441
47
23
餐廳: 極尚大喜屋日本料理
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵尖沙咀/尖東站 B1 出口, 步行約2分鐘 繼續閱讀
所有分店 (6)
電話號碼
31881988
31882882
開飯介紹
日式自助餐餐廳,生魚片、壽司等用料上乘,建議提前訂位。 繼續閱讀
獎項殊榮
最優秀尖沙咀開飯熱店 (2015-16), 最優秀開飯日本菜餐廳 (2015-16)
營業時間
今日營業
12:00 - 15:00
17:30 - 23:15
星期一至日
12:00 - 15:00
17:30 - 23:15
付款方式
Visa Master 現金 銀聯
座位數目
300
其他資料
網上訂座
Wi-Fi
酒精飲品
自帶酒水
電話訂座
外賣服務
加一服務費
有關獎賞計劃
食評 (591)
等級4 2018-12-19
3563 瀏覽
食放題都係想試多幾款野,最重要係任飲任食,啱曬大胃王另一半,而我就會貴精不貴多🤭。大喜屋呢個放題品牌都幾岀名,聽朋友講要預早訂位再早d去排隊先可以確保你成功入座🤨 一個平日嘅晚上,我就提早訂左8點半呢輪黎試一試佢!🤙🏻兩大本食物簿,有刺身、多種創作壽司、燒物、炸物、鍋物、天婦羅、甜品等,款式非常多!眼花撩亂👀刺身款式必食帶子、赤貝、象拔蚌☺️回本必食!計我話食刺身就最緊要係新鮮,Re-order咗兩轉都依然保持水準👏🏻凍冰冰又點小得要叫d燒物暖下胃呢🤗 我自己就最中意食牛舌同蒲燒鰻魚串,原來我地兩個人不知不覺一共嗌咗6串先收口😎鰻魚夠厚身,火喉控制做得唔錯,加埋醬汁食十分滋味!牛舌唔會好靭,以放題餐廳黎講,味道同口感都係合格有突🧸熱食方面,蒜蓉蘆筍炒珊瑚蚌好有驚喜,蘆筍幾嫩,淡淡嘅牛油蒜香加上爽口嘅珊瑚蚌,味道意外地比坊間中菜館惹味🤫烤羊架係每次放題必食之選!都幾大隻,不過等得比較耐,慢工出細貨係值得一試嘅!除咗普通飲品之外,佢地仲有梅酒同清酒任飲,前菜沙律亦都多樣化,夠曬爽皮係甜品方面,竟然每人有一款Haagen-Dazz或Movenpick雪糕食物款式夠多、價錢夠親民,大部份食物都熱辣辣上枱,夠晒香口。另一樣野要比個Like!兩個人坐得唔會太逼,因為咁啱坐到張3人枱😈唯一要改善嘅係,個到冷氣都幾大,所以見到好多人都著曬大䄛震住食😂 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-05
16824 瀏覽
公司每月都攪生日會,如果當月有同事生日,就由公司支付生日會費用,由生日同事選擇食乜,如果人多生日就由年紀最大的話事,同事們大多喜歡去尖沙咀極尚大喜屋日本料理,個個都讚極尚招呼週到,連飲品也不需客人自取,而且食品高質,味道不錯。所以今晚的生日會在極尚舉行。我們又有口福了!每次食放題最期待的就是刺身,一上檯,大家見到甘新鮮的刺身,都食過不停,甜蝦、北海道帶子鮮甜,鮮赤貝爽口、三文魚厚切,魚油豐富。多款壽司中我比較喜歡火炙的,例如帝皇蟹棒黃金燒、牛油燒帆立貝等,用火燒過會提升食物的香味,味道更濃。北海燒帆立貝,將沙律醬等放在帆立貝上燒焗至金黃色,帆立貝鮮味,也有沙律醬的甜味,不錯。極上咖哩炒蟹,出面食尼味蟹係好貴,現在任食,真係好底,咖哩味調得非常好味又夠香,少少辣,蟹又鮮味,真的要食多幾轉!多款燒物都好味,尤其蒲燒鰻魚串,燒鰻魚加上燒汁,十分惹味。鹽燒青春花魚燒得香口,肉質細嫩。天婦羅炸得香脆,粉漿不太厚,蝦爽口,番薯仔香甜。炸物我喜歡芝麻雞翼,皮脆肉嫩,加上芝麻更香口,還有紫心香芋丸。雙重口感,外脆內軟。瑤柱花甲粥,粥底夠綿,用小粒瑤柱煲,再加上花甲,味道十分鮮甜。最後食甜品,除了點餐紙上的多款甜點外,另外還有每位客人限量一杯的名貴雪糕,幾款口味中,我選了朱古力味。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-02
17918 瀏覽
一個人響尖沙咀晏晝搵嘢食,一直諗唔到食咩好,直到經過愛賓大廈,見到極尚大喜屋嘅宣傳招牌,又見到唔使等位,就入咗去食。極尚大喜屋幾適合一個人都想食放題嘅食客,因為完全唔使出去拎飲品或者甜品, 雪糕嗰啲,一概透過點餐紙落單,侍應拎嚟,唔使擔心行開行埋,啲嘢食畀人收咗 ,或者個袋唔知拎唔拎埋好。食物嘅款式都幾多,有海鮮、刺身、壽司、燒物、炸物、沙律等等。飲品方面,雖然午市冇特飲提供,但都有罐裝汽水、果汁、茶、啤酒、清酒、梅酒等等。睇下今日食咗啲咩先:叫咗幾款壽司,特色嘅係極壽司同埋尚壽司,仲有親子花之戀、明太子車海老、龍蝦膏帶子甜蝦,全部都係細細件,唔夠嘅可以再叫,避免浪費。整體嚟講,材料都係幾鮮甜,賣相亦精緻,不過由於侍應冇介紹到,所以分唔到邊件係極壽司同埋尚壽司😂反正都係放題,一試無妨,可能有驚喜呢。牛油雞髀菇,有兩大片,牛油香唔係特別濃,菇嘅香味吸引啲。鹽燒海蝦一口氣嚟咗兩隻,但明明只係寫咗一隻😂不過燒得幾香脆,海鹽嘅份量又啱啱好,唔會太鹹,亦都唔會冇味,加啲檸汁零舍醒神,咁當然唔好客氣,食曬佢啦!繼續睇下啲熱氣嘢。北海道脆皮奶選用北海道3.6 牛奶製造,非常香甜,新鮮炸起,十分鬆脆。天婦羅蝦同埋有機茄子天婦羅都係即叫即炸,而做得幾好嘅係唔會特別多油,食落去冇咁大罪疚感。食完油炸嘢,食返沙律,清一清啲滯膩感。先係蟹肉胡麻豆腐,蟹肉分量好多,冇話慳住慳住;胡麻醬嘅份量都好夠,幫豆腐調味。另外有一款係沖繩海葡萄沙律,第一次食沖繩海葡萄,脆卜卜幾得意,下邊擺了好多蔬菜。極尚咖哩炒蟹,一人份量大概半隻。侍應非常細心,拎隻蟹過嚟嘅時候,拎埋個蟹鉗,可以容易啲剝開蟹殼。咖哩汁微微嘅辣,食起嚟既滋味又醒神。蟹肉稍為稔咗少少。北海道燒帆立貝,醬料落咗芝士,稍為偏鹹。甜品揀咗三款: 3.6牛奶布甸、焦糖日式軟芝士蛋糕、海鹽焦糖慕絲蛋糕,全部都係bite size ,當中最吸引係海鹽焦糖慕斯蛋糕,有甜有鹹,兩者混合,相當有趣。甜品嚟講,最重本嘅應該係每個食客只限一杯嘅haagen-dazs或者movenpick雪糕。Haagen daz雪糕有芒果紅桑子、比利時朱古力、焦糖脆餅或者季節限定嘅味道,今次係桃味。movenpick嘅就有雲呢拿或者士多啤梨味。揀咗haagen-dazs嘅比利時朱古力,入邊有一塊塊嘅朱古力片,為軟滑嘅雪糕添上更加豐富嘅口感層次。午市成人放題收費 248蚊,加埋一之後,總額$272。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-12
13390 瀏覽
幾天前跟朋友三人約在尖沙咀極尚大喜屋吃放題我們訂了5:30的座位,但早10分鐘到達時已見一條人龍在門外等候入座安排。果然十分受歡迎! 稍等一會兒,我們已獲安排入内。餐廳環境寬敞,座位很舒適。炸天婦羅, 剛剛炸起 ,再加一點蘿蔔蓉,好味。我們點了一個特别炸物,是炸貓山王!!! 喜歡吃榴槤的一定要叫, 好香榴槤味,脆脆外皮,包著榴槤,一口吃來滿是香味。好食我們還點了海膽軍艦,櫻花鱿魚,海膽新鮮,唔會有腥味,好正。 推薦大家點多次海膽軍艦。辣酒煮花螺,辣味十足有8~9隻花螺,分量少少地, 可以試試味黎又唔會飽左仲有羊架💗 油脂肉比例剛剛好, 好香好好食牛舌就有點硬身, 希望下次食時更好 芝士焗扇貝 超正, 焗到芝士剛剛燶燶地邊, 想食多幾隻 最後仲有飲品 點返一杯特飲邊飲邊食佢晚餐有三個時段 我地5:30到 所以時最早時段 價錢上都會平少少 如果大家去食的話 我都推薦大家早少少食 5:30~~~ 繼續閱讀
(以上食評乃用戶個人意見 , 並不代表OpenRice之觀點。)
等級3 2019-02-18
16 瀏覽
好耐冇食過放題啦!今日朋友生日所以決定去食大餐!每次經過尖沙咀極尚大喜屋都會見到樓下排晒長龍,所以我哋決定試一試!睇下點解佢咁有人氣!餐牌選擇都幾多我哋就每頁都嗌一啲食下!😋一開始我哋就嗌咗一啲特色壽司,喺其他地方食唔到!親子花之戀、明太子車海老、龍蝦膏帶子甜蝦魚生好新鮮,而且每款配料嘅配搭都唔錯,食落去好夾!壽司飯嘅份量亦啱啱好,唔會大大嚿,唔錯咖哩炒蟹估唔到日式放題都有泰國菜食,咁我哋梗係要嗌黎試一試啦!驚喜嘅係呢但咖哩蟹炒得好入味,味道小辣帶甜,好食!芝士焗帆立貝原隻帆立貝喺入面,配埋其他配菜一齊焗,好惹味,又唔會太漏,正!炙燒海蝦海蝦燒得好香口,肉質亦唔會好韌,配埋檸檬汁,又開胃又好食!炸天婦羅炸物整得唔錯,款式亦都幾多,我地嗌左紫薯、海蝦、南瓜等,食落仲好熱好新鮮!!炸粉亦唔會好厚!最後食返份甜品就滿足喇!欣賞佢呢度既甜品都係細細舊,因為食放題食到最後都只係得返少少嘅quota食甜品🤣 繼續閱讀
(以上食評乃用戶個人意見 , 並不代表OpenRice之觀點。)