榮興燒臘海鮮飯店

營業中

休息中

酥炸蠔 🦪炸完之後蠔keep住好多汁，好新鮮，而且炸皮真係好薄好酥脆，蠔亦都算大隻😚鼓椒炒聖子 聖子唔會韌，反而好爽口好彈牙🤩 加埋鼓椒汁送飯係一流😋蒜蓉扇貝粉絲唔多但大量蒜蓉，蔥同鼓油😍扇貝有手掌心咁大粒🤚 好鮮甜多汁，食完既醬汁一定要撈飯！蒸東星斑我個人都好中意食魚，但至於邊種魚就冇咩要求😂 呢條5分鐘前仲游緊水非常新鮮，魚肉嫩滑有種入口即融既感覺🐟一入口就可以分到啲骨出黎，用筷子夾起嘅時候好結實，唔會一夾就散鮑魚平時我係完全食唔到鮑魚😂 咬唔爛之餘難消化會容易搞到我胃痛，不過新鮮嘅果然係唔同啲！反而係好有咬口又唔會好似出邊酒樓食到嗰啲好靭😍-中意食海鮮嘅不妨都可以去下😚個人覺得都係正常海鮮價不過當然越多人去越抵食🫢同埋一定要揀啲生猛海鮮先好食！-

路過被推銷入去收費均真 每斤$68 鹽焗加$60 芝士$60 伊麫底$60 雖不算特別便宜 但都有事前講清楚蟶子煮得剛剛好 保留爽脆質感賴尿蝦鮮甜 椒鹽不會喧賓奪主芝士龍蝦伊麵買相極好 汁不會過咸（下次會試芝士脆皮焗）豆腐白菜海鮮湯 胡椒用得太多 但整體不俗鹽焗奄仔不俗 我帶了回家慢慢嘆上菜雖慢 但服務態度良好 店員尚算醒目 我會回頭 下次試試燒鵝其實佢都唔係其他人講既咁差 俾次機會啦是次海鮮 從關財記 和 上記入手 共$930 個人較喜歡上記態度 不過關財記收各種支付 上記只收現金

慘遭玩弄在一個炎熱的晚上，早上訂座，由港島去到，居然甩底話無檯，好彩手機有電話錄音，才安排坐臭煙處處露天茶座，晚上29度高溫下老人家頂不住，只有走人喇，永不再幫襯此店

舊朋友去了外國幾年沒見，特意帶同他們去吃海聖地，😀屯門三聖邨，先在海鮮檔買了東星班，龍蝦，瀬尿蝦，奄仔蚧⋯⋯先來榮興他們自己做燒肉，，出面燒臘店很少吃到這種味道，但它不算很好食，瀬尿蝦也有點過濕，焗芝士龍蝦伊麵味道也可，原本我們想做鹽焗奄仔蟹，跟老闆娘說廚房小心劏開了，那我們改做了花雕蛋白蒸蟹，但蒸蛋十分老，簡直破壞了奄仔蟹的鮮味，另外清蒸東星班，廚房師傅控制蒸時間剛剛好，可是豉油的敗筆是令這條東星班的失色了，我還令叫兩碟小菜，非常非常失望，簡簡單單一個蒜蓉炒西蘭花，黃金肉碎炒涼瓜真的不之其味。

期待到三聖食海鮮好一段時間, 終於都可以到此一遊! 心情好雀躍, 但初哥又唔熟識點去買同拎去邊度煮先好! 結果揀了一間貌似比較老實的海鮮檔, 幫姐姐買了幾款唔同嘅海鮮, 得到姐姐嘅介紹, 嚟到了榮興燒味將海鮮加工。榮興座落響三聖村內大排檔位置, 鋪仔比街口其他大型酒樓規模細, 唔係得姐姐嘅介紹, 基本唔知榮興可以幫海鮮加工…門面睇只會以為係一間食燒味嘅食肆~既然有人介紹, 抱住一試無妨嘅心態又如何呢~將海鮮交俾樓面員工, 佢地會問你想點樣煮, 加工價錢牌上有列明煮法及價目, 非常清晰~價錢由每斤$48起至80蚊不等, 視乎客人想點煮而定~海鮮嘅野, 基本上如果係新鮮, 白灼都已經好好味!首先要介紹下第一碟上檯嘅「蝴蝶蚌」, 市面上真係好少見! 而且亦係季節稀有品, 如果見到海鮮檔有得賣, 建議一定一定要買嚟食下! 蝴蝶蚌都係以白灼為主要, 因為佢本身肉質好爽彈, 比普通嘅蜆或花甲更鮮更甜, 真係忍唔住會一食再食, 好快就會食晒成碟! 由於佢比起花甲更美味, 價錢上當然亦比花甲類貴一倍, 雖然貴啲, 但會覺得值得! 真係超級正! 蒜蓉粉絲蒸象拔蚌象拔蚌好新鮮, 肥嘟嘟～店家處

原本想去三聖食小菜既，但尋晚開始轉冷，所以改左打邊爐，第一次食呢間，其實係是旦揀，見佢出面有台方便食煙就坐低左，睇一睇個打邊爐餐牌，湯底同火鍋料都幾少選擇，我諗佢都係做海鮮加工為主，邊爐都係睇天氣做埋咁解。原本想食羊腩煲，但個價錢有D嚇人... $238 冇大細煲之分....一來貴，二來兩個人冇細煲都怕食唔晒，最後叫左半隻醉雞煲湯底($168 跟時菜)，鮮牛肉($68)、 鲩鱼腩($68)、豆腐($25)、支竹($25)，就咁睇價錢都唔平，但黎到D野原來份量好大碟，叫多兩個火鍋料4個大男人都夠食了，醉雞湯底幾好，好有藥材同酒味，食完真係暖晒胃，鮮牛同鲩鱼腩都新鮮，而且鲩鱼腩切得夠厚啖啖肉夠抵食(一碟六片)，豆腐、支竹就正常啦(好難唔正常 )加多3支藍妹埋單$432，2個人來講其實少貴，但味道OK而且夠份量，有多D人會再去，如果得兩個人就要諗諗先，因為份量太多到最後都食唔晒，有點浪費。另外服務都幾好，食食下開始落毛雨，老細主動出黎幫外面D客搬台，有禮而且好快手，傳菜落單阿姐都幾有禮貌，整體感覺不錯，至於環境，因為坐出面，唔知室內環境如何，但望落入面都幾光猛同乾淨，另外佢鋪頭冇廁所，要行去

三聖村既食市...平平冇奇~最出名莫過於大排檔"南記""" 榮興燒臘專家"" 唔係街坊都搵佢唔到...佢響豐漁樓後門~先講佢有咩..鹵水既有"雞翼,鵝翼,牛肚,牛利,豬耳,鴨腎,紅腸"燒臘既有油雞,切雞,叉燒,燒肉.....今日買左外賣.....油雞紅腸飯$18 ->佢D油雞好好食!!特別係層皮~佢唔肥,仲好入味~紅腸有成10塊!!!!另外再整盒小食~,鵝翼,牛利,鴨腎 ->$30...自己夾~牛利係首選!!真係平,靚,正!!好過新墟好多鹵水舖!!!!!!