6
0
0
營業時間
星期一至日
08:30 - 16:00
17:30 - 22:00
公眾假期
全日休息
付款方式
Visa 現金 八達通
其他資料
電話訂座
加一服務費
以上資料只供參考, 請與餐廳確認詳情
食評 (8)
等級4 2019-11-10
1526 瀏覽
這間中菜廳就在我家附近,由於環境舒適,價錢合理,已經是我們經常會到的飯堂。本來是逢星期六休息的,今個月開始更是一星期開足七天。原本我們多是中午茶市去光顧的,但近來發現他們的晚市多了好些選擇,百搭自選超值套餐可以在主菜上3選1,另外可以在48款小菜上選兩款,送埋甜品平日都是$218,價錢合理。今次是近來第二次去食這個套餐,上次試過咖哩牛腩,今次就試美極葱油雞半隻。雖然是半隻,但碟頭倒不小,三個人食,每人總有六、七件之多,而且雞肉尚算嫩滑,味道也適中。小菜選了時菜炒牛肉,近來豬肉牛肉不比海鮮便宜,但這個菜的牛肉份量真的不少,而且火喉剛好,不柴不韌,菜心也很腍甜,還有磨菇、甘筍片及薑片一起炒。另外一個小菜我們就要了咕嚕魚塊,用青紅椒、菠蘿、洋葱及酸甜汁炒成,魚塊啖啖肉,味道不錯,夠開胃。最後,奉送的甜品是綠豆沙,真的煲得起沙,認真之作,三個人埋單都是二佰多元,食得開心舒服。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-11
880 瀏覽
今天,去了這間酒樓一試我們叫了叉燒包、鹹魚雞粒炒飯、腸粉及蘿蔔糕,味道不錯,盛為$160,價格合理。個人最欣賞嘅係叉燒包環境不錯,來這邊幫襯的大多是這邊嘅大學生及老師,還有在附近一帶工作嘅人,望出窗外,能夠見到翠綠的樹木,真是很好呢! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-08-26
3512 瀏覽
早幾晚跟大隊去恒管中菜廳"樂雅軒"訪尋美食,嗰度地方濶落,裝修雅緻,如果日頭坐近窗邊,仲可以望到外面,幾悠閒㗎!講番正題…美食! 先嚟個皇牌"宮廷脆豆腐'',豆腐外殼炸得脆脆唔油膩,但豆腐心就保持嫩滑,唔易㗎!食完熱氣嘢,梗係嚟個冬瓜盅解吓暑啦,嘩,一打開蓋,聞到陣陣冬瓜清香, 仲見海鮮舖滿頂,人人都食到有幾碗,大讚!海鮮唔好俾佢停,即上龍蝦伊麵,味鮮啖啖肉,連話減肥嗰個都食咗3碗! 去過台南嘅朋友,一定聽過紅蟳米糕,食過亦會念念不忘,依家唔使飛咁遠,呢度都食到,肥美爆香嘅膏蟹舖係糯米上面再蒸,蟹汁滲透落糯米裏面,唔,嗰種鮮味唔使講啦!另外老板推介豉油雞,雞肉好滑嫩,仲食到陣陣酒香味添!今餐好豐富呀,聽日一定要跑吓步啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-12
2472 瀏覽
一家大細有老人家揾間坐得舒服啲嘅地方食團年飯, 過時過節都好難book到地方,朋友介紹到沙田小瀝源恆生管理學院嘅中菜廳, 對面嗰啲村屋有錶位可以泊車,呢度冇限食嘢嘅時段,唔使趕住走。等人嘅時候阿女嗌肚餓叫咗個脆炸豆腐, 公公婆婆都爭住食。先上熱辣辣嘅菜遠炒牛肉,牛肉淋菜心嫩, 師傅手勢唔錯表弟鍾意椒鹽炸鮮魷, 一上枱個個爭住食, 美味可口!公公點咗士多啤梨一字排, 酸酸甜甜佢最鍾意店員介紹炸海鮮卷,雖然得六塊, 大大條兩個人share都夠。阿女點咗個家鄉煎蓮藕餅,好香口,師傅可能來自順德,呢個菜整得唔錯,好好食跟住係妹夫最鍾意嘅發財南乳豬手, 炆得好林好入味!個沙薑雞熱辣辣上,可惜畀婆婆發現隻雞斬完再蒸返熱,有啲韌,冇乜雞味最後先上清蒸海斑,食慣海鮮嘅公公發現呢條魚蒸熟後廚師冇放上熱熟油,只係得蔥白絲同埋得個甜字嘅豉油,確實有啲失敗,嘥咗條咁新鮮嘅魚桂花糕應該係用咗大菜糕去整,爽口。個蛋散可能炸好之後受潮,咬落去唔脆,韌咗。好彩最後餐廳送上果皮紅豆沙,煲得唔錯,呢個師傅有料到 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-07
1902 瀏覽
沙田小瀝源恆生管理學院入面有一間酒樓,我阿媽食過之後不斷推介我,所以今日放假就同佢去試下啦!餐廳不大但很開揚,因為有一邊窗可以望到出面翠綠的樹木,眼睛感覺放鬆了不少。食物味道也不錯,價錢亦很街方價,下次可以試試晩飯。 繼續閱讀
(以上食評乃用戶個人意見 , 並不代表OpenRice之觀點。)