50
3
2
餐廳: 榮華南洋冰室
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵上環站 A2出口, 步行約10分鐘 繼續閱讀
電話號碼
34603240
營業時間
今日營業
08:00 - 20:30
星期一至四
08:00 - 17:00
星期五至日
08:00 - 20:30
付款方式
AlipayHK 支付寶 現金
其他資料
當面支付
食評 (64)
又因工作關係嚟到上環,可以四圍搵食。一直已經知道斜路上面有間冰室,懷舊裝修之餘嘢食不錯,便入去試試。一入到去,個Staff超friendly,幫我搵原位之餘,仲睇吓係咪風口,又噓寒問暖。然後我話想去洗手間,仲幫我開門,睇吓地下有冇濕,先請我入去。估唔到係呢啲懷舊冰室,都有五星級酒店嘅服務食物方面,我叫咗香茅豬扒金邊粉。豬扒調味不錯,充滿香茅味,但略嫌太肥,有一半都係肥膏😩 金邊粉味道正常,但可以再有咬口啲,可能煮得內咗。湯底係清湯,都算清甜,但都偏淡,可以再入味啲。環境乾淨,我去嘅時候冇咩客,所以都坐得舒服。周圍掛滿唔同celebrities嘅簽名,地下仲用緊極懷舊嘅紙皮石,呢個地方打卡都一流。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-27
163 瀏覽
豬頸肉金邊粉好味, 豬頸肉醃得好好,鹹鹹甜甜,好野味,衹是燒得燶咗啲,所以乾咗啲,但整體仍然是好味。熱咖啡ok ,咖吔多唔會太甜,味道適中。 服務唔錯,幾細心,友善。唯獨食到最後,他們差不多關舖,所以在掃地,感覺怪怪地。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-07
1204 瀏覽
今次又試新野, 而且見評價都幾好一於試下, 不過價錢就比出面嘅貴少少叫左個海南雞髀飯如要油飯要再加$5, 即$68加$5, 仲加左兩隻蒜香牛油雞翼$16, 先講講個飯唔係太油同食得出黃姜粉嘅味道, 但我本人第一次食海南雞飯係落黃姜粉, 我唔知係咪新加坡同馬來西亞嘅分別呢, 不過就唔係我杯茶而個雞就唔知係咪特登唔斬斷嘅, 我哋兩盒嘅雞都係咁, 食落肉質比較實唔太滑味道淡, 感覺成個飯比啲黃姜味搶左, 而值得一讚係個甜豉油先可以冚過黃姜味, 最後仲有蒜香牛油雞翼, 返到屋企都仲少少脆同幾入味, 而且個啲蒜粒撈飯都幾好食, 哩個可以再食不過係貴左啲姐 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-13
814 瀏覽
喺香港有唔少小店都好有特色,值得我哋去細味同發掘!而上環除咗有唔少舊香港情懷嘅餐廳,都有唔同嘅菜式,呢間榮華南洋冰室顧名思義就係主打南洋風,由裝修以至餐牌設計都好有南洋風味,我哋放假嚟到,就享受一吓慢活嘅一天啦!泰式鳳爪鳳爪少少酸又少少辣,好開胃!而鳳爪份量好多,好抵食。常餐常餐可以話係每間冰室menu嘅必有項目,當然榮華南洋冰室都有。呢度除咗可以選擇福麵做底,亦可以選擇檬粉或轉配咖央多士。而最抵讚係個香茅豬扒,香茅味超香濃,豬扒入味,而肉質唔會死實,加上香腸、火腿同炒蛋,呢個常餐夠晒豐富。海南雞髀飯食南洋美食,又點少得海南雞飯呢?呢度嘅海南雞飯配上雞髀,重點係唔洗加錢,好抵食呀!雞髀已預先去骨,食落啖啖肉,又香又滑,配上泰式辣醬或薑油,味道層次又係另一境界。(記住Like同Share畀朋友)By A姐M佬 玩樂日記 www.aandmdiary.com 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-06
608 瀏覽
午飯時間全場爆滿,不過等咗一陣好快就有兩個位,服務員態度有善,可惜海南雞飯售罄,叫咗兩個冬陰功金邊粉,一個跟雞髀扒,令一個跟豬頸肉,再追加咖喱魚蛋。雞扒好夠黃姜味,豬頸肉醃料都好濃味,冬陰功湯底就太重青檸味,蓋過晒其他香料嘅味道,除咗金邊粉仲配左生菜芽菜和豆卜,如果有埋芫荽蔥同九層塔就更加好啦,唔用碗用手柄嘅煲,幾有創意。咖喱魚蛋配上多士,非常特別,個咖喱汁好好味,魚蛋嘅質素都唔錯,但係可能用微波爐翻叮過龍,一入口嘅時候俾佢燙親,杯柑橘蜜都好好飲,唔會太甜,柑橘味濃,清爽涼快。下次會再去試吓其他嘢。 繼續閱讀
(以上食評乃用戶個人意見 , 並不代表OpenRice之觀點。)