影片
港鐵南昌站 D1 出口, 港鐵深水埗站 C1 出口
繼續閱讀
電話號碼
97065687
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
影片
相片
蒜蓉豬手
芝士牛肉飯卷
玫瑰卡邦尼炒年糕公仔麵
+580
+49
食家推介
有冇人統計過西九個美食廣場有幾多間食店？8樓呢層真係百花齊放，幾乎咩菜式都有得食。是日去咗朋友推介嘅樂樂韓式豬手，朋友一向愛食韓國菜，佢話呢間啲嘢好食喎。⭐原味豬手豬手有幾款口味，個人本身想試個辣味嘅，不過朋友唔食辣，咁就叫半份原味。豬手而去骨，滿滿一兜都係豬手肉，炆得相當軟腍，入口好有膠質，個豬皮膠質重到有黏口嘅感覺，調味同口感都啱口味喎🤤⭐炸醬炒年糕公仔麵跟住有炸醬炒年糕跟公仔麵，入面有韓式魚糕同椰菜等配料，年糕煙煙韌韌有咬口，公仔麵淋淋地份量勁多，炸醬鹹鹹甜甜幾好味，不過食到底醬汁太多，有少少鹹。⭐芝士泡菜飯卷韓式飯卷又係朋友至愛，今次叫咗芝士泡菜口味，飯卷入面包住多款醃蔬菜鹹香爽脆，芝士帶奶香，泡菜小酸微辣，小小嘅飯卷同時帶有多款味道，正😋⭐醃椰菜除豬手附送嘅醃椰菜，食咗咁多重口味嘢，食返個酸酸哋嘅椰菜中和下😆⭐檸檬茶小店只有紙包飲品同罐裝飲品，揀咗好耐冇飲過嘅陽光檸檬茶😆好多肉同澱粉質嘅一餐，食飽飽好滿足～
繼續閱讀
西九龍中心相信是不少90後的青春回憶，多年沒有到訪還以為風光不再，這次來到八樓美食廣場發現人流依然絡繹不絕，而且美食選擇豐富得目不暇給。最後決定一試顧名思義主打韓式豬手的「樂樂韓式豬手」，餐牌主要有韓式豬手、韓式炒年糕、韓式飯卷及小食。蒜蓉豬手($78/半份)韓式豬手分別有招牌原味豬手、蒜蓉豬手及香辣豬手三款口味，除了可選全份或半份之外更可配飯，半份已經滿滿一盒，份量十足。面層舖滿蒜蓉幾乎徹底淹沒底層豬手，香氣濃郁撲鼻，豬手本身已滷製入味，鹹中帶甜，肉質軟而不爛，豬皮爽滑彈牙，配以醃椰菜酸香爽脆令豬手更顯肥而不膩。芝士牛肉飯卷 ($52)飯卷裹住芝士、牛肉、魚糕、蛋絲、青瓜、紅蘿蔔、醃黃蘿蔔及牛蒡，餡料豐富但並不會輕易散開，飯粒濕潤而軟硬適中，若然麻油香氣更強定必錦上添花。玫瑰卡邦尼炒年糕公仔麵 ($69)雖然玫瑰醬早已在韓國流行多年，但仍有不少香港人會誤會玫瑰醬成份包含玫瑰花，事實上玫瑰醬主要是以忌廉、茄汁及韓式辣醬製成，因其顏色有如玫瑰一樣而命名。年糕口感煙韌軟糯並與公仔麵一樣充分裹上玫瑰卡邦尼醬，醬汁將玫瑰醬及卡邦尼醬合二為一，甜辣平衡之餘濃厚醇香，加入煙肉、洋蔥等卡邦尼元素，層次更加豐富。
繼續閱讀
最近西九龍中心food court 多左好多美食平日我都會西九龍中心搵野食 選擇性比較，想咩都有，有手搖品 今次選擇一間韓國菜，豬手，紫色包飯，韓式年糕⋯ 豬手佢有得半隻/ 便當 選擇左便當，佢好豐富，有前菜，蛋，豬手份量唔少包紙包飲品豬手煮得好淋身，入口溶化 。芝士吞拿魚紫菜包飯 佢個材料好足料，好食， 其他選擇泡菜，牛肉。 韓式年糕選擇好多炸醬，卡邦尼，泡菜 選擇咗卡邦尼韓式年糕，份量好足，冇諗過原來卡邦尼再加埋韓式年糕咁夾 如果驚唔飽嘅話，其實可以再加多個韓式麵底 以後去food court又多一個選擇
繼續閱讀
搵食去西九龍中心就啱哂, 係8樓美食廣場幾乎咩菜式都有得食; 老公話今日想食韓式豬手, 我就推介呢間樂樂韓式豬手, 店鋪招牌菜正正就係豬手,佢啲豬手炆煮仲好入味! 而且見到價錢真係抵呀!招牌原味豬手飯 - $53韓式豬手分別有招牌原味豬手, 蒜蓉豬手及香辣豬手三款口味; 豬手除了可選全份或半份之外, 更可配飯; 我地要個招牌原味豬手飯, 仲可配一包紙包飲品。飯配有滷蛋, 前菜, 脆紫菜, 豬手份量都有1/4隻; 原味猪手烹調得非常恰到好處, 豬手去骨, 肉質鮮美, 搭配特製的醬汁, 炆得相當軟腍, 入口好有膠質, 個豬皮膠質重到有黏口嘅感覺; 食咗咁多重口味嘢, 仲可食返個酸酸哋嘅椰菜中和吓。牛肉飯卷 - $58飯卷入面包住醃得入味嘅牛肉, 醃蘿蔔, 紅蘿蔔絲, 青瓜, 蟹柳, 干瓢同魚糕等材料, 真係爆哂料, 而且新鮮爽口, 每件都卷得實淨, 唔會一夾就散, 飯粒濕潤而軟硬適中, 不過欠少少麻油香味。飯卷都有紙包飲品配呀!辣炒年糕公仔麵 - $66大大盒, 年糕煙韌有嚼口, 仲加有魚糕同椰菜, 洋蔥; 一入口係甜辣, 但越食就越辣, 有啲似辣雞麵咁; 好辣嘅人會食得好過癮, 公仔麵淋淋地份量勁多, 食量大嘅人一定夠飽呀!
繼續閱讀
今日又再嚟到西九龍中心呢間韓式餐廳，諗起上次食過嘅豬手同卡邦尼年糕公仔麵真係好正，決定再encore！今次我哋依然叫返蒜蓉豬手，水準保持得好好，豬手外皮Q彈嘅口感同濃郁嘅蒜香味完全冇變，女朋友食到停唔到口，話終於解到佢嘅韓國豬手癮。另外再叫多次卡邦尼年糕公仔麵，煙肉同洋蔥嘅份量依然十足，芝士味濃厚得嚟又唔會太膩，年糕同公仔麵嘅配搭出奇地夾，食落去好有滿足感。餐廳環境同上次一樣，保持住中學時代嘅感覺，坐喺度食嘢真係好有親切感。服務都幾好，上菜速度夠快。食完之後，我同女朋友都覺得呢間餐廳真係keep到水準，兩次嚟食都冇令我哋失望。下次再嚟西九龍中心，一定會再幫襯！
繼續閱讀