樂咖啡室 (已結業)

今日食評有✍🏻 Playground cafe @香港遊樂場協會試食指數⭐⭐⭐店舖衛生⭐⭐⭐⭐侍應態度⭐️⭐⭐⭐((每項5⭐️為滿分)) ·位於麥花臣場館旁邊一個不太起眼的入口位今日去上堂才找到的一個場地五層樓嘅大樓餐廳位於3樓食物種類多選擇沙律、意粉、小食都有·我哋點了1️⃣肉醬意粉⭐⭐⭐/5茄醬偏酸意粉同埋啲肉醬好似分開上碟咁樣似家庭式製作2️⃣牛油果特選⭐⭐/5首先佢嘅賣相係ok精緻不過配搭比較奇怪扮benedict但又扮得唔似🤣口感搵都一般做到cafe的觀感但做唔到cafe的質素3️⃣咖喱魚蛋⭐⭐⭐/5呢個就有水準喇🤣真心推薦咖喱魚蛋小食4️⃣薯格⭐⭐⭐⭐/5炸得燶咗少少🤏🏻不過賣相味道都ok5️⃣杏仁豆漿、凍檸茶⭐⭐⭐⭐/5·2人159·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

跟朋友去先搵到呢間隱世小店。水準中上的all day breakfast，三餸$45，五餸$56，價錢吸引，遊樂場協會會員仲有9折。1. 三餸：牛油果微鹹、甘香，配埋幼滑炒蛋好夾。2. 三餸：都係有牛油果同炒蛋，呢堆牛油果出手大方；煙雞胸太乾身鞋口，好彩牛角包係烘過，幾香，portion係多過我朋友個鬆餅同多士。(黃色係自己帶去嘅燈籠果)3. 五餸：蘑菇太鹹，要配煎蛋d蛋汁先好，車厘茄得1.5粒，居然少成咁……薯餅好似麥記，田園沙律唔錯。－－加$14飲杏仁豆奶幾香濃，陣味似杏霜加鈣思寶，但係傑身d。

第一次來這間店吃，價錢相當實惠，或者因為隱藏在鬧市中。點了all day breakfast, 才$58一個餐，雖然跟外面的all day breakfast 成份真的有點差別，但還算不錯。我沒有要跟餐的飲品，加了$10，要了杯抹茶牛奶咖啡。當杯咖啡一到，實在有點嚇一跳，因為和平時喝的顏色差很遠，與其說拉花旁邊的是綠色，倒不如說是泥色。喝下去，其實抹茶味挺出，合我口味，不像外面的牛奶味過濃好。不過要知道，latte 就是要那牛奶味。不過口感方面，實在難以過自己，因為好像拿未夠熱的水沖奶粉一樣，沒有幼滑，還有一些沒溶掉的粉質。喝了一半，拉花已消失，還變成了泥漿，太倒胃口。雖然的確我在說我對這杯抹茶咖啡太失望，但我還是有機會再來，頂多不點這杯抹茶咖啡。因為在旺角找到一個可慢慢坐的地方實在太難了。

係平日（星期四）下午2:00左右黎到，人好彩吾算多。今次點左一碟白汁蘑菇雞胸意粉，同一碟煙三文魚黑松露長通粉，即叫即煮。先講下個雞胸意粉，雞胸唔會太老，蘑菇味道濃郁，意粉有口感，個白汁仲係老闆自家調製，同外面食起黎好大分別，香滑好多。再黎係黑松露長通粉，煙三文魚同黑松露好足糧，絕對係抵食呀！傾傾下計啲意粉凍左，但係都吾影響個吸引度，依然係好食，吾會覺得油膩左。今次無緣試餐湯，但我同女朋友就各叫左一支出產自Italy嘅梳打汽水，分別係血橙同檸檬味，好好飲呀！下次一定會再黎！

由於之前食過覺得都幾好，而且環境相當幽靜舒服，所以今日下午我們再去咗旺角奶路臣街嘅「樂咖啡室」食下午茶！我們叫咗熱狗嘅熱狗腸都幾大條粗身，而且都幾脆皮，包質亦好軟熟！煙三文魚配碎蛋沙律窩夫嘅頂層係芳香嫩滑嘅煙三文魚，中間係香滑嘅碎蛋沙律，底層係香甜鬆軟嘅窩夫，令到口感相當豐富！鷄肉牛油果三文治係烘過，而且烘得都幾香脆，夾著鬆軟嘅鷄肉同軟滑香濃嘅牛油果，感覺好清新，唔會有好膩嘅感覺！另外！加$10就可以有碗羅宋湯，味道好濃郁，湯料相當豐富！

位於類似社區中心內的cafe，11:30am左右上到去，坐滿等上堂嘅小朋友，非常熱鬧，佢哋入晒去上堂後，就回復cafe該有嘅寧靜，非常適合傾嘢休息。食物種類都算多：意粉、三文治、窩夫以至all day breakfast都有，價錢適中，加錢先有飲品。對於未食早餐嘅我，為咗慳番一餐，梗係叫個all day breakfast，咩都有又一定飽，再加杯American咖啡。原來收錢同煮嘢食都係同一個地方，並且係同一個人負責（可能時間尚早未有咁多人返工）。收完錢就開始煮，雖然大部分都唔使點煮，但一手一腳地完成已經要讚，每樣食物都唔會凍，起碼暖甚至係熱，唔錯！

平日我們去旺角奶路臣街嘅香港遊樂場協會優才發展及交流中心通常去咗食鷄煲，唔係好留意到有呢間「樂咖啡室」，所以今日中午我們特意去咗食中午飯！我們叫咗全日早餐有：酥脆嘅多士、香甜嘅牛油粟米、茄汁豆、爽脆嘅德國香草腸、火腿、嫩滑嘅牛奶炒蛋同清甜新鮮嘅車厘茄！煙三文魚沙律嘅沙律菜相當新鮮清甜，煙三文魚好嫩滑，煙燻味都幾香濃，但份量就極之少，祇係得兩細片！黑椒汁鷄扒扁意粉嘅麵質好煙煙韌韌，微微辣嘅黑椒汁，令到味道更加惹味，鷄肉嘅肉質好鬆軟，而且份量都幾多！至於飲品方面熱朱古力、焦糖鮮奶同抹茶鮮奶嘅味道都係偏淡，唔算好濃郁，如果味道可以濃味返啲啲咁就最好喇！店內嘅環境都幾幽靜，座位亦都幾舒服！

Hot caramel macchiato (whole milk) $35同朋友想傾計又吾想飲大集團記得這裡有cafe又未關就去，坐左2個鐘得5個人經過同一部電視機，所以傾計一流飲品沒有焦糖味，如果我叫普通咖啡就合格，都有咖啡香和回甘。朋友朱古力$29，除左面有打出黎的奶幾好飲整體係淡

簇新、光潔、明亮、舒服，是我對這間社企咖啡店的印象。悠閒、寫意、寧靜、漫活，是我對這間社企咖啡店的感覺。在這還未太為人知的小天地裡，一切都是慢的，下單慢，上菜慢，就連客人吃東西也好像特別慢，生怕會擾亂這兒緩慢的節奏似的。一杯「伯爵茶」，一個「吞拿魚牛角包」，一杯「凍拿鐵咖啡」，一碟「意式肉丸意粉」，已可讓我與太太兩人在這寧靜的環境和悠閒的氣氛中舒舒服服地消磨上個多小時的恬靜時光。也許，這兒的伯爵茶並非一整壺而是只得一杯；也許，這兒的凍拿鐵咖啡的味道未算出眾；也許，這兒要賣三十九元一個的吞拿魚牛角包不夠大個和飽肚，並不抵食，也許，我的意式肉丸意粉也可以煮得再軟腍些。但其實，這兒的食物和飲品仍是中規中矩。而我，挺喜歡這充滿陽光的地方，喜歡這時間也彷彿緩慢地流動的地方，喜歡這可以讓人遠離旺角的繁囂，享受慢活的地方。

小妹希望時常可以post到一些小店舖美食，而這間設立在遊樂場協會裡三樓的咖啡室，一般人需要較為用心才找到。不過，看到這間咖啡室的開揚環境：基本上沒有入口，因為沒有間隔牆或玻璃牆間開，對向對街全層落地玻璃，而其使用的餐枱和沙發都是較矮的，適合小朋友之餘也令減少空間壓迫感。我在平日下午茶時間來喝咖啡，勝在無乜客，很寧靜。我可以選擇靠窗邊的座位，點了一杯熱的即磨咖啡。這杯咖啡因即製關係，都要五分鐘才端到我的桌上。咖啡有拉花，不過拉花的效果仍需要改進。咖啡似乎落了較多奶，顏色較白。飲起來有香滑的感覺，不過咖啡味略嫌被沖淡少許。在這裡消磨了約一個小時靜靜地看本書，感覺這個下午自己很HEA…自小妹出來打工之後，很少有這種可以自我放空的時間。真好！

一間閒時會一再光顧的小Cafe，位置算是不錯，價錢合理。第一次的這間Cafe是因為好奇，在一間社區中心的三樓，便上去試一試。原本沒有期望，看到餐牌上的東西都是普普通通，但至第一次之後，會閒時便來。今次便隨便在櫃台點了一份碎蛋沙律牛角包､煙三文魚沙律跟一杯朱古力凍咖啡。店員依舊十分有禮貌，不是十分專業那種，但十分有親切感。因為是開放式廚房，所以可以看到店員在弄食物沖調咖啡，感覺是十分用心及注重衛生的那種。不用十分鐘，食物都送到，一吃之下，喜出望外，碎蛋沙律調味適中，能突出蛋的香味，不像很多其他地方這點都做不到，比一些酒店做得還好，更好的是牛角包有用弄熱，不是冰冰的，看得出細心。另外朱古力凍咖啡一口喝下，亦教我驚喜，味道是剛好，有咖啡的香味同時亦有朱古力的味道，不苦而且很滑。最後那煙三文魚沙律，十分足料，調味雖然有改進空間，但已經是不錯至少是水準之上，用上了點點黑酷，吃得出不是隨便買來那種只有酸酸的貨色。三樣東西加起來都不過是七十元，但給我的感覺是百多二百元的那種貨色，十分難得。所以我肯定是會一再光顧的。我很相信這是一間用心經營的小店。