64
17
9
港鐵灣仔站 A3 出口, 步行約6分鐘 繼續閱讀
電話號碼
25721843
25724602
開飯介紹
平民港式漢堡店,漢堡扒更是全人手製,而漢堡包也會先烘過,令包更香脆。 繼續閱讀
營業時間
今日營業
07:00 - 21:00
星期一至六
07:00 - 21:00
星期日
全日休息
付款方式
現金
座位數目
10
招牌菜
芝士漢堡 雞脾 雞翼
食評 (98)
等級2 2020-02-10
89 瀏覽
今日經過灣仔餓餓地, 唸著食小小野控頂著個肚先🤪之後見到附近哩間漢堡好似係神級老店, 於是我就把心一橫去試試,去到店面好細,得4個位,比部份既店員坐住左,因為多數黎既人都係叫外賣走既,所以佢地見到我陌生又無耐既樣,就即刻讓左位置比我😌坐隔離既老街坊叫左我去落左單先,咁我就去買左個芝士蛋漢堡$20加熱奶茶$8,好耐冇食過咁平既野食!心入邊不禁有感嘆,不愧係老店!拎左個漢堡緊係影左先食啦!.大家都好好奇點解我要用咁大篇幅講前題?因為我對食物大部份都係失望既感想,所以想同大家講講環境,免得全篇都係負評。.漢堡入邊既芝士凍冰冰,完全冇溶芝既效果,塊肉餅就充滿肥膏,肉味不足,本人懷疑佢係咪拎平時賣剩左既肉去打成肉餅......個醬冇野好講...只係普通蕃茄醬...塊包冇烘過...軟冧冧隻蛋係流心既....不過味道食落係大陸蛋...令我好驚係咪湖北蛋😭早知叫全熟熱奶茶好貼心咁幫我落左糖....但係太過甜了所以我飲吾唒 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-06
1497 瀏覽
樂景快餐店是以平民港式漢堡店為主,主打漢堡扒更是全人手製,而漢堡包也會先烘過,令包更香脆。位置港鐵灣仔站 A3 出口, 步行約6分鐘相當方便。店內地方唔算大,只有3張枱可供堂食(約可坐8個人),而且冷氣比較弱一點。以開放式廚房,所以油煙會比較大,但又正正呢個原因,看到他們的小炒是多麼的夠火喉(雄雄烈火)。店內使用方形小枱子,茄汁、醬油可以自行添加;另外地方較細其他位置都放置了一點雜物。樂景快餐店更有全日供應經典套餐(豬扒、牛扒、雞批等...)配上熱狗、薯條。亦有早餐、下午茶餐選擇。小炒亦很廣泛,你想到小炒基本上都可以找到。全日供應經典套餐(雞批、熱狗、薯條) - $40樂景仍用最傳統的坑紋薯條,一直都覺得呢款薯條較好吃,但已經越黎越小地方可以吃到了。熱狗包配沙律醬夾腸仔,看似平平無奇,實質麵包腸仔經過烤焗後變得香脆,即叫即做係唔同d。樂景的炸雞髀相當肥大,而且味道十足。雞脾炸得外皮香脆,內裡還保持著肉汁充沛,又不油膩。最後會撒上一點淮鹽,令味道更加特出。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-06-02
842 瀏覽
超爆like‼️‼️朋友推介既小店~手打牛肉港式漢堡😋呢個餐超抵食 42蚊 有漢堡包+薯條+雞脾+汽水❤️我覺得CP值係好高‼️⭐️漢堡包跟餐時係跟熱狗 加2蚊轉漢堡包 我本身想食熱狗 比朋友阻止左 佢話一定要試漢堡包~Hey 朋友你是對的~😝佢個牛肉雖然有少少筋 但佢絕對係食得出有牛味同肉汁❤️肉入面有啲洋蔥個啲 再加埋個醬 呢個包我係好高評價😋⭐️粗薯條唔洗講 即炸 好脆 好味❤️⭐️鹵水雞脾我覺得佢鹵得岩岩好 唔會太咸 我反而想佢再鹵耐啲 鹵到骨肉分離就最愛❤️👵🏿好味‼️ 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-11
937 瀏覽
炒類食物味道差,干炒牛河變左濕炒糯米粉,啲河粉係一大舊一大舊未炒散,啲口感好似食緊糯米粉咁;星洲炒米,啲米粉係發脹晒,食落口跟本冇味到;叉燒炒蛋變左叉燒蛋湯,啲汁多到嚇死人;叫左個牛肉漢堡,係冇汁乾身,跟餐個薯條,係翻炸再翻炸,硬到呀媽都唔認得;另一個叫左炒飯,有小半係白飯冇炒過,味道唔香飯色唔靚。最過分係叫外賣送少左一份,唔肯補送,服務態度十分差,又話遠又話送唔到,自己做錯要個客去承受返,垃圾級服務 繼續閱讀
(以上食評乃用戶個人意見 , 並不代表OpenRice之觀點。)
等級2 2018-08-14
2210 瀏覽
#美食推介:我出省喇~大埔友出動...十年都唔出一次港島,因為覺得好遠,來來回回都成兩三個鐘,今次出去又點會放過搵好野食既機會,對於灣仔又唔係唔係好熟路,所以搵左個灣仔友問下,佢住左好耐灣仔了我諗🤣🤣🤣(背住鏡頭,黑色t果個就係佢,佢好大隻,單身🐶,有人可介紹佢識,好仔一名)佢推薦左我去食一間鋪既手工漢堡包🍔,去之前又冇乜概念係間咩鋪頭,以為類似西餐廳果啲甘。去到之後,發現原來係一間好細既鋪頭,得兩張枱仔,佢係舊式主要做外賣🥡既港式快餐既鋪頭,名係—樂景快餐店。一去到鋪頭剛剛碰上岩岩,竟然有位比我地坐,去到都唔係好洗諗食乜,因為牆上貼左好多有關漢堡包🍔既被報導既新聞,我地叫左芝士雞蛋漢堡、魚柳包同炸雞腿🍗薯條🍟。食漢堡最重要係咩?梗係漢堡同包啦,先講個包-烘到熱呼呼而且又外面好脆,睇落去好似好乾,旦咬落去就好鬆軟,至於漢堡熟度岩岩好,配埋邪惡既芝士仲半熟既雞蛋,我一啖咬晒四層,啲材料真係配搭得好出色😋😋😋😋😋,老麥真係輸幾條街,看似簡單既食材,味道卻不簡單。用心做食物真係不簡單。另外,魚柳包都唔比漢堡包差,由於有出色既包,加上外脆內軟既肉柳,食落真係有魚味(好似講緊廢話),魚柳雖然係炸,但一啲都唔油,而且又唔會食到覺得食緊粉團甘(正正子),真心推薦。快餐店都仲有好多粉面食,到中午時間真係好多人,係隔離都感受到啲鑊氣。地址:樂景快餐店 (灣仔)灣仔巴路士街17號地下ig: year19.92 #喜歡比個like #美食推薦 #公主👸🏿菜 #美食分享 #開心share #food #foodie #大埔友 #金舌頭 #灣仔美食 #樂景快餐店 繼續閱讀
(以上食評乃用戶個人意見 , 並不代表OpenRice之觀點。)