極上牛気 (圍方)

營業中

休息中

環境寬敞乾淨，坐得舒服，啱晒朋友聚餐或者家庭飯局。今次叫咗 Lv1 套餐，主攻牛肩肉，湯底就揀咗鴛鴦鍋：泰式船麵湯＋黑蒜豚骨湯。🍲 湯底– 泰式船麵湯：酸香中帶微辣，湯底有蝦膏味，淥肉好夾，仲幾開胃– 黑蒜豚骨湯：濃郁型湯底，蒜香突出，淥牛肉特別惹味，但重口味要小心唔好落太多料一次過煮🥩 Lv1 套餐牛肩肉油花分佈平均，切片厚薄適中，淥完唔會散晒，肉味夠但唔算超嫩，勝在穩定。每次落鍋都保持到肉汁，建議唔好一次落晒，慢慢涮會更好食。餐廳服務唔錯，牛肩肉穩陣，補肉都幾勤力。環境唔迫，枱與枱之間有距離，唔會太嘈。價錢以放題嚟講算合理。#極上牛気 #大圍美食 #火鍋放題 #鴛鴦鍋 #泰式船麵湯 #黑蒜豚骨湯 #圍方商場 #牛肩肉放題

🍜 大圍圍方「牛氣」火鍋體驗：黑蒜油豬骨湯 x 泰國船麵湯雙重享受！今次同朋友嚟到位於大圍圍方嘅「牛氣」打邊爐，揀咗Level 1嘅套餐，已經包咗多款牛肉、蔬菜同熟食，性價比超高！✨ 湯底方面，我哋揀咗黑蒜油豬骨湯同泰國船麵湯雙拼～ 🍖黑蒜油豬骨湯真係超級驚喜！湯頭濃郁得嚟唔油膩，黑蒜嘅香氣完全融入湯中，帶微微焦香同甜味，飲一啖已經暖笠笠，好適合涮牛肉同蔬菜，尤其係掛湯能力強嘅食材！ 🍜泰國船麵湯 則酸辣開胃，香茅同泰式香料味好突出，好有地道風味，用來涮牛丸同金邊粉真係一流，好似瞬間去咗泰國街頭～ 🥩牛肉方面，Level 1已經有唔錯嘅選擇，牛肉片切得薄，油脂分布均勻，輕輕一涮就食得，入口嫩滑，牛味十足！尤其配黑蒜湯真係絕配～ 🥬蔬菜都非常新鮮，菜葉翠綠，菇類爽口，拼盤份量足，打邊爐最緊要係食材新鮮，呢度完全合格！ 另外一定要讚嘅係熟食 咖喱牛筋腩🐮 牛筋炆得超級淋，入口即化，咖喱香濃帶微辣，非常惹味，撈飯或者就咁食都一流，絕對係隱藏亮點！ 環境方面，座位寬敞，抽風系統做得唔錯，食完唔會成身油煙味～服務員態度友善，收碟同加湯都好勤快。 總結： 湯底有心思，食材新鮮，

牛氣牛市邊爐任食😍食材新鮮度高，安格斯牛小排油花勻稱，入口即化；海鮮拼盤有驚喜，鮑魚爽彈、海蝦鮮甜。湯底推薦日式壽喜燒，濃郁夠味！自助區選擇多，丸類、蔬菜補貨快，雪糕任挖超滿足！飲品又任飲！用餐限時60分鐘稍趕，但CP值高。適合朋友聚餐，建議提早訂位避開人潮！🔥🍲

放LUNCH突然間想打邊爐咁附近就只有呢間 任食又唔怕蝕既 重點佢都幾多位 唔洗排隊我食飯就1個鐘 所以最緊要快平靚正 就叫左個最平既SET90分鐘$158 另外+10蚊叫個沙嗲湯坐低好快就上左湯同頭盤望落牛肉質素唔錯但始終煮要時間 所以我一開波 凳味坐暖就沖出去攞野食要快又要飽肚點都要食少少飯泰式牛肉炒飯味道唔錯 落左羅勒葉炒 夠香 有些少冬陰既味食落幾開胃青咖哩雞絕對唔係正宗既味 但佢個調味又幾啱食唔知係唔係因為我肚餓呢?菜選擇唔多 但有我鍾意既羽衣甘藍一般羽衣甘藍都係用作沙律 但係其實攞黎烚 別有一番風味 我幾鍾意食 大家可以試下另外佢地有隻牡蠣魚丸 幾特別有輕微蠔味 但我係超鍾意食蠔 所以我覺得遠遠唔夠可能適合唔太食蠔既人【但係唔太食蠔既人又好似唔會拎🤔】牛肉軟淋 有牛味 我食左4盤 飽到上心口最後甜品開心果雪糕 有輕鬆開心果味 要慢慢品嘗先食到雪糕配料太少 我鍾意又加椰果 早餐脆片 爆爆珠 乜差都加落去 所以呢度滿足唔到榴槤巴斯克蛋糕 一入口榴槤味爆出黎 好食仲有呢個米酒大福 面頭加上桂花糖 入口有陣桂花清香 慢慢咬落就有小小酒香好特別 但我覺得一粒起兩粒止 食得多會盲目左

大圍終於有一間任食放題，圍方有間極上牛氣，一到門口職員服務態度好好，親切有禮有講有笑，安排入座經過自助區，發現有好多蔬菜，大部分都係行本地水耕菜，之後就係自助調味區，有大量選擇畀自己調配自己嘅醬汁，之後就有飲品區大量選擇，仲有關東煮棉花糖機。之後入座後用qr code order肉類，肉類新鮮好有肉味，湯底雖然清淡但係可以令到肉味更加出色，店舖裝修環境舒服，全場坐滿人都唔會有焗促嘅感覺，整體都好滿意，下次一定會再幫襯！

大圍有間好正嘅日式火鍋店，叫「極上牛氣」。進去嘅時候，職員嘅態度真係好好，總係面帶微笑，服務一流，令人感覺好親切。佢哋主打嘅牛肉質素可以話係一流，真係唔少見。每一片肉都切得好薄，肉質鮮嫩，食落去簡直令人融化！再加上店舖環境舒適，裝修設計簡單但好有質感，坐喺度食火鍋都唔會覺得擠迫，十分放鬆。而且，自助吧選擇多到你睇到眼都花！好多新鮮嘅蔬菜、海鮮同各式各樣嘅醬料，完全可以根據自己嘅喜好隨意搭配。我特別鍾意佢哋嘅特製醬汁，真係為火鍋加分不少。總括來講，「極上牛氣」唔單止食材質素高，服務又好，環境又靚，非常適合同朋友或者家人一齊享受火鍋！如果你鍾意牛肉，呢度一定要試！

大圍嘅圍方極上牛気真係一間唔錯嘅餐廳，特別適合慶祝母親節！我哋一早就訂咗位，職員都好有禮貌，服務態度一流。餐廳入面環境舒適，令人覺得輕鬆愉快。對於我同爸爸媽咪嚟講，最吸引就係佢哋用本地水耕蔬菜，新鮮又健康，真係好好食！蔬菜口感脆口，都令整體味道升級。當然，牛肉同豬肉都唔錯，質地細滑，肉味十足，令人唔停口。我細佬同阿仔對甜品大讚特讚，話係餐廳 highlight！而我最鍾意嘅雪糕，口感綿密，選擇亦多，非常好味！無論係家庭聚會定係慶祝特別日子，圍方極上牛気都係個好選擇！強烈推介大家去試下，必定唔會失望！#家庭聚餐 #極上牛気 #牛気 #火鍋放題 #大圍 #圍方 極上牛気 (大圍)大圍車公廟路18號圍方4樓432號舖

聽日約朋友平日嚟打邊爐放題 通常一班人唔知食咩？好都係食放題。 呢排食得太多任食要減肥🤣佢又午市60分鐘定食套餐餐或者放題 放題最平158就有 不過就90分鐘啫我哋就嗌咗Level three 258 因為好似1.9先入去 已經餓到好肚餓 佢帶我哋行埋位嘅時候已經雙眼發光出面自助區域都好多嘢食好吸引肚餓嘅話就咁拎啲豆腐花紅豆沙或者關東煮都好好味 好開心有豆腐花一入座，佢會上咗呢三盤牛肉質素唔錯，幾有牛味佢啲蔬菜都好新鮮！仲有紫色嘅羽衣甘藍 平時麻麻哋呢隻菜因為好硬，但係呢個有幾亂喎 Level three嘅海鮮就係得呢啲 最後先發現有個好正嘅蝦肉丸大家要睇清楚Menu後邊會有 竹笙蝦滑都好過癮，又有口感 冇乜肥油呢隻我都覺得係幾好味 唔知會唔會加咗好多化學嘢呢？甜品款式好多 不過我最鍾意都係豆腐花紅豆湯 同埋雪糕😂呢間嘅服務態度好好環境又一流 不過平日食應該好啲，佢冇咁容易趕人

昨晚去了大圍圍方牛気享受了一場90分鐘的豐富放題我們選擇了LV4套餐澳洲穀飼黑安格斯牛+SRF美國極黑牛放題+海鮮放題－坐底，侍應便會將Lv4套餐所有食物呈上品嘗完之後喜歡添加那一款食物再用電話scan code下單就可以，非常方便無限量任點海鮮也是一大亮點新鮮的生蠔、大蝦、扇貝，每款也encore了好幾轉，吃得非常盡興除了牛肉和海鮮，自助吧還有甜品、本地蔬菜、熱食、水果、湯麵、丸製品和飲品等款式種類繁多最讓我驚喜的是棉花糖機，這讓我瞬間回到了童年，感覺自己像個孩子一樣興奮熱食方面，美式煙肉焗生蠔非常好吃，必吃推介自助雪糕則提供了兩種口味選擇，滿足了不同人的口味需求酸甜酸甜的楊枝甘露和自助雪糕也是不容錯過的餐後必吃甜品90分鐘的時間𥚃，我幾乎吃勻了所有的款式最後，我只能用“飽到爆炸”來形容自己的感受😂

小心留意，現場已沒有泰式食品，沒有榴槤食品，但其他食材水準仍不錯，飲品算豐富，但沒有酒類提供。坐位舒適，地方整潔，服務人員收拾快，時不時主動加湯，牛肉食材出單快，但仍會有點錯漏。

圍方開咗之後沙田區多咗好多好嘢食今晚就去咗牛気食邊爐放題😋😋呢間分店勝在夠晒新～環境光猛座位好舒適👍🏻我哋去嗰時做緊泰式主題🇹🇭 一次過滿足我幾個願望！首先係佢嘅湯底有船麵湯底揀好特別～湯底味道好濃郁🤩 微酸嘅味道好適合夏天食！除咗泰式鍋底～ 出面仲有好多泰式小食任食🤤例如泰式豬頸肉、木瓜沙律、金不換炒肉碎、泰式鳳爪、泰式地道酸辣炒飯、泰國媽媽麵、冬蔭功、泰式生蝦 等等真係泰•開心🤭🤭🤭本身牛気嘅火鍋料都幾高質～我哋揀咗lv3食澳洲穀黑安格斯牛+SRF美國極黑牛仲有牛舌、牛小排、肩胛肉眼嗰啲啲肉全部都好新鮮又夠牛味仲有得食海鮮放題🦐有蝦、帆立貝、青口、花膠等等連三文魚刺身都有👍🏻👍🏻真係大滿足！咁啱朋友係榴槤擁躉🤭佢嗰晚食甜品好似多過食正餐😂😂有榴槤QQ球、榴槤蛋撻、榴槤糯米糍、榴槤雪糕仲有榴槤巴斯克蛋糕😂 佢揀直係開心到兩眼發光🤩而我全晚最想食嘅係泰式奶茶雪糕～可惜到我可以食甜品時奶茶味售罄！！！惟有食返牛奶味同埋其他甜品啦🤭都好多選擇又好食～我同朋友都食得好滿足～下次會再嚟！

第一次食火鍋放題，所以仲要嘢首先講：1. 進食時間有90分鐘，但係last order就係一小時，所以如果唔夠嘅話，盡快喺一小時內盡量order。2. 如果食平餐level 1至3，就可以先like 社交平台，就可以送多個三文魚刺身或雪糕。第一次幫襯牛氣，我食嘅係level 4 晚市放題，除咗牛肉之外仲包海鮮，QR code落單每次嗌四碟，一入座就計時，同埋會附上一碟各種嘅肉類，進食時間好趕，因為想回本，但係份量充足，上碟快，但記住last order一小時，所以如果諗住食得曬嘅話，就喺盡量一小時內盡量嗌多幾輪。牛肉新鮮無根，以我非食家角度覺得唔錯幾正，嗌多十碟八碟回本真係好易，虎蝦都新鮮大隻但係搣殼慢，牛氣有款泰式生蝦，已加魚露辣椒同埋剝埋殼去腸，用呢種生蝦碌一碌嚟食，鮮甜爽彈正個虎蝦，最緊要係快！另外供應嘅三文魚都肥美夠厚，但係我對食生吃較有戒心，所以都係碌一綠食更加正，介乎全熱於半熟之間嘅三文魚原來咁正，encore咗好多碟。因為趕住回本嘅關係，自助區嘅嘢冇乜點理，淨係拎咗車嚟茄喎菠蘿幫助消化。最後半小時都食得好飽，食多幾個軟雪糕和甜品，埋單三百幾，正路嚟講係我有賺嘅，除咗趕之外

😍😍日式牛気火鍋（圍方）😎😎森仔呢排有唔少壓力🥲遇到各種不如意嘅事，最好快係化悲憤為食量🥹🥹所以就encore左日式仼食火鍋🍲:牛気😍😍圍方分店超級方便，喺地鐵站相連嘅商場4/F。而餐廳裝潢雅致新淨，光線充足乾淨非常！座位也非常寬闊，坐得舒服😌森仔order 左Lv4套餐: 澳洲穀飼黑安格斯牛 + SRF 美國極黑牛放題 + 海鮮放題。$338😆食到飽。近期仲加有泰式主題，多左好多泰式美食，如: 泰式生蝦，榴櫣撻，榴櫣雪條和泰式拉奶電糕🙌🏻🙌🏻超正！話明encore，當中有唔少值得再叫嘅菜式！🥇SRF美國🇺🇸極黑牛黑牛牛味濃烈，而且油脂分佈均勻😝帶一點點🤏入口溶嘅感覺當中嘅油脂為牛片，帶來大大的滑口感！正😄而且切片多薄身，所以真係涮十秒到微微帶粉就恰好，嫩滑重牛味🤌🏻配上壽喜燒湯底，香甜的更能帶起牛肉嘅鮮甜！🥇黃金蛋黃蝦丸此亦係森仔必叫之一。用上彈牙蝦肉打造而成的丸，包裹住起沙嘅黃金蛋黃蓉，超級正！口感都好好食😋最重要‼️坊間都甚少見到這個黃金蛋黃蝦丸😎所以正常都食返3粒⭐️🥈帆立貝大大粒帆立貝，真係有半隻手掌咁大🤓帶有微微鮮甜海鮮味👍🏻同時配上沙嗲湯底更惹味。🥈極尚蝦滑估唔到咁正嘅蝦滑包

現在屯馬綫很方便，經屯馬綫可以直達大圍暑假酷熱天氣警告⚠️出街都只係想留係冷氣地方，不過商場冷氣很大，所以去咗打邊爐🤣🤣🤣「極上牛気」主營火鍋放題,提供自助式就餐，環境通風明亮, 日式裝修乾淨企理有豐富的食材選擇,包括高級牛肉、新鮮海鮮等提供自選火鍋底料,可搭配多種調料提供無限量供應,可自由點餐嘗鮮，而且有QR code數碼自助下單，非常方便湯底：北海道昆布清湯+ 月見壽喜湯（需另加$10）我地係午市90分鐘放題LV4:澳洲穀飼黑安格斯牛+SRF美國極黑牛放題+海鮮放題澳洲穀飼黑安格斯牛、SRF美國極黑牛、特選牛小排、PRIME美國肩胛肉眼、穀飼牛肩肉、牛舌、牛骨髓精選雞腿肉特選豚肉肉類選擇極多，非常適合喜歡吃肉的朋友，來個大滿足😌特選海鮮日本帆立貝、挪威三文魚刺身、花膠、青口、大海蝦、墨魚滑、脆鯛魚片、爽脆水魷餐廳還有泰式主題，如果鍾意食泰式的朋友，一定要試下最後，一定一定要試下他們的甜品，特別是榴槤製的甜品，意外驚喜👍🏻❤️

這牛餐未免太豐富了吧😋一放假就想大飲大食🤗👧🏻👦🏻話劉媽之前同細細👶🏻去牛気食牛咁爽佢哋都要嚟食喎好啦～ 今次就帶佢哋嚟食「Lv5 澳洲極上和牛 + 海鮮放題 + 泰式主題」Lv5 澳洲極上和牛套餐可以任食澳洲穀飼黑安格斯牛、SRF 美國極黑牛特選牛小排、PRIME美國肩胛肉眼、穀飼牛肩肉、牛舌、牛骨髓啲牛肉一上枱賣相已經好吸引油脂分布均勻👍勁香牛肉味啊薄切得嚟又唔會太薄😋肉嫩細滑就算烚耐咗都唔會覺得「鞋」最特別係牛骨髓 😍唔係間間放題火鍋店都有精選雞腿肉、特選豚肉都好正仲有特選海鮮嘅日本帆立貝（鮮甜）、大海蝦（大隻彈牙）、青口、墨魚滑、脆鲷魚（嫩滑）、水魷（爽脆）👧🏻仲讚挪威三文魚刺身、麻辣魚皮好食#期間限定 泰式主題多款泰式食物任食 👍泰式無骨鳳爪、👍泰式生蝦、泰式燒豬頸肉、木瓜沙律、泰式奶茶雪糕、泰式地道酸辣炒飯、手搗黄咖喱牛筋仲有 #榴槤控必食👍D24榴槤酥皮撻、榴槤蛋撻、👍榴槤炸彈、榴槤雪條、榴槤糯米糍款款都有足料榴槤肉蓉😋@nabeurawa 極上牛気 ( #大圍 )📍大圍車公廟路18號圍方4樓432號舖#nabeurawa #shabushabu #日式火鍋 #牛気 #牛