樂園潮州粉麵

營業中

休息中

多年前經常幫襯食麵及打冷，但近呢5、6 年D嘢食冇之前咁好味，D打冷仲貴左好多，最近去食麵，叫左牛腩粗、牛雜米多蔥蒜及一碟通菜，凍檸茶，牛雜米唔錯，牛腩粗，D麵好似硬左D，未淋😅，碟通菜$20，好少份量。

叫左佢俾瘦啲我，點知俾左3件大肥肉我。開始個打冷話人地個個都要肥啲點解你就要瘦啲。我都應左佢我唔食咁肥膩嘅嘢，仲要減肥。我開夜班，尼餐等於我午餐加晚餐，最後只食得啲梅菜加白飯加另外一舊無咁肥嘅，仲要挨12個鐘先收工。

呢間係美孚唯一嘅一間潮州食店，會聽到佢哋講嘅潮州話。🫢一間好有潮州地道特色嘅餐廳。因為佢有齊晒大部份最傳統嘅美食。打冷嘅嘢真係好多人都鍾意😋。每天下午茶或者隔個禮拜夜晚就會落去食餐自己家鄉嘢。😝我就經常食佢哋個下午茶嘅四寶米腩汁多蔥😜。屋企人就最鍾意食佢哋嘅牛雜麵或者係牛肚河粉👍。如果係夜晚食我自己就最鍾意嗌佢哋嘅鵝片，同埋韭菜豬紅，熊仔肉碎粥🫶🏼。呢間開咗好耐㗎啦，傳統嘅潮州人經營，夜晚仲好多人特登走來放工一齊啤下佢。😹

簡簡單單搵一間餐廳食果lunch，揀左間出面食過既一間「樂園潮州粉麵」，但餐廳環境普通，未算好乾淨企理。 嗌完外賣都等左一陣先拎得，係等既途中仲見到有店員冇帶好口罩，covid-19咁耐，都冇衛生意識，尼點有d失望！ 嗌左碗牛腩米粉，牛腩肉唔多，仲要有少少靭。果湯底清到沒有牛腩味，連牛腩肉都沒有牛味，唯一米粉份量好多。 整體黎講，試完尼次唔會再想去食，牛腩米粉沒有牛腩味，仲算係牛腩粉麵咩？我真搞不懂… …

有朋友住呢一區。通常如果諗唔到晚飯食乜嘢都會落嚟打冷今晚事頭婆推介大頭蝦。用潮州凍蟹嘅做法。蝦頭有膏蝦肉夠爽甜。唔使點普寧豆醬或魚露都好好味。算係冇介紹錯。其他都係一般打冷會叫嘅菜。韭菜豬紅煮得夠入味。滷水牛雜亦都一樣炆得入味。潮州蠔烙乾身亦夠脆。要特別一讚而家嘅通脹環境啲碟頭份量依然咁多。叫咗咁多重口味嘅嘢，於是叫番碟白灼通菜中和一下。最後上枱嘅係方魚蠔仔肉碎粥。四個人眨吓眼就KO 所有食物。非常滿意的一餐。

今日同朋友試下呢間嘢, 之前有另一個友人介紹過呢度選擇都算多, 而且彈性, 可以隨意地配搭, 不過價錢唔算平!侍應姨姨都好勤力, 會推介下食物, 但就站住唔想行開咁, 哈!我地揀咗鵝片拼墨魚, 鵝片只有面幾塊係完整, 下面嘅都碎上, 可能係之前斬過比人剩嘅! 原本我想投訴, 但朋友話算墨魚非常淺色, 唔似平時食開嘅, 而且好林身, 完全唔爽口!豉椒炒雙腸係無咩味, 要靠點枱面上辣醬, 不過佢地辣醬做得好好, 非常夠辣!店鋪冷氣唔多夠, 而且聲音好聚集, 所以同朋友傾計都要稍為大聲一D, 都幾嘈吵另外較少見係店內有烏蠅, 要睇住D食物唔好比佢停低同要揮手拍一下

美孚區如果想打冷，好彩都仲有呢一間。今日同爸爸到呢間小菜館打冷，爸爸最鍾意食嘅係佢嘅橙色墨魚🦑，貪佢夠彈牙，我就係叫咗魚蛋河，魚蛋彈牙，河粉夠滑，再嗌左個煎蠔餅, 蠔餅入面有好多蠔仔，非常足料，啖啖香脆，食完一個都已經飽咗八成。不過我哋都好鍾意食蠔仔嘢，所以再叫多個蠔仔肉碎泡飯，同樣係咁多豪仔，細細粒加埋菜譜同芫荽，又香又惹味。不過衛生方面認真麻麻，個地下油粒粒，食完行出店舖個鞋底黐粒粒，一路食一路有蚊之仔周圍飛。希望店舖搞搞衛生之後，生意蒸蒸日上。

剛剛係美孚睇完醫生，口啖啖清清地諗住食碗粉。之前朋友話樂園都多人食應該唔錯，平平地就試下啦。入到店員都有禮貌，叫咗碗四寶米粉裡面有魚蛋、魚片、魚片頭、豬肉丸、墨魚丸、魚餃可以一次試晒唔同款式。整體麻麻地魚蛋好淋唔彈牙，最難食魚餃塊片好厚。湯底好香有炸蒜和蔥。但食完後好口渴😣唔會再回頭

見完客，老公突登揸車嚟接我（咁重要嘅事，梗係要記低 🥰🥰）順便係呢邊食埋飯因為2 寶寶唔係好肚餓叫左2 個餸已經差不多1. 䜴椒炒蜆個味道ok 嘅，但真係食得出d蜆唔夠新鮮當然未至於太差，但唔夠鮮甜同有沙2. 蠔仔粥相反，個蠔仔粥係超足料超好味😋$55 蚊，我同老公每人分左幾碗，食極都有其實呢間我以前食過好多次我覺得佢個牛腩片頭麵係最好食嘅同埋佢個辣椒油

Moved to this area a few days ago. Started to try out different local restaurants in the area. This was by far the best local restaurant. The chiu chow congee was very good according to my friends. Everything was very good also. The staff were very friendly and gave a lot of recommendations even though it was a busy dinner service.

落雨天，一個人落樓下食lunch。e間潮州粉麵都開左好多年，平時多食魚四寶，今日試下金錢肚。河粉同湯和平時一樣冇得彈，金錢肚味道都幾香，食完成個人即刻暖笠笠。唯獨是價錢唔太平，粉加菜都要60幾蚊，但係美孚都係咁既價錢啦

潮汕蠔餅蠔餅火喉岩岩好，表面煎到金黃色😍 食落好香口好脆，但唔會好油，送啤酒一流🍺 叫左清島啤酒，啤酒係枝裝上嘅，仲有另一個選擇係藍冰啤酒。蠔餅好大塊，相中係有兩大塊蠔餅疊埋一齊，份量十足🤩 蠔餅加左蛋漿一齊煎🍳 令蠔餅好有蛋香味，蠔餅仲有d蔥粒，唧埋檸檬汁令蠔餅冇咁濟，蠔粒好足料，啖啖蠔餅啖啖蠔粒🤣 之前有食過蠔餅嘅蠔粒好腥，但呢個一d腥味都冇，點埋醋食更加突出蠔粒嘅鮮味，係食宵夜邪惡必點之選！

同朋友想一齊食打冷好耐，就朋友腳就黎左呢間樂園食 樂園好近地鐵站，係美孚地鐵站出閘，再行少過5分鐘就會到小編同同行朋友叫左菜花、滷水拼盤、蠔餅同埋凍烏頭菜花夠甜無渣係細碟左d咁啫滷水拼盤就無咩特別，做到普遍打冷舖既水準咁囉蠔餅炸得好香好鬆脆，蠔同餅既比例都啱啱好，同埋都幾夠大份凍烏頭係黃油烏頭，魚肉肉質好好，魚味都夠，不過就偏細條左少少呢間樂園屬於正路既打冷舖，會開得比較夜，又就到朋友腳，下次有機會可以再黎

三人晚市想潮一潮，決定到美孚一家潮州店打冷。三人點了一客細的鹵水鵝片，豬皮蘿蔔併豬紅，腐乳通菜，鹵水豬大腸併墨魚及鹽焗烏頭。鵝片切得比較簿身，鵝肉肥美多肉汁，墊底的鹵水豆腐及鹵水花生亦炆得相當入味。豬大腸併墨魚，鹵水豬大腸一點也不肥膩，墨魚肉較實有𡁻頭。本來想點大眼雞，可惜店員説賣光了。我們只好點鹽焗烏頭，烏頭比較細條，肉質結實。豬皮蘿蔔拼豬紅，豬紅又滑又入味，吃了一嚿又一嚿，停唔到口，蘿蔔亦無渣。腐乳烚通菜$20/碟，餐牌上寫椒絲腐乳炒通菜要$60/碟，烚的只需$20/碟，精明的消費者要自行判斷喜歡炒還是烚菜了。如三五知己想不太拘束地坐耐一點，傾下計，這裡是不錯的地方。

由於我同老公你結婚前都係美孚住過，對美孚嘅環境同食肆都非常熟悉。 美孚都有好多號食肆,而呢間鋪歷史悠久，亦係我地其中一間favourite。我本來唔識食牛雜，但由於老公好鍾意食牛雜河， 感染到我都好鍾意食食埋一份。牛雜唔係好多食肆有，有亦唔多地方好食。好食嘅牛雜軟硬要適中，腸要林、清左腸臟內嘅肥膏唔肥膩，入味但唔太鹹，湯底香濃。呢間餐廳嘅牛雜河達到以上嘅requirements。加埋杯凍咖啡、加碟通菜就正晒。