極品泰國菜館

營業中

休息中

Went to eat here with my husband, and I am very happy with the food we ate. The staffs are friendly and extremely nice. And the portion is great too!you could tell it’s a great place as it’s always packed, so better go there early before it gets packed!

大角咀小店，家庭式經營～泰國人主理，樣樣餸都好用心煮，真係食得出泰國風味！見到都有泰國人嚟幫襯，就知有保證🤣🤣椰子雞湯好椰、好足料，勁多菇同雞，香料都好足料🫶🏻🫶🏻以為佢細細兜，但5個人都飲唔哂！另外大讚蒜蓉包，真係整得好香、好脆卜卜，點吓個咖哩蟹汁仲！鹽焗烏頭都好食，個汁好味，酸酸甜甜～仲未講個大蝦粉絲，係我至愛🥰樣樣都真係好正宗泰國口味。老闆娘勁好客仲送咗椰汁糕，係童年回憶！但最後太飽，無叫到芒果糯米飯🥲🥲下次要再嚟試吓甜品

與兩位舊同事聚會，他提意過嚟極品開餐，我當然贊成囉！這小店，我與家人已經幫襯好多年，要食泰菜，都會想起她，喜歡這兒的食物及老闆娘的親切感。今晚三個人，訂了6點檯，因其中一位舊同事早下班，我們也提早會合，17:40已入座。叫了生蝦、必食蒜蓉包、木瓜沙律、香葉肉碎飯、生菜包、燒牛肉、炸皮蛋及飲品，埋單600有找，抵食又好食。兩個大男人聊天興奮起上來，聲音有點大，真的有點不好意思😅。食飽坐咗一陣吹吓水，7點左右，見到店外有人疑似等位，雖然店家沒趕我們走，但、我們都識趣的起身走人，小店要靠翻檯才能有錢賺，這個道理，我們都明白的，只希望這店長做長有，我們又可以番嚟食喇。

大角咀出名多野食，呢日就打算打賣唔同野食外賣返屋企食，因為朋友想食串燒，買完炸雞就去左呢度買泰菜。朋友都鍾意食呢度嘅蒜蓉包（細，$45），見店家係門口即烘到金黃色，即使外賣返去食仲有少少酥脆香口，蒜蓉牛油都好香。主角沙嗲串燒（二牛三雞，$66）都係即燒，入味又有肉汁， 唔會燒到乾晒，推薦。而冬蔭公湯（細，$72）幾濃郁，香料味重，比較特別係會微酸，但唔算好辣，連我呢個唔太食辣嘅人都食到，用蒜蓉包黎點都好食。裡面好多菇同蝦，食落都幾飽。

是咁的同朋友喺大角咀想食泰國嘢其實附近都有成三四間泰國嘢咁我哋今次就揀咗呢間極品泰國菜食佢都係有泰國人主理嘅但係個位置就唔算太開陽舖位亦都較細當日我同朋友就要坐出街食但其實都冇乜所謂變相仲更有泰國風味———佢嘅選擇都非常之多咁我哋都揀多咗唔少嘢去嘗試下喺門口見到佢有個燒烤爐整緊啲串燒同埋蒜蓉包都非常之吸引所以我哋就叫咗一份蒜蓉包好好食牛油同蒜蓉都非常之足夠佢係長方形嘅四邊都燒晒外脆內軟小食拼盤就梗係走唔甩啦好似有大概五樣小食泰式臘腸春卷魚餅蝦餅分量都唔少味道正常生菜包都係必食夠味好似喺泰國食咁樣仲揀咗條燒鯽魚魚肉好滑推薦咖喱雞好普通大家唔試都得最後佢送咗一個椰漿糯米飯都係好好食黑糯米同糯米都好夠熱芒果好夠甜椰漿亦唔會得少少

我既第一次食評俾左佢，真心覺覺中伏，如果你想減肥，你可以試吓，包你食唔落！係foodpanda 叫左四樣野食1）波蘿炒飯———腰果霉既，飯都係無味2）蒜蓉炒椰菜苗———菜唔新鮮，見到啲菜唔係黃左既葉就係穿窿。3）泰式鳳爪沙律———鳳爪有種腥腥地既味，啲醬完全入唔到啲鳳爪入面4）蝦球炒金邊粉———蝦球無味，金邊粉係碎既，我從來未食過一間既炒金邊粉好似佢咁完全無味，呢樣餸幾差應該都唔會差到好似佢咁🤦🏻‍♀️佢真係極品，極品難食，無下次！

今晚本身喺度叫咗份外賣，其中兩個係菠蘿海鮮炒飯同埋蟹肉炒飯。然而，我一拎到返屋企之後發現果2個飯貨不對版。我打返比呢間野同佢講佢話其中一個係來錯咗雞肉炒飯，就咁退返少少差價比我算數。咁我見佢肯比返錢，唸住算數，點知佢原來兩個飯都係錯既，一個係冇肉既炒飯，一個係臘腸炒飯，打返比佢講佢就同我講話下次再叫外賣先會比返個甜品我。我唸唔明點解你唔係會今日即刻退返個甜品比我。呢餐真係食得好激氣，食到中途先記得影相，都唔知果2個飯係咩來，話難食唔係難食，係個味道好怪。如果唔係見佢有個蒜蓉包，我真係行多兩步去返Orange Elephant 食好過。其實呢間小店都唔係多人幫襯，原本唸住支持下，希望你地唔好連少少單都搞錯，你地真係令到客人好失望。我已經喺foodpanda 落單，要食啲咩白纸黑字講到明，唔係普通打電話落單，點解你地可以唔check 清楚，就咁敷衍了事。經過今次外賣一事，暫時唔會考慮再回頭，亦會同之前推薦過你地的人講返呢件事。用餐體驗： 🤢

🔅 #hkfoodmap泰國菜🔅 #hkfoodmap大角咀🔅 #hkfoodmap旺角.𝐹𝑜𝑙𝑙𝑜𝑤 𝑜𝑢𝑟 𝑖𝑛𝑠𝑡𝑎𝑔𝑟𝑎𝑚 𝑓𝑜𝑟 𝑚𝑜𝑟𝑒 𝑓𝑜𝑜𝑑🦦.食泰國野唔一定去九龍城嘅～去開旺角 行多幾步去大角咀一樣有好味泰菜💁🏻‍♀️生蝦沙律入面嘅生蝦超爽口 仲帶鮮甜🦐中間仲有炸蝦頭做伴碟💛炸得好香口好脆～蝦餅同外面嘅好唔同 食得出係啖啖嘅鮮蝦肉 彈牙足料💁🏻‍♀️炸粉不厚炸得啱啱好 仲要勁大舊！串燒醃得好入味 燒得啱啱好鎖住曬肉汁勁𝚓𝚞𝚒𝚌𝚢🤤沙嗲汁都好好味～濕炒河河粉好滑 每條河粉都入曬味🤪個汁會比起街外嘅稍為淡味小小 但我都覺得好食🥳龍眼冰好大杯好多龍眼 夠曬足料～食飽老闆娘仲送左甜品比我地食～佢滿場飛同客人傾計 人情味超濃厚的小店🦦唯一嘅小缺點係店面比較細 位與位之間都貼得好近😷😷真係有啲迫～

泰菜癮起，尋覓一時終於有間睇圖都流哂口水，即時book位一試。做足功課，知道蒜蓉包出名，一坐低就叫左，仲為左佢叫埋咖哩點汁食。 蒜蓉包不負眾望，酥脆香口，包皮每一邊都好脆口，蒜蓉牛油香到就咁食已經好夠味。 點埋黃咖哩味道又更上一層樓，吸滿湯汁既軟糯又香脆，必點。黃咖哩蝦調味一流，配料都足料，最鐘意食入面既薯仔，略嫌選用雪藏蝦性價比較低。串燒好有驚喜，揀左牛雞各二，惹味、入味又有肉汁，牛都尚且有少少韌，雞真係可謂完美，兩款都係我食過最好食既串燒，下次會all in雞。冬蔭公湯都好正宗，可惜菇落得比較多，唔知係咪因為咁而未算係好強烈刺激既酸辣，如果再重口d就好。

I had pad tai and colleagues has curry and fried chicken - all solid seating tight but ok - overall good experience not too busy -Service is fast!Dishes are cleanDecor was very authentic as well Speak English wellPrice is reasonable under 60$ with drink

又到星期日出去搵食時間, 今日友人話想食泰菜, P san 就 search 咗喱間泰菜小店。         今日我哋一行 4 人, 點咗 6 款小食、餸同埋炒嘢, 當然仲有食泰菜通常必點嘅冬蔭公湯啦。我哋點完, 好快就開始上菜。 首先講吓喱個咸魚炒椰菜苗, 一上枱, 已經聞到好香嘅咸魚味, 鑊氣十足, 菜炒得爽口, 每條菜都有住淡淡咸香味, 但唔會死咸, 再配埋少量木耳, 更加脆口, 但份量唔算多。        之後上菜嘅就係米紙卷, 一共有 8 件, 剛好每人 2 件, 米紙有少少米味又煙煙韌韌, 再加上包喺入面嘅生菜、扎肉條同紅蘿蔔絲, 新鮮爽脆, 更加有趙口, 再點埋店家附上嘅蒜溶辣椒醬, 令成個米紙卷唔止 refreshing, 仲剌激到味蕾。  到我哋個冬蔭公湯上菜啦! 一上枱店員會喺盛載器皿度點火, 令個湯可以保持溫度。湯料好足, 有好多菇, 蝦都唔少, 而且爽口彈牙, 唔係死蝦咁會梅, 味道方面, 酸酸辣辣, 好醒胃, 但我個人比較喜歡再酸啲, 所以如果可以再加多啲青檸酸少少就好了, 辣味方面, 唔算辣, 適合唔鐘意食辣嘢嘅人, 湯仲有清淡嘅香料味, 成個湯都好順喉

食正宗泰菜唔一定要去九龍城！極品泰國菜館喺大角咀算係比較靜嘅中匯街，細細間但煮啲嘢都幾有水準！ 😋 蝦球炒金邊粉 $78 PadThai呢啲度度都差唔多，我會覺得呢度嘅PadThai普普通通，好食但無乜特別。 😋 魷魚沙律 $78呢啲泰式沙律通常都幾辣，平時少啲會試魷魚沙律，通常都係食泰式鳳爪🤪 啲魷魚幾彈牙，食親泰式沙律都覺得啲餸識隱身，發現份量都幾多，食極都仲有😂 😋 串燒（牛 / 雞） $15 / $12 燒得啱啱好，鎖得住啲肉汁！牛肉少少少少韌，雞肉滿分，沙嗲汁甜甜哋，非常高水準！ 😋 椰汁冰 $28 / 泰式奶茶 $20 嘢飲方面都唔差！椰汁冰好重椰子味，不過泰式奶茶就無其他地方飲嘅咁甜。😋 芒果黑/白糯米飯 $58 飯後甜品必點！飯係熱嘅，芒果係凍凍地嘅，芒果都幾甜，加埋椰汁食都唔錯！不過真係幾滯，會飽到嫑嫑嘅😛 基本上呢度每枱客都會叫蒜蓉包，但小編開頭唔知佢咁出名所以無叫到，淨係偷影咗隔離枱嗰份，大家如果去嘅話可以試吓呀😝

💛💛今日父親節，好彩有打電話訂枱，如果唔係一定冇位！餐廳由泰國人家庭式打理，感覺好窩心，佢地好親切咁招呼客人，又好老實咁同人講話今日啲蟹太貴唔抵食。紅咖哩炒牛肉，份量十足嘅牛肉沾滿咖哩醬，配埋羅勒葉嘅香味，送飯唔錯，配埋呢到招牌嘅爐燒蒜蓉包最完美冬蔭功湯用火keep 住熱，味道比出面嘅冬蔭功來得溫和、甜，入面有好多雞髀菇、蝦、木耳，一家大細都可以飲。鹽焗烏頭魚，魚肉滑，魚肚塞滿香料所以冇泥味，點埋酸辣汁就perfect for summer 咁清新。要留意就係呢到小食拼盤喺極大碟，如果冇4個人或以上都唔好貿然嗌，如果唔係就預咗食兩三日🤣呢到交通的確唔係好方便，但大角咀深水埗南昌之友就值得嚟幫襯，懲罰下呢到良心小店💛

姨甥女將近生日，又有借口約家人出嚟聚餐了，二家姐提議來極品，一向喜歡食泰菜的我，當然贊成囉！我們叫了燒雞翼、烤蒜蓉包、沙嗲串燒雞、串燒牛(燒烤類，由太子爺負責出品，燒得剛剛好，肉類鎖汁之餘又不會嚡，必食之選)，鹽燒烏頭(熱辣辣上檯，魚肉配埋個汁食，唔錯)，泰式米紙卷(味道清新，但上載照片有限，稍後另po上來)，椒鹽魷魚酥(很惹味)，柚子沙律(少少辣，柚子與蝦好match)，雜菜春卷(呢款較為普通)，炸腐皮卷(圓碌碌，好脆口，配汁來吃，幾好味)，泰式芽菜炒咸魚(咸魚味不算突出，但、都好味的，照片稍後補上)，炸蝦餅(蝦餅的肉很彈牙，味道ok)，菠蘿炒飯(味道Ok,啱不吃辣的小朋友及老人家/照片後補上)。因有些食物叫一碟又唔夠分，叫兩碟又太多，細心的老闆娘幫我解決了叫某些食物的煩惱，我喜歡去小店就是這個原因，處理方面夠彈性，人情味較濃。 飯後，在店內食埋蛋糕，便嗱嗱聲走人，希望店內仍能翻檯，多做生意，好既店舖應多給與支持，她做得住，我們也多個開心食嘢既地方嘛！