檸季手打檸檬鮮果茶 (元點)

營業中

休息中

爆紅手打鮮果茶！夏日透心涼首選** **✨人氣必試** 1️⃣ **山茶花手打香檸** ▫️ 選用台灣山茶花茶底，清香撲鼻 ▫️ 新鮮檸檬現打現搖，果肉纖維看得見 ▫️ 甜度冰塊可自由調整，推薦微糖少冰 2️⃣ **桑葚葡萄檸檬茶** ▫️ 紫紅漸層超吸睛，打卡必點 ▫️ 桑葚+葡萄雙重果香，酸甜平衡 ▫️ 加入檸檬片提升清爽度 **🌿特色** ✓ 每日新鮮到店檸檬 ✓ 手打製作保留果肉口感 ✓ 不使用濃縮果汁 **💡飲用Tips** • 建議15分鐘內飲用風味最佳 • 可加$3升級寒天或蘆薈 • 桑葚款要搖勻再喝

早期都有飲過好幾次覺得唔錯，最近發現佢係yoho新開又出咗新系列，加上呢排又愛上咗飲桑葚所以買黎試下😆桑葚本身味帶微微酸甜，夏天幾啱飲對身體又好，見有兩款新品：桑葚雙柚檸檬茶 同 桑葚葡萄檸檬茶兩款入面都有配搭大粒又有好多可以嚼下嘅雙柚/葡萄果肉(見店員畢咗2-3大羹果肉)，口感清爽解渴之餘個味又幾夾🤔而檸檬茶底只有微微甘，無招牌手打檸檬茶個啲個茶底咁明顯同濃所以酸度低，整體似一杯手打鮮果汁，試得過👍🏻

星期六收工同朋友去元點逛逛 ~ 行過見到好hit既手打檸檬茶兼最近有聯名周邊即刻買番杯先朋友因為隻杯揀左山茶花手打檸檬茶好清香既山茶花味～小甜最能突出花香茶香佢地採用香水檸檬所以唔會好酸而山茶花有調胃既功效飲完好解喝透心涼，比起珍奶健康得多我就揀左🐊杯既話梅茉莉花檸檬茶入面有原粒話梅，飲落酸酸甜甜話梅有助消化、降膽固醇＆防便秘而茉莉花有放鬆、舒緩疲勞、治失眠呢個口味仲要係首創～一杯手打檸檬茶集結咁多種功效真心爽

今日終於有機會行元朗新商場，今個星期熱咗好多。「檸季」嘆杯招牌檸檬茶，真係有驚喜！首先叫咗杯桑葚檸檬茶，一入口就飲到桑葚嘅酸甜，同檸檬嘅清香完美結合，味道層次好豐富，仲有粒粒桑葚果肉，飲落好過癮。另一杯鴨屎香檸檬茶就更加特別，初頭聽到個名字好似好古怪，點知一試就愛上！鴨屎香其實係一種獨特檸檬，飲落好解膩，好適合夏天飲。兩杯茶嘅甜度都啱啱好，冰量可以自己揀服務都幾貼心。總括來講，「檸季」嘅創意同味道都幾好，下次會再幫襯！

手打檸檬茶，檸季會畀佢100分點咗佢嘅鴨屎香檸檬茶🍋，茶底濃郁得誇張，帶點花果香，酸甜平衡到啱啱好，仲有鴨屎香茶凍，啖啖都係清新嘅茶香同果香，口感層次豐富😍！冰涼嘅檸檬茶配上茶凍，夏天飲簡直係救命！另外試咗開心果輕盈乳🥛，開心果味濃而不膩，奶香順滑，飲落清新又解渴，係唔錯嘅新嘗試。不過老實講，檸檬茶真係全場MVP，鴨屎香嘅獨特風味同手打嘅用心，完勝其他飲品！第二杯半價優惠好抵💰，即刻同朋友一人嗌一杯，試晒唔同口味都唔肉痛。

平時行過都圍住好多人，今日竟然冇咩人，即刻試試❗️睇睇menu都有好多款檸檬茶揀，就揀咗最多人買嘅招牌，另一杯就試吓呢度嘅Top 3。1000ml，巨大化大杯，唔應該叫一杯應該叫一桶🤣🍋鴨屎香檸檬茶招牌作嚟✨查實本身唔知咩叫「鴨屎」，原來係一種烏龍茶，因為種喺一種叫”鴨屎土”嘅黃土上而得名😮同港式檸茶個紅茶/綠茶底對比，最大分別係飲落有陣花香味，個色雖然好濃但唔澀。🍋話梅茉莉檸檬茶佢係用咗茉莉花茶葉做茶底，飲落特別清香，加話梅乾加海鹽話梅蜜漿，鹹甜適中，refresh解渴，夏天飲正～🌿🍋個人覺得叫少糖啱啱好。餐牌：

復活節無外遊，襯元朗天后節同朋友黎行下，睇完熱鬧就入商場hea，見口渴咪去買嘢飲囉。揀咗元點嘅檸季，呢間店主打手打檸檬茶、水果茶，不過餐牌上都有奶茶可選嘅。⭐鴨屎香手打檸檬茶 & ⭐茉莉手打檸檬茶點咗排行榜上嘅NO.1同NO.2，鴨屎香同茉莉花口味嘅檸檬茶，兩杯都要咗少少甜。標準杯都已經好大杯，酸酸甜甜好好飲👍兩杯茶底香味唔同，個人覺得兩款口味都好飲喎。朋友就鍾意鴨屎香多啲，佢話覺得茉莉花太香喎😆假期做緊買二送一，抵！

買完Fufuland一轉身… 咦！深圳超火嘅「檸季」竟然空降香港？🤯 即刻召喚檸檬魂上身～🍵 招牌鴨屎香檸檬茶傳說中嘅潮汕茶王！焙火香撞現捶檸檬，茶底濃到企得住飲管～ 酸爽又足料, 正宗廣東味！🌼 話梅茉莉檸檬茶鹹甜黨尖叫登場！話梅的微鹹吊出茉莉花茶清香，尾韻仲有淡淡回甘，話梅味頗濃, 越飲越上頭嘅魔性組合✨原來香港店同深圳一樣足料，飲完喉沒癢, 茶底味道沒苦澀, 今個夏天就靠呢隻小鱷魚續命啦～🐊💦其實未飲茶先被杯上嘅鱷魚仔萌到！🫠 拎住巨杯行街，成為元朗最chill嘅鱷魚飼養員! 

呢日係Yohomix行街，行到好口渴見到新開茶飲😍最近大熱爆打檸檬茶，等我點top 1 and 2試下🤣.🥤鴨屎香檸檬茶作為top 1一定要試下！超級大杯😍飲落味道清新，滿滿茶香，茶味深厚濃郁，酸甜適中，超提神👍🏻.🥤茉莉手打檸檬茶鴨屎香檸檬茶比較濃厚，呢杯較清香，茉莉茶的清幽花香與檸檬的酸甜相得益彰，層次分明👍🏻 果香特別濃郁，解渴一流.兩款檸檬茶各具特色：鴨屎香檸檬茶專注於濃郁的茶韻，適合喜愛深厚茶味的人；茉莉手打檸檬茶則以其花香和清爽口感，適合喜歡清新飲品的你🥰兩杯都好好飲👍🏻

天氣有啲熱，系yoho買左2杯最近幾hit既手打檸檬茶飲！我地買左2杯檸檬茶，分別系桃桃玫瑰檸檬茶同鴨屎香檸檬茶，2杯都揀左加大杯裝，買返去同大家share飲！桃桃玫瑰檸檬茶既顏色淺啲，入面有啲玫瑰花、檸檬果肉、青檸檬片，佢個茶底系茉莉茶底，加上玫瑰味，飲落去幾清香，另外仲有桃既甜味，呢杯叫左正常甜，個人覺得甜度ok，吾系好甜。見呢間鋪個banner寫住鴨屎香檸檬茶系招牌no.1就揀呢杯，宜家周圍都有鴨屎香檸檬茶，話鴨屎香系茶葉既一種。我第一次試，個人覺得系一杯茶底較香既檸檬茶。

係手打檸檬茶fans，經常出街都會飲今次同朋友order左兩杯飲品，一向黎到都會點鴨屎香檸檬茶佢地既鴨屎香檸檬茶超好飲，檸檬味道除左濃好多之外，成杯茶味道都好清香好濃郁，夏天好消暑解渴，超級推薦鴨屎香檸檬茶朋友果杯開心果輕盈乳奶味都一樣濃郁，有陣陣開心果味道鐘意開心果都可以一試，我就最鐘意飲檸檬茶，黎緊都會推出好多新款飲品，大大杯都好抵飲有好幾間分店，揀一間方便自己既，係商場里面好方便，下次經過都會幫襯。

屋企樓下新開連鎖茶飲店唔洗專登返上大陸都飲到😍有鱷魚仔好得意呀🫶.🍽桃桃玫瑰檸檬茶入口有手打檸檬汁同甜香桃子味道，搭配淡淡玫瑰香氣，有一種春日感覺。P.S. 呢一杯本新已經有甜度，不建議額外加糖喔.🍽招牌手打檸檬茶手打新鮮檸檬，保留檸檬天然味道，酸爽刺激，好解渴，配料加左鴨屎香茶凍，滑捋捋有咬口✨✨✨✨✨✨✨✨✨✨✨✨✨✨✨✨✨檸季手打檸檬鮮果茶 (元點) (元朗)元朗朗樂路1號元點1樓B112號舖

.近呢一年最流行既飲品一定係鴨屎香檸檬茶！Yoho mix 都有間檸檬茶專門店 住附近既我緊係唔執輸 平時經過都會買返2杯黎解渴😋由元朗站C出口行1分鐘就到 好方便.今次就買左鴨屎香檸檬茶同山茶花手打檸檬茶2款都揀左微甜 解渴首選 山茶花檸檬茶都係第一次飲 飲落帶清香感 酸甜既檸檬茶夾帶花香 好特別鴨屎香檸檬茶應該係最多人揀既一款 有獨特既韻味 茶底醇厚 飲落會明顯較山茶花果款帶檸檬澀味 咁大杯飲落真係好滿足！夏日必備！.

估唔到內地既檸季今次殺到黎香港 ! 仲要係 yoho mix 度開左 , 熱愛鴨屎香檸檬茶既我一定要黎試試 , 果然冇令我失望既 !鴨屎香檸檬茶大名鼎鼎既鴨屎香檸檬茶 , 檸檬超新鮮, 茶底香濃 , 口感超級清爽 , 層次感豐富茉莉手打檸檬茶茉莉綠茶同香水檸檬既組合新鮮又好飲 , 酸酸甜甜 , 好抵飲另外包裝都超可愛 , 個杯飲完都唔捨得扔 , 另外睇到店員真係即叫即用手打方式製作檸檬茶 , 好犀利 ! 等候時間唔長 , 大大杯價錢又抵飲 , 唔洗番內地都可以飲到

今個春天熱到癲，行完街市成身汗，撞正檸季新出「水桶size檸檬茶」，即刻扑鎚買兩桶返公司！ 桃桃玫瑰檸茶第一啖飲落去——嘩！酸咪咪嘅檸檬，跟住係桃桃嘅甜同玫瑰花香🌹，成口好似開冷氣咁爽！最正係零澀味，飲完喉嚨有陣涼浸浸嘅回甘葡萄鴨屎香檸茶茶控必試！鴨屎香茶底濃到似飲緊凍頂烏龍，葡萄汁唔係藥水味，仲飲到粒粒果肉🍇。隱藏食法：先啜底層葡萄啫喱，再撈勻嚟飲，有種先食B仔涼粉再飲茶嘅過癮感～⚠️ 中伏提示：唔需要揀正常甜！本身果味已經夠濃～