榮式燒雞扒專門店 (已結業)

榮式雞扒一向無論豬雞藕都好香好好味。今日特登出去葵芳再食，點知一上枱完全聞唔到香味，雞扒完全無煎烤感，有烤燶的部分係香，但另一半無煎烤透的皮韌，都無榮式雞嘅風味，再加上無晒黑椒香藕餅更加無煎香味，普通極。 最失望係佢蔥油同菜莆，真太差了，蔥油仲有好重生蔥味，唔知係無洗定無用熟熱油整菜莆照計都唔會太差，唔信唔信食咗幾啖，真係試真咗，真係唔掂！個飯就更加，應該無洗米，好大陣糠糠地嘅味。至於凍檸茶，我要少甜佢都做得到真正少甜，但係佢就無茶味，似放枱過啲位位有嘅茶囉，幸好我唔係要茶味人，比水有味啲，所以還可以。以往都坐滿人，星期六約2點到一半人都無。我真係好鍾意榮式雞藕，唔知係咪正式師傅放假呢？ 希望呢間店會改善下，唔想見佢執笠呢。唯一可讚係收銀姐姐，我杠想食下午茶餐，但無藕餅，我叫返正督，佢特意走黎問清楚我個order

一向都唔鍾意寫食評，有時唔好食就算，但今次真係想表達返意見半年冇嚟，真係越嚟越差呀星期日嘅下午茶時段，客人半滿，唔使等位，坐得鬆動嘅。叫左份雞扒薯條，雞扒明顯未煎夠時間，只是剛熟，冇金黃色，明顯比以前差好多。樓面阿姐態度差，問佢拎辣油只話未有，要問多兩次先肯去廚房拎，對住另一枱客都鬧交咁濟。連收銀都係一樣態度，送錯外賣竟然鬧客人唔落嚟拎… 雖然話係屋邨餐廳，梗係冇得同商場嘅大餐廳比啦，但都未至於咁樣掛…入得黎都係為咗食嘢啫，做乜要受你呢啲氣？！呢間冇下次。

lunch time 最緊要快，餐牌都未望到放係邊，店員就已經問食咩， 好在食慣，唔睇餐牌都叫到餐。一行4人， 3個叫雞扒，1 個野菜豆腐。 3個雞扒都煎到岩岩好， 唔會過熟，塊塊都大大件，肉質仲好滑， 仲帶有肉汁。呢次去仲特登叫左個叻沙米， 估唔到個湯底都係甘正，水準一流。 反之， 要講一講個野菜豆腐，黎到變左油菜豆腐， 得3條菜心加大約6舊豆腐。相比之下完全無水準可言。同行人士仲話其中2舊係凍既。以價錢黎計，料係比足既，但整體可以更優質。大熱私心推介： 雞扒

這家店的鴛鴦雞扒飯是一道令人回味無窮的美食，特別是雞扒的味道。雞扒呈金黃色，外皮酥脆，內部卻不乾澀，滿滿的鮮嫩雞肉口感鮮美。它的香氣四溢，口感豐富，食材搭配得宜，整體比例十分協調。再加上飯的Q彈及香氣，每一口都是一種享受。凍奶茶也很清新，滋味順口，非常適合搭配雞扒飯。2款雞扒各有特色，非常值得一試，價錢合理。總體來說，這家店的鴛鴦雞扒飯是一道值得推薦的美食，我強烈建議想要品嚐美食的食客們前來品嚐一番。

Order 豬頸肉雞扒飯, 味道不錯，沒有豬臊味，只是份量較少。雞扒切得薄薄的,  drink is not included after 6pm (half off from $22 regular price) if purchase with a meal.   $11 for soda and $3 for a cup of ice.  Second dish is 雞扒fried fish over rice, chicken is cut too thin.  $135 for one soda with ice. Staff is not friendly or welcoming.  I would not recommend this restaurant and will not go again.  

很久之前在香港仔吃過一次榮式燒雞扒，但覺得重口味得來不好吃。沒想到這次無意間在別的分店吃完又覺得還好。而且環境和座位的舒適度對比起香港仔店，葵芳店更勝一籌！剛好我去的時間仍有下午茶可叫，大約$30幾左右，還有跟餐飲品。不過我是直接點粉麵，榮式雞扒叻沙米 ($54)叻沙都幾惹味，但就不算好辣那種，椰香也不濃厚。配一件雞扒，可能是因為太細？我有兩件。雞扒外層煎得頗香脆，肉質嫩滑亦很入味，與之前吃過只有鹹味不同。同樣有跟餐飲品，我點的是凍奶茶 (+$3)因為是凍飲要加錢，另外有些飲品和特飲都要另外加錢。

下午茶時間唔知食咩，所以就落咗樓下呢間榮式雞扒餐廳，叫左個招牌炸雞扒+薯條，可能我太高期望，所以有d失望，炸得有d燶同有陣油味。仲有個燒烤茄子🍆，食落都唔錯，不過就咁乾燒有dDry同埋貴，始終一個茄子其實都幾易整。😹環境正正常常，但服務一般，如果唔係諗唔到食咩都唔會落去食🙈

第一次食榮式燒雞扒係食灣仔店，當時一食已經好驚艷。今日經過葵芳，晏就掃完街，夜晚想坐低食，於是就一嘗葵芳店既榮雞。餐牌同灣仔店大同小異，雞藕天成係必點的，另外仲叫左個雞扒豬頸肉飯。榮式既燒雞扒真係無得輸，個調味好獨特，會食到炭燒既香味。雞扒比較薄身，但大細有手掌咁大，雞皮好香口好焦脆，雞肉好嫩滑，每次食都仍然覺得好驚喜。我一向對蓮藕餅無特別偏好，平時唔會特別揀黎食，但榮雞個蓮藕餅既蓮藕粒好爽口，入面既肉又打得幾鬆軟，口感同味道都唔錯。雞藕天成係兩件蓮藕餅加一塊大雞扒，而且飯量都多，每次食都覺得好飽好飽。平時我會喜愛豬頸肉多過雞扒，但榮式既雞扒將豬頸肉比下去了，其實豬頸肉都唔錯，幾爽口唔會太鞋，但唔夠人味。未食過榮式既小食所以今次叫左，芝士蝦球有六粒，味道中規中矩。今日既時令油菜係娃娃菜，係無咩味的，但食左太多肉點都要食下菜平衡下。PS 餐廳位置有啲難揾，佢明明係19號舖，但佢其實係1號舖隔離，唔好去錯左十幾號果邊既方向PS2 openrice寫營業時間到夜晚十點，但今日食到九點店員已經準備關門了

榮式燒雞扒叻沙湯米粉（$52） 凍朱古力（+$3） 雞扒煎得唔錯，外層微微香脆，內裡仍有肉汁。但略嫌細塊。叻沙湯米粉尚算香，但唔算太濃厚。少少辣，些少椰香味。整體味道合格。

之前嚟食呢間餐廳食過佢嘅午餐 雞扒飯 當時已經覺得雞扒味道 調味十分出色😋 絕對係食完都會令人回味嘅雞扒 今次同屋企人嚟咗呢度食下午茶餐 由於今日唔算特別肚餓 所以我哋一人嗌咗一個1號餐 原來1-8號餐仲可以加$8要多個麵㗎🍜 但係因為唔係太肚餓所以冇再特別加配啦榮式炸雞髀炸雞髀嘅調味特別 唔係剩係得個鹹味 而仲有少少甜味同埋孜然味🍗 而且冇落太多炸粉 近乎生炸嘅狀態 依然外皮香脆 而且咬落口仲有好多肉汁 絕對係一隻出色嘅炸髀🐥熱奶茶熱奶茶嗌咗多奶 因為本人比較喜歡奶茶重奶味多啲☕️ 但係呢杯奶茶本身味道唔算好苦百香果梳打我屋企人就好鍾意呢杯梳打 因為百香果本身味道酸甜 再配埋梳打水味道比較特別🥤 絕對係夏天消暑嘅好選擇整體嚟講呢間雞扒專門店嘅調味真係做得幾好😎 而且佢有預先包裝好嘅醃製雞扒賣㗎 如果同樣好似我咁鍾意呢間嘅雞扒嘅話都可以買返屋企自己加熱嚟食㗎😺

榮式雞扒飯，細細個返工喺銅鑼灣已經成日食，有時仲覺得佢好似唔知加咗啲乜嘢，一星期起碼食兩日，食到個心❤️❤️會有掛住佢既感覺，但可惜只從無係銅鑼灣返工都無去食，屋企附近又無，呢期返工轉左呢頭，一見到佢既出現又要再食返，有幸既係佢同以前水準差唔多，無差到，味道如常，一坐底例牌都係要食個章魚餅加雞扒飯，一食回憶返哂泥，個雞扒送飯真係無得輸，仲有個薑蓉真係超好味😋😋，再要食埋個章魚餅煎得香香地，極速爬完個飯，希望佢仲keep到個水準😋😋😋😋😋

之前去過一次，果次只係叫咗下午茶餐，未試過佢ge喇沙系列～.榮式雞扒撈丁好味道：⭐️⭐️⭐️⭐️.香茅豬扒喇沙米粉🍜好味道：⭐️⭐️⭐️⭐️是不錯的米粉質地，另外喇沙湯底都做得好好👍🏻👍🏻而豬扒的味道都有少少蜜味😋😋.章魚蓮藕餅🤩👍🏻好味道：⭐️⭐️⭐️⭐️咬下去好juicy...口感同味道都唔錯～朋友話～～如果蓮藕係爽口果種，就更好😁😁另外仲有好多其他選擇。。。有機會再試其他😋👍🏻

外賣叫咗兩個飯，一個榮式燒雞扒飯，一個雞藕天成，備註係寫走菜脯，唔係走菜， 睇單唔該睇清楚啲， 而家變咗冇菜，仲要有菜脯， 睇單唔該真係睇清楚啲，多謝。

前幾日同事lunch嗌左榮式燒雞扒, 可惜當日大食妹帶飯, 冇得一齊食搞到一直心掛掛, 今日上完堂, 朋友就外賣左份同大食妹開心share啦<榮式雞扒飯>唔知係唔係就嚟收檔, 榮式雞扒飯非常足料, 攞上手好有份量雞扒大大兩件鋪喺面, 充滿黑椒香味, 食落辣辣地, 係心心念念嘅味道啊雞扒煎得燶燶哋, 亦都好香口大食妹特別提醒朋友要嗌多蔥油, 估唔到蔥油真係堅多, 第一次見咁有厚度嘅蔥油配搭榮雞贈送嘅榨菜, 同超多嘅米飯, 非常好食

做嘢做到7點幾，唔太肚餓但又想搵個地方坐低食飯抖下…要唔多人就一定要過葵芳村！見有勁多卡位就入去坐。食物:見到menu 有個雞🐓面就係推介，咁就一定要試榮式雞扒同豬蓮碧合！一咬落去，痴線🤣juicy呢個字即時係個腦彈出嚟，我同老公同一時間同一個表情真係~好~好~味~呀！豬扒同雞扒就好似去BBQ個味咁！不過厚少少仲開心係好食過小學雞去郊野公園燒烤個啲！雞扒仲有粒粒黑椒，咬落去好香口。個蓮藕餅又係勁好食！咬到有一粒粒嘅蓮藕，勁爽脆！重點係好夠熱！個喇沙米粉好重椰香，不過老公略嫌佢唔夠配料，得豆卜同芽菜，咁50蚊嘅話，其實仲想點姐個飯有蔥油同菜甫碎，鐘意燒味飯嘅朋友都應該要試下！真係好香好好食！服務唔知係咪因為人唔多，啲哥哥姐姐超有禮貌我大鄉里，拎個menu 岀去叫野食，姐姐問:你唔係堂食咩？定係想外賣？我話:堂食架。佢同我落完單之後話我知可以食完先埋單，唔洗咁急，坐低抖下。食完飯想要杯水飲下，見哥哥送完餐就截佢佢就即刻斟俾我哋，讚！環境入去嘅時候眼睇都好乾淨，坐到佢哋差唔多收舖，哥哥係係用熱到岀煙嘅水拖地，見我哋未走，都係封後半場，咁我哋都好快埋單，佢就開始拖埋前面。