樂園魚旦專家 (淘大商場1期)

營業中

休息中

趕住睇戲 同朋友諗緊食咩快食經過淘大商場見到有樂園魚蛋專家快靚正岩晒 雖然係快食 但都要有質素 想咩都食d 所以叫左個樂園四寶丸米線 有魚蛋 、魚片頭、魚皮餃、豬肉丸 魚蛋同魚片頭好鮮味 魚皮餃自家製 比出面大粒 皮又煙靭食落好juicy 朋友食牛既 叫左牛三寶粗麵有牛筋 牛腩 同牛肚 雖然$52少少貴 但俾既份量好多 鍾意牛腩好淋 牛筋唔會硬 值回票價加杯凍檸茶 都係$7 呢個價錢同質量無得輸呀 呢到仲有生餃可以買 第日打邊爐買黎試下都唔錯呀

樂園魚旦專家 (九龍灣)九龍灣牛頭角道77號淘大商場1期地下G12-15號舖新式粉面檔，卡座為主，環境舒服、清爽，有別於舊式粉面鋪油膩、逼迫的感覺，侍應亦有禮貌，仲會推介下餐牌，有傾有講咁，令我對粉面鋪有所改觀四寶丸粗麵 $52湯底鮮甜，粗麵索曬湯頭的鮮味，滑溜順口，魚蛋有淡淡魚肉鮮味且Q彈，魚片爽脆，豬肉丸略軟，但整體水準不錯，如果唔想考慮太多，可以直接叫尼個，乜都有d，大滿足！牛雜拼豬手河$49牛雜燉煮得軟糯而非軟爛，綿得來Q彈入味，豬手也是相當滑嫩，河粉不易斷，有足夠米香，吸收牛肉湯汁後濃香美味凍甘桔雪碧$13酸甜過癮，成罐雪碧自己倒，無花無假，夠氣，夏天飲下真心好爽凍柑桔$13夠酸甜，快樂水

好耐無食魚蛋粉，一諗起魚蛋粉，梗係要食老字號😍😍要食由細食到大聽到大既樂園啦😄😄咁岩朋友想去九龍灣買野，就同朋友去咗喺淘大既分店🤓一去到發現舖頭裝潢設計好新😄 感覺乾淨又衛生😍😍服務員態度仲好好，親切有禮😆我地叫咗兩碗麵同兩個飲品外賣拎番公司一齊分享，慢慢嘆🤓🤓上菜速度超快呀，等咗數分鐘就拎得啦😊😊金牌牛三寶米線- 有牛腩、有牛筋和牛肚！ 份量足！好味❤️樂園四寶丸米線- 正呀！ 一次過食哂四款💓💓豆漿- 樽裝❤️ 乾淨又衛生❤️❤️❤️凍檸樂😍😍😍- 有三塊新鮮大大塊既檸檬🍋仲有一杯冰！ 喺炎熱天氣下超級解渴❤️❤️樂園魚旦專家 (九龍灣)九龍灣牛頭角道77號淘大商場1期地下G12-15號舖

金牌牛三寶$62 叫左個河粉。湯底係牛腩汁，好濃郁，又唔會太油。牛三寶質係牛腩、牛肚同牛。牛腩好林，因為用牛腩汁煮，所以午腩好入味。牛肚冇騷味同腥味。牛筋一咬就鬆化左，啖啖豐富蛋白膠原。上菜夠快，餐廳又乾淨。就算係lunch hour ，撘台都坐落算闊落。檸檬利賓納（熱）叫左杯熱嘅檸檬利賓納，有4片檸檬。都幾抵飲，叫左小甜餐廳都肯幫我小甜。

之前食過唔好食加職員態度差，已一段時間無幫襯，諗住再俾多次機會佢，近近地食碗牛腩河，可惜都係失望。牛腩次次都俾埋啲柴既部位，好難食，河粉份量多，叫多蔥無多蔥，其中有個身形肥胖的姐姐態度好差，應該唔會再去食。

淘大有好多餐廳，呢間都算係高質同高性價比嘅粉面之選。呢間粉麵店雖然分店好多，但保持到質素，我哋夜晚8點幾先食，店裡仍然人頭湧湧。我地食咗佢嘅皇牌墨丸河粉，啲墨丸好彈牙，見到個湯底清清地，所以我哋加咗少少醋同辣椒，味道係surprisingly 地好，見到佢哋有辣椒醬可以買，應該都真係好好味。另外，試咗牛腩河粉，嗰啲腩汁好入味，而且牛腩好易入口，唔會太難咬開，都係好好味嘅一道菜式，而且牛腩有好多舊，多到我都食唔晒。而加飲品可以加$8，本身我哋以為只係普通嘅豆漿，點知原來係壹品豆漿，誠意十足，豆漿好好飲，我係飽到要將豆漿帶走。我幾欣賞嘅一個位就係豆漿係獨立樽裝，飲唔晒可以帶走，唔會浪費。今次實在太飽，食唔到佢嘅小食，下次有機會一定會再試佢哋嘅招牌小食。

嗰日咁啱喺附近睇戲 睇完戲都九點幾 發現附近嘅餐廳就閂門好多都唔再接生意唯獨是呢間魚蛋粉 都仲係坐滿人咁諗住求求期期食飽就快啲返屋企🏡最保守都係嗌嗰啲嘢食 所以叫咗個鳳城水餃幼麵🍜🥟 話就話好保守 但係其實水餃都幾考功夫😏 咁佢係菜肉水餃 入邊有少少木耳絲令我有驚喜嘅係呢啲小店，竟然都做到皮薄餡靚 而且肉餡都幾多 唔會話食到成口粉麵餅就不過不失 鹼水味唔夠重 不過勝在夠彈牙😌 最後加多一碟新鮮油菜🥦 宵夜嚟講算係一流！！🥦🥦🥦🥦🥦🥦🥦🥦🥦地理 7/10環境 7/10味道 7/10服務 7/10🥦🥦🥦🥦🥦🥦🥦🥦🥦

今晚要等收貨所以就決定買外賣，想清清地揀個粉麵食，記得樓下呢間餐廳成日都見唔少人食， 今晚就決定試下要咗個牛三寶併雲吞粗麵同凍檸茶牛三寶有牛筋，金錢肚同埋牛腩牛配料煮得非常入味,大大條牛筋有咬口，金錢肚好夠淋又香，牛腩份量又多而且唔會鞋口，肥瘦得宜。雙併嘅雲吞入面有大大隻蝦，差唔多同一雲吞一比一，如果可以多一粒就好，太好味兩粒唔夠喉。見到佢有買生料，過兩日要再買嚟滿足下。咁好嘅質素，價錢唔貴，高cp值，要推介下！呢到湯底唔會太鹹，配粗麵煙煙靭靭，飲埋杯檸檬茶，茶底非常好味真係好滿意。

💛好味指數:4.5/5💛💜回頭指數:4.5/5💜✅肥牛魚皮餃米線 $49上菜速度都幾快，魚皮餃係自家製，食落幾香魚肉味，肥牛正正常常。✅五香牛腩雲吞麵 $49牛腩幾好食啵！炆得好軟腍同好香，入口都幾重牛味，雲吞都係自家製，見到成隻鮮蝦係入面，真材實料👍🏻🐻總結性價比都ok，食物份量多，員工服務都唔錯，如果想簡簡單單食碗粉麵，黎呢到都係一個選擇👍🏻📍 樂園魚旦專家 九龍灣牛頭角道77號淘大商場1期地下G12-15號舖

呢日去牛頭角工作，返工前經過呢間麵粉店，就諗住食飽先開工，坐底見D粉麵價錢都算合理，點左牛什撈粗麵～撈麵要加$8，但好想食～唯有照加上枱見到好大碟，應該至少有1.5個麵底，唔怪之得要加$8，心理上安樂哂🤭牛什有四款：牛肚、牛腸、牛肺同牛蒡，而我最至愛嘅牛蒡只有一片🥹鹵水味較淡，牛什處理都算乾淨，否則會有內臟腥臭味，牛腸又唔會洗晒D肥膏，食到粉嘅質感

男朋友話樂園粉麵好出名，但我又未食過，今日出去拜年喺附近，就行咗去食😃招牌牛坑腩河，入味又夠淋😋肥牛片頭河，片頭好爽口🤩油菜好甜😌蝦餅好香脆😙加埋兩杯嘢飲，全單$186，超平的開年飯😆😆

❣︎ 淘大新開的連鎖魚蛋粉招牌係手打魚蛋價錢大眾化🤑放工想簡簡單單食啲野揀左呢間粉麵店外賣🥡🥰環境光鮮企理燈火通明💡外賣🥡揀可分湯或不分湯分湯要加1蚊🤑落單感覺啲員工都好熟手好快就處理好我張訂等左一陣好快就拎得🥰♡⋯⋯食評⋯⋯♡ ☻ 4.6/5 牛腩河 $39湯底唔太油膩 腩汁味道好正河粉夠滑 吸哂啲腩汁都幾入味牛腩香濃入口多汁 口感軟韌份量唔小都幾抵食牛肚魚皮餃米 $49湯底一樣腩汁夠香牛肚肉質有彈性之餘無腥味魚皮餃睇落係自家製作都幾正見到佢哋仲有賣其他自家製餃子下次打邊爐會買來試吓🥰

樂園魚旦專家 (九龍灣)好食度： 😋😋😋/5性價比： 😌😌😌/5回頭率： 🚶🏿🚶🏽🚶🏻/5價錢：HKD43，雲吞麵加配炸雲吞可憐嘅九龍灣無咩平平粉麵食，淘大花園呢間樂園魚旦已經係比較平嘅一間嚟。姐係有時港男唔想食太多，想食吓粉麵都會過到嚟呢度食嘅。咁一碗「細蓉」就卅三，可以加錢要嘢飲或許小食，咁港男就加埋個炸雲吞添，呢度雲吞都幾好食，入面隻蝦係好味，唔會係霉霉爛爛咁。雖然個湯底同麵都係普通，湯有啲淡口咁，不過呢個價錢，係咁上下㗎啦。———-//////————地址：九龍灣牛頭角道77號淘大商場1期地下G12-15號舖電話：23639628～～～～～～～～～#堂食 #kongerguy #kongercouple #搵食 #情侶 #港侶 #couple #foodie #food #美食 #九龍灣美食 #九龍灣 #雲吞 #雲吞麵 #炸雲吞

因為要戒食牛🐰覓食繼續以健康為主🐰（係時候睇返先前買落o個本書，點樣天天外食也能瘦🤣）加上身邊最近都有好幾位朋友中左covid, 所以尋晚吞口水時覺得有少許咽喉痛，個心都離一離🐰於是晚餐都係揀d濕口暖胃為主食，餐飲都係滋潤d, 但都係忍唔住叫凍飲🐰🐰樂園四寶河粉選擇困難症寶寶之選，魚蛋、魚片、貢丸、墨丸、魚皮餃，應有盡有，其實仲想試鳳城水餃，但四寶粉麵不能再雙拼了真可惜🐰不過個河粉都幾大碗，所以都食飽lu🐰凍檸蜜少冰少甜飲落似菜蜜同2埋可以再少d 冰，可以的話可以加多2塊切片檸檬🤔（好麻煩🤣）都係大大杯，生津解渴🐰入到餐廳都聽到好多人叫咖哩牛雜飯，都好似好吸引，最衰我咖哩同牛都唔食得🐰下次要試下🐰

屋企附近，本來開咗間新餐廳，見到間嘢竟然稱自己為魚蛋專家，咁我呢啲唔信邪嘅人就梗係叫個牛腩飯試吓啦，叫我返嚟發現見到牛腩麵好似唔係幾靚，諗住今次一定中伏㗎喇，但反而食落感覺又OK喎，真係估唔到啊魚蛋專家啲牛腩都有返啲水準，但如果你話非常好食，又當然未去到嗰個水準嘅，但係如果你簡簡單單一餐嚟講完全係不過不失嘅😗