樂天經典

營業中

休息中

If you're looking for a place that offers a perfect blend of traditional flavors and modern dining, Paradise Classic 樂天經典 at The Lohas is a must-visit. Recently, I had the pleasure of trying their lunch set, and it was an experience worth sharing. Lunch Set1. Prawn Rice Noodles in Shrimp Soup (蝦湯大蝦河粉) - $55The highlight of the lunch set was undoubtedly the Prawn Rice Noodles in Shrimp Soup. This dish is a seafood lover's dream. The broth was rich and flavorful, infused with the essence of fresh

作為一位家庭主婦，我非常推薦這家餐廳！這裡的菜品不僅新鮮美味，還讓我感受到家的溫暖。每一道菜都用心製作，口味獨特，讓人一試成主顧。服務人員親切友好，讓我在用餐時感到非常放鬆。最讓我喜歡的是，他們有許多適合家庭聚餐的選擇，份量也很足。無論是帶著孩子還是邀請朋友，這裡都是個理想的地方，讓我們全家都能享受美好的晚餐時光！

這家餐廳的招牌菜讓人驚艷！鮮嫩的牛排外焦內嫩，搭配特製醬汁，味道絕佳。配菜的新鮮蔬菜增添了口感的層次，讓每一口都充滿驚喜。服務人員熱情周到，環境舒適宜人，適合聚餐或約會。總體來說，這裡的美食和氛圍都讓人難以忘懷，值得再訪！

辣椒螃蟹配炸饅頭睇落似咖喱，食落就冇咖喱味嘅😂辣椒醬汁辣味唔重，反而有少少酸甜味道。蟹肉正常，應該係普通蟹，冇乜蟹膏，蟹肉份量正常。反而炸饅頭幾好食👍🏻👍🏻👍🏻👍🏻點汁食一流鹹蛋炸魚皮呢款大推😍😍😍👍🏻上咗菜一段時間，魚皮都可以保持脆口，鹹蛋味十足，見到應該加咗辣椒，幾特別！都食得出有辣味！真係好食！蝦球炒飯份量唔多，但係食落飽肚，都唔會油，味道👍🏻沙拉骨每件都啖啖肉，好大件，無骨咁濟😂甜品清心丸👍🏻👍🏻👍🏻👍🏻👍🏻消滯一流

見食評好多都話晚市好抵食我未入去坐低，見到個下午茶餐牌都以為好抵食入到去得四枱，但個待應長期唔見人，又黑面，想點個餐都等咗五分鐘先見人叫咗個喇沙滑雞米線套餐連拉茶，$58食咗好多啖都只係得米線同豆卜好努力揾咗好耐終於俾我揾到嚿豆潤咁細嘅「滑雞」唔講以為啲雞溶咗落個湯度杯拉茶我落單話要少甜，但甜到我飲咗一兩啖已經不能接受叫佢加杯水俾我點知得滾水，熱到辣手，叫人點飲？ 可一不可再，不了

最近睇完《破地獄》，真係好發人心省，令我反思咗好多關於人生嘅意義。咁我決定去隔離嘅樂天經典，享受一餐美味，真係及時行樂！🤩首先，第一道小食係**黃金魚皮**。炸魚皮加埋香濃嘅蛋黃醬，再加一啲辣味，簡直好惹味！每一口都酥脆又香濃，根本停唔落！👌 接住落嚟就係今日最重點嘅**黃金焗螃蟹**🦀。呢道螃蟹真係新鮮得不得了，肉質鮮美、焗到金黃醬，香氣四溢，食到口中真係覺得好爽！😍 然後有**金銀蛋浸時菜**，呢道菠菜充滿鈣質，健康又好味，搭配金銀蛋，滑滑地，真係一口接一口，特別適合想輕食嘅朋友！🥗 最後，我仲點咗一碗**臘味炒飯**，秋冬食呢個特別暖肚，臘味嘅香氣同米飯結合得好好，每一口都令人覺得好幸福！🍚 餐後我以一碗**清心丸綠豆沙**作結，呢個甜品清新可口，解膩又養生，真係完美收尾！😌 樂天經典嘅呢頓餐唔單止係美食享受，仲令我喺忙碌生活中搵到一絲寧靜。真心推介呢間餐廳，快啲嚟享受一餐美好嘅食物啦！✨

🎶 今日要食螃蟹～ 🦀🦀🦀話說真係一段時間冇食過啖啖肉嘅蟹所以淘小姐就同淘先生嚟到樂天經典食佢哋嘅名菜：🦀胡椒星洲蟹🦀二人餐除咗螃蟹仲有前菜、熱炒、粉麵飯、飲品同埋甜品主打星馬菜嘅樂天經典碟碟都好有鑊氣👍🏻⭐️黃金魚皮滿滿嘅鹹蛋黃包住新鮮勁脆嘅魚皮食落脆卜卜點忍得住口唔食多幾件⭐️薑蔥爆生魚片生魚片非常新鮮口感爽脆而配菜洋蔥就非常香甜⭐️胡椒星洲蟹大大隻蟹鉗啖啖肉肉質好新鮮廚師炒得剛剛好醬汁唔算好辣但非常惹味⭐️蝦味魚子蝦球炒飯炒飯粒粒分明面頭嘅蝦球都有七八粒隻隻爽口彈牙都幾大大份⭐️無糖豆漿⭐️檸檬薏米水飲品除左汽水都仲有豆漿同檸檬薏米水 👍🏻👍🏻味道都幾好而甜品就係淘小姐最期待嘅清心丸同酸柑香茅凍⭐️招牌酸柑香茅凍一道非常清爽嘅甜品果凍上面有奇亞籽加入酸柑等開胃果汁可以去一去主食嘅油膩感⭐️清心丸綠豆爽特登翻熱再上嘅清心丸綠豆爽清心丸口感軟糯配埋馬蹄片同綠豆粒味道清甜食完頓覺溫暖🍽️ 樂天經典📍 將軍澳康城路1號The LOHAS康城4樓415A號舖

又到了食蟹的季節，當然要食蟹。最近同媽媽去了屋企樓下的餐廳食晚飯，店家的二人套餐，一個價錢有蟹，有主食，有前菜，有甜品又有飲品，價錢公道。講到以蟹做主角，除了星洲胡椒蟹，有咖喱蟹，有花雕蒸蟹等選擇。而我比較喜歡辣，所以選擇了胡椒蟹。大大隻肉蟹外面沾滿了胡椒汁，很香很惹味。肉蟹大隻，可以說很厚肉，而且肉香鮮甜，足夠兩人食用。至於前菜呢？我就選擇了黃金魚皮，外皮金金旺旺脆卜卜，鹹鹹香香，很惹味。另外主菜可以選擇肉、菜、豆腐等等的菜式。我就選擇了沙拉骨，這碟沙拉骨比較像沙拉豬扒，啖啖肉。另外還選擇了臘味炒飯，飯粒炒得分明，富柔潤感，還有辣味的香氣。飯後還富有兩杯飲品和甜品。值得一提是酸甘香茅凍，酸酸甜甜的，相當醒位。另外當然還有人氣的清心丸，煙煙韌韌又暖笠笠，很暖胃。

今日同朋友嚟食黑胡椒螃蟹🦀，揀咗個餐$668 都幾抵食。首先個蒜香紅海頭，蒜蓉味好濃郁，紅海頭爽口，好開胃！重點嚟喇，星洲黑胡椒螃蟹！呢個係招牌菜嚟㗎嘛！黑胡椒醬汁香濃惹味，螃蟹肉質鮮甜，夠哂大隻。另外，脆脆咕嚕肉酸酸甜甜嘅，炸得金黃酥脆。古早魚香老鼠粉煲，呢個幾特別！魚香醬汁夠晒惹味，老鼠粉吸晒啲湯汁，好入味！甜品方面，招牌酸柑香茅凍，酸酸甜甜，帶有陣陣香茅嘅清香，好適合夏天食！清心丸綠豆爽，清熱解暑。飲品方面，檸檬薏米水同無糖豆漿，都幾健康。

我係佢開門冇幾耐就去食下佢嘅午餐套餐佢個環境都唔錯而且幾寧靜嘢食都好大碟味道係好食嘅對得住個價錢不過如果驚自己食唔曬可能要帶個盒去裝住會好d嗰日我就係有少少後悔自己唔帶個盒裝住淨返啲飯餸做晚餐

將軍澳康城有樂天經典專食新加坡菜，難得一家人食飯就去呢度試吓，呢度啲位置幾舒服，仲有啲卡位同埋有啲大圓枱因為想食出名嘅胡椒蟹，叫咗呢個二人套餐B黃金魚皮呢個炸魚皮份量好多上面仲加咗鹹香嘅黃金蛋黃，真係超級正，食唔停口，非常之有新加坡口味星洲黑胡椒蟹重點嚟啦，呢個星洲黑胡椒蟹第一次食仲驚會好辣，因為我本身係鍾意食辣，但係食唔到黑胡椒嗰隻辣，點知佢冇超級辣嘅感覺只係少少惹味嘅辣同埋竟然係有啲甜味，非常之惹味，老公唔係好鍾意食蟹都係咁食脆脆咕嚕肉呢個咕嚕肉酸甜香脆，肉質林得來有彈牙，而且夠大嚿啖啖肉，菠蘿同埋洋蔥都整得好好食臘味炒飯呢個炒飯加咗辣味之後非常之香口，但係唔會好油膩清心丸綠豆爽我初初以為呢個好似綠豆沙，但係原來係一個好清甜嘅糖水同埋嗰啲清心丸透明煙靭有啲似煙靭小小嘅透明涼粉，幾得意特別！仲有啲馬蹄好有口感🍱樂天經典 (將軍澳)📍將軍澳康城路1號The LOHAS康城4樓415A號舖

秋天要食蟹，抵食二人餐。香港少有高質又高性價比星馬菜套餐【$668】前菜小吃（四選一）我揀咗黃金魚皮，份量超足，仲要係好好食，魚皮炸得金黃香脆，食落好夠脆口，配埋香濃惹味既鹹蛋黃，夠灑邪惡。螃蟹（四選一）我揀咗黃金焗螃蟹，醬汁真係好多，夠鹹香，蟹肉多汁肉質嫩滑，味道鮮甜。熱炒（八選一）脆脆咕嚕肉，醬汁甜甜酸酸，味道好有層次。飯與粉麵（四選一）古早魚香老鼠粉煲，蝦球、鹹肉、冬菇、蛋同蔥，配上老鼠粉，每啖口感豐富，夠足料。甜品（二選一）招牌酸柑香茅凍，果凍帶微微香茅味，口感好滑嘟嘟。飲料（每位一杯）冷無糖豆漿食完覺得膩可以飲返杯無糖豆漿，豆味香濃，好飲又健康。檸檬薏米水清熱利尿，能改善水腫同排毒。

近排睇旅遊節目介紹食螃蟹，又勾起我去新加坡旅行食螃蟹嘅感覺所以今日放工就搵埋朋友去一間來自新加坡嘅餐廳一齊食螃蟹店內環境寬闊，設有大量梳化座位，用餐舒適近排仲有一個性價比高嘅螃蟹二人套餐，啱晒我同朋友一齊食食物方面:樂天經典螃蟹二人套餐，有前菜小吃、螃蟹、熱炒、飯麵、甜品及飲品， 非常超值星洲黑胡椒螃蟹(小) : 螃蟹肉質飽滿，蟹鉗肉質鮮嫩入味，以黑胡椒烹調方法，帶出陣陣胡椒香味，蟹身配搭胡椒味道濃郁，微辣惹味，真係食到舔舔脷蒜香紅海蜇頭: 海蜇頭口感爽脆，蘸上少少酸酸辣辣嘅醃汁，味道清新小食泰式炭燒豬頸肉 : 豬頸肉肉質香嫩，有陣陣炭燒味，再蘸少少泰式酸辣醬，夠曬酸辣惹味古早魚香老鼠粉煲 : 老鼠粉即係我地食開嘅銀汁粉，口感又嫩又滑，再配埋蛋黃、鮮蝦、冬菇、椰菜花、鹹魚及鹹魚檸檬汁、味道鹹香惹味檸檬薏米水 : 薏米水去濕清熱，又可以改善水腫排毒，加埋檸檬仲可以補充維他命 C ，更加健康美味清心丸綠豆爽 : 滿滿的綠豆蓉及馬蹄粒、清心丸煙煙韌韌，清熱利濕，最鐘意食的特色甜品之一招牌酸柑香芧凍 : 果凍香茅味重，加埋奇亞籽冰，酸柑一齊食，味道酸酸甜甜好好味

同老公去日出康城睇戲，顺道在商場瀏覽，途經英皇戲院，見一家PARADISE CLASSIC 樂天經典。樂天經典位於The LOHAS商場4樓，有少少隱蔽，窗邊位置可以隱約見到溜冰場，餐廳環境寬敞明亮，裝修新淨，座位闊落舒適，桌椅之間的距離好夠，唔會好迫，適合一家大細、情侶同埋一班朋友用餐。與此同時，亦被店外的廣告牌吸引，所以入嚟試下！家鄉炒麵線炒得好夠鑊氣，唔會太濕太腍身，麵條口感爽彈。阿婆苦瓜炒蛋正正常常，苦瓜夠爽帶少少苦味，炒蛋不會過熟，尚可接受。脆脆咕嚕肉咕嚕肉肉質外脆內鬆軟，無骨啖啖肉，食落肉軟又多汁，加上青椒、紅椒、洋蔥一齊炒，再淋上酸甜汁，酸酸甜甜好開胃。

前排媽咪經過「樂天經典」, 係門口餐牌得知逢星期一、三晚市推出優惠, 吸引我地今晚去食返餐。餐廳環境舒適開揚, 店員隨即送上熱茶同menu。最後我地揀咗個二人套餐, 多項菜式自由選擇, 套餐有齊餐廳人氣菜式, 仲包括一隻螃蟹, 加埋茶位同加一, 都係HK$750有找, 比起單點更為實惠!!【自選二人套餐B 包括螃蟹)】HK$668蒜香紅海蜇頭: 海蜇頭口感極為爽脆, 調味汁酸酸辣辣, 後續帶點甜, 感覺清新開胃。菜香鐵板豆腐(小):鐵板熱辣辣上檯, 墊底嘅蛋皮剛剛好熟, 放上外層有如豆卜嘅豆腐, 淋上秘製滷肉茨汁同埋菜蒲、香菇、蔥花、肉碎, 豆腐外層稍為盡咗個汁, 鹹香適中、微辣帶甜, 內裡嫩滑得入口即化,  任何年紀嘅朋友都喜歡。星洲黑胡椒螃蟹(小)螃蟹肥大肉厚, 以黑胡椒烹調, 散發陣陣胡椒香, 令蟹肉更提鮮惹味, 齒頰留香。古早魚香老鼠粉煲(小)上檯時隨即加入鹹魚檸檬汁, 老鼠粉配有窩蛋、蝦、椰菜花、冬菇、鹹魚、鹹魚醬等…老鼠粉口感滑嫩粘糯, 窩蛋令口感更順滑, 蝦爽彈, 整體味道鹹香美味, 富層次感。檸檬薏米水(溫): 薏米水清熱去濕又養顏, 加埋檸檬更加有益健康。豆漿(溫):