585
43
13
港鐵銅鑼灣站 C 出口, 步行約1分鐘 繼續閱讀
所有分店 (3)
電話號碼
31888008
31888009
開飯介紹
日式自助餐餐廳,過百款美食及甜點可無限量任意享用。 繼續閱讀
營業時間
今日營業
12:00 - 15:00
17:30 - 23:30
星期一至日
12:00 - 15:00
17:30 - 23:30
付款方式
Visa Master AlipayHK 支付寶 現金 銀聯
其他資料
Wi-Fi
酒精飲品
加一服務費
食評 (706)
等級4 2021-02-23
12256 瀏覽
牛年年初七開始可以四人敘,即時相約朋友食日式放題,順便新春見一面。銅鑼灣呢間餐廳午市放題做緊183元一位,價錢吸引,加埋一都係202.6一位,於是拿拿聲訂檯去食番餐,因為唔知幾時又冇得敘。星期六午市客人都很多,座低後掃自已檯號二維碼落單,方便快捷,另外如果你之前已叫過同一食品系統又會有提示,我腍怕你落錯單,其實我係因為好食再ENCORE。在餐牌欄看一看,供應的食品種類很多,有剌生、壽司、手卷、串物、鍋物、天婦羅、主食等等。每個項目都可選擇件數,視符自己食量落單,不怕浪費。除了要自己系統落單外、還有些食物是可自助領取,有沙律、小食、糖水、甜品、雪糕和飲品等。酒水種類也有幾款,包括清酒有冷有熱、梅酒、韓國燒酒。能飲的真係可以飲到夠。飲品櫃也有很多飲料,不飲酒也大把其他嘢飲。刺生是日本食物的重點,一口氣選了十款剌生,每款六片,上檯係一大盆擺得靚靚的剌生盆,插上兩株紅色假櫻花配上滿盆白色的碎冰的擺盆造型十分好看,剌生的品道也是鮮甜可口。之後斷斷續續的叫了不少食品,每款味道也不差,我喜歡蒜香汁炒牛柳粒、牛柳粒嫩滑、蒲燒鰻魚焦香可口、黃金焗廣島蠔滿滿的芝士醬下有鮮甜蠔肉、榴槤炸彈有流心的榴槤醬,外脆內軟。全部食材上檯時都是熱熱的。因為不太吃甜食,所以甜品沒吃,只是吃了雪糕,不過雪糕就不太好吃,綠茶味很甜、咖啡味也不濃郁。整個午市放題做到3點,12點來到可以慢慢歎,餐牌截單就2點,上菜速度合理,沒有漏單,食物質素不差和價錢都便宜,這個午市放題食得過。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-06-14
1485 瀏覽
臨近父親節,一家人選擇去放題慶祝。我地今次午餐放題$183加一,端午節都無加價。第一輪刺身等了15分鐘,好彩熟食都好快送,止一止肚餓先。炸蠔和炸榴連都炸都香脆可口,熱辣辣~刺身大概每款數件,先試一試質素。刺身全都很新鮮,第一盤的三文魚係魚腩的部分,好肥美😋之後就無遇到咁肥美的三文魚腩。推介的都係帶子,很鮮甜👍🏻熟食方面,炸物比較出色,十分香口。羊架就比較瘦,有點難咬。飲品有樽裝茶,韓國的忌廉溝鮮奶和蘆薈,汽水,紙包飲品,啤酒。甜品有雀巢雪糕杯甜筒,Melona的雪條,雪米滋,維他豆腐花,仲有餐廳製作的小蛋糕和甜品。放題時間係任食3小時,所以可以慢慢食。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-10
1379 瀏覽
搬左黎銅鑼灣咁耐,都冇乜搵過食,今次平日放假一於約朋友去附近食好野!我地經過銅鑼灣廣場時見到原來有極尚大喜屋,係傳說中premium版既大喜屋!見佢Lunch 放題都只係200零蚊,同埋疫情關係所以唔算多人,一於入去試下。一入到去會經過自助餐區,台面有薯格腸仔同菜等等幾款熟食,俾d餓鬼可以即刻有d野落肚。味道唔差但唔算出色。隔離有多款水果同沙律菜,仲有唔同既醬俾輕盈人士!點餐係用手機scan QR code,超方便,唔洗入紙又環保。介紹下今餐最愛既野先~我好鐘意佢d手卷,全部都係細細件,一啖食得晒,飯量唔會太多,唔洗驚食飯食到飽。特別一提個海膽手卷,真係好好食,海膽味濃又唔腥,好似即開海膽咁新鮮。拖羅壽司肉質一流,油脂感十足,入口即溶咁濟!甜蝦,三文魚,赤貝,帆立貝果d必食刺身全部都好出色,基本上可以喪encore,除求食到回本先好走!食飽晒正餐又點少得甜品呢?自助餐區個甜品櫃又好多款甜品揀,全部都係bite size,可以每樣試d,滿足晒貪心既我。有雪糕雪條,豆腐花,布甸,芝士蛋糕等等,本人最愛榴槤雪條!野飲櫃都超多選擇,以200零蚊既放題黎講,呢餐真心食得爽! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-06
1716 瀏覽
當日book 就話full哂無得book,但個職員位可以試吓上去攞籌點知8點上到去8點20分左右有位,但9點30分last call。滿身歡喜諗住勁食一餐,點知非常失望,d二人枱好細張,個袋都無位放,食物質素非常差,有漏單,炸嘢唔係脆,熱食嘅嘢只係暖,雪糕只係雀巢,$248一位再加一呢個價錢可以有好多選擇而且好過呢間好多。如果無咩要求為食得飽而食,呢到可以滿足到,因為隨咗用QR code落單之外,有沙律吧、湯、日式前菜、炸薯角、炒蜆等等可以自己出去任攞。唯一覺得好食只有一樣係左口魚壽司。 繼續閱讀
(以上食評乃用戶個人意見 , 並不代表OpenRice之觀點。)
-放題這東西目的為飽肚真的好飽又抵食單單是這間分店我已經回頭食過好多次最開心咩種類食物都食過一次滿足哂不過唔知點解放題餐廳地枱櫈都係痴粒粒咁樣還好杯碗碟唔係痴粒粒好好生意,全場爆滿還要有一大堆人企係門口塞哂🥶 繼續閱讀
(以上食評乃用戶個人意見 , 並不代表OpenRice之觀點。)