樂聚廊

樂聚廊

樂聚廊
餐廳:
樂聚廊
優惠:
國泰會員憑「國泰 - 亞洲萬里通」應用程式內會員二維碼,賺高達HKD4 = 2里。受有關條款約束。
條款及細則:
  • 國泰會員於指定夥伴餐廳用膳,付款時須出示「國泰 - 亞洲萬里通」應用程式內的會員二維碼,方可賺取「亞洲萬里通」里數。
  • 國泰會員每次可賺取「亞洲萬里通」里數之消費額上限為港幣10,000元。
  • 會員於國泰夥伴餐廳作合資格消費,每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數,包括合作夥伴餐廳合資格消費之餐膳里賞(每港幣4元賺取1里數)及基本餐飲類別之合資格簽賬獎賞(每港幣4元賺取1里數)。
  • 賺取之「亞洲萬里通」里數將根據餐飲與膳食消費,包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後10個工作天內存入會員的賬戶。
須受其他國泰條款及細則約束。
Lobby Lounge
樂聚廊
160
44
19
6K
車媽媽
再戰開心果@Lobby Lounge
車媽媽
等級4
2025-04-12
2K 瀏覽
關注
開心果熱潮仍然高企市面亦爭相推出超多開心果產品,對於好此物的我來說也樂此不疲,這天又跟好友去品嚐新出的開心果主題Afternoon Tea。春光明媚的下午來到Conrad Hong Kong內的Lobby Lounge,跟好友細味悠閒的下午茶一樂也。Lobby Lounge今期推出開心果之魅下午茶!以三鹹四甜點加上英式鬆餅組合而成,放在玻璃大碟上賣相好清爽是春天的節奏。下午茶除可選咖啡或茶外也可選特飲Pistachio Fizz馥香開心果!用上無酒精氈酒、雲呢拿糖漿、青瓜、薄荷、檸檬及茉莉花茶調成,於翠綠的特飲上灑下玄米來增添香氣,味道非常清爽而且不過甜超解渴。享用過清爽特飲是時候品嚐充斥開心果美味下午茶點。先來品嚐三款鹹點分別是開心果白朱古力鴨肝醬、開心果意式肉腸千層及開心果脆脆龍蝦卷。開心果意式肉腸千層用上金菜頭薄片層層叠成,內裏夾雜了意式肉腸和開心果碎,吃下口感豐富之餘味道清爽。開心果脆脆龍蝦卷以青瓜包裹著鮮味龍蝦,兩端還沾滿香脆的開心果碎,集爽脆彈於一身愛嚐鮮的我表示十分滿意。開心果白朱古力鴨肝醬賣相如甜點般可愛!白朱古力外層包裹著醇香細滑的鴨肝醬,以綿綿的質感按摩味蕾很刺激食慾。四款甜點分別是開心果造型的開心果100%蛋糕、開心果杏桃骰仔、開心果櫻桃脆筒及開心果士多啤梨意式奶凍,每款也造型精巧非常吸睛。英式鬆餅每人也得到原味及提子鬆餅各一件,外層焗得金黃香脆內裏則鬆化可口,除了自家製士多啤梨果醬及Clotted Cream外,更特意配上充滿堅果香氣的開心果Clotted Cream味道更加獨特。開心果櫻桃脆筒內是滿滿的開心果忌廉及車厘子醬,綴以車厘子啫喱樣子太可愛了吧!滑溜開心果忌廉味道挺香,吃著還有酸微微的車厘子醬令整體味道更富層。開心果杏桃骰仔外型嬌小玲瓏,內裏是開心果脆脆和杏桃慕絲及海綿蛋糕,酸酸甜甜的味道挺迷人。開心果士多啤梨意式奶凍上層是香濃的開心果忌廉,底層則是酸甜有致的士多啤梨奶凍,奶香堅果味也平衡得宜香甜味美。開心果造型的開心果100% 蛋糕實在太吸睛了!白朱古力開心果外殼包裹著海綿蛋糕及開心果脆脆,看著吃著也是滿滿開心果的滋味超正的甜點。這個下午茶的亮點絕對是附送的杜拜開心果朱古力禮盒,某大酒店這一盒朱古力索價三佰多元!這個下午茶免費奉送足足200g的杜拜開心果朱古力,性價比有多高已經不用多說。最重要的是這個杜拜開心果朱古力真的非常好吃,醇香不甜的黑朱古力來盡是酥脆的開心果酥絲餡,配搭鹹甜鹹甜的味道真的非常誘人超級好吃。開心果之魅下午茶星期一至五收費為$688/2位、$358/位,星期六、日及公眾假期$698/2位、$368/位,於酒店網上商店尊享八五折優惠。查看更多
+ 17
以上食評乃用戶個人意見 , 並不代表OpenRice之觀點。
3
分享
檢舉
評分
5
味道
5
環境
5
服務
5
衛生
5
抵食
Yiheidi
薄荷朱古力下午茶
Yiheidi
等級3
2025-09-14
186 瀏覽
關注
朋友同我都係薄朱控,緊係要去試吓Conrad 推出的薄荷朱古力afternoon tea啦⋯⋯ 適逢朋友生日酒店安排埋生日牌好貼心啊🩷這個tea set 以薄荷作點綴,製成一糸列甜點和鹹點首先食左兩個鬆化scone ,分別有提子同朱古力味配上clotted cream 同朱古力醬帶有少少薄荷味鹹點有三種:🔸忌廉芝士青瓜薄荷啫喱卷- 青瓜包住cream cheese ,鹹鹹哋又有青瓜清新感🔸薄荷鮮蝦撻配椰子菠蘿莎莎- 鬆脆撻底包住碎🦐加埋粒粒菠蘿挺特別🔸三文魚醬三文治- 滿滿三文魚醬夾住麵包但就有少少鹹甜點有四種🔸薄荷朱古力慕絲蛋糕- 朱古力蛋糕唔太甜加埋薄朱花上面賣相精緻🔸薄荷朱古力脆筒- 好似mini 雪糕筒,內裏有薄苘cream 加埋少少朱古力好似食緊雪糕🔸薄荷士多啤梨泡芙- 新鮮士多啤梨切碎沾上薄荷cream,可惜泡芺有少少軟身🔸薄荷朱古力奶凍- 我最愛嘅甜點,口感幼滑重薄朱同牛奶味正呀Drinks 飲品可𨘻咖啡外,茶類係TWG仲有薄荷茶選擇每套tea set仲有一盒薄荷朱古力送番比你☺️ 忍唔住即場試左,係黑朱古力包住脆脆朱古力碎帶點薄荷味。薄朱迷一定鍾意❤️查看更多
以上食評乃用戶個人意見 , 並不代表OpenRice之觀點。
讚好
分享
檢舉
評分
4
味道
4
環境
4
服務
4
衛生
4
抵食
美食焚化爐
輕歌美饌的宵夜
美食焚化爐
等級4
2025-08-20
516 瀏覽
關注
好耐都食宵夜了,小時候最愛跟老爸在街頭吃宵夜,那種情懷是一生最美好的回憶之一。只可惜近年經大力整頓,香港昔日街頭巷尾的車仔檔是蕩然無存,加上政府只一味推諉,想重現往日光景,幾乎是沒可能的事。其實政府常說要緊靠大灣區,遠的不說,單是深圳已經有水圍夜市,中山的露天車仔檔,每晚九時便會有人清場,逾百部熟食車井井有條的在街上擺賣,熱鬧到似去了年宵市場,個人覺得只要好好監管,重視往日上環大笪地的風光不是問題,更可以吸引外國遊客,對嗎?不過要找,總是有地方的,位於金鐘地鐵站上邊的香港港麗酒店的樂聚廊,近日又有名為「饗•樂之夜」的宵夜自助餐提供。今次就係同囝囝去,延續同父親一起共聚的時光。現場有live band,演唱的都是耳熟能詳的經典中西流行曲,講真,回憶返晒。食物種類與正常的自助餐只有少許出入,但價錢就平了一截。P.S : 供應日期及時間: 2025 年6月6日起,逢星期五及六 (公眾假期除外) 晚上8時至 11 時價錢: 成人港幣$388; 小童 (6-12 歲) 港幣$258  (所有價目另設加一服務費)中東傳統烤雞沙威瑪雞肉烤得好看,碎切更是有層次感,好少係自助餐見到,不過最好同朋友分享,因為一件都好易飽肚。 湯麵類麵類當然就好啱我,湯底有清雞湯、馬來西亞喇沙湯及魚湯,配料有齊水餃、雲吞、龍蝦丸、魚片、魚蛋及豆卜等等,都好豐富。 點心酒店本身有金葉庭中菜廳,點心不假外求,最欣賞餐廳每款點心都是位上,每籠一粒,好多時如果係一大籠放係度,好易比人摷到散晒。四款口味分別是蝦餃、燒賣、南瓜素餃及牛肉球,都在水準以內。 熱葷質素好好,所以都有好多款比人圍攻。印度雞肉咖喱雞肉一點都不覺老,咖喱香而不太辣,我鍾意。 肉鬆四季豆當然不是乾煸,但都炒得好入味。 乾燒伊麵都幾乾身,但有些少咸,早排近生日,一於當生日長壽麵食。 揚州炒飯油份不多,炒得好乾身,蝦仁同叉燒粒大隻又多,但蔥花只簡單的灑上面,我自己炒會加埋一齊兜,逼出香氣。 南乳炆豬手炆得啱啱好,皮位有嚼口,最啱撈麵。 中式蒸魚用上了海鱸球,啖啖肉又蒸得恰到好處,吃了不少。泰式煎魚是另一種風味,魚肉好乾身,煎至微焦,所以有嚼口。 其他仲有燒豬脾骨、豉椒炒蜆、避風塘炒蝦、素菜春卷、蔬菜咖喱角及泰式魚餅。 什錦壽司,都係十款八款,作為宵夜,夠啦! 另外仲有泡菜豆腐、泰式青木瓜豬頸肉沙律及香檳蝦雞尾酒。 甜品提一提大家,Movenpick雪糕係要同侍應講先有,因為現場係無雪櫃,問過侍應,有雲呢拿、朱古力、士多啤梨及咖啡四款口味。 金葉庭木瓜雪耳糖水講真,又真係幾好喎,不太甜之餘,仲要好足料,雪耳亦都好稔身。 金葉庭楊枝甘露押得上中菜廳的,自然有信心,西米夠稔,芒果肉勁多,正過坊間好多甜品店。 豆腐花雖然未夠大埔名物出色,但已經不錯。 中式甜品仲有合桃酥及笑口棗,都是中菜廳出品。 西式甜品我覺得芒果慕絲好甜滑,而荔枝紅桑子玫瑰蛋糕有種芳香馥郁的感覺。 其他的水果果凍、芝士蛋糕、麵包布丁及水果盤,都有不少捧場客。 最可惜係飲品只得一杯,就算有開水供應,有時都想飲多兩杯其他飲品,有點美中不足。查看更多
+ 26
以上食評乃用戶個人意見 , 並不代表OpenRice之觀點。
讚好
分享
檢舉
評分
4
味道
4
環境
4
服務
4
衛生
4
抵食
FoodPraiser
Mint Chocolate Afternoon Tea Indulgence 🍫
FoodPraiser
等級4
2025-08-06
650 瀏覽
關注
// 𝙈𝙞𝙣𝙩 𝘾𝙝𝙤𝙘𝙤𝙡𝙖𝙩𝙚 𝘼𝙛𝙩𝙚𝙧𝙣𝙤𝙤𝙣 𝙏𝙚𝙖 𝙄𝙣𝙙𝙪𝙡𝙜𝙚𝙣𝙘𝙚 - 𝘾𝙤𝙣𝙧𝙖𝙙 𝙃𝙤𝙣𝙜 𝙆𝙤𝙣𝙜 🍫 //-Indulge your summer afternoon at 𝐂𝐨𝐧𝐫𝐚𝐝 𝐇𝐨𝐧𝐠 𝐊𝐨𝐧𝐠’𝐬 𝐋𝐨𝐛𝐛𝐲 𝐋𝐨𝐮𝐧𝐠𝐞 with their newly launched Summer Mint-Choco Bliss Afternoon Tea, an exquisite set highlighting an array of irresistible delicacies blending mint and chocolate, a true symphony of refreshing minty notes and velvety chocolate for “mint choco addicts.”-☞ 𝐒𝐮𝐦𝐦𝐞𝐫 𝐌𝐢𝐧𝐭-𝐂𝐡𝐨𝐜𝐨 𝐁𝐥𝐢𝐬𝐬 𝐀𝐟𝐭𝐞𝐫𝐧𝐨𝐨𝐧 𝐓𝐞𝐚 - 𝐇𝐊$𝟔𝟗𝟖 𝐅𝐨𝐫 𝐓𝐰𝐨Starting with a hot cup of Fresh Mint Tea, the savory bites highlight Mint Salmon Rillettes Sandwich, Mint and Cajun Marinated Prawn Tartlet with Coconut Pineapple Salsa, Cucumber and Cream Cheese Roulade, and Mint Tea Jelly.-Sweet treats include Mint Chocolate Petit Gâteau, Mint and Strawberry Cream Éclair, Mint Chocolate Chip Cone, Mint Chocolate Panna Cotta, as well as Chocolate and Raisin Scones with Housemade Mint Clotted Cream and Chocolate Spread.-The newly launched afternoon tea also comes with a complimentary box of Dark Mint Chocolate Bar (190g) for diners to take home and enjoy with a glass of Bordeaux wine.-📍 𝐋𝐨𝐛𝐛𝐲 𝐋𝐨𝐮𝐧𝐠𝐞 𝐚𝐭 𝐂𝐨𝐧𝐫𝐚𝐝 𝐇𝐨𝐧𝐠 𝐊𝐨𝐧𝐠Lower Lobby Floor, Conrad Hong Kong, Pacific Place, 88 Queensway, Hong Kong.-ʙs-ᴘᴊ-ʀᴘ-ᴡs-sᴄɴ查看更多
+ 1
以上食評乃用戶個人意見 , 並不代表OpenRice之觀點。
讚好
分享
檢舉
評分
5
味道
5
環境
5
服務
5
衛生
5
抵食
JannisT
夏日涼感。薄荷朱古力下午茶
JannisT
等級4
2025-07-29
678 瀏覽
關注
薄荷朱古力令人又愛又恨, 碰上Conrad Hong Kong Lobby Lounge最近推出相關下午茶, 立即相約去吃~  三款咸點、四款甜點, 再加鬆餅, 份量對女生來說剛剛好.捨棄三層架, 方便拍照.  每款美食都能360度清晰看到.  咸點之中, 先吃忌廉芝士青瓜卷配薄荷茶啫喱, 清新的青瓜片包著濃郁的香滑芝士, 配搭挺好~薄荷鮮蝦撻配子椰子菠蘿莎莎, 有齊我喜歡的食材, 這個配搭極富東南亞風味~ 竹炭撻皮也夠脆. 薄荷三文魚醬三文治, 有雙色三文魚籽做點綴, 賣相是有小心思的, 餡料也夠多, 然而麵包有少少硬.甜點之中, 建議先吃法式薄荷士多啤梨泡芙.  薄荷味剛剛好, 最緊要是閃電泡芙的軟硬度及脆度掌握得好好. 前陣子我是很想吃薄荷朱古力雪糕, 這款薄荷朱古力脆筒賣相就像個mini 版~ 薄荷味不假, 影相又好看. 薄荷朱古力慕絲蛋糕是在眾多甜品之中較濃味的. 醇厚朱古力與絲滑慕絲, 很match! 吃完再喝一口咖啡, 仲正~ 薄荷朱古力奶凍, 太甜…若果是黑朱古力的, 味道會較好.  碟中的 ‘鳥巢’ 有 ‘鳥蛋’, 是薄荷糖啦~ 下午茶必備的鬆餅當然也有啦~ 原味鬆餅及提子鬆餅配薄荷奶油忌廉及朱古力醬.  鬆餅質地中規中矩, 不會一咬即散.下午茶包兩杯飲品. 可選咖啡或茶.   TWG 茶選擇很多, 例如Grand Wedding Tea, Number 12 Tea.  我選了 Lavazza 咖啡, 朋友則選新鮮薄荷茶, 這樣配搭就很薄荷了~凡惠顧二人下午茶可獲贈薄荷脆脆黑朱古力乙盒(190克) 到訪當日, 幾乎80%滿座~ 查看更多
+ 12
以上食評乃用戶個人意見 , 並不代表OpenRice之觀點。
1
分享
檢舉
評分
4
味道
5
環境
5
服務
5
衛生
4
抵食
推介美食
薄荷朱古力下午茶
heimen
【港麗酒店樂聚廊「仲夏薄荷朱古力之夢」】薄荷控嘅夢幻天堂🍃✨
heimen
等級4
2025-07-26
538 瀏覽
關注
【港麗酒店樂聚廊「仲夏薄荷朱古力之夢」】薄荷控嘅夢幻天堂🍃✨今個夏天,香港港麗酒店樂聚廊推出全港首個以「薄荷朱古力」為主題嘅下午茶🎊「仲夏薄荷朱古力之夢」🤟🏻身為薄荷朱古力迷,當然第一時間衝去試,果然冇令我失望!由精緻甜點到創意鹹點,每道菜都充滿驚喜,仲可以免費拎走一盒薄荷脆脆黑朱古力禮盒🎁真係超級抵食😆.薄荷脆脆黑朱古力禮盒(免費贈送!)🍫💚呢盒朱古力絕對係成個下午茶嘅MVP🥇 由酒店糕餅主廚Ason親手打造,選用比利時黑朱古力混合清新薄荷醬,再加入炸中東酥皮絲增添脆脆口感。一啖咬落去,朱古力嘅濃郁同薄荷嘅清涼完美碰撞💥仲有脆脆層次,真係上癮到停唔到口!190克嘅厚身禮盒精緻度高,包裝仲好IGable📸鹹點🍴薄荷三文魚醬三文治🥪三文魚醬香滑豐腴,mix埋薄荷後味道即刻提升,多咗份清香。上面仲灑咗啲三文魚籽,咬落去爆汁💦魚油香氣同薄荷嘅清新出奇地夾,鹹香得嚟唔油膩!忌廉芝士青瓜卷配薄荷茶啫喱🥒呢款真係清新到爆炸!青瓜卷住微鹹嘅忌廉芝士,質感Creamy得嚟帶啲爽脆。最正係上面嘅薄荷茶啫喱,微微嘅茶香同薄荷涼意,食完成個口腔都fresh哂!薄荷鮮蝦撻配椰子菠蘿莎莎🦐蝦肉用Cajun同薄荷調味後輕烤,香辣中帶清涼,好獨特!撻底酥脆,仲有椰子菠蘿莎莎做topping,酸甜熱帶風情🌴一啖食落去,味道層次豐富到不得了!甜點🍴薄荷朱古力慕絲蛋糕🍰呢款蛋糕嘅賣相已經贏晒!黑朱古力鏡面平滑到反光✨上面仲有薄荷綠圖案裝飾,精緻到唔捨得食~切開之後,裏面係綿密嘅薄荷朱古力慕絲夾雜朱古力碎,口感層次豐富。慕絲甜度剛好,薄荷香氣清新得嚟唔會搶咗朱古力嘅濃郁,食完一啲都唔膩,推介!法式薄荷士多啤梨泡芙🍓泡芙外皮酥脆,入面係幼滑士多啤梨果醬同薄荷忌廉,酸甜交融得剛剛好。清新嘅果香同薄荷微微嘅涼意好夾,食落好light,夏天食真係一流!薄荷朱古力脆筒🍦外型似迷你雪糕筒,好得意!脆筒入面塞滿薄荷忌廉、薄荷朱古力脆脆同朱古力碎,一啖咬落去先係脆皮嘅香,再係忌廉嘅軟滑,最後係脆脆嘅驚喜感,層次超豐富!口感夠晒多變,好似食緊高級版嘅薄荷朱古力雪糕咁~薄荷朱古力奶凍🍮滑不留口嘅奶凍!質感如絲絨般柔軟,入口即化,牛奶香氣濃厚,薄荷味則輕輕襯托,唔會太搶。整體味道清爽得嚟帶微微甜,食完喉嚨仲有陣涼涼嘅感覺,好適合夏天消暑❄️!經典英式鬆餅🥧(附薄荷奶油忌廉&朱古力醬)鬆餅係下午茶嘅靈魂!港麗嘅鬆餅外層金黃香脆,內裡鬆軟,仲有提子乾增加口感。最特別係佢哋特製嘅薄荷奶油忌廉🍃香滑中帶薄荷清香,而朱古力醬濃郁得嚟唔會死甜,兩者配搭鬆餅簡直無敵!新鮮薄荷茶☕️(解膩神器)食咗咁多甜點,飲啖新鮮薄荷茶真係即刻refresh🌿 薄荷香氣天然清新,飲落喉嚨涼浸浸,超解膩!如果想再chill啲,可以加錢upgrade做香檳🍾,微醺午後更加享受~💯 整體評價:9/10!薄荷控必試!呢個下午茶無論係視覺定味覺都超有驚喜,每道菜都心思十足,薄荷同朱古力嘅平衡做得好好,完全冇藥水味!鹹點同樣出色,清新得嚟唔會單調🎉薄荷朱古力迷快啲BOOK枱試吓啦⭐📍 樂聚廊地址: 香港金鐘道88號太古廣場港麗酒店大堂📞 訂座: (852) 2822 8891⏰ 時間: 3:00-5:30pm#薄荷朱古力之夢 #港麗下午茶 #香港美食 #hightea推薦 🍫💚查看更多
+ 8
以上食評乃用戶個人意見 , 並不代表OpenRice之觀點。
讚好
分享
檢舉
評分
5
味道
5
環境
5
服務
5
衛生
5
抵食
FL
仲夏薄荷朱古力之夢
FL
等級4
2025-07-26
423 瀏覽
關注
原來已好一陣子沒有吃過酒店下午茶,趁著陽光明媚的日子,同朋友去放鬆一下。今次揀左去金鐘港麗酒店,皆因佢哋推出左個新主題,「仲夏薄荷朱古力之夢」,正中下懷,我暫時未發現到有另一個地方做緊呢個主題。下單沒多久,精緻的下午茶套餐便送上,好高貴,打卡一流。咸點有三款,薄荷鮮蝦撻配椰子菠蘿莎莎醬,感覺好清新,非常適合呢個季節。另一款係忌廉芝士青瓜卷配薄荷茶啫喱,蠻濃郁的忌廉芝士,與清爽的青瓜和啫喱平衡得岩岩好。三文治大概是下午茶必備項目,薄荷三文魚醬三文治正好徹合主題,頂頭的三文魚籽更起畫龍點睛之效。放在中芯、雀巢造型的綠寶石,乃係薄荷啫喱糖,正好用來清清味蕾,為吃甜點作出準備。先說法式薄荷朱古力泡芙,鬆軟又帶點煙韌的口感,加上薄荷忌廉及士多啤梨,挺特別的。外型像迷你雪糕的薄荷朱古力脆筒,精緻可愛之餘,更是清新可口。再一款的薄荷朱古力慕思蛋糕,就相對來得濃郁。最後的薄荷朱古力奶凍,質感偏向似慕思,同樣來得清新。下午茶當然少不了Scone,朱古力及提子口味,配上特色的Mint Clotted Cream及朱古力醬,孤漏寡聞的我是首次遇上呢個配搭,估唔到又幾夾。二人同行更送190克薄荷脆脆黑朱古力禮盒,高貴又好味。下午茶套餐可揀TWG Tea,或者鮮製薄荷茶,不過天氣實在太熱,我都係要杯凍咖啡好了。官網訂購有八五折優惠。查看更多
+ 5
以上食評乃用戶個人意見 , 並不代表OpenRice之觀點。
讚好
分享
檢舉
評分
4
味道
4
環境
4
服務
4
衛生
4
抵食
車媽媽
為「薄朱」鍾情@Lobby Lounge
車媽媽
等級4
2025-07-24
618 瀏覽
關注
不知道大家會否跟我一樣喜歡薄荷朱古力!擁有獨特的個人「味」力喜歡的人會非常愛它。在風光明媚的一個下午跟好友去Conrad Hong Kong的Lobby Lounge,品嚐香港首個以薄荷朱古力作主題的Afternoon Tea。這套便是以薄荷朱古力為主題的仲夏薄荷朱古力之夢下午茶,賣相清新可人代表了夏天的下午茶。下午茶除可以選咖啡或TWG Tea外,更可選新鮮泡製的薄荷茶,喝下清新氣爽非常舒心是夏天良品。鹹點貴精不貴多共有三款!但都製得精緻味道也不錯耶。忌廉芝士青瓜卷配薄荷茶啫喱!順滑的忌廉芝士口感好梳乎,配搭清爽的青瓜片及薄荷茶啫喱味道平衡得很不錯。薄荷鮮蝦撻配椰子菠蘿莎莎醬!蝦肉充滿熱帶的味道,配搭香甜的莎莎醬味道非常有熱情。薄荷三文魚醬三文治!香滑的三文魚醬添上點點清爽薄荷香氣,配三文魚子和橄欖油珠珠搭軟熟麵包,吃下非常豐腴嘴巴好享受。英式鬆餅分別有朱古力及提子口味!配上特色的薄荷Clotted Cream及朱古力醬,帶出不一樣感覺的味道好有新鮮感。甜品則有四款全以薄荷朱古力來炮製,看見已感覺非常清爽舒心。雀巢造型的伴碟細緻地突顯薄荷風味!以麵粉炮製雀巢內裏有如水晶般的薄荷啫喱糖,於品嚐甜點前為我們揭開甜蜜的序幕。法式薄荷朱古力泡芙!外層鬆軟的泡芙綴以薄荷忌廉及新鮮士多啤梨,口感迷人清新甜美味道超可愛。薄荷朱古力奶凍!薄荷朱古力味非常出眾,配襯幼滑的口感輕易討人歡心。薄荷朱古力脆筒!迷你雪糕筒的賣相超級可愛,香滑的薄荷忌廉混上醇厚朱古力,加上甜筒的香脆成件事變得非常精緻迷人。薄荷朱古力慕絲蛋糕!光滑的朱古力鏡面非常吸睛,薄荷朱古力慕絲入口非常軟滑,加入了朱古力碎令口感更加豐富。每套下午茶也可以免費帶走特色薄荷脆脆黑朱古力一盒,成品足足有190克份量十足,比利時黑朱古力加上薄荷醬和炸酥皮絲,吃下滿滿薄荷清新及朱古力醇香,絕對有能力成為薄荷朱古力迷的心頭好。仲夏薄荷朱古力之夢下午茶收費為星期一至五$688/2位、$358/位,星期六、日及公眾假期每位加多$10,於酒店官網訂購還有85折優惠。查看更多
+ 15
以上食評乃用戶個人意見 , 並不代表OpenRice之觀點。
3
分享
檢舉
評分
5
味道
5
環境
5
服務
5
衛生
5
抵食
lexicon0698
饗. 樂宵夜自助晚餐
lexicon0698
等級2
2025-07-20
959 瀏覽
關注
逢星期五 六 舉行 饗 . 樂宵夜自助晚餐 晚上 8.00 起-11.00 都有菲藉歌手演唱 今次還有爵士樂的玩味 因男歌手間中會吹色士風助興 食物也十分高質數 雖然冇海鮮 牛肉 刺身等 但每樣出品也非常合理好食 。 例如有避風塘大蝦 土耳其肉餅 星加坡喇沙粉麵等 這些也不能錯過 . 推介蒸石班腩 避風塘炒蝦 燒雞扒也不錯. 蚊豬手 抄菜 㗎哩雞喇 冇湯 有蝦蛟 燒賣 干蒸牛肉 粉果 素炸春卷 泰式魚餅等楊洲抄飯 乾燒伊麵 。 甜品有合桃糊 豆府花 和各式甜品約五欵 最緊要不要錯過金葉庭中菜廳出品 名物楊枝甘露 最後侍應還送來瑞士雪糕. 8:00 食在9:30 分也差不到了 . 最後叫侍應送上已包的飲品 今次我要了紅茶 侍應用銀壼送上 係時間嘆返杯紅茶淨心聴吓音樂啦 聴到 10:30 也差不多了 . 返家喇 下次再來過 壹個非常享受的晚餐😍查看更多
+ 6
以上食評乃用戶個人意見 , 並不代表OpenRice之觀點。
1
分享
檢舉
評分
5
味道
5
環境
5
服務
5
衛生
5
抵食
推介美食
Buffet
meidick
回味之夜
meidick
等級4
2025-05-27
2K 瀏覽
關注
星期六晚去中環The Trilogy,聽jazz,當晚要買票$800,包1杯drink,對我白領麗人,較貴,轉去maggiechoo,入到去,裝修跟社交平台一樣,但因還早,只得一枱客,吾知要等幾時熱鬧,靈機一動乘的士改來此處。早前說裝修,坐低左望望,右看看,找唔到有不同,可能換地氈?從前來,有芝士小食送,今次無咗,因近日恐熱氣,要求薯片轉 橄欖,否則我食不停。最欣賞,現場樂隊,女歌手唱懷舊英文歌, saxophone鋼琴伴奏,好enjoy。有happy hour至8時, 威士忌 Dalmore$120,紅酒$120。公司三文治$215,大份,厚厚,生菜,蕃茄,鷄肉,煙肉,雞蛋, 伴牛油生菜,绝冇欺場,係面層略燶,大份過Ritz carlton,又平過佢,薯條香,不乾不燶,美味。龍蝦肉牛角包, 我鍾意佢個包,有質感, 唔會一陣風,唔會成個牛油味,龍蝦肉滑,味宜。Petty woman walking down the street, smoke get in your eyes查看更多
以上食評乃用戶個人意見 , 並不代表OpenRice之觀點。
讚好
分享
檢舉
評分
4
味道
4
環境
4
服務
4
衛生
4
抵食
推介美食
公司三文治
yumme_agnes
期間限定 『開心果之魅 』下午茶 送大熱開杜拜開心果朱古力
yumme_agnes
等級4
2025-05-25
1K 瀏覽
關注
開心果熱尚未減退,最吸引係食afternoon tea送大熱杜拜開心果朱古力200g! 本身以為全開心果嘅下午茶會好漏,不過呢個set全部都細細,好精緻,分量剛剛好! 最吸睛係頂層嗰兩粒開心果樣既mousse cake 𓐎 𓐎佢仲送成排杜拜開心果朱古力,好足料,第一次食,中間嘅脆脆米好香口,有質感,開心果味超濃,類似開心果醬,不過食咗一粒仔已經好漏。✤鹹點✤開心果白朱古力鴨肝  \有驚喜,超滑/ ℒᵒᵛᵉ開心果意式肉腸千層開心果脆脆龍蝦✤甜點✤開心果100%蛋糕開心果杏桃骰仔開心果櫻桃筒開心果士多啤梨意式奶凍✤經典鬆餅✤原味鬆餅及提子鬆餅 (德文郡奶油忌廉+自家製開心果奶油忌廉+士多啤梨果醬)✤飲品✤Pistachio Fizz 酸香開心果 (茉莉花青瓜氣泡玄米茶)Wedding tea 網上預訂仲有85折,好抵~查看更多
+ 8
以上食評乃用戶個人意見 , 並不代表OpenRice之觀點。
讚好
分享
檢舉
評分
4
味道
5
環境
5
服務
4
衛生
5
抵食
推介美食
開心果白朱古力鴨肝
Tata_Wong
開心果控首選🥰
Tata_Wong
等級4
2025-05-18
600 瀏覽
關注
開心果控見樂聚廊推出[開心果之魅] 下午茶餐!被那巨大開心果蛋糕造型吸引😘英式鬆餅鬆化可口!唔乾喉👍Pistachio Fizz青瓜加薄荷香味👍Latte 開心果白朱古力鴨肝醬鴨肝醬味鹹!脆筒好脆👍開心果造型超可愛😍凡訂二人開心果下午茶餐😋即送杜拜開心果朱古力禮盒裝👍查看更多
+ 7
以上食評乃用戶個人意見 , 並不代表OpenRice之觀點。
讚好
分享
檢舉
評分
4
味道
5
環境
5
服務
5
衛生
4
抵食
cloudynwinds
開心果下午茶送Conrad 杜拜朱古力🙋🏻‍♀️
cloudynwinds
等級4
2025-05-04
450 瀏覽
關注
📍[送Conrad 餅店杜拜朱古力一盒! ]每次發現開心果主題Afternoon Tea都會忍唔住留意下🙈 港麗酒店推出開心果Pistachio Bliss 主題,包括3款鹹點+ 4款甜點+2款鬆餅🙌🏻 座位算寬闊但裝修唔算新淨🫣 以透明大圓盤擺放,其中兩粒開心果造型朱古力蛋最為出色! 🌀鹹點√ 開心果白朱古力鵝肝醬√ 開心果意識肉腸千層√ 開心果脆脆龍蝦卷將開心果元素融入於幾款鹹點之中,出乎意料地味道唔相沖🙋🏻‍♀️ 龍蝦肉以青瓜片包裹,爽脆清新! 🌀甜點√ 開心果100%蛋糕√ 開心果杏桃骰仔√ 開心果櫻桃脆筒√ 開心果士多啤梨意式奶凍√ 原味鬆餅及提子鬆餅 (配Devonshire奶油忌廉/ 自家製開心果奶油忌廉/Strawberry jam)幾款甜點的開心果味都十分香濃🫶🏻 100%開心果朱古力蛋外層白朱古力略嫌過甜,無法完成一整個呢🙈🌀 馥香開心果除了咖啡及英式中式茶外,仲可以點特別調製的pistachio bliss🍸 以茉莉花茶作為基底,再以青瓜片、薄荷葉及玄米茶花點綴,好清新~查看更多
+ 8
以上食評乃用戶個人意見 , 並不代表OpenRice之觀點。
讚好
分享
檢舉
評分
4
味道
4
環境
4
服務
5
衛生
4
抵食
heimen
香港港麗酒店樂聚廊「開心果之魅」下午茶🫶🏻🫶🏻
heimen
等級4
2025-04-16
370 瀏覽
關注
💖【香港港麗酒店樂聚廊「開心果之魅」下午茶】一場綠意與奢華之味覺盛宴✨🍵.作為一個開心果控💁🏻‍♀️聽到香港港麗酒店樂聚廊推出「開心果之魅」下午茶😍仲要送杜拜開心果朱古力禮盒🎁即刻約埋閨蜜去試呢個充滿春日氣息嘅下午茶 🎈🎈🌿 環境與主題:綠意盎然嘅奢華享受樂聚廊嘅環境一貫高雅,落地玻璃透入自然光,加上綠色植物點綴,同「開心果之魅」主題完美呼應🎊坐低嗰刻已經覺得好放鬆,仲聞到陣陣開心果香氣飄過,未食已經流口水😬.🍽️ 鹹甜點逐樣評:開心果嘅極致演繹💯 廚藝團隊用咗意大利同伊朗開心果,每款點心都心思滿滿,味道同賣相都滿分🥳1️⃣ 開心果100%蛋糕(原粒開心果造型) 🌰第一眼真係以為係真嘅開心果!白朱古力外殼薄脆,咬開係鬆軟海綿蛋糕同開心果脆脆,堅果香滿分!口感層次分明,甜度剛好,唔會膩!2️⃣ 開心果杏桃骰仔 🎲橙黃色外層好搶眼,一啖咬落去,杏桃慕絲嘅酸甜即刻湧出,中間夾住開心果脆脆同海綿蛋糕,果香同堅果香交織,清新得嚟又帶點複雜感,好驚喜!3️⃣ 開心果櫻桃脆筒 🍒脆筒超級酥脆,入面嘅開心果忌廉香滑濃郁,車厘子醬酸甜平衡,頂部嘅車厘子啫喱增添口感,整體味道好有深度,似食緊高級版甜品版嘅櫻桃開心果雪糕!4️⃣ 開心果士多啤梨意式奶凍 🍓奶凍質地細膩到似絲綢,士多啤梨嘅天然甜味同開心果忌廉好夾,每一啖都係幸福嘅味道,仲有微微奶香回甘,食完會想再encore!5️⃣ 開心果白朱古力鴨肝醬 🦆鹹點中最奢華嘅一款!白朱古力外層脆甜,包住超滑溜嘅鴨肝醬,入口即化,開心果碎增添香氣同口感,完全唔腥,反而有種甘香餘韻,高級感爆燈✨6️⃣ 開心果意式肉腸千層 🥓薄切金菜頭同意式肉腸層層疊疊,開心果碎灑面,鹹香得嚟帶點堅果香,口感豐富,好適合作為甜點之間嘅小清新。7️⃣ 開心果脆脆龍蝦卷 🦞青瓜片包住鮮甜龍蝦肉,兩端沾滿開心果碎,咬落去先有青瓜嘅清爽,後有龍蝦嘅鮮美,最後係開心果嘅香脆,鮮味同堅果味碰撞得恰到好處!8️⃣ 經典英式鬆餅配開心果奶油忌廉 🧈鬆餅外脆內軟,熱辣辣上枱,塗上特製開心果奶油忌廉,堅果味超濃郁,仲有微微鹹香,配埋自家製士多啤梨果醬,甜中帶酸,完美演繹英式下午茶精髓!🍹 飲品推薦:解膩又特色除咗標準嘅TWG茶同咖啡,必試 「馥香開心果」無酒精特調!Seedlip Spice嘅草本香氣、雲呢嗱糖漿嘅甜、青瓜同薄荷嘅清新,再加茉莉花茶底,飲落去好清爽,同甜點超夾🤩如果想chill啲,可以加錢升級香檳,微醺感覺更享受🥂🎁 免費贈品:杜拜開心果朱古力禮盒🍫雙人下午茶送嘅 200克杜拜開心果朱古力 真係誠意十足✌🏻比利時黑朱古力包住開心果醬同炸中東酥皮絲,濃郁朱古力同香脆開心果形成完美對比,鹹甜交織,食完仲可以帶返屋企慢慢嘆😆😆💡 小貼士* 預約:週末同假期好滿,建議早訂位* 優惠:網上商店尊享85折* 時間:平日$688/兩位,假日$698,加一後人均約$400,質素絕對值回票價.🌟 總結:開心果迷必試!呢個下午茶將開心果玩到出神入化💁🏻‍♀️由鹹到甜、由造型到味道都無得彈👍🏻👍🏻加上環境同服務一流,絕對係打卡同享受嘅完美組合💯如果你都鍾意開心果,呢個「開心果之魅」真係不能錯過❤️❤️.📍樂聚廊
地址:香港金鐘道88號太古廣場香港港麗酒店大堂
📞訂座:(852) 2822 8891
⏰時間:15:00-17:30.#港麗酒店 #開心果之魅 #下午茶 #食在香港 #開心果控必到 查看更多
+ 8
以上食評乃用戶個人意見 , 並不代表OpenRice之觀點。
讚好
分享
檢舉
評分
5
味道
5
環境
5
服務
5
衛生
5
抵食
ngawingk
開心果下午茶💚全包宴
ngawingk
等級2
2025-04-06
501 瀏覽
關注
新鮮滾熱辣,出返個Pistachio Bliss 「開心果之魅」下午茶食評先!鹹點💚📌開心果白朱古力鴨肝醬外表好似一個mousse蛋糕,但入面係鴨肝,出面嘅開心果朱古力冇咩開心果味,鴨肝有啲鹹,有啲滯,如果可以配塊餅或者麵包會好啲。📌開心果意式肉腸千層呢款比較fresh,一層蔬菜一層肉腸,個人覺得味道有啲奇怪😂📌開心果脆脆龍蝦卷味道正正常常,外邊用薄薄嘅青瓜包裹着,龍蝦卷嘅邊邊位有啲開心果碎。甜點💚📌開心果100%蛋糕造型超具打卡感,係巨大版嘅開心果造型😂,入面嘅開心果醬加埋蛋糕脆脆係好食嘅,但出面嘅白朱古力就太甜,食咗少少就冇食lu🤣📌開心果杏桃骰仔酸酸甜甜,得表面粒開心果有開心果味。📌開心果櫻桃脆筒開心果味好重,好正!但個筒就腍晒,同埋唔係咁鍾意個底嘅櫻桃醬。📌開心果士多啤梨意式奶凍呢款唔錯,但得表面嘅圓圈朱古力係有士多啤梨味,上層開心果味濃,下層嘅奶凍奶味濃郁。📌原味鬆餅及提子鬆餅原味鬆餅鹹香味濃,鬆軟度適中,又唔會太膩,正!提子鬆餅就普通😂-德文郡奶油忌廉-自家製開心果奶油忌廉(呢款醬因為比較淡味,所以就咁食個味會出啲,配落鬆餅就會比鬆餅嘅鹹香味遮蓋咗)-自家製士多啤梨果醬飲品🍸📌Grand Wedding Tea好香嘅水果桃味🥰📌Vanilla Bourbon Tea雲呢拿味超濃郁😝📌惠顧二人下午茶仲送杜拜開心果朱古力乙盒 呢款杜拜朱古力係鹹味重啲嘅,一次食一格就夠啦,食太多會有啲滯🤣Monday to Friday 星期一至五$688 (兩位) | $358 (每位)Saturday, Sunday and Public Holidays 星期六、日及公眾假期$698 (兩位) | $368(每位)📍樂聚廊Conrad 金鐘金鐘道88號太古廣場香港港麗酒店酒店大堂#hightea #港島美食 #金鐘美食 #太古美食 #alwaysgugu #gugu #hungry #下午茶 #美食 #香港美食 #food #hkfood #foodhk #foodie #foodiehk #hkfoodie #tea #打卡美食 #打卡餐廳 #打卡好去處 #香港打卡 #香港好去處 #甜品 #假期好去處 #情侶好去處 #打卡美食 #開心果 #開心果蛋糕 #食好西 #明太子查看更多
+ 8
以上食評乃用戶個人意見 , 並不代表OpenRice之觀點。
1
分享
檢舉
評分
4
味道
4
環境
4
服務
4
衛生
3
抵食