87
28
3
餐廳: 樂農
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
餐廳: 樂農
資訊:

社企滋味 feel so good!

Click 入 選擇喜愛的社企餐廳。

如欲了解更多關於社企的資料,可瀏覽此網址

港鐵灣仔站 B1 出口, 步行約4分鐘 繼續閱讀
所有分店 (2)
電話號碼
25293338
開飯介紹
素食社企餐廳,會聘請年長及聽障人仕。食物方面則堅持少鹽、少糖、少油、無味精及無加工食材五大原則。 繼續閱讀
營業時間
今日營業
11:30-14:30
18:30-21:30
星期一至六
11:30-14:30
18:30-21:30
付款方式
Visa Master 現金 銀聯
座位數目
100
其他資料
Wi-Fi
無障礙設施 詳細介紹
加一服務費
素食
食評 (120)
等級4 2017-07-09
3014 瀏覽
上網無意之中看見灣仔開了一間素食餐廳,以推廣健康飲食,堅持"少油、少鹽、少糖、無添加味精、無製成食材"為原則,於是決定來朝聖一下。餐廳位於灣仔修頓球場對面的一座商業大廈樓上,乘電梯上一樓,一出電梯便看見六款餸菜放在小枱上供客人選擇,先在點菜紙圈出三款餸菜,然後到收銀處付款,自行取餐後找個座位就可以開餐了。餐廳午市供應三款餸菜,跟是日例湯,糙米飯免費添加,包咖啡或茶,$48價錢非常合理。可以加$5要甜品,還有特飲另外收費。而我點了沙葛雲耳炒雜菌,南乳炆齋,菇絲蒸水蛋,糙米飯,南瓜雜豆湯,加$5芝麻糕,飲熱紅棗蜂蜜。新鮮菇絲蒸水蛋,水蛋不算滑,味道偏淡,不過不失,未算特別突出。南乳炆齋調味得宜,冬菇豆腐卜南乳味道夠入味,雲耳粉葛新鮮爽口,不錯。我最欣賞這份沙葛雲耳炒雜菌,所有素菜新鮮爽口,最喜歡淮山餅,脆口又入味,推介!餸菜份量也算多,還有一大碗糙米飯,絕對是飽肚之選。是日例湯有南瓜雜豆湯,香濃的南瓜味道,沒有偷工減料,不錯。這杯熱紅棗蜂蜜亦是不錯的選擇,微甜的蜂蜜,若果紅棗份量多一點會更好。至於甜品芝麻糕,芝麻味濃,又不太甜,比我想像中好味,$5絕對抵食。呢分店部份店員是弱聽人士,但他們工作效率亦非常高,安排座位和執檯速度又夠快,值得一讚! 繼續閱讀
(以上食評乃用戶個人意見 , 並不代表OpenRice之觀點。)
香口食物顯功架 焦點食評
等級4 2017-06-29
2174 瀏覽
一直都有聽朋友講過呢間餐廳,但試都係第一次咋,支持社企!就咁睇住個menu,每一樣item都唔平、,要七八十蚊,點知我同朋友叫左四個菜就多到成枱都係,絕對可以餵飽六個人。淨係一碗麵已經可以夠兩個人食啦!喇沙米粉好大碗,非常之香,配料足夠,有好多芽菜同豆卜。但味道都幾令人失望,但因湯頭偏淡,飲落完全唔似喇沙,只可以話係一個有少少黃色既同有顔色既湯。好彩都有驚喜,個素叉燒非常juicy,甜甜地、係成個喇沙米粉既精髓。全晚最好食就係佢啦-登登登登~錦滷雲吞!唔止一枱有叫,我發覺有好多枱都有叫、證明係鋪頭比較出名既名菜。其實發覺除左錦滷雲吞之外,其他煎炸野都多人叫,樂農應該係香口野比較出名。成個麵盤咁大既錦滷雲吞汁,紅當當既汁入面充滿左各式各樣既料-雲耳、冬菇同番茄等等。個雲吞目測有15塊以上,質地唔太薄、點落汁度都唔會淋曬。呢個硬度仲可以將汁同餡料一次過擺曬上舊雲吞度,放入口可以食曬咁多野,荀呀!酸味同甜味平衡得好好,唔會酸到反胃,食極都仲想食落去,結果兩個人只食淨兩舊仔。魚香茄子粉皮對我黎講唔係好夾,魚香茄子隻味同喇沙米粉一樣,都係非常之淡。勝在炒皮唔會溶埋一舊舊;茄子亦都係一樣,份量好多又唔會煮到淋曬、有咬口,可惜唔夠味。會唔會係因為無用咸魚去煮所以唔夠味呢?不過我相信應該係唔關事,因為素食都可以有好多唔同又好味既調味料。好似素蠔油咁,如果加左落去整一定色香味都有整啦。最後係個芋頭南瓜焗飯,芋頭係切丁、而且係似半生狀態,但唔代表係唔好事。因為太淋既芋頭好容易令人覺得油膩,加埋南瓜會膩上加膩…另外個飯唔係炒飯底但都好香,做得到飯粒粒粒分明。不過,在於我黎講都係比較淡口,如果可以再加多少少椰香味就perfect 啦。奇蹟地,因為所有菜式份量都太多,於是我留起左帶飯。翻叮左之後居然好食好多!飯粒更乾水、醬汁更香濃,唔通隔左夜更好食?!! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-03
223 瀏覽
地點係樓上鋪,不過都好方便找到。店內都好多坐位,晚上人就不算多, 不用等位。椒鹽脆豆腐:外表炸到脆卜卜,內裡軟林林,質感不錯。但放涼了就不好吃,表皮有點乾,要趁熱食,或是多沾醬吃。喇沙米粉:有點點辣,豆卜吸了喇沙汁,好吃。米粉和配菜的份量多。糖醋脆片:是把一粒冬菇切成一條,再沾粉炸的。菇的質感不錯,酸甜醋味好開胃,減了油炸的感覺。平日晚飯不錯的選擇,口味中式,又不似茶餐廳酒樓般人多或趕客。素食都健康易入口。 繼續閱讀
(以上食評乃用戶個人意見 , 並不代表OpenRice之觀點。)
素食3餸飯跟湯 $48 😋: 7/10芝麻糕 +$5 😋:8/10.dor #greenmonday 既飯堂 原來一路都唔記得介紹佢 呢間#樂農 係一間社企 員工多數係聾啞人士 午市做3餸飯 menu日日都唔同 有6款餸揀3款 少鹽少油但都幾好味架 最最最好味就係佢個#芝麻糕 間唔中都特登黎外賣一打返公司/屋企食 好香濃既芝麻味 唔算好甜 好好味😋 有時唔係green monday都會黎食 又好味又支持下社企 晚市係食小菜 IG有介紹過 其中炸芋餅好好飲架 間唔中午市都會見到 不過唔係成日有要睇下好唔好彩 繼續閱讀
(以上食評乃用戶個人意見 , 並不代表OpenRice之觀點。)
等級3 2017-07-28
950 瀏覽
要評一間餐廳好定唔好、我多數分三大要素、一是食物質素、二是環境、三是服務態度、今次我去的樂農、論食物質素是不錯的但不會令我有太大驚喜、論環境亦只是一間普通餐廳格局、但論員工的服務、真是令我印象深刻、餐廳內大多數是聽障人士、他們的服務的細心使我敬佩、我在餐廳內打了一個乞嗤、竟然不用3秒有一位員工係我遞出嘅紙巾、這樣的細心我想在其他餐廳很難體驗得到、應該是員工自己亦十分享受身為服務業的工作、有時候這一種細心亦是令客人再次光顧的理由。 繼續閱讀
(以上食評乃用戶個人意見 , 並不代表OpenRice之觀點。)