榮哥廚房私房菜

289
7
6
港鐵觀塘站 D4 出口, 步行約1分鐘; 觀塘地鐵站D4出口,步行只需兩分鐘 繼續閱讀
電話號碼
23456389
營業時間
今日營業
11:30 - 22:30
星期一至日
11:30 - 22:30
付款方式
Visa Master AlipayHK 支付寶 現金 AE 銀聯 Apple Pay 微信支付
其他資料
網上訂座
Wi-Fi
酒精飲品
自帶酒水 詳細介紹
VIP房
泊車
電話訂座
賞訂座積分
加一服務費
電視播放
當面支付
有關餐廳
喜慶飯局、親友聚餐、包場派對必選
設有三間廂房,上菜時間自訂!悠閒自在,交通方便,特惠泊車,適合駕駛人士。

食家推介
秘制香辣大肉蟹、生猛特大海鮮、遠年新會陳皮骨、三蔥鮑魚、茶燻流心蛋伴魚子醬配厚切茄子、原籠荷香蒸龍躉鴛鴦飯

每天親自挑選新鮮食材務求不時不食,堅持以高品質和獨特烹調手法回饋客人。新派粵菜配以精緻賣相,提供精心度身製作之菜式,專注真誠對待每位客人。以好口碑獲熟客大力支持,我們期待您的到來!

品牌故事
榮哥廚房在香港私房菜界有絕佳口碑,我們主打精美新派粵式融合菜,熟客也可以度身訂造喜愛的菜品。主廚榮哥除了有一身好廚藝,更有一份對食物品質和烹調手法的執著。親自到市場挑選新鮮食材是每日的指定動作,絕不囤貨,做到不時不食,務必以最好貨源招待每位到來的貴客,所以必須最少早一日訂座。而客人的讚賞和支持是我們最大的動力,我們每個人都真誠細心為客人提供服務。人情味是榮哥私房菜一大賣點,我們希望讓各位賓至如歸,有家的感覺。
有關獎賞計劃
食評 (320)
等級4 2019-08-23
3048 瀏覽
朋友生日,特意選擇吃私房菜為她慶祝!地點在觀塘港鐵D4出口附近,交通非常方便。預訂2人餐,有前菜、燉湯,四道主菜,飯及甜品,相當豐富🥳🥳🥳。前菜有本地有機水耕菜伴芝麻醬,色彩吸睛的水耕菜用簿片青瓜束縛起加上鮮茄仔,再有涼伴黑木耳及岩鹽花枝豆,先來開開胃!茶燻流心蛋伴黑魚子醬配厚切茄子,造型相當吸引,流心蛋控火喉得宜,蛋黃夠流心蛋白好滑,厚肉茄子醮點祕製醬汁用,提升味道。原盅燉哈密瓜螺頭黑毛豚肉湯,材料豐富,不油腻,非常清甜兼且滋潤,湯水補一補,大家不易老🤗!蝦球水芙蓉,紅蘿蔔汁淋上蛋白面,再放上彈牙大蝦大大隻,好食好食好食,要講3次先夠😀!士多啤梨黑豚肉排骨,用米通塾底而外層甜甜酸酸的味道包著鬆軟的豚肉排骨,齒頰留香!蒜香極佳級Prime牛仔柳,肉質軟腍,炸蒜片香口!魚湯浸有機小唐菜,吸收魚湯,澈底清除青瀝味,令我對小唐菜完全改觀,原來咁好食🤩!荷香蒜蓉海斑片原籠蒸紅白米飯,白米飯加紅米,食得更健康,海斑片啖啖厚肉,魚肉嫩滑,蒜蓉味香!是日甜品是桂花椰汁糕,外層桂花晶瑩通透似琥珀般,內裡是椰汁糕,一次過可以食到兩種味道喔,非常滿足喇! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-01
2862 瀏覽
觀塘嘅工廠大廈,最多潛龍伏虎嘅隱世餐廳,今日就嚟咗呢一間榮哥廚房私房菜,好好享受一餐私房菜先。嚟得呢一到食,記得要預先訂座龍井一坐低侍應就會問你飲咩茶,叫咗一壼龍井,清得來但係有好濃烈嘅茶香茶燻流心蛋配黑魚子醬伴厚切茄子茶葉蛋就食得多,茶燻蛋就未食過,唔單止聞落去,食落去嘅時候,隻蛋都充滿茶香,流心的蛋黃很鮮甜,仲係蛋黃內隱藏着黑魚子醬有機沙律菜伴芝麻醬有機菜好新鮮,咬落去清新又爽脆,連芝麻醬一齊食,的確係一個開胃嘅前菜脆皮豆腐薄薄的炸漿外層包住滑溜的豆腐,一種食物食出兩種口感,呢道菜絕對睇到師傅嘅功假,要令到外層香脆,內層滑溜,唔係咁容易做得到原盅燉哈密瓜螺頭黑無豚肉湯用哈密瓜燉出嚟嘅湯,特別清甜。呢個湯好足料,裏面仲有圓肉,黑豚肉螺頭同埋淮山,全部材料煲出嚟嘅湯,可想而知有幾咁濃郁,絕對係鮮味十足香煎北海道帶子海中寶呢個海中寶,上層係鮮蝦打出嚟嘅蝦膠,下層係煎香左嘅北海道帶子,一啖咬落去,感覺到嘅都係海鮮嘅鮮味,蝦膠就彈牙,咬到原粒大大隻嘅大蝦,肉質結實最底層嘅北海道帶子,好新鮮蒜香極佳級PRIME牛仔柳蒜蓉同牛柳,永遠都係最佳拍檔。牛柳係牛裏邊最淋嘅一部份,咬入口肉質嫩滑,有肉汁之餘更加係牛味濃郁,再配合惹味嘅蒜香,味覺同嗅覺都無可抗拒大大塊嘅牛柳,一啖放落口,滿口牛香,好滋味魚湯浸有機時令鮮蔬呢道菜嘅主角,並唔係菜,而係濃郁嘅魚湯,忍唔住飲咗一啖,與湯好濃郁,味道鮮甜,有濃厚嘅海魚鮮味,浸住嘅無論係乜嘢都好,都一定好食寶貝鮑魚仔極尚金牌福建炒飯個炒飯底煮得好好食,蛋味好濃,每粒米都粘着蛋汁。材料非常豐富,有寶貝鮑魚仔,帶子仔,鮮蝦粒,雞肉等等。鮮蝦嘅彈牙,軟熟嘅帶子,爽脆嘅翠玉瓜,每一啖都有豐富而唔同層次嘅口感綠茶榚食到最後,嚟一個綠茶糕做甜品,好有心機,有三層嘅味道,最底層係好濃郁嘅綠茶,最頂層係好滑溜,就像奶凍一樣食私房菜,就是一種享受,無論兩小口定一或一大班人,可以輕輕鬆鬆食一餐,食到好食嘅嘢食,絕對係值得 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-31
2000 瀏覽
友人話想食私房菜,問我有無好介紹,當然有啦.....................咪呢度囉!今晚食嘅係$817/兩位套餐,都有唔少嘢食架,侍應開左壺靚茶,就問可以上得菜未?  當然得啦..........哈!飲緊杯茶時,呢客有機沙律菜伴芝麻醬已率先上枱,爽口沙律菜札成一束,容易進食,車厘茄爽甜多汁,食完好醒神前菜之一嘅茶燻流心蛋伴黑魚子醬配厚切茄子,擺盤相當精緻流心蛋蛋黃軟香中仍帶少少蛋黃汁,茄子輕輕炸香,但又唔會索入好多油,最驚喜係個濃香惹味醬汁,為淡口嘅茄子加左唔少分數!呢客酥脆滷法國鵪鶉脾 (6隻)都係第一次食,炸至金黃色外身,幾香喎!薄薄脆漿包住鵪鶉脾,真正做到外脆內嫩,肉質有D似食緊乳鴿脾,相當好味道! 每人3隻,份量適中!我最歡喜嘅燉湯上枱啦,今次係原盅燉哈蜜瓜螺頭黑毛豚肉湯!  燉湯最緊要夠熱,呢客絶對做到,D湯料佔據盅內一半位置,湯味鮮甜又唔油膩,夠滋潤,飲完覺得個人都靚左! 用蝦膠加入埋咸蛋黃粒,再包住帶子一齊煎香,就成為呢客香煎北海道帶子海中寶蝦膠入口彈牙,食到少少咸蛋黃香味,而個帶子就略帶軟身,唔"痴牙",夾埋一齊食,有兩種口感!送上呢客蒜香極佳級prime牛仔柳時,侍應叮囑小心隻碟熱,大量蒜片加埋黃椒粒蓋滿牛仔柳識食當然兩樣夾埋一齊食啦,牛仔柳肉質鬆軟,加埋蒜片嘅香味,重口味之選!食完濃味嘢,又係清下口腔時間,一餐飯點可以無菜?!  呢客魚湯浸有機時令鮮蔬就做今晚代表先飲啖湯,真係有濃香魚湯味,忍唔住飲多幾啖,而小棠菜切成半棵,浸熟時間適中,入口清甜!最後上埋呢客寶貝鮑魚仔極尚金牌福建炒飯,材料有帶子,蝦,豬肉粒,翠玉瓜,而飯粒亦用蛋絲炒香,加埋濕濕地嘅"獻"汁,容易入口,食晒成客都已經超級飽肚!總括黎講,今餐私房菜味味食物都有驚喜,友人表示呢次私房菜初體驗唔錯喎,怪唔之得入坐率有九成!   繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-06
619 瀏覽
朋友升職加人工話請我食飯叫我揀餐廳,諗起之前有朋友介紹過榮哥,所以即刻預約左✌🏻朋友話食好少少所以訂咗$968嘅2人餐😊本地有機沙律水耕菜伴芝麻醬: 用青瓜一捲捲包住啲菜,好新鮮爽脆👍🏻涼伴黑木耳:酸酸地好開胃🤤岩鹽花枝豆:鹹鹹香香😊茶燻流心蛋伴黑魚子醬配厚切茄子: 蛋有茶香蛋味濃,茄子厚得嚟又唔油膩😊原壺舞茸菇杞子螺頭黑毛豚肉湯(位上): 勁足料飲落好清甜唔油膩👍🏻我哋連湯渣都有食到😍溫室南瓜北海道特級帶子: 帶子好厚肉,南瓜清甜配埋青瓜同哈密瓜好清新,仲要好靚好精緻😍四品胡椒匯澳洲皇帝蝦王: 蝦肉好大隻,好香胡椒味但略嫌煮得韌咗少少😂士多啤梨黑豚肉排骨: 酸酸甜甜,下面墊住嗰塊米通好鬆化搭埋一齊食口感好好🤤米王有機時令鮮蔬:小棠菜清甜😋荷香蒜蓉海斑片原籠蒸紅白米飯: 海斑片好嫩滑,米飯粒粒分明👍🏻蒜蓉好香撈埋啲飯一齊食勁好食❤時令甜品:椰汁桂花糕,味道清香唔會太過甜✌🏻侍應好有禮貌,同埋會留意住人客嘅進度上菜👍🏻菜式夠精緻,今餐唔單止胃連眼球都好滿足❤ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-02
625 瀏覽
相約友人初嘗私房菜, 此店位於工廈中, 很接近地鐵站, 很好找。坐下店員先詢問開茶及放下菜單。菜式相當豐富。本地有機沙律水耕菜伴芝麻醬/涼拌黑木耳/岩鹽花枝豆: 先一拼送上三碟前菜。水耕菜以青瓜卷著沙律菜,賣相精美且令菜不會散開更易吃入口,菜相當鮮甜,配上芝麻醬很好吃。旁邊的車厘茄配上了柚子醋汁,很refreshing,個人很喜歡。涼拌黑木耳除有黑木耳還有較少吃到的白木耳,木耳爽脆,醋汁調味剛好,很開胃。另有枝豆,粒粒飽滿,鹽量亦剛好,都是很開胃的餐前小食。茶燻流心蛋伴黑魚子醬配厚切茄子: 賣相非常美! 流心蛋帶著淡淡茶燻香,流心做得很好,下面的茄子炸得酥脆,最精彩的是醬汁,秘製醬汁加上蔥芫荽及辣椒,和清淡的茄子很配襯!原盅燉湯: 兩款燉湯分別為哈密瓜螺頭黑毛豚肉湯及川貝陳皮海底椰鱷魚肉湯,兩款湯送上時都非常熱,而且相當足料! 與友人分著喝,哈密瓜湯頭較清,喝到哈密瓜的天然甜味及螺頭黑豚香味,另一款鱷魚肉湯較另一款濃厚,喝後有很滋補之感,相當滿足。蝦球水芙蓉: 喝完湯已半飽,主食才剛開始! 先來一人一份蝦球水芙蓉,水芙蓉為蒸蛋白,上面有帶雞油的芡汁,蛋白很香滑,上面的大蝦球相當爽彈,沒有過多調味吃的都是鮮味,相信是對自家食材的自信表現。士多啤梨黑豚肉排骨: 超愛這個擺盤! 士多啤梨醬想不到與黑豚肉如此適合,酸酸甜甜,黑豚肉肉味確比一般豬肉更香濃。下面的米通很香脆,增添了整度菜的口感。香煎北海道帶子海中寶: 想不到此為一件海鮮餅,上方為蝦膠,下方則為北海道帶子,入口先咬到彈牙蝦膠,再咬到軟滑帶子,所有鮮味在口腔中,很好吃,亦是我最愛的一道菜。魚湯有機時令鮮蔬: 是日為小棠菜。吃罷肉類後來一碟蔬菜有解膩之用,此安排很照顧食客所需。魚湯鮮味,小棠菜亦很甜,不錯。荷香蒜蓉海斑片原籠蒸紅白米飯: 最後的主食為籠仔蒸飯。蒜蓉及無骨海斑片從來都是絕配,店家特別用上紅白米飯,感覺更健康。飯下亦有荷葉,令飯帶有淡淡清香。即使已經很飽也幾乎把飯吃完。最後奉上水果作甜品,為整頓晚飯作結,很是滿足。價錢比坊間酒樓可能稍高一點,但環境,服務及菜式都相當不錯,比較安靜,上菜亦不會過急,會一道一道上,吃得舒適,值得一試。 繼續閱讀
(以上食評乃用戶個人意見 , 並不代表OpenRice之觀點。)