極上魂燒烤

營業中

休息中

本身就係諗住喺出邊食一兩串，但係店員好熱心同我哋講話可以入去坐，堂食同拎走嘅價都一樣👍🏻 所有嘢食都好香炭燒味，特別推介肥牛粒同埋野人腸。肥牛粒可以食得出佢唔係平時食串燒嘅嗰啲肉質，喺串燒界嚟講係幾重肉味，而且一啲都唔韌，無論係調味定係肉嘅生熟程度，所有嘢都係整得啱啱好😍 野人腸咬落爆曬汁，臨尾仲有個變變地嘅醬（類似沙律醬），好有變化🤤 仲叫咗芝士生蠔，熱辣辣，不過味道冇好出眾墨魚仔串都好味嘅不過呢間舖淨係開假期，所以唔好摸門釘！

原本只係想叫一串燒燒賣，食完之後又再試吓燒蝦、燒生蠔、燒鮑魚、燒雞泡魚。😅越叫越多，越食越好味。 秘製醬汁，帶出海鮮效原味。燒烤$38兩隻，連蝦殼都一併吃！等候時間10分鐘，但仍然值得。 👍由原本只中午下午茶小吃，下午茶大餐！ 下次到大澳一定會再幫襯！ 😊

話說前排去大澳郊遊，打算吸收新鮮蝦醬味，仲計劃咗一連串搵食之旅，其中就是呢間大澳燒烤串喇，利申下，味道當然未必及得上出邊餐廳咗多元，呢個都似乎用鰻魚汁走天涯，但勝在人情味搭夠；小朋友化身小侍應幫家人手招呼客人，食多種人情味。1️⃣2️⃣2️⃣5️⃣ 午餐時間🍢 碳燒雞肉串 - 香，不俗🍢 碳燒QQ黑椒牛筋丸 - 個人認為用鹽燒取代鰻魚汁會比較好食🍢 碳燒燒賣 - 似自己燒嘢食嘅燒賣😆🍢 日式竹輪卷 - 不錯，配上鰻魚汁很搭🍢 碳燒豬頸肉 - 用孜然粉燒，呢個係全場冠軍！🍢 碳燒墨魚仔串 - 可能唔夠熱，有點腥。🍢 碳燒珍寶司華力腸 - 腸係無得輸架！🍢 碳燒芝士扇貝+ 碳燒蒜蓉扇貝 - 很新鮮同好搭，又係必食之選。🍢 碳燒燒芝士生蠔+ 碳燒蒜蓉生蠔 - 都不錯，不過有比較有傷害，扇貝好食啲。🍢 三角肩胛肥牛粒 - 正常水準。🍰 士多啤梨味泡芙 最後店主小朋友請我哋食泡芙，本身我哋都有打算叫嚟食，太好了！夠凍，食完熱串燒簡直一流呀！

行行下聞到好香燒烤味，就入去食下串燒！餐廳係家族生意，仲有2位小可愛serve客人又幫手帶入位，又幫手清潔張枱，超可愛🤣🤣 😊 炭燒雞肉串$7雞肉都算嫩滑，配上惹味既醬料，不過再燒得耐啲就會更香口！ 😊 照燒玉子棒$14見到係急凍既玉子，口感同坊間玉子有啲分別，食落比較實淨，少咗玉子本身既軟綿同香甜😊 鰻魚$19上碟個陣見到咁細舊有啲失望🥲 亦可以再燒得耐啲會更香脆😊 雞軟骨（兩串）$19一樣都係燒得吾夠，少左串燒火侯既味道，可能比較多人食，所以質素上差少少抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）

我高太約我食晏問佢想食咩佢話高生話事喎我話反大澳食就係甘，我地即刻黎個即慶大澳之旅串燒店應該係家族經營，淨係星期六日同公眾假期營業两位可愛小朋友好乖乖，有幫手招乎客人小店餐牌選擇唔算太多以海鮮同肉類為主蒜蓉燒生蠔好鮮甜蒜蓉味好香蒸扇貝老板娘話可以飲埋上面啲湯扇貝燒得岩岩好唔韌又鮮甜一翅入魂燒雞全奕醃得幾好味燒得夠香，雞皮夠哂香脆海皇卷串串燒魷魚唔韌又爽口，燒汁夠惹味燒竹輪卷都係燒得好味道日本蕃薯BB成餐美中不足既就係個蕃薯BB唔多夠甜

【大澳隱世燒烤小店 超抵食日式燒烤】疫情下冇得出國🧳，唯有去大澳行吓，當係去咗轉旅行😂，呢間燒烤店之前去過一次覺得好食😋，今次係第二次食啦，水準依舊，價錢抵食，所以誠意推介比大家❤️大家入大澳玩可以一試😋🍗一翅入魂 💰14（8/10）全隻雞全翼燒得好入味，肉嫩多汁，十四蚊大大隻😍，試咗辣味同埋蜜糖味，兩隻味都好好食😋🐷碳燒豬頸肉 💰14（8/10）豬頸肉好爽口，配上調味料好惹味😋🦑碳燒墨魚仔串 💰14（9/10）大推醬燒墨魚仔！口感爽口又彈牙，調味料好夠，正！😋碳燒芝士扇貝 💰17（9/10）呢度嘅扇貝真係必食，半溶芝士淋喺鮮甜嘅扇貝肉上面，扇貝肉又夠哂肥美👍🏿🦪碳燒芝士生蠔 💰17（7/10）生蠔肉比扇貝細粒，都係有少少芝士碎同蒜蓉作調味，但個人認為扇貝好食啲，蠔味冇想像中咁濃🐄三角肩胛肥牛粒 💰19（9/10）肥牛粒肉質肥美，吸收曬啲醬汁，牛味好濃郁，肉汁豐富！雞腎 💰19（7/10）一份有兩小串☺️，配上醬汁一齊燒，都幾爽口雞軟骨 💰19（7/10）油脂分布平均，味道OK，都幾爽口😋🐓日本雞肉脆軟骨棒 💰14（2/10）呢個麻麻哋，唔推薦大家叫❌ ️〰️〰️〰️〰️〰️〰️〰️〰️〰️〰️〰️〰️〰️味道👅：7

最近香港人一放假就會去離島玩，我都唔例外，今日就去咗大澳，第一站就嚟到呢一間串燒店。因為貪佢喺室內有冷氣又可以坐定定慢慢食。睇見啲相每一樣都好想食，而且價錢都唔算貴呀！首先呢一個雞泡魚乾我同老公都覺得好食到不得了，因為佢係正宗碳燒風味，而且都好大份，其實都心思思想嚟多一round，不過因為都想試吓其他嘢，所以都忍咗手。然後仲叫咗燒海蝦，店員再三強調一定要食埋啲蝦腳，果然好食到不得了，好似食緊脆米咁，基本上成隻蝦都已經燒到脆卜卜，連蝦殼都可以食埋，真係一啲都唔嘥而呢隻雞全翼都好有水準，佢燒得啱啱好，一啲都唔乾，仲好Juicy添我本人係一個芝士控，所以燒生蠔同燒扇貝我都揀咗要芝士，其實佢都會落少少蒜蓉吊吓味，所以真係好香又好味。最後見佢個燒墨魚仔平平哋，所以又整串食吓，墨魚仔本身都脆口，加上佢落咗啲醬汁，仲可以點嚟食，正呀最近去過幾個離島，感覺大澳冇咁商業化，同埋多咗份人情味，又有好多風味小食，所以印象非常好，一定會再嚟

周末加疫期，大澳旺過旺角，去完益昌號買至愛的熟蝦醬，又發口痕又腳軟，見舖外有燒雞翼，本身只想到企街吃，豈料老闆娘款待可內進，而且舖內不狹窄就打搞一下。既進得舖內，索性加單，抬頭一望就給那個 海賊王 吸引著，圖示3罐標準可口可樂的長度的吊桶，還是完整肥美豐潤的體態，就挑戰一下。見真身，立時失望：吊桶是瘦了身版本，就算是橫切解體鬆散了也看出只有2罐可樂般長，還好是燒得沒燶，但size只能算是海賊嘍囉，王完全稱不上。蒜蓉、芝士生蠔，下的芝士、蒜蓉醬都只有指頭大小的份量，蠔本身不夠鮮，調味太少又幫不上忙；燒雞全翼辣味是七味粉的化學辣，不是辣椒🌶️醃出來的辣，因此走辣反而更好味；櫻花蝦素翅扇貝言過其實，蝦仔、素翅和扇貝不特別匹配，水溝油的感覺。唯一盛讚是老闆們態度親切，外帶了飲品雪糕也沒詐型。

遠處就聞到好大陣碳燒味，所以就忍唔住衝左入嚟食啦🤪🤪叫左一碟雞翼、一碟燒賣、一碟海蝦、一隻碳燒芝士生蠔同一隻碳燒芝士扇貝🍽🍽我強烈建介嘅係雞翼同海蝦🦞個雞翼香香辣辣，好有碳燒味👍🏻👍🏻👍🏻我見到餐牌寫住「秘密在蝦腳」，所以受好奇心驅使之下我就叫左個海蝦，誓要揭開佢嘅神秘面紗😎😎原來啲蝦腳都可以食埋架😳😳真係第一次食蝦腳，咬落脆卜卜，非常可口😋😋而且呢間串燒店價錢唔算貴，大家黎大澳嘅時候都試下啦！

公眾假期黎大澳行下見到呢間燒烤店。本來凈系諗主有少少口痕叫個左個烤扇貝食下。點知個服務員叫我地坐住等，一坐低愈聞愈香就叫多左個雞翼同日本大福。首先講講味道，各樣野（當然除左個兩舊大福） 道系即叫即烤十分香口。而再講講價錢以大澳遊客區黎講，佢個location 又夠方便，而全雞翼只系13蚊，扇貝（雖然我覺得細左d）就15 蚊， 兩個大福 10 蚊，其實算好抵。如果唔系本身夜晚，想出翻事區食飯真系會叫多幾串黎食，估計應號100 蚊內都食得飽。加上佢服務態度十分好，值得推薦。

假期入大澳行下，途經聞到呢間店嘅野燒得幾香，就去坐低食下。燒雞翼 $13即叫即燒，熱辣辣，雞都燒得幾滑，加左辣粉幾好食。日本大福 $15味道比較普通，綠茶味唔重。一攞出嚟係冰到硬嘅，天氣熱食唔錯。雞翼真心幾抵食，13蚊即燒。大福就略貴，好一般，唔值得叫。

係大激行到攰攰到，一於搵間小店入去食下野休息下。☺️☺️甘岩經過依間燒烤店，比佢啲香氣吸引左。就入內食啲野。😛餐廳兩帝貼滿好多美食相，客人就係就圍望下睇下有咩推介。餐牌係甘的。食物種類繁多，皆以海鮮為主。🦐🐟食物改名幾新奇，價錢中等，不算太貴。1. 一翅入魂其實係蜜糖燒雞翼，上面再灑啲辣粉。燒雞翼真係無得輸，皮脆肉嫩，加埋辣粉真係好惹味。😋2. 蒜蓉扇貝扇貝比較普通，都吾係話特別大隻，普通size。蒜蓉都似係啲罐頭蒜蓉，且海水味重。😟😟

假期同阿女去大澳行下，想食午飯但两個人又好難入中餐館食小菜，最後經過店舖，見佢地每份都好吸引又唔貴，所以入去坐低。第一啖芝士扇貝，好香甜，之后試蒜蓉烤的，好惹味，生蠔係又好味又超值，牛肉串不錯，之後再加單，新叫既整只雞翼都不錯，看得出是有心機的烤，食食下紅雨添，見都差不多飽，就好滿足咁埋單喇。

首先係大澳好多都係無得堂食所以行到攰 入嚟間食吓嘢抖吓都唔錯😂仲要佢啲嘢食唔算貴尤其大推個燒雞翼❣️係門口都已經見到佢係即燒個雞翼 唔係一早燒定雞翼食落熱辣辣 個皮夠脆 加哂分💯雞翼又多汁 唔會好柴而且表面有芝麻 調味料 所以夠哂野味😋

外脆內嫩燒雞翼！外脆內嫩燒雞翼！外脆內嫩燒雞翼！真係好好味道所以要講三次！！！出發去大澳之前已經上openrice 同 youtube做定功課plan定美食地圖！極上魂燒烤係我target之一！由於之前已經食左大魚蛋、大墨丸、蛋糕仔。又怕食太飽之後食吾到其他大澳美食，所以只係叫左一隻燒雞翼（少辣）好多時燒烤店都係燒好之後等order再返燒表面比客人食，所以好多時只是外熱內凍或微溫而已。但係這間店燒雞翼係全隻熱辣辣外脆內嫩仲有肉汁的！非常好味！我好後悔只係食左一隻！下次入大澳一定要留肚試埋其他燒烤