榮泰茶餐廳 (已易手) 新餐廳

話說...是咁的今天食早餐，明明我點了一個自選三樣的麵餐，三樣$31，我加牛扒+$5，公仔麵，凍奶茶+$2張單寫$44我就去問點解，佢寫單同我寫錯左豬扒，又寫錯出前一丁。係咪我比較生保就咁對我，唉。我好失望。點解是我！！最後解完同我講唔好意思，而我只能答你出岩價錢食物就算啦。點解咁樣屈我，我真的不太著重錢的問題，只是明明我已經好大聲講要乜野。最後唔好意思就算！明明係佢聽錯寫錯。真心覺得非常之難受，唉。

一早又要嚟大窩口做野，落咗地鐵，周圍行吓，睇下有咩好食，誤打誤撞，行到呢個好細的商場，見餐廳雖然唔大，但裏面環境幾乾淨，所以入去食個早餐。都係一般例牌港式早餐，有麵類，麥皮早餐，加肉類，雞，豬，牛，魚扒早餐等...🥢吉列魚柳，奄列，豬仔包早餐奶油豬仔包，雖然熱的，但奶太多，兼個包唔脆，魚柳唔錯，粉漿薄，炸得脆，點沙律醬，好味👍🏻，奄列，蛋中間仲有小小流心，入邊火腿絲算多。奶茶☕️用黑白淡奶沖調，入口好滑，真可以講句奶香茶滑😋

第一次食呢間茶餐廳嘅常餐，38蚊有豬扒湯意粉，火腿奄列，厚多士同飲品。豬扒湯意粉唔多意粉，有幾件細細塊嘅豬扒，湯底味道幾好，唔重味精，只是意粉真的很少。厚多士都唔算好厚，上面嘅牛油都唔多，火腿奄列都係普普通通。飲品要了熱奶茶，反而成份餐最好就係呢杯奶茶，好香濃好滑，為這餐平平無奇嘅常餐加了分。

返工前食個豐富早餐, 又去呢度食下麵餐, 要左雪菜麵+火腿蛋, 個湯同D雪菜都無咩味, 味道較淡口, 好清下. 麵係大光麵, 但唔知點解咬落好似好膠咁, 真係麻麻. 雪菜一D咸味都無, 可能浸得太耐無晒味.個火腿蛋屬正常野, 兩樣都微微煎過一下, 唔算太油膩. 另外亞姐仍然保持咁有禮貌, 幾好.

之前食另一間早餐好唔掂, 今日試下呢間, 鋪頭細細但幾多人, 亞姐面帶笑容好有禮貌問我食咩, 今朝唔食咁飽所以要餐蛋冶+凍奶茶.片蛋都唔算薄, 炒得剛剛好, 有些少蛋香, 餐肉就比較薄, 不過煎過都幾香口. 最重要個麵包, 算幾軟熟, 四條邊無擺到硬化, 無乾晒, 廿幾蚊既早餐算唔錯.凍奶茶奶既份量比較多, 如果茶味多D會更好.

朝早去見個客, 早到左響附近食個早餐, 見呢間好多街坊, 咁我諗應該都OK掛, 就試試啦.要左沙爹牛麵+火腿奄列, 個沙爹同一般茶記口味有D唔同, 呢間有D泰國口味, 幾惹味. 牛肉幾腍, 份量算多. 麵係普通大光麵, 唔會煮到腍晒, 軟硬剛剛好. 火腿奄列個餡較少火腿, 蛋太單薄, 唔足料.跟餐熱奶茶正常, 茶味幾濃, 奶唔多.

一個人的午餐，茶餐廳是首選，今次來到荃灣的榮泰。大概是靠近馬會的關係，賽馬日總是塞滿在看賽事的馬迷，不過我自己一條友食，同佢地搭檯都無咩所謂。來一客豬扒炒公仔麵，原來有湯送，紅蘿蔔豬骨湯，較為淡口了，但送的就不多挑剔。炒公仔麵，鑊氣似乎差了一點，卻好在不會太油。豬扒還算可以，至少是鬆化，質感亦沒有好假咁。喝光了凍檸茶，係時候下一站。

每逢放假想食下午茶, 我都會諗起榮泰, 貪佢既炒公仔麵有得平最愛豬扒 / 雞扒炒公仔麵, 唔會太油, 唔會太鹹味道適中, 扒 & 公仔麵份量都好多, 下午茶包熱飲價錢只係$26, 真係抵食其他快餐其實都唔錯, 唔會話因為係快餐就質素下降美中不足既係營業時間, 榮泰通常收6-7點, 即係話基本上係唔做晚市的富麗商場由於有馬會既關係, 每逢賽馬日樓下既食肆都會好多人, 榮泰都唔例外, 所以我極少賽馬日去幫襯, 一來人多, 二來好似無特價下午茶餐 (唔知依家係咪仲係咁, 因為賽馬日真係唔會去)