更多
5天前
0 瀏覽
行過深水埗元州街,原來有間幾有驚喜嘅拉麵小店 極之拉麵,主打清新系湯底,唔係傳統豚骨嗰種濃味風格,反而係行日式高湯精緻路線,鐘意清湯拉麵嘅朋友值得一試。🍲 基礎 真鯛白湯拉麵 $78用上鯛魚熬成白湯,入口滑順、湯底清而唔淡,帶一絲魚鮮香,唔會過鹹。叉燒、筍乾都做得唔錯,拉麵本身偏幼,彈性尚可。整體偏向細膩系,唔係重口味之選。🦪 基礎 真牡蠣醬油拉麵 $79呢款有驚喜!湯底滲出牡蠣同醬油融合嘅鮮味,飲落帶少少蠔乾甘香,層次分明,味道較濃但唔會死鹹。鍾意海鮮風味嘅人一定會鍾意。兩款都屬於清湯派,唔係想食濃厚豚骨嘅話,呢度會係一個唔錯選擇,尤其鍾意日式簡約風味。
張貼