影片
以上資料只供參考, 請與餐廳確認詳情
第一次叫魚蛋米線第二次牛雜米第三次外賣魚皮牛雜有異味 米粉都唔好味 衰過茶餐廳常餐 魚蛋唔彈牙 散開粉黎既 唯獨是魚皮叫正常⋯⋯⋯仲要湯底腩汁都無味 辣椒油唔辣 潮州粉麵 辣油係生命吧 美孚真係無其他選擇 去左兩次 一次又一次機會 都真係後悔莫及 同埋一啲都唔平 好貴 態度又唔好 舊鋪都好啲啲 搬左之後差左好多！！上次遇到婆婆睇錯時間 早左3分鐘落單 無下午茶送餐飲 其實街坊生意 3分鐘就算啦 為左幾蚊拒絕個客 感覺更差⋯⋯方圓百里都無間潮式粉麵店架啦 期待進步😞😞
繼續閱讀
入去叫咗碗牛腸牛肚米粉$42再加凍檸檬茶$6合共$48，碗粉送上枱時就聞到有陣怪味～可能係匙羹上蔥炸蒜味？將羹內蔥炸蒜粒放入湯粉中，首先食牛肚比較咸，然後食牛腸口感霉霉地，而米粉又太冧，食米粉時更被大粒又硬嘅炸蒜粒整損了牙肉😖。食材凍肉貨加上廚功差，真的無下次。埋單$48我俾咗$40紙幣再加硬幣$5＋$2＋兩個5毫，唔駛佢找錢啦，點知個收銀員擰晒頭眼神及態度奇差。如果唔收兩個5毫你可以禮貌地講唔收5毫，我可以俾張$500你找續，食咗碗咁差質素嘅潮州粉，仲要受你奇差嘅態度，呢間唔會再幫襯😡。
繼續閱讀
唔知係咪因為我少食魚麵，呢間啲魚麵同我以前係其他地方食嘅好唔同…我唔覺得自己食緊麵，而係食緊一碗麵型嘅魚旦…碗麵一上枱見到個麵已經覺得同其他魚麵唔同，食落去無論味道，質地同口感，同魚旦無乜分別，食完之後仲有錯覺，覺得自己無食到麵，而係食咗淨魚旦牛腩好特別，值得一試
繼續閱讀
新開兩個月的潮州粉麵舖，好似話係快將結業嘅樂園開出嚟嘅。招牌上寫住話有打冷，不過夜晚七點半左右去到都晤見到有打冷食物，牆壁上的餐牌也沒有寫任何打冷食物，會唔會遲啲有就唔知道啦。舖頭有啲細，員工都有五到六個，不過都唔算坐得好逼。點了崩沙腩河同四寶粗麵。崩沙腩真係好正，軟硬度同味道都好啱晒我口味，份量不少，值返個價錢。四寶都正常發揮。價錢唔算貴。美孚能夠有這樣的粉麵舖唔錯，以後想食粉麵可以唔使離開美孚。
繼續閱讀