樂樺工房 (已結業)

朋友今日生日，同佢打完波之後，幾個老死就走去附近茶餐廳食飯。當我地係諗住叫餸食嗰陣時發覺原來有得食雞煲同埋酸菜魚，咁好興致啊，就決定試一試。叫咗兩set二人餐一個係食雞煲同酸菜魚，配料就幾標準，五花籃同牛丸等等。不過打邊爐點少得肥牛！所以我哋都左幾碟醫下肚。雞煲就味道香濃，香料調味十足，唔會越食越淡，係重口味之作，越食越麻辣，一鍋雞肉不消一會就俾我哋食晒，即刻加湯轉打邊爐。至於酸菜魚都唔錯，不過可能因為食完雞煲之後，再食酸菜魚變相味道就冇咁重口味，不過條魚口感唔錯，唔使一陣都食清光。總括來講味道同價錢都成正比，而且喺灣仔可以同時食晒雞煲同酸菜魚嘅餐廳實在唔多，最緊要打完波唔使諗，行去食飽就掂！

有啲朋友想食烤魚，又有朋友想食雞煲打邊爐，一人一個意見點算好？我哋就去咗呢個地方可以滿足晒我哋所有願望。我哋一行七個人，叫咗三個二人餐，份量都好足夠！呢間餐廳另外一個最好嘅地方就係地方非常大位置闊落，我哋一班人圍埋打邊爐食雞煲吹水都輕輕鬆鬆。呢度嘅配料選擇都非常之多，雞煲有雞煲應有嘅材料烤魚有烤魚應有嘅材料，再加埋平時打邊爐嘅配菜例如肥牛五花腩等等。簡直大滿足！雞煲左一段時間，亦都唔會太老，幾有雞味總括依然呢度餐廳嘅環境都唔錯，服務態度都幾好，食物選擇都多！係多人聚會嘅好地方！

今晚選擇了好姊妹的最愛雞煲，因為今晚要返小組，所以就選擇了這間近近地的灣仔雞煲火鍋餐廳！環境如冰室茶餐廳的格局，光猛的燈光下，坐位都多，有電視，除咗雞煲/烤魚外，這邊下午茶是到6:45pm, 都幾好幾多選擇又幾抵食雞煲服務員好快上個煲，個火都幾猛烈；服務員差不多時候，就來幫忙炒炒炒。好香噴噴呀！好靚的雞件喔！配菜是芹菜及紫洋蔥！我愛的配菜雞塊好大塊又滑又超入味！醬汁好香微微辣！野味之選！分量都算多、唔錯4款火鍋配料響玲是大家都會打邊邊時叫的，好香脆，有6條，不會好油！吸味之選！娃娃菜是吸味的、好新鮮、好健康、剛好份量蜂巢豆腐：大小剛剛好，吸汁力超高，食時要小心熨倒！腩肉五花腩：好厚身，一層層肥瘦剛好，好易熟！腩肉口感唔錯，不過少少鞋啦食雞煲差不多，服務員就主動加湯轉打邊邊另外配上2杯無酒精飲品，都幾抵食又香味濃郁，喜歡它的雞煲喔

天氣入秋，同一班中學同學係灣仔聚頭；當大家都猶豫緊食唔食南記好既時候；有朋友仔建議打邊爐，大家又好耐無食過雞煲就黎jor哩到；我地一行7人，嗌jor 3個二人套餐；分別係兩個雞煲套餐同一個酸菜魚套餐；佢仲可以每個套餐選擇四個配菜煮～所以我地total有12個配菜😂（好多啊）雞煲真係好熱氣，但係真係食得好爽～個汁勁濃，尤其係煮蜂窩豆腐同響鈴最正！吸曬啲汁，超級好味但係口味真係好重（無辦法啦，雞煲就係越heavy越爽♥️）酸菜魚好大條啊！我地7個人都食唔曬；因為雞煲上先哈哈，不過個湯底就好適合碌下菜～佢有一味配菜係醬爆牛丸，勁多汁，真係要攤凍先事情，否則會辣親嘴！食完一般人行去政府總部草地吹下水；交代下近況，吹下風，散下雞煲味🌝感覺非常良好～☺️

係arts centre睇戲轉場break間中就會食，多數都唔洗等位，但餐廳都細既、所以會坐得逼。最抵食係下午茶！2半到6點9，經常晚飯時間黎，大件夾抵食仲有餐飲！之前試過晚餐叫扒餐既，但因為唔係鐵板上既關係，係真係幾圖文不符feel😅😅建議都係嗌返茶餐最穩陣。是日嗌左XO醬三絲炒公仔麵。XO醬岩岩好，唔會太辣，而且三絲足料，炒得唔會太濕。不過炒野就預左點都幾油咖啦。但唔洗加一，又快，咁既茶餐已經夠晒。

同朋友無乜嘢做，諗住食個雞煲，慢慢傾下計！又唔知去邊食嘅時候，朋友就發現咗呢一間新開無耐嘅樂樺工房！秘製麻辣雞煲@雖然唔係太食得辣，但係入秋都好想念麻辣雞煲嘅滋味～ 雞件嘅體型比較細，亦唔多脂肪，肉質好結實，但係好嫩滑～ 麻辣醬汁一開始食到小小辣椒嘅香辣味，之後花椒獨特麻麻嘅感覺慢慢刺激味蕾，及後麻辣感不停加深，麻辣得黎唔會太鹹太油膩，加上洋蔥同香蔥，更加惹醬爆牛丸@牛丸裡面有呈湯狀嘅餡料，朋友唔驚覺咬咗一啖，啲汁好似爆醬咁四濺落台面，係眼看得見嘅juicy牛味都好香而且好彈牙，湯汁好香甜，可以好似食小籠包咁食，同牛丸配合起黎好juicy，推薦豚肉五花腩片@脂肪分佈平均，每片都切得幾薄，好容易熟，唔怕煮過了會好老~ 腩片連皮，食落帶啲爽口，很有咬勁，不過豬味唔太濃郁炸枝竹@炸枝竹口感好好，滾多一陣都唔易爛，吸湯汁能力一流，向來都係受歡迎嘅火鍋配料，吸收哂麻辣湯汁嘅精華娃娃菜@娃娃菜本身口感爽脆帶點清甜，掛湯能力都唔錯，同個湯底都好夾

太耐冇黎過灣仔了 行行下心思思想食個烤魚啵 於是就黎到樂樺工房$298 就有個二人精選套餐朋友仔唔食得辣就叫左個蕃茄特色烤魚條魚有成隻手臂咁長 魚肉都頗多架至於湯底滿滿的蕃茄 好香濃🍅佢個餐包四款配料 我要左豚肉五花腩片必食當然係手切牛肩胛啦 (+50)肉質具彈性 多汁 索哂蕃茄湯底嘅味🤤當然最後要個薯粉填飽個肚仔啦😛_________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

與朋友看完電影後徒步到灣仔，見到有雞煲即時食癮起，所以便入去試試。雞煲與烤魚原來有套餐，雞魚選一，另可選四款配料及飲品。麻辣雞煲 - 燒得香噴噴！雞肉烤得剛好，皮薄肉質嫩滑多汁。半鍋份量很快與朋友吃清光。醬爆牛丸 - 質感爽口彈牙，咬時要慢來，因為內裡會咇下不少熱的醬汁！脆炸響鈴 - 新鮮爽脆嗦嗦聲！淥幾秒之後變稔身入口順滑不嚡口。蜂巢凍豆腐 - 賣相挺特別，像千層酥般。浸水之下入口軟綿綿，口感豐富！紅薯粉 - 麵帶粗身，入口滑嘟嘟，索湯能力也不錯。

經過門外，見到呢間新開餐廳$298/2位 雞煲，又好似幾抵食wor，入去坐左卡位，雖然茶餐廳形式，但環境都唔差，同埋都乾淨唸左好耐，究竟要🐔定🐟好呢？ 2樣都吸引先來2杯凍檸茶，略嫌茶味唔夠重最後揀左🐔煲來試，廚房煮好，加紫洋葱，芫茜，芹菜係面，再羅上枱面煮熱煮到差唔多滾，待應哥哥怕個煲太熱整到我地，主動過來幫我地攪勻呢度有半隻雞份量，2人食岩岩好d🐔都多肉，唔會好多骨，個味都夠濃，唔會好咸因為就反朋友，所以叫左小辣，但我本身食開辣既就覺得可以可辣d食到甘上下就開始加湯打邊爐喇，叫左呢個三星葱貢丸幾彈牙，但食個陣要小心，因為入面有餡，第一次食幾特別薯粉份量都多，煮到透明就食得，口感好Q彈，因為太滑身，夾個陣要小心喔蜂巢凍豆腐估唔到呢到會有呢隻豆腐食，蜂巢吸收晒d湯唐生菜幾新鮮，插到都無位再插埋單真係$298咋，抵食之選

入食環境像快餐形式，有人隨隨便便會叫個炒河粉食，我地就叫了今時最熱套餐-$298雞煲包4餸+飲品，相當抵食！以我食開咁多款雞煲來講，這家不過不失，因為好食的有很多😄🖕🏻較為失色是暑粉，麵條較粗，不夠平時食的過隱。

這次和TerrGor從銅鑼灣一路覓食到灣仔樂樺工坊就是我們的最後一站餐廳環境就是茶餐廳設計不過非常整潔完全沒有髒亂和奇怪的味道順便提一下有個金色頭髮的外場小伙子服務態度好到一個不行很忠厚老實的感覺會默默地看每一台需要什麼及時補上點了特色烤魚二人餐$298一大盤半邊鯇魚份量十分足有三款湯底 酸菜、麻辣、番茄連一向不太能吃辣的TerrGor都選了讓人流口水的麻辣湯底那麻辣一上桌真的香到口水分泌加速而且又能癖去魚的草青味魚肉超飽滿不過烷魚比較多魚刺要小心喔麻辣的辣度中等是可以接受的畢竟一直吃下去那個辣度是會上升的除了烤魚還可以選擇其他四款配菜·豚肉五花腩片·手切牛肩胛（加$50）·脆炸響鈴（6條）·醬爆牛丸（4粒）·三星蔥貢丸（4粒）·土豆絲·唐生菜·娃娃菜·蜂巢凍豆腐·炸支竹·厚切午餐肉.薯粉——————娃娃菜超鮮甜醬爆牛丸超級彈牙不過要小心熱滾滾的時候咬下去會爆漿土豆絲純碎就是塞飽自己響鈴打邊爐之首選港式餐飲之選凍檸茶凍奶茶超解辣

經過謝斐道順便搵野食，就見到呢間裝修清爽的餐廳，研究左餐牌，發現佢有烤魚食，興致勃勃咁便入左去。卡位闊落，環境不錯。我地揀左呢個二人套餐，特色烤魚要泡椒酸菜湯底。一大鍋上枱，令人好興奮！好大條魚吖！加熱開始，湯開始沸騰，將湯淋上魚身，好讓魚更入味。由泡辣入湯，因為我地要求小辣，所以不算辣，姜蔥芫茜入料，魚好夠味。一會功夫，魚熟左可以食，撥開面豉，露出嫩滑的魚肉。勁滑嫩，大啖大啖魚肉，太好味道，烤魚熱辣辣，好有衝動order 多一條。另外我地揀左響鈴，薯粉，三星蔥貢丸，炸支竹。待湯大滾之後就可以食。而響鈴就沾一下，好正。三星蔥貢丸勁香蔥味，又彈牙又好特別。下次一定再帶朋友來食。烤魚鍋有特色有氣氛。

茶餐廳格局但乾淨整齊， 杯碗筷子不用再洗，印象唔錯。 點了烤魚二人餐$298， 來了半邊鯇魚份量十分足。 有三款湯底而我選了蕃茄湯底， 夠鮮甜， 唯獨缺點未能癖去魚的草青味。 加50元換牛肩胛肉，good! 配菜還叫了醬爆牛丸， 蜂巢豆腐， 娃娃菜。已非常夠飽。

我倆很喜愛吃烤魚。本來想在這裡試一試泡椒酸菜烤魚，但我剛病好，只好吃番茄湯底的烤魚😜這裡的內在環境像茶餐廳，但十分整潔，而且店員也十分友善。我不太愛吃碟頭飯，我們點選了特色烤魚套餐$298，及點了手切牛肩胛、醬爆牛丸、蜂巢豆腐及娃娃菜。這半邊烤鯇魚很大喔😳剛病好，不吃粥，這個也很適合我吃，一點也不油膩。假若你不太愛吃淡水魚，那麼再點一碟手切牛肩胛吧！（我的另一半還是較愛吃牛）加$50的手切牛肩胛，肉質爽脆，很新鮮。有營的蜂巢豆腐醬爆牛丸很彈牙😋娃娃菜整體而言，這餐很滿足。重點是美味不油膩，而且服務很好喔！

今日嚟咗灣仔地鐵站附近嘅一間茶餐廳，12:30前去到，有卡位坐。佢三腳架上嘅餐牌有幾款，午餐，凸餐同埋扒餐，真係呢個凸🤣見佢午餐有芝士焗魚柳，所以叫咗嚟試吓。上枱時的確係一份很熱的焗飯，但整體味道鹹了一點，魚柳跟飯的份量也很充足，午餐另包一杯飲品或餐湯，價錢一般。同事叫了扒餐，看到後真的感到這間餐廳還是吃扒餐好點，當然不只賣相，味道也是呢，而且扒餐還有薯條可選呢！如果扒餐叫飯，不妨一試佢嘅自家醬料，同事一致推介必試，我下次都要試吓