樂天皇朝薈萃 (AIRSIDE)

樂天皇朝薈萃(九龍城) @paradisedynastyjohor 📍：香港九龍城啟德協調道2號AIRSIDE 4樓L418號舖🚗：啟德地鐵C出口 步行分鐘📞：+852 2177-0002💲：~HKD220/head for lunch Food quality✔️：黑豚肉小籠包、燕窩腰果露👌🏼：生煎牛肉餅、芋絲春卷、花蔬蒸餃、陳皮五香牛肉、上海媽媽烤麩、皇朝擔擔拉麵、鮮蝦黑豚肉雲吞豬骨湯拉麵、上海炒飯、宮廷驢打滾、擂沙湯圓❌：黃橋燒餅、上海黑豚肉生煎包、無錫黑豚肉鍋貼、聞香葱油餅總結：🤔大集團中高檔酒樓 分店眾多間間都好多人排隊 呢餐係一家人食 已經係下午茶時段有8折 但食完覺得貴價唔抵食🫨🤔成餐除咗黑豚肉小籠包 燕窩腰果露都麻麻地 仲有幾碟好難食😣🤔點心都要$40-$50/蛊 size較為小巧玲瓏 份量都唔多 重點係唔好食 所以長輩們都不甚滿意 而飲茶嚟家嘢我一向都覺得 長輩唔滿意我都唔滿意🙊🤔環境大 裝修都頗有格調 酒樓多人就較嘈雜 枱同枱之間都好逼 要大聲講嘢先得😨佢啲包餅類都十分油膩 燒餅 生煎包 鍋貼🥟葱油餅都超唔推薦 好似食咗成口油咁😨性價比極低 食物唔好食仲要唔抵食 唔明有咩值得排隊🥲…查看更多

高級中菜😅行開Airside 就揀左呢間中菜館試試，由於6點幾就到餐廳，根本上唔洗排隊就可以入座。入到去裝修都唔錯，座位都好闊落。入座後職員都好快咁送上熱茶及小食（🥲可唔可以唔要，因為要收錢）。而點餐方式係自助形式，如果唔想自助點餐，都有餐牌睇再搵職員幫手落單。而我就點左以下菜式：八色小籠包東玻豬肉重慶麻婆豆腐生煎包整體食落感覺一般，唔會有再想食ge感覺。如果未試過，可以試吓，不過價錢就比較貴，份量唔算多…查看更多

呢間上海菜其中比較吸睛嘅係八色小籠包，有多款小籠包嘅味道，創新又好味😋🥢 特式皇朝小籠包（8色）一次過試勻8款口味，每款都好有特色： - 原味：湯汁鮮甜，皮薄餡靚 - 糟溜絲瓜：清新爽口- 鵝肝：濃郁又香- 黑松露：松露香好突出- 芝士：芝士味唔會太濃，但係又好味- 蟹粉：鮮味爆燈，蟹膏多到漏 - 蒜香：蒜味濃而不嗆 - 川味：微辣刺激🍄 黑松露雞肉帶子燒賣燒賣頂有帶子，黑松露醬幾香，雞肉餡彈牙唔乾，創意同傳統完美結合～ 🐮 生煎牛肉餅外皮煎到金黃脆口，牛肉餡多汁🍜 開陽蔥油拌麵簡單但好食！蔥油香而不膩，撈勻食滿足～ …查看更多

好耐冇食中菜🥢早幾日同老公去左AIRSIDE既樂天皇朝食晚餐🤗好鍾意呢度既環境❤️乾淨企理，空間感大座位多，感覺舒服又有格調！遲d做節考慮帶埋長輩過黎一齊食😝❥ 特色皇朝小籠包（八色）$148黎樂天皇朝一定要食特色小籠包🤩每款小籠包顏色都唔同，好色彩繽紛好cute🌈小籠包大大粒，每款都有唔同味道，有川味、蒜香味、芝士、黑松露、蟹粉味道等～食落又幾match🤭小籠包皮薄餡靚，咬落去有爆汁既滿足感大推👍🏻❥ 成都口水雞 $93雞肉偏扎實、嫩滑，沾滿香料辣油，超級惹味😋（食開小辣既我覺得辣度岩岩好😋）除左辣仲充滿麻香♨️配飯食一流！❥ 雪菜蝦仁炒飯 $98蝦仁份量充足🫶🏼味道鮮甜爽口，配埋雪菜既咸香味，食落好有風味，口感豐富🍚飯粒炒得夠乾爽，粒粒分明，好香好有穫氣！鍾意食炒飯既朋友唔可以錯過～…查看更多

今次同朋友嚟到啟德嘅樂天皇朝薈萃食飯，呢間餐廳位於機場啟德區嘅4樓，環境算幾有格調，裝修帶少少現代感，餐廳光線柔和，空間感唔錯，座位安排得寬敞，坐得好舒服。食物方面我哋點咗幾樣招牌特色小食同主菜。蟹粉生煎包三件，外皮煎得金黃香脆，包裏嘅蟹粉鮮味十足，好濃郁，而且啖啖肉，肉汁Juicy，食落去好Q彈，口感層次豐富。蟹粉豆腐嘅豆腐嫩滑，而且入咗蟹粉嘅鮮甜味，味道好冧，蟹粉味道同豆腐融合得剛好。上海炒年糕，好煙靱，口感彈牙，配料味道惹味，帶有微微甜味同鹹香味。雪碧冰涼清新，可以中和返啲重口味嘅菜式，令口腔舒服唔會太膩。…查看更多