橋香園雲南過橋小鍋米線

橋香園雲南過橋小鍋米線 (上環)香港上環永樂街79號地舖超好食，超好食，超好食! 小精靈又去到上環搵食，呢一間喺上環地鐵站嘅米線舖成日都經過，下午好多人，所以特登揀咗夜晚過嚟食。第一次入嚟，嗌咗四拼小鍋米線，叫咗魚皮餃，韭菜餃，生菜同埋老闆特別介紹嘅牛腱。嗌咗一個小麻辣嘅湯底，超級正，配埋酸菜同埋肉碎完全同其他大連鎖嘅米線距離拉遠好多，覺得真係好好食。老細同埋員工所有都好好人，無論生客熟客都好傾得埋，佢介紹韭菜餃嘅時候同隔籬嗰位姨姨講，”一睇你就知平時喺超級市場買急凍餃子，你試吓我哋自家製嘅餃子啦，一定係非同凡響。”都係偷聽到呢個對話我先至叫咗韭菜餃子，果然係覺得好正。魚皮餃都係普通質素，但係煮得唔錯唔會爛晒，生菜浸啲湯好好味。米線煮得啱啱好。超讚!!! 精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

今日想同大家分享一下我喺上環米線店橋香園✨ 之前已經試過幾次外賣，今次終於去食堂食，真係非常期待！我叫咗兩碗酸辣米線，第一碗係豬頸肉雞扒魚皮餃米線🍜呢碗米線嘅酸辣湯底好正，酸酸辣辣，特別提一提雞扒，佢係完整一大塊，肉質鮮嫩，眼見都好juicy，口感十足，搭配米線真係好味！魚皮餃都唔錯，外皮薄薄😎第二碗係豬扒雞翼韭菜餃米線🍜。豬扒真係好厚，咬落去肉質軟滑，味道夠入味✨。雞翼就唔需要多講，炸得香脆，咁樣配埋米線，簡直係人間美味！韭菜餃亦都幾好，咬開有陣陣韭菜香味，令整碗米線更加豐富🍽️整體嚟講，橋香園嘅酸辣米線真係好有水準👍 知論係湯底、配料定係米線本身，都表現得非常好✨。下次再返去試下其他嘅菜式！如果你鍾意酸辣味，絕對唔可以錯過呢間店！🍜…查看更多

最近同朋友經過上環，見到呢間米線決定試下，叫咗兩碗唔同配料嘅米線，兩碗都係小麻辣湯底，食完印象相當深刻。第一碗係牛腱配冬菇同蘿蔔。牛腱炆得夠腍，肉質入味唔鞋口，冬菇吸滿湯汁，香味濃郁，蘿蔔炆得透，入口即化，有淡淡甜味。整體配搭非常平衡，辣度適中，有麻香但唔搶味，湯底濃而唔膩。第二碗就係牛腱、金獎腩肉加豬大腸。腩肉每日新鮮熬製，肥瘦適中，入口即溶，唔會膩；豬大腸處理得乾淨冇異味，帶少少咬口，夠晒香；牛腱一樣出色，三款配料同湯底好夾，夠晒滿足。值得一提嘅係，成碗米線最出色係個湯底。純豬骨熬足十個鐘以上，唔落味精，有骨香、有厚度，配合店舖自家製辣椒油、麻辣底、酸菜，辣得有層次，而唔係單一死辣。酸菜同辣椒油都係自家製，細節位見誠意。…查看更多

今日同老公去上環整啲嘢之後要搵夜晚食，好想食米線，所以就嚟咗同事之前介紹嘅呢間湯底係自己煮所以飲落去特別唔一樣有好濃嘅豬骨味! 我哋一碗嗌咗小辣, 另一個嗌咗撈米粉~ 招牌酸辣湯底好香，有好多酸菜同肉碎！嗌咗腩肉，炆得好香！牛腱都好入味，我仲叫咗豬紅食落口感夠jelly~ 撈米線都幾特別，佢嘅肉醬特別多！而且我嗌咗油菜，一齊掛汁正！加左雞扒即煎的，好大件，必食呀！仲有叫咗豬潤，佢都幾多舊同埋洗得好乾淨冇怪味 #橋香園雲南過橋小鍋米線 #橋香園 #過橋小鍋米線 #米線 #牛肝菌 #腩肉 #豬大腸 #雞腎 #無錫骨 #香港美食 #香港探店 #香港米線 #中環美食 #上環美食 …查看更多

今日去上環睇話劇，順便食個快靚正嘅晚餐。金獎腩肉、豬紅、蘿蔔小窩米線腩肉肉質鮮嫩，油脂分布均勻，入口即化，帶著淡淡的豬肉香氣。豬紅滑嫩、蘿蔔清甜，米線的質地彈牙，吸附了湯底的精華，讓每一口都充滿了濃郁的豬骨湯味道，聽講湯底是每天用純豬骨熬製超過10小時，超級用心。無錫骨、爆汁牛肉餅、韭菜餃小窩米線無錫骨軟骨有Q彈口感，咬下去時那股肉汁瞬間迸發，爆汁牛肉餅有驚喜，有豐富的肉汁，韭菜餃散發著韭菜的清香。每碗小鍋米線都附送芽菜、韭菜、酸菜芫荽、蔥、肉碎、整體味道香醇濃郁，是有水準的雲南過橋米線。…查看更多

話說有次去上環一出地鐵站竟然見到呢間米線，回想起以前起中環返工成日食，好多回憶～所以今晚突登過黎食🤤老闆話佢地ge酸菜、辣椒油、麻辣湯底、均由店舖親自烹調而湯底係純豬骨湯，每日熬製10小時以上！我地嗌左三拼米線，我就最中意撈米線，因為醬汁同食材撈埋一齊好juicy ，而米線又吸收哂d精華，真係好食到不得了🤤🤤🤤叫左無錫骨～即係豬軟骨，軟骨炆得好夠稔好入味🩷而小鍋米線一定最出色係個湯底，香濃豬骨湯配咩辣都係咁夾🥰涼拌青瓜，非常爽脆，停唔到口～下次記得嗌埋佢地個招牌腩肉🥰🥰💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡三拼撈米線無錫骨、韭菜餃、紫菜熱檸水三拼小鍋米線豬大腸 豬皮 魚皮餃凍杏霜💛💛💛💛💛💛💛💛…查看更多

橋香園雲南過橋小鍋米線真係好正！😋 一入到去就聞到濃郁嘅豬骨湯香味，原來佢哋每日都用心熬製超過10個鐘，湯底夠晒鮮甜，飲落去好有層次感！🍲 我最鍾意佢哋嘅金獎腩肉，入口即溶，肥瘦適中，完全唔覺膩，真係食到停唔到口！🥩豬大腸都處理得好乾淨，冇腥味，彈牙又入味，配埋麻辣湯底，辣得夠勁又唔會搶味，食完成個人都暖晒！🌶️ 牛展同無錫骨都好有驚喜，牛展夠腍，無錫骨啖啖肉又唔會太硬，啱晒鍾意食豬軟骨嘅朋友！🐮米線滑溜唔會斷，吸晒湯底精華，每啖都好滿足！🍜 仲有送木耳青瓜，清新解膩，飲返杯凍檸茶或者凍奶茶，真係完美配搭！🍹 整體嚟講，呢間小店用料新鮮，味道出色，服務又親切，絕對值得再嚟！👍…查看更多

中環返開工，間唔事都會想食橋香園雲南米線，因為個湯底每日新鮮煲10個鐘好飲、親自烹調嘅酸菜好有咬口！每次都會叫金獎腩肉，每日新鮮熬製新鮮無冰鮮豬肉，肉地又夠淋，芫茜超多好香，加埋啖啖自家製酸菜酸酸甜甜好惹味！魚皮餃同蟹子丸好大粒，魚皮皮質有咬口爽！豬軟骨及魯水蛋好入味！一向食開都係外賣多，今次堂食比起之前舒服寬敞左好多，聽老闆講原來裝修過，舖內好光猛！同老闆傾多兩句，仲送左拍青瓜我食，係充滿人情味十足嘅餐廳！…查看更多

Three dishes rice vermicelli noodles 三拼小窩米線 $66餐廳嘅signature 三拼小窩米線性價比好高，裏面加咗餐廳招牌嘅金獎腩肉🍖、好受食客歡而味道濃郁嘅牛肋條🥩同埋時令清甜油菜，配埋香噴噴嘅芫荽、開胃嘅酸菜、爽口芽菜、韭菜等，再飲埋啖淡精心熬製嘅天然豬骨濃湯😋，真係好高質！Three dishes sweet potato vermicelli noodles 三拼紅薯粉 $66呢一款三拼紅薯粉裏面嘅配菜分別有流心又未到濃郁嘅芝士腸、浸滿湯底又健康嘅生菜🥬同埋補血嘅豬紅🩸，另外有大量爽口嘅芽菜、韭菜同埋肉碎做湯底，配埋口感彈牙又晶瑩剔透嘅紅薯粉，真係幾正，值得推介👍🏻…查看更多

第一次去上環呢間小店食米線。橋香園雲南過橋小鍋米線，呢間地點超方便，好容易搵，位於永樂街上環地鐵站A2出口，一分鐘都唔洗，過對面就係。我叫左金奬腩肉、雞翼、豬腸、魚皮鮫、蟹粉蟹子丸，清湯底，係純豬骨湯，每日熬製10小時或以上。另外佢加左D自制酸菜，好開胃好味，食物分量多，好足料。特別要一提的就係金奬腩肉，肉質鮮嫩淋身，原來每日新鮮熬製，所以特別好味。中式米線配腩肉，呢個就等於日式拉麵配日式叉燒。最主要係米線個面質好好味！我好快就食晒！飲品我叫左什果冰，好少米線店有什果冰飲，所以我即刻叫咗一杯，味道仲要係調較得好好，好飲！雖然呢間係一間米線小店，但係我覺得佢嘅質素，其實唔輸蝕過大型連鎖米線店。價錢又大眾化。店員服務態度都好好，有禮貌。呢間會係我喺上環首選嘅米線店。…查看更多

最近我去咗上環試咗碗米線，總體感覺係一般，唔係好啱我口味。
首先講下個湯底，佢係橙紅色嘅，對於重口味嘅我嚟講，佢係夠濃，但個味唔太夾。湯底係米線的靈魂，唔夾的話，就無咁好呀。🌟 米線 質地好得，唔太硬，唔太淋，高質的 配粒我揀左🌟牛肝菌 太少 得2-3 細條，但好好食 👍👍
🌟豬腩肉 太肥，食落去好膩🌟豬膶 切得太細，口感鞋🌟無錫骨 同樣都係鞋
下午茶時間去，餐廳送青瓜，野飲，正常發揮 
呢碗米線店地理好方便，上環地鐵站外邊，期待餐廳再提升配料水平，令米線控的我可以多啲選擇 💃💃💃…查看更多

橋香園係上環已經好耐 都算係老店，次次去食都係叫無錫骨小鍋米線。無錫骨，姐係豬軟骨，係勁入味 甜甜地，軟骨輕輕一咬就爛。米線份量同味道都掌握得好好。環境一般，但都算好坐，多人遇左要夾枱，不過佢地有樓上位，2-3 個人食 好少要夾枱。雖然好多人話服務差，但我食過咁多次，都無咩唔愉快經歷。呢間米線店算係返工 lunch 好選擇，又平，味道唔錯，又唔多味精。不過留意返 餐廳唔收八達通，其他網上支付 e.g. 支付寶，payme, WeChat 都收。…查看更多

我觉得好吃这么多年经常吃 尤其是我爱吃辣 感觉这家的特辣很过瘾缺点是老板喜欢站在门口抽烟 堂食的话店里很大烟味 很影响胃口。 希望老板可以走远点抽烟。服务生可以更上心一点 点了一碗米粉一杯奶茶 都上错了 - 粉上错成别人的，奶茶上错成柠茶。…查看更多

平時離開中環食嘢，$200都走唔甩，但作為米線嘅我，知道中環有間叫橋香園，米線好食，而且價錢有親民，兩個人二百蚊一定有找，天氣凍凍地，今晚就叫咗兩碗三餸小鍋米線💛我自己叫咗個王牌腩肉、雞翼、金菇中辣小窩米線，不得不讚佢個湯底好濃郁，係豬骨湯底，而且仲係舖頭自己烹調，而且辣度唔算好辣，酸菜都好爽口又高質，腩肉切到好薄身，啲肉索晒啲湯嘅精華，鹹鹹香香好惹味😍另外仲叫咗碗無錫骨、雞翼、生菜小辣小窩米線，無錫骨係豬軟骨，煮到好腍身，而且好入味，食落有少少入口即溶嘅感覺，另外雞翼亦都煮到好入味，骨肉分離，另外生菜都好爽口，而且好足料，食到勁滿足🧡飲品方面叫咗杯烏龍茶同埋樽裝奶奶茶，奶茶茶底都幾香，幾好飲😄餐廳唔算話好大，但係座位整體都有空間，而且乾淨企理，平時外賣都唔錯，抵食又滋味❤️…查看更多

兩餸米線加凍飲（$61）湯底夠味足料，酸菜、韮菜、芽菜、肉碎份量都多，但唔算特別好味，枱面既辣椒油都唔夠辣。米線煮得幾好，唔會過淋夠爽口，叫左兩個餸，爆汁牛肉餅係值得推介既，所謂牛肉餅其實係牛丸整扁左，更易咬，同埋好juicy。另一個韮菜餃係佢地自己包，雖然夠韮菜味，但內餡太少，個餃子皮又偏厚，味道麻麻。凍奶茶就一般，茶多奶太少。…查看更多