599
18
92
港鐵旺角東站 B 出口, 港鐵油麻地站 A2 出口 繼續閱讀
電話號碼
21111821
營業時間
今日營業
12:00 - 01:00
星期一至日
12:00 - 01:00
付款方式
Visa Master AlipayHK 支付寶 現金 銀聯
其他資料
網上訂座
電話訂座 詳細介紹
賞訂座積分
加一服務費
當面支付
有關獎賞計劃
食評 (791)
等級4 2021-05-23
4496 瀏覽
💛 家人生日又去咗食放題,今次揀咗呢間水產,除咗有放題必備嘅刺身、壽司、燒物、炸物、鍋物、甜品等等,仲有喜出望外嘅甲羅燒😍😍🦪 刺身首先講呢度除咗一般嘅刺身,仲有肥美嘅海膽同生蠔!(只能揀一樣) 刺身方面,三文魚係超級厚切同肥美🤤 蝦有成四種,甜蝦同泰式生蝦各有特色,都好食~ 玉子係有啲葱油(?)味,好少食有餡嘅玉子!💛💛🍤 炸物炸物係我最鍾意嘅!多款之餘即叫即炸,又熱又脆好驚喜~ 炸鮮奶甜甜哋好好味😋 炸芋頭、榴連炸彈、可樂餅都好推薦!🍗 燒物燒物都係超級無敵推薦嘅!羊架同牛舌must try!🦀 甲羅燒呢個甲羅燒一人有一個,佢係我食過嘅甲羅燒之中最大最多蟹膏㗎!真心覺得超抵食... lunch百幾蚊放題仲有甲羅燒😭💛 蟹膏+蟹籽+飯撈埋一齊,肥美又鮮~🤤🍦 甜品、飲品甜品同飲品呢度都算多類型,而且好中我口味!兩個胃都塞爆晒,要encore呀😆! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-09-08
99 瀏覽
第一次為佢而寫食評。星期六無bk位食飯,7點鐘walk in竟然有位,開心到無諗“點解星期六放題walk in會有位“。入到去,條路迫到只夠岩岩好一個人行到。枱面已經細,佢先黎一鍋火鍋加個爐阻住一半枱面咁濟。之後用qr code嗌野食,頁面只有一行顯示食物,有一半食物唔知點解連相都無張睇下。到送野食黎,枱面無晒位擺野,侍應係會直接放係你隻手就走,我隻手幾時成為張枱既延伸??都算,食物既質素真係:無樣野食得入口!“叫極上帝王水產,啲三文魚全部有根又,啲鮑片發脹又梅,啲八爪魚淡茂茂,全部都好似浸水過度發泡咁。啲玉子入面唔知點解係要有吞拿魚。數量完全係唔跟order, 隨廚房見邊樣食物滯銷到熟食:牛油雜菌好似啲樹根撈牛油,又乾又完全無菇味。鹽燒海蝦變左椒鹽燒蝦,連最無需技術既炸紫心香芋丸,都可以炸到勁梅勁淋。總結就係無樣野食得入口,完全係浪費食物。係可以令你係好肚餓既情況下,你嗌一round試完已完全唔知第二round有咩仲想嗌,最後去食雪糕算...聽到隔離既兩枱都係講同一樣說話:未食過咁難食既放題。最夠膽死係咁既食物質素,仲收278加一,total 307每位。真係50蚊位都比多佢。寫呢編食評係唔想再有羔羊中伏,你見有差不多100個負評,就知呢間真係有料黎,慎重呀!307蚊食垃圾呀,食10個m記都無咁嬲! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-09-04
0 瀏覽
我真係唔明點解會有咁多好既食平…呢間係我食過最差既一間放題…我係食午市放題的…魚生唔新鮮、炸物難食、火鍋料雪到好硬好唔新鮮、出菜時間又超級耐、全餐野我都唔知自己係到食緊咩野!午市放題209再加一咁既價錢我唔會再黎! 繼續閱讀
(以上食評乃用戶個人意見 , 並不代表OpenRice之觀點。)
年記漸長,近年都少食放題,因為以前後生少少都真係會好「刷」得,依家食第二輪已經好快飽。所以就算食放題,都會揀高質又多食物種類嘅餐廳。今次旺角兆萬都有間好唔錯,生熟食物都有,竟然仲有鍋物。今次主要叫左刺身、壽司、燒物,刺身一開始已經有個SET,擺盤好靚,但真係好大盤,好彩都有8個人食,所以都清得哂! 反而我就叫左兩次海膽手卷,海膽鮮甜,仲要係細細件,食多個都唔怕滯。仲有火炙壽司都好正,細細件又燒到三文魚好香,入口即溶。燒物都好多選擇,牛舌係超好食! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-08-16
492 瀏覽
見到review唔錯,買咗179蚊餐飲劵,同friend一齊好興奮咁去食,點知……. 生魚片唔係好新鮮,食落去麻麻地;火鍋麻麻地,感覺好似擺咗喺雪櫃好耐,唔新鮮;壽司d飯唔實,一夾就散;炸物品質參差不齊,多數炸物唔夠熱,令食物減分;雪糕限每人一支;環境衛生感覺都有d唔ok😣。唯一ok嘅就係服務生態度,但係有d食物,點咗單都遲遲未上,之後都費事再嗌。就算午時放題可以食6個鐘,d食物都可以令你即刻走人。老實講,呢次係我食過最差嘅一次放題,絕唔會再幫襯! 繼續閱讀
(以上食評乃用戶個人意見 , 並不代表OpenRice之觀點。)