榮安小食

營業中

休息中

今天同事带我到荃湾吃车仔面，我们到达的时候可能是刚好开店，基本没什么人，不用等位。我点了一碗油面加鱿鱼加猪大肠加牛筋。汤底是清汤，需要自己调配，有特色辣酱和卤水汁。我认为这间店确实做得不错，虽然店铺不大，位置不多，只有两张桌。但是出品确实有水准。而且每一份的份量也不少。卤水做得很入味，价钱经济实惠，基本上没有挑剔的地方，除了环境相对比较简陋。当天，有一位食客忘记带钱包，老板娘说: 可以明天才来结账。 真是难得一见的小店。

聽過好多荃灣朋友跟我分享，常常都話有間由細食到大嘅車仔麵，「超級好味，經常都會掛住！」終於有機會找到位荃灣大的朋友帶我到此一遊，在步行向店的時候，已發覺要排隊，心裏面湧起一份無名的興奮，真係咁堅！排隊過程已經好緊張，好想快啲食到，當然我都係點我由細到大最鍾意嘅豬腸、豬皮、豬紅加油麵！買好麵後發現，需要等等先有位，真係好心急想食，坐低第一口已經覺得「係呢個味啦！」朋友話他的辣汁好辣，我係食得辣嘅人，我都落咗三湯匙，雖然頂得住，的確係名不虛傳、堅好辣！吃了這一次，真係有掛住的感覺，大家如果睇到我這個食評，要食好食，香港食一間少一間！珍惜！！

偶爾會想念的車仔麵。由中學食到做嘢，每隔一段時間就會有d想念。管他還是不是米芝蓮推不推薦，自己很喜愛就好。豬腸：必食，比較薄身，鹵得超入味。還有者彈牙爽翠的口感。辣魚蛋：魚味濃，辣味一絕。不多解釋。雞翼： 很入味，血水味也去得很好。雖然有d偏鞋，但仍覺得可以試試！4送1麵，50有找，價錢黎講已經叫好好。呢家d出名小小嘅車仔麵都差不多要70幾⋯⋯總的來說，呢度雖然環境還好，但味道絕對不錯。呢d小食店，有得食好食啦。

今日去食呢間車仔麵💩🍜，嗌咗一碗粗麵魚肉、雞翼、魚蛋，魚肉喺冰箱拎出嚟，再浸返熱，完全冇咬口........，雞翼係滷水，入味但好鞋，魚蛋好實。然後個湯好似清水💧，加咗辣汁，只有死辣完全唔香冇香料味，完全唔掂。另外仲嗌左碗粗麵魚蛋、蘿蔔、水魷，成碗麵都冇乜色水，好似醫院殘廢餐咁，蘿蔔好細舊。阿姨啲服務態度極差，西口西面，整體嚟講完全唔掂，我去隔離食三不館好過，三不館好食過佢九條街，呢間連人哋車尾燈都見唔到。

撈埋一碗好滋味嘅車仔麵，真係食到攞命喇！今次我嚟到這家店試吓佢哋負盛名嘅滷水牛腩，咬落去嘅時候，牛腩滑嘟嘟，香氣撲鼻，正！再講講哩個滷水雞翼，肉質腍腍地，滷汁香辣得嚟又唔會太過，啱曬嗜辣嘅你我佢。河粉滑溜溜，吸滿滷汁後更加醒胃，係冷天食最正！而家講講小菜啦，豬紅係我份内必選嘅，嫩嘅剛剛好，回味無窮。勁推洋蔥鑊仔魚蛋同埋蘿蔔，洋蔥帶比魚蛋啲特別嘅香味，而蘿蔔甜甜地，又腍又入味。不過我盞頭最愛嘅，還是啲滷水雞翼尖，每塊都滷得恰到好處，令我食指大動！到嚟呢家店，就好似尋寶一樣，每一樣搭配都有新發現，真係食客嘅小確幸呀！😋🍜🥢

走入呢間小店，油黑鍋亮，雖然裝潢唔吸引，但食客滿滿，真係好彩喇！人流湧湧嘅背後，原來係因為佢哋嘅車仔麵好有口碑！🍜揀咗三種餸：秘製豬皮、香滑雞蛋，再加嗰令人唔停口嘅自家醬炒魷魚。隨手要咗一碗湯面，真係一流！湯底夠香，面條Q彈得啱啱好，唔會過硬或者過爛。講真，佢哋嗰秘製豬皮真係撻着我心！韌韌地、皮脂比例啱曬味，加埋特製醬汁，一啖咬落去邊有股滑潤、邊有股濃濃嘅五香氣。周圍望一望，食客無唔係一邊食一邊點頭，多數都跟我嘅反應一樣——滿足！🤤最後講吓佢哋嘅手工雞蛋，色澤金黃，蛋香四溢，入口即溶，實在係蛋中之皇！總括嚟講，呢間店雖然環境一般，但食物嘅味道，絕對係你食過車仔麵榜上有名嘅選擇。食住食住，都覺得飲杯凍檸茶最正！下次，我一定會再嚟攞份雞蛋撻走，諗住都流口水喇！🤩🥚🍋

🦑🍗🐖🍜餐廳名: 榮安小食 地區: 荃灣評語:車仔麵 魷魚 雞翼 豬皮 米粉 HK$32 - 魷魚係水魷 十分爽脆 雞翼係雞全翼 阿姐會係鹵水盤拎隻雞翼岀黎剪開雞槌雞中翼同雞翼尖 方便入口 成隻雞翼都超入味 係有印象中既最好食 豬皮好爽口 冇油膩味 米粉係即叫即煮熱 唔淋 煮完之後會擺係你面前俾你加豉油同咖哩汁 呢個先係成碗車仔麵既重點結論: 榮安係荃灣友實識既餐廳 開左幾十年做車仔麵 豉油底同雞翼係超正 其實仲食過魚蛋,淨雞翼尖,豬紅,魚皮餃,蘿白都係好岀色 見過有客買幾隻雞翼返去(可能夜晚加餸?) 另外環境唔係闊同乾淨 但咁先係本身車仔麵既風味

荃灣橋底下的車仔麵，十年前同十年後，除咗價錢轉變之外，其他野基本上都冇變🌀平時經過都見到坐滿人，今次見有位就入去食啦🙌🏻揀左三個餸：冬菇、蝦條、蘿蔔😼整體都可以，最正係可以自己加汁👻有滷水汁同埋秘製醬汁，可以因為自己嘅喜好落分量🤤佢個辣都唔簡單🥵唔好咁重手呀回頭率：👅👅👅👅性價比：👅👅👅👅打卡值：👅

以前成日都食，自從換左幾個阿姨看舖，好似D價錢…….計得唔係好啱。明明有$7的麵、魚蛋，我埋單全部計$10一個。係咪我誤會左？（外賣唔同價錢？）但我唔好意思同阿姨講「係咪計錯」

嗌咗幼面底，叫咗牛腩豬腸雞翼魷魚冬菇魚蛋，豬腸係我喺香港食過最好食嘅一間，超級入味仲要有少少肥膏，雞翼就好大浸甜豉油味，牛腩比較偏瘦，冬菇大大嚿好厚肉，最正係可以任加豉油或者加咖喱汁，由細食到大嘅味道

#搞串個pantry 之前講過，車仔麵🍜可以算係香港🇭🇰一個特色地道美食👅。今次我哋就嚟到#荃灣 一間開咗好多年嘅街坊車仔麵舖😎。呢間車仔麵舖望落非常地道，非常地踎👻，非常符合車仔麵嘅形象。今次就試吓佢究竟好唔好食🥳！！我哋嗌咗兩碗三餸車仔麵，連嘢飲需要$46💰。送方面我哋分別嗌咗豬腸、滷水雞翼🍗、魷魚、冬菇、龍蝦春卷、牛筋🐮。而呢度嘅滷水汁、沙嗲汁，或者其他醬汁都係自助嘅😋。試咗六樣餸，比較推薦呢間舖頭嘅滷水嘢🤩🤩，例如滷水雞翼、冬菇呢啲就滷得好入味，非常出色😜！！另外，都推薦佢嘅豬腸同埋牛筋，呢兩樣嘅口感都彈牙，而且都好入味🤤。相信住喺荃灣嘅街坊，都應該食過呢間車仔麵，或者佢哋嘅滷水嘢🤗。如果大家得閒經過荃灣，又唔介意係一間咁地踎😊，或者需要坐馬路邊嘅餐廳食嘢，都可以嚟試吓💕！！

歷史悠久車仔麵～ 必食雞全翼🤪🤪🤪而家香港食咩都貴，有啲車仔麵都唔平，不過呢間喺荃灣開咗好耐嘅車仔麵 價錢一啲都唔貴，我叫咗四餸都係36$ 😋😋 食咗好多年 味道都冇咩點變 佢啲滷水汁真係超級超級好食 而且辣汁一點都已經好啦！唔太食得辣嘅人真係要小心啲，另外超級推介雞全翼 同埋豬腸，豬腸我次次多點2份！ 佢嘅滷水汁好入味，好特別，仲會甜甜地，唯一唔好嘅係 店舖衛生情況就普通 而且啲位好狹窄 所以我見好多人都係買外賣👍🏻👍🏻👍🏻

其實我不嬲都係一個外貌協會嘅人，我食嘢唔係好挑剔，不過就真係好睇環境。如果嗰度地下係濕粒粒，又或者好似溜冰咁，我真係真係萬分不願意，總之就係唔可以太污糟啦。 榮安地下感覺唔係好污糟，只係舊。我食過幾次都覺得水準ok可以，不過我唔係一個好車仔麵嘅人，今日都係又陪我嗰個好朋友嚟食佢最鍾意嘅舊舖feel 。 但，今日真係好唔掂。 我嗌咗個油麵、蝦卷、魚蛋、豬皮、生根($30)，價錢梗係取勝啦，份量好多。可惜唔掂嘅就係嗰啲豬皮，上面全部黐住一條條黑黑嘅豬毛，睇見已經好唔想食ಠ_ಠ 山根又唔熱，條蝦卷嘅質地係好腍好粉，一啲都唔好食。 我個friend就叫咗豬腸、豬紅、魚蛋、豬皮、粗麵($34)，唔記得有冇數漏😆不過，其實都係我朋友講俾我聽啲豬皮有好多毛我先至會發現，因為平時嘅我真係完全唔會咁細心留意到呢啲嘢。 我諗，我應該唔會再俾機會佢哋。

榮安小食，是心目中數一數二的車仔麵，特別喜歡他的滷水雞翼，百吃不厭。平時食車仔麵，可能大家都會加腩汁辣汁，而榮安仲有得加滷水汁，格外滋味。可惜久別重逢，換來一場失望。以前不管是蘿蔔豬皮魷魚都有用汁去煮，入了味，帶淡淡的滷水色，賣相吸引。現在滷水色彩沒了，件件都面色倉白，毫無味道，白白浪費了這些最索味的車仔餸。幸好還有掛著滷水牌頭的雞翼和翼尖撐著，依舊滷得入味，帶點甜，保留了昔日的味道，找回僅餘的安慰。

荃灣除左有好多食米線嘅食肆之外都有唔少車仔麵店，今日黎食一間個環境相對地道啲嘅鋪頭，一入門口已經係麵檔，大家一個個企係到排隊叫餸，即場整埋比你自己拎埋位開餐。不過正正因為咁，食之前最好係門口睇定食咩餸，因為到你果陣就冇得慢慢睇住黎叫，如果唔係後面排隊條龍就越黎越長，麵檔夥計都會開始唔耐煩架啦🤣依到食物嘅份量唔算好多，所以建議男仔可以叫兩個麵底，餸方面我比較鐘意雞翼同大腸，可能因為佢個滷水汁都幾出色，所以好入味，另外豬紅都唔錯！價錢黎講都算幾抵食，可以叫多幾樣餸黎試下都得，最後加埋個辣汁就100分😆