加$14仲可以轉蛋白杏仁茶大大塊蛋白勁滑，養顏之選

檸檬冰室 Lemon Cafe是地道港式冰室，觀塘全新分店已經喺駿業街中海日升中心地下開咗,今日咁啱同朋友經過，梗係要入去試吓！餐廳用檸檬黃做主色，全店燈光明亮，地方寬敞，座位舒適。超值二人套餐：白飯、餐湯、餐飲老火湯足料夠火喉。熱奶茶、熱阿華田：香濃夠味。鮑魚雞煲：雞件鮮嫩，鮑魚彈牙，醬汁香濃惹味，送飯一流！菠蘿生炒骨色澤鮮艷，味道酸甜，非常醒胃。鮮茄芝士焗肉醬意粉：有蕃茄又有肉，酸甜開胃，在意粉上加芝士碎，焗後表面金黃香脆，內裡是半溶化的芝士，令平凡的意粉變得更滋味！開心果脆曲：將濃郁堅果香與酥脆口感完美融合，每一口都能品嚐到細膩的堅果顆粒與濃郁奶香，酥脆口感、咬下鬆化、細嚼回甘。

檸檬冰室地道香港茶餐廳😆係到可以品嘗到多款港式美食價錢實在！份量足！款式選擇好多焗飯、扒餐、小炒、燒味、麵包烘焙產都有而且店面光猛以檸檬黃色為主調！感覺乾淨舒適今晚就嚟咗食晚餐～人均不到百元👍🏻鹹魚雞粒炒飯！飯粒炒到分明，份量好足入口有咸魚香！每啖都食到雞肉粒卡邦尼意粉！跟有煎香蝦仁，意粉掛汁味濃蓮藕鹹魚蒸肉餅！蓮藕爽口配上肉餅～口感豐富，由於即叫即蒸～需時大概15分鐘左右！下飯好選擇佢哋仲有自家出品嘅烘焙產品～推出多款麵包、蛋撻、老婆餅！特別推介開心果芝士撻💚酥脆外皮包裹住開心果餡芝士撻！入口順滑檸檬冰室 (中海日升中心) (觀塘)📍觀塘駿業街56號中海日升中心地下D(部分)&E(部分)號舖

好全面嘅冰室，由新鮮出爐麵包、常餐、燒味飯、碟頭飯、小炒以至西式意粉應有盡有，食多幾次都keep到新鮮感🎈魚香茄子煲有驚喜喎，上枱時熱辣辣仲係咋咋聲㗎茄子色澤好靚，軟腍得嚟唔會一夾就散撈埋惹味嘅鹹魚茸同肉碎，完全係白飯小偷🤤🎈冰鎮蜜桃咕嚕肉餐廳嘅8大名菜之一冰鎮方式上枱保持到咕嚕肉外皮脆口內裡有肉汁，味道酸酸甜甜仲有蜜桃肉伴碟加上係凍食，食多幾件都唔會覺得膩🎈冬蔭公滑雞片米線味道微辣，放咗一瓣青檸，帶起香味同酸味雞片軟滑份量多，加上芽菜豆卜，唔會單調🎈開心果脆曲奇大熱嘅開心果產品呢度都食到，果然與時並進手工曲奇每片都有真·開心果有個桶仔裝住放公司口痕食就啱晒

觀塘人氣茶餐廳推介鮑魚雞煲｜加19蚊薄荷青檸沙冰超大杯 全是檸檬黃色瓷磚的茶記，座位旁邊還有幾棵檸檬樹作裝飾，清新活力滿溢。  有4人沙發卡位或兩人位，座位和走廊闊落，有好多座位。飲品從懷舊什果冰到新派沙冰。午市比晚市更抵食 。加幾蚊多杯湯、轉特飲，港式抵食餐廳之一。  🔶 支竹豆腐火腩煲👍🏻 $82以熱騰騰的砂鍋上桌。燜煮入味的火腩，腐竹吸飽濃郁醬汁，還有嫩豆腐、洋葱和香菇。男人最愛的煲。 套餐搭配加$12：白飯一碗配「中湯」（例湯） 加$14 升級「什果冰」，荔枝、菠蘿、櫻桃沉在杯底，勁大杯。我覺得太甜，可以叫侍應減甜。🔶 鮑魚雞煲👍🏻 $85熱辣辣鮑魚雞煲，彈牙鮑魚仔，嫩滑多肉雞件。醬汁濃帶薑葱酒香味，鑊氣十足，配飯一流。 加$12白飯配「西湯」，如羅宋湯（酸甜）。加$14，換「鮮薄荷青檸沙冰」，薄荷葉搗碎與青檸汁交融，推介👍🏻🔶 開心芝士撻 $22 內餡芝士開心果漿，微微帶鹹

喺觀塘駿業街中海日昇中心，有間叫「檸檬冰室」嘅新餐廳，真係一個食客嘅天堂！今次我特登嚟試下佢哋嘅幾款招牌美食，簡直令人心醉神迷！首先，開心果芝士撻一上嚟，就已經吸引到我嘅目光。金黃色嘅撻皮酥脆得來，裡面嘅芝士香滑無比，仲帶住開心果嘅淡淡堅果香，口感豐富，令人一口接一口，根本停唔落！😋接住係開心果老婆餅，這款點心更係將傳統老婆餅推陳出新。咬一口，香脆的餅皮包住香甜嘅開心果餡，配合微微嘅鹹味，令人感受到甜咸交融嘅絕妙平衡，簡直係一種美味嘅享受！🤤再嚟就係叉燒炒烏冬，這道菜色彩繽紛，叉燒嘅香氣撲鼻而來。炒至金黃嘅烏冬滑溜可口，搭配叉燒嘅鮮嫩，每一口都有著濃烈嘅滿足感，真係讓人回味無窮！🍜最後，檸檬生炒排骨則係一個驚喜。排骨外脆內嫩，檸檬嘅酸香恰到好處，唔單止提升咗整體味道，更加帶來一絲清新感，食完之後心情都變得更好！🌟整體而言，檸檬冰室無論係食物的賣相、香氣，抑或味道，都係無可挑剔嘅！喺呢個輕鬆嘅環境中，享受美食真係一種莫大嘅幸福！下次一定會再嚟！🥳

午餐好味，分量夠，仲有例湯送！已過午餐高峰時間才入座，餐廳一直都有50%空座卡位，門口亦都冇人排隊等位。當我準備離開時阿姐忽然話：「你坐咗3個鐘」 2個人埋單$120。油雞有骨，阿姐說話都有骨。抵！

檸檬冰室一直都係我飯堂，喺觀塘又開咗新分店🤩 環境大咗又靚咗，仲要有甜品食，好值得一試！套餐非常實惠，適合家庭聚會😋🥢鐵板鰻魚炒鳥冬熱辣辣，即叫即整！鰻魚滑嫩，搭配彈牙鳥冬，在鐵板上煎炒，香氣四溢，好惹味好滿足！🍽️🥢晚市二人套餐包括兩份小菜、白飯同餐湯老火湯清甜可口 有營養又美味～小菜我哋揀咗茄子排骨煲，軟腍茄子加爽口排骨好正🤤味道香辣濃郁，配白飯一流！另外，欖菜肉鬆四季豆都係一個好選擇，四季豆脆口，搭配豬肉碎，味道更加豐富最後想食甜品，試咗開心果芝士撻，外脆內軟，開心果香氣同芝士的濃郁完美結合，為整餐畫上完美的句號！🍰鮮磨蛋白杏仁茶（熱）用鮮磨的蛋白製作，口感滑順，熱飲特別暖心，喺寒冷嘅天氣飲一碗，真係好舒服～

觀塘最近開左檸檬冰室分店在日升中心，環境見到比較大，裝修新淨光猛，坐得闊落不錯👍我覺得茶餐廳來說， 食物水準好好， 平靚正！燒味拼盤點了燒鵝，真心有水準，燒鵝燒得剛剛好外脆內軟，肉汁爆滿，燒鵝脾更是使我垂涎欲滴！開人芝士撻有驚喜！開心果控的我表示滿意，芝士同開心果好夾，香濃新鮮！而且冰室更有特色開心果曲奇🍪下次都想買！檸檬冰室 分店：📍地點： 觀塘駿業街56號中海日升中心地下D(部分)&E(部分)號舖

見佢新開之後黎左好幾次，周圍貼哂QE CODE落單睇落好方便，點知D職員同我講唔好用QRCODE，佢地幫我落就得，之後有次個職員仲話“唔好用QRCODE呀，會落錯單架”，咁以後聽佢地講叫人落，佢地都幾快手，結果今日叫個阿姐，佢話“自己用QRCODE落單啦！呢到呀！”，我心諗“咩事呀？又係你地話叫人落，洗唔洗咁惡呀。”佢地個lunch海南雞飯餐68蚊都唔錯，燒味飯多人食但好普通好多骨，後尾職員同我講只要幫襯任何一個午餐都送免費湯，仲有中西可選擇。其實海南雞餐已經有湯連野飲再送一個湯真係幾飽。點知今日個阿姐見我已經飲緊湯，佢啪一聲掉張單黎，我放番係則邊靠牆，佢又搶番張單睇，睇完又啪一聲掉番係枱中間都相當無禮貌，之後call機入廚房叫人cut左我海南雞餐個湯……結果廚房無cut到送埋上我張枱，佢即刻沖埋黎搶番個湯仲話“得一個湯架咋！”個個餐都有定價，之前話送湯，又話全部都有得送，我叫海南雞餐你就無得送？咁係咪應該個餐扣番錢？其實多一個少一個唔係問題，係做法同程序好討厭

觀塘有好大間檸檬冰室，近排新開，所以裝修新淨又光猛，坐得闊落🥢燒味拼盤好大碟，有燒腩仔、叉燒、油雞、燒鵝、紅腸、肥腩叉，估唔到冰室燒味都幾有水準，最鐘意油雞、燒鵝🥢咖喱吉列厚豬扒飯吉列厚豬扒好大塊呀，炸到金黃色，好多肉，咖喱汁好食不太辣，撈飯正💚開人果脆曲奇冰室都有曲奇食，好香脆，開心果好多，唔甜👍🏻🧋凍奶茶🥛熱杏霜

我至愛的麵包蛋糕，在麵包店中已屬少見項目，竟然在檸檬冰廳遇見，一定要試食。買了一個第二日作早餐， 麵包賣相靚，菠蘿包皮加斑蘭之類的綠色蛋糕。可能不是即買即食，麵包不鬆軟，菠蘿包及蛋糕食落冇層次，味道亦不分明。口感未如想像！