樂園魚旦專家 (海達街市)

樂園魚旦專家 (海達街市) (深水埗)📍深水埗深旺道38號海達邨海達街市地下39-40號舖樂園魚旦專家位於深水埗的海達街市，是一間專門提供香港地道小吃的小店。這家店鋪的位置在深旺道38號海達邨海達街市地下的39-40號舖，對於尋找地道美食的食客來說，無疑是一個容易找到的好地方。這裡不僅交通便利，而且周圍的屋村街市氛圍濃厚，讓人在享受美食的同時，也能感受到香港市井的獨特氛圍。今日午餐，要買外賣。就想起去食魚旦河。這道菜使用的魚蛋彈性十足，外層微微有點焦香，入口即化，與滑嫩的河粉結合在一起，口感層次豐富，非常適合喜愛傳統香港風味的食客。河粉本身吸收了醬汁的精華，每一口都能品嚐到細膩的味道。這樣的組合，不僅令人回味無窮，也彰顯了廚師對食材和味道平衡的精湛掌控。至於凍檸茶，則是一杯解渴又提神的好選擇。酸酸甜甜的檸檬味道配上冰涼的茶，不僅能為炎炎夏日帶來一絲清涼，也是與魚蛋河完美搭配的飲品。這杯凍檸茶的檸檬香氣足夠，茶味也恰到好處，不會過於濃厚而蓋過檸檬的清新，是一杯調配得相當均衡的飲料。好味😋…Read More

海達邨的食肆不多，魚蛋粉更加只有一間，所以平時經過街市或者附近準備返工放工的人都會買返碗醫肚。今天叫了碗牛肚米外賣，簡簡單單又一餐。因為湯和米粉沒有分開裝，拎到返屋企已經吸乾水。唔知係咪因為吸乾水的關係，米粉很多，成碗麵大大碗，地盤佬都一定食得飽。🤣 牛肚份量都多，很林和入味，爽口。可惜他沒有問我要唔要葱，就加了一大羹葱。😅 餐廳位於街市入口，非常顯眼，出出入入都見到。座位不多，因此很多人都會外賣。…Read More

去開深水埗想食碗麵清清地見到呢間有得食牛雜就一於試一試係深水埗來講 呢個價錢一啲都唔貴性價比亦都算高由於想食牛雜就叫咗個牛雜可同埋牛三寶外賣返屋企食就算外賣返去都唔會凍哂二餐廳亦都會分湯牛雜嘅份量都唔錯牛內臟食得出都係乾淨而且亦都冇腥味唔錯唔錯至於牛三寶分別有牛筋牛腩牛肚鍾意食牛嘅朋友一次過可以滿足晒三個願望而呢個價錢來講絕對唔貴下次用呢張單消費仲可以多$5洗添如果下次嗌外賣亦都會再叫樂園魚蛋專家！…Read More

港式魚蛋河一直都係我中學回憶食物中嘅首位。 今次黎到位於街市裡面嘅麵檔食翻回憶嘅湯麵。叫左個招牌魚蛋河拼牛丸加腩汁同金牌牛三寶。魚蛋係手工整嘅，外貌似豆腐，食落好有魚味，口感彈牙、而且份量唔少。牛丸多汁，唔會乾淨淨，湯底加腩汁永遠冇得輸，朋友將成碗麵連湯食曬。至於牛三寶，個人非常推介。 比左4大夠牛筋，佢唔係煮得好軟身個隻，反而係有咬口，比到我啖啖骨膠原嘅感覺。牛腩同平時食開嘅唔同， 佢採用薄片切法，拎肉質更淋同容易吸曬d湯汁，唔肥抵讚。牛肚份量唔多，但係都煮得入味易咬。 碗河粉份量好大，我自己差d食唔曬, 呢個價錢相當抵食。 …Read More

牛腩河、魚蛋米🍜一直都係香港地道美食新開嘅南昌街市入面開咗樂園魚蛋店舖唔算好大，但都好多人食價值相宜，一於試下招牌魚蛋米招牌魚蛋 $36招牌魚蛋米🍜有黃金片頭同招牌魚蛋白魚蛋好好味，爽口彈牙係正宗手打白魚蛋🤟🏻米粉係港式米粉，比較淋身牛腩米 $36牛腩有好多件，每手肥瘦均勻一肥一瘦隔住，牛腩油脂好香啊口感唔算好硬，有口感湯底加入腩汁，每啖米粉都幾索湯，啖啖牛腩味識食梗係要加秘製辣椒油撈匀，滋味好多啊🤤樂園魚旦專家 深水埗深旺道38號海達邨海達街市地下39-40號舖…Read More

海達邨街市是新式街市，有冷氣乾乾淨淨，還有幾間小食店可以試下，無意間發現有間樂園魚旦，之前試過觀塘分店又好味😋香港製造，持之以恆。金牌牛三寶 $52來吃樂園魚旦當然要點牛三寶，有牛腩、牛筋和牛肚。粉麵選擇有河粉、幼麵、粗麵，米粉和米線。每次食粉麵，小編都會點河粉😂😂河粉份量多，煙韌有口感。大大舊牛腩，紋得很腍，肉味香濃，吃起來也算嫩口。牛肚入味，脆爽軟爛。牛筋嚼起來彈壓筋道，卻又綿軟滑嫩。夏天當然要喝杯冰凍飲品，凍好立克和凍利賓納。配上自家製辣醬更多美味。餐牌如下。粉麵種類多多，有牛、豬手、餃、丸類。除了粉麵外，還有飯類。如果你喜歡吃丸類、雲吞和水餃，可以到樂園魚旦買火鍋配料。小編最喜歡在家煮麵會加丸和水餃🤣…Read More

今日嚟到海達邨街市，是最近剛落成的，算是乾淨企理。見到這間有連鎖分店的粉麵店— 樂園，之前試過旺角分店，今次試一下這間，點了一款牛和丸加飲品，疫情關係晚市禁堂食，外賣回家吃。牛三寶河 加紫菜 HKD 53+5 - 分別有牛筋、牛肚和牛腩，賣相比上次優勝，大大件，牛肚夠爽口彈牙，大大件啖啖肉，牛筋淋滑，牛腩脂肪偏肥，夠嫩有牛味！略嫌偏咸。河粉正常發揮。四寶丸幼麵 加紫菜 HKD 46+5 - 分別有魚蛋、魚餅、肉丸，墨魚丸。丸類夠彈牙，最愛墨魚丸，幼麵偏淋，正常發揮。以上兩款麵加紫菜只需5蚊。飲品方面可選各式汽水和豆漿。買完外賣還可以逛逛街市。…Read More

趁仲有堂食，點都要出去食下粉麵就係點都要堂食，外賣返去都淋曬街坊推介喺海達街市裏面嘅樂園之前喺南昌薈街市入面淨係賣丸、餃子都幾好食嘅，今次終於食番碗粉舖頭唔算好大，入座要等一陣位朋友叫咗一碗牛三寶有牛筋、牛腩、牛肚我自己做對內臟一般， 所以就叫咗牛筋腩河今次呢個牛腩同我想像中嘅牛腩有少少唔同 ，E個淋D同埋牛味比較重， 牛分量都幾多朋友叫咗豆漿，以為係一杯，原來係壹品豆漿 我自己就叫咗熱華田因為係下午茶嘅關係嘢飲都只係加五蚊都幾抵今次食完先諗起，冇加到紫菜，下次要加埋個紫菜要慢慢習慣沒有堂食的日子…Read More

天氣凍凍地，又想食下牛腩麵，黎左呢間新開嘅係樂園魚旦專家，位於海達邨街市入面，裝修亦都好新好靚。嗌左金牌牛三寶$52，要幼麵，加$8要左杯熱奶茶。牛三寶分別有牛腩、牛筋、牛肚，牛腩食落去少少脂肪，半肥瘦咁，咬落去啲肉好冧，而且肉汁非常多。牛筋亦好有𡁻口好好咬，好彈牙，都有4十條牛筋左右，而牛肚都好厚好大舊，食落去充滿牛味。而幼麵方面，有少少梘水味，食唔到梘水味嘅朋友要留意一下啦，個人覺得好好味！餐廳都好貼心，佢會將湯底同麵分開上，驚啲麵浸太冧影響麵嘅質感。另外，仲嗌左個雲吞麵$32，加$8壹品豆漿，都係要幼麵，total有4粒雲吞，每粒都好飽滿，食落去好滿足，而且入面包左好多蝦肉，非常唔客氣！飲品方面，熱奶茶飲落去好順口，茶膽味非常充足，而奶嘅份量亦溝得岩岩好，恰到好處，完全可以將奶茶嘅精華散發出黎！估唔到奶茶黎講做得咁出色！！豆漿就支裝黎，正正常常，飲得過的。…Read More