影片
偶爾朋友帶我入科學園食飯，打破我一直認為白石角偏僻的印象。地鐵出站就有巴士，如果自駕去食飯可以免費泊車，有寵物用餐區域，所以放工久不久都會入去試新餐廳。簡簡單單找了一間晚市做小菜的小菜館醫肚。價錢經濟，座位舒適有適當的空間感。火腩炆鱔煲足料兼大件夾抵食的鱔煲，有約七到八件的鱔魚。肉質爽彈，骨少肉厚。感覺像是新鮮鱔魚，帶有濃郁的魚香。如果喜歡吃鱔魚，一定會盡興而歸。除了鱔魚，火腩沾上鱔魚的肉汁也能互相襯托，帶出層次豐富的豬肉香。配料中的炆冬菇也絕不欺場，冬菇炆得軟淋入味，完全吸收了魚和豬肉的精華，加上冬菇本身的菇香在口腔中來一次味蕾大爆發。以這個價錢來說可以吃到這樣厚實的鱔球，的確超值。蜜椒牛柳粒炆金薯牛柳粒是出奇地入口即化，雖然肉味不像美國安格斯牛的濃郁，但在重口味的汁醬中仍是合格。牛柳粒軟淋，配上下油鍋炸過的金薯，薯皮帶點焦香，加上甜口的醬汁，凝做出香脆而甜絲絲的味道。整道菜十分出色，黑椒香氣重但不嗆，是下飯一流的小菜，讓人不自覺地吃到直至清碟才願意停手。後來發現有兩枱家庭客預訂私房菜，是off menu的菜，也許慶祝是不錯的選擇。
繼續閱讀
今日因為咁啱去科學園做嘢，跟住就諗住睇吓邊間餐廳可以買個外賣返去食，求其喺OpenRice搵一搵，跟住見到呢一間餐廳，都見到有好多好評，行到過去又真係好多人等緊外賣，所以就諗住試吓🤭🤭😁😁佢嘅外賣質素真係非常之唔錯，我哋今次叫咗個二人餐，佢係包咗兩個白飯、兩杯飲品、一個燒味、同埋一個自選嘅小菜 😎😎😎、仲要有手拍青瓜，仲要只係$200 ，真係非常之抵😙我哋就叫咗個切雞、切雞真係俾個位都幾靚，比到雞髀位俾我哋😉😉跟住男朋友話今日唔想食到咁雜，所以就叫咗個金銀蛋時菜做另外一個小菜😊皮蛋鹹蛋比料都好足，而且啲菜都煮得入味 手拍青瓜份量都唔少，兩個人食剛剛好而家啲茶餐廳二人餐都越賣越貴，我覺得$200有兩個小菜，仲要包晒嘢飲同埋飯，都真係好難搵到呢個價錢，所以都推薦俾大家 💕💕
繼續閱讀
搬咗舖之後都未嚟食過，咁啱放工有鄰居話唔去咁遠食飯附近有咩選擇，我就話不如你試吓。兩個人所以唔叫得多餸，一人叫咗一個share嚟食。嗌咗一個薯仔牛柳粒同埋半隻炸子雞。份量唔算多，但係兩個人就啱啱好。個薯仔幾有heart炸過嚟，外脆內軟。同埋個薯仔唔會有種「腎腎」地嘅感覺。牛肉粒都幾稔滑食落都冇渣。個炸子雞就真係要激讚，個皮夠薄脆，隻雞又唔會太肥，睇到中間唔會有一層肥膏包住，火侯控制得好好，肉質依然嫩滑。另外少肉嘅地方譬如雞翼尖、尾二度呢啲位都唔會過鹹。茶餐廳嚟講呢個水準真係不俗。可惜小菜淨係跟白飯冇嘢飲，如果有埋嘢飲跟小菜就更加Perfect。
繼續閱讀
🍚楠天燒鵝飯一上枱就知輸贏！鵝胸斬得厚薄均勻，琥珀色外皮泛住油光，底下嘅白飯吸盡鵝油精華。胸肉通常部位通常偏柴，但師傅明顯有後手——先慢煮後燒！入口竟然嫩過脾位！外皮脆如薄紙，鵝油甘香，蘸埋自家酸梅醬更將鮮味提升3個層次。 師傅俾咗靚位我哋，咬落去啖啖肉，絕對唔會有全部都係骨位，我同朋友都非常滿意，整體都覺得佢嘅燒味係做得唔錯！拍得住出邊大酒樓嘅水準！🍚王牌叉燒飯睇色水已知係傳統麥芽糖塗層，焦糖化表面帶微燶邊，肉質鬆化得嚟有嚼勁。最驚喜係秘製豉油甜中帶陳皮香，撈飯可以清晒成碟！。 叉燒嘅味道唔錯，而且我覺得佢嘅份量亦都唔會太少，下午茶嚟講呢一個份量亦都選多佢嘅！性價比我覺得非常高，呢個價錢嚟講絕對唔貴，絕對配得上佢嘅質素！鍾意食叉燒嘅朋友絕對唔可以錯過，下午茶時間食更加抵食！朋友同我都非常鍾意食佢嘅叉燒！大大件！🔅Corona啤酒（支裝）茶記飲啤酒最怕「唔夠凍」，呢度嘅Corona連杯都雪到結霜，加分！清淡酒體配重口味燒味超夾，呢隻墨西哥啤酒，相信大家都唔會陌生，味道非常爽口，我覺得同燒味嘅味道非常match!🥗蠔油菜心雖然係配角但絕不hea做！菜心專揀中指長度嫩芯，蠔油唔會死鹹，反而有淡淡蠔香，上面仲灑咗炸蒜粒增添口感。
繼續閱讀
今日去踩單車，經過科學園，打算入去食個午餐。見呢間楠天Kitchen都幾多人食，就入去醫一醫肚先！🔶招牌梅菜蒸魚 佬味十足，魚腩肥美，梅菜鹹甜適中，送飯一流👍🏻跟餐仲可以加$15就有油菜，份量十足🔶230叉燒滑蛋飯 似係升級版黯然銷魂飯，洋蔥蛋包飯非常下飯，配上獨門醬汁醃製嘅燶邊梅頭叉燒，嫩而入味🔶老火湯 本來想飲燉湯補一補，可惜賣曬😿跟餐加$5奉上老火湯，老火蓮藕雞腳湯依然正，好抵飲❗️🔶手拍青瓜 跟餐加$10, 超級大份，酸辣之餘，蒜香同香菜味十足🥒🔶香煎韮菜餃（3隻） 跟餐加$15, 煎得好香脆，內裏爆餡，好juicy, 又有濃濃韭菜香🔶黑糖冬瓜奶桃膠 Q彈桃膠，黑糖冬瓜奶台味十足，不會太甜🤤
繼續閱讀