榕記陳皮燒鵝 (砵蘭街)

營業中

休息中

今天的下午茶我選擇了榕記的燒鵝飯，果然名不虛傳！一上桌，誘人的香氣立刻撲鼻而來。鵝皮金黃酥脆，咬下去時發出清脆的聲音，讓人一試成主顧。肉質滑嫩，油脂分布均勻，每一口都充滿了醇厚的風味，搭配的醬汁恰到好處，讓整體口感更加豐富。飯的部分亦不馬虎，粒粒分明，吸收了鵝肉的精華，吃起來香氣四溢。旁邊的小菜也為整個餐點增添了色彩，清爽的口感讓人不覺得油膩。這頓燒鵝飯真是讓人滿意，值得再來光顧！榕記的名聲果然有其道理，下次我一定要帶朋友一同來享受這美味！

夜晚買半斤叉燒加餸，點知無睇住佢斬，返到屋企打開個盒，先知比左成盒都係瘦叉，食早餐果d叉燒意粉果種瘦叉，真係好嬲，成間垃圾餐廳。枉我特別走去買，見到間餐廳咁新，仲以為有好野，點知比晒d最差既比客人

過咗嚟呢區開工跟同事出去食飯，Lee 間係佢哋常去地方，燒味店街坊價錢有比較光鮮嘅枱櫈好難得。連續食咗兩日，尋日食肥叉油雞飯熱奶茶（冇影相），今日食肥义燒腩仔飯熱奶茶。鍾意佢可以選擇肥瘦，有刁鑽嘅食法可同店員溝通，佢哋盡量安排。好似琴日咁，我想食鹹蛋，但係佢哋咁啱未蒸起，個店員10分體貼咁樣比多一份薑蓉我，應該係估到我鍾意攞鹹嘢撈飯，窩心到不得了。今日個燒腩仔個脆皮做得鬆化，可以encore!。杯奶茶茶底唔錯，少少嚡口，OK的👍店員醒目體貼有交帶，食物有水，價錢大眾化，我相信會成日嚟呢度食。

今日行街行路好攰，求其搵間嘢食吓下午茶，就見到油尖旺區有呢一間榕記燒鵝，咁就諗都冇諗，入去試一試探一探虛實。入到入邊，叫咗一個燒鵝米粉，首先米粉嘅湯底。好大可能係用咗燒鵝嚟熬湯，所以湯底係非常之好味，米粉熟晒啲湯底嘅味道，好配合。重頭戲來了，就係那個燒鵝，燒鵝燒得時間剛剛好，唔會話啲肉質好嚡，亦都唔會流失晒所有肉汁。燒鵝皮亦都非常之脆口因為食燒鵝，始終油分比較多，所以最後叫咗一杯凍檸茶，因為檸檬茶有助解油膩。

陪媽媽覆診完畢！陪佢老人家去食最愛燒味😘係油麻地見到榕記陳皮燒鵝，即刻入去開餐打開餐牌，叫個雙拼飯孝敬媽媽先🥰乳豬燒鵝雙拼飯👍乳豬皮脆、肥瘦適中正呀陳皮燒鵝味香濃！連媽媽都大讚👍👍乳豬燒鵝雙拼飯👍麻辣雞丁公仔麵雙炒蛋+多士早餐跟餐：熱咖啡熱奶茶餐飲

今日試咗榕記嘅燒臘飯，真係大滿足！燒鴨皮脆肉嫩，油脂分佈得剛剛好，皮同肉嘅口感層次分明，肉質鮮嫩多汁，仲滲出陣陣濃郁嘅燒烤香。叉燒呈誘人嘅紅潤色澤，甜度適中，軟硬適宜，入口軟綿又帶有微微嘅嚼勁。配菜嘅鹹蛋黃油潤沙軟，沙沙嘅口感好正。酸菜爽口解膩，為成個飯增添咗清爽嘅味道。白飯顆粒分明，吸收咗燒臘嘅肉汁，變得更加滋味。榕記呢個燒臘飯，無論係食材品質定係味道搭配都好出色，份量亦都唔少，性價比好高。下次一定會再嚟試吓其他嘅燒臘菜品！

招牌陳皮燒鵝燒鵝一上檯黃金透亮嘅色澤，咬落去酥脆嘅燒鵝皮超入味，陳皮嘅香氣完全滲入到皮入面上面仲有陳皮碎點綴，口感層次非常豐富，不愧係每檯必點嘅招牌菜，真係好食到停唔到口👍👍豉汁涼瓜炒牛肉牛肉嘅鮮味十足，嫩滑多汁完全唔韌，苦瓜亦有佢獨特嘅清香，食落一啲都唔苦仲好爽口，豉汁嘅味道調配得啱啱好，仲係下火嘅好菜😋😋睇到仲有碟頭飯下次可以再嚟試下🍲

今日本來去對面的榕哥，可惜爆棚，咪來哩間嘍，兩間都話自己攞好多獎。哩間都爆棚，本來要搭檯，但有卡位走，waitress 亦好快手樂意幫忙執。味道燒鵝飯 ( $62) 4分燒鵝肥叉飯($67) 5分— 好老實，要鵝肶要$1xx, 真系吾捨得。— 其中一碟都有半隻肶，好抵。— 難得碟頭飯鵝同叉燒都系熱咖。— 鵝皮薄，脆而鬆，帶小肥膏，肉吾韌，好有鵝味。— 叫肥叉真到肥叉，好，肥瘦大概3/7比例，肉好”淋”.— 本來哩間比成瓶酸梅醬系檯面真大方，但可惜味道吾夠，反而令燒鵝飯扣了一分。湯(3分) 餐+8蚊—表面已經睇到太多油，飲落亦覺得可能湯底有燒味底，反而飲吾到應該的瓜同肉味—通常茶記或者燒味鋪，例湯可以代替餐茶，但哩度一定系另外叫，哩個可以考慮下改善。環境(4分)— 可能新裝修無耐，所以都比較舒服服務(4分)— 難得大部分waitress都有禮貌，笑容，做野又快手。香港真系要多d哩d服務業衛生(3分)— 都系一般茶餐廳水平，如果要改善，可能要睇多d鬼佬餐廳點做，應該吾難，努力啊。抵食(4分)— 以咁質量，性價比系高。

如果早上經開呢度附近，－定要入去食個靚早餐。D餐個蕃茄豬膶通/ 米線/ 米粉真係好正，豬膶係生滾的，驚喜，個蕃茄薯仔湯底好好味，蛋又煎得好，脆邊流心，加埋多士同餐飲，$38 真係超值。