楠天Kitchen (已搬遷) 新店位置

有天送完小孩返學，沒有工程，難得自己一人，於是就試試踩單車去科學園🚴🏾只消二十分鐘。上次印象中都有不少餐廳，的確，來到科學園都見到有不少辦公人士會落嚟食早餐。這天已經秋涼，風和日麗，因此露天的茶座也有不少食客，在我意料之外，竟然不算太多人吸煙，可能他們是辦公人士，早已在公司附近開小差吸完煙才來吃早餐。我就點了個鹹牛肉蛋三文治加個麥皮，喝杯咖啡。不過我這種平時吃開多士的人，🤣見到白麵包夾著其他餡料，的確有些不習慣，不過鹹牛肉餡料都不算太少，混入炒蛋之後，總算沒有太多位置空口食麵包。咖啡顯得比較普通，應該不算是即磨，又或是那種咖啡豆比較酸，不覺得太好味。不過這個位置，無論你坐室內定還是室外，其實環境都相當優美。😍室內的座位好像大學那些，空間廣闊，大量椅子，座位相當舒適。不過科學園這邊戶外環境更大，這間冰室本身的戶外座位有多，縱使比較大風或者桌子比較小型，🤪不過其實一份早餐都沒有太多食品，又有柔和的太陽光照射下來，感覺特別舒服。

只要，要求唔高，食飽就走... 還可以的!但服務值得一讚，我哋食完早餐之後 ，餐廳老細給我們奉上普洱茶， 真的窩心！以下點了2份餐: 1) 沙爹牛肉通 +松露蛋火腿多士+ 凍咖啡 ( 不過不失， 凍又幾咖啡好飲woo)2) 麻辣燒賣 +鮮茄火腿通 +凍檸檬茶( 自家製麻辣汁)

呢日又出動覓食.今次想要遠離鬧市市區.人山人海.想找個環境優美寧靜嘅地方.靜靜哋享受吓美食。聽講科學園有個環湖餐廳.環境都唔錯.今次決定去啦.Go Go.Go……….交通喺沙田港鐡站去宜家條天橋底搭專線小巴27號.10分鐘車程就到.話都無咁快.就嚟到嚟到科學園二期.見到金色蛋（高錕會議中心）落車.喺科學園行咗一陣間.就向住今日目標行去.呢度環境優美.周圍都有花🌷草🌿樹木🌲.還有一個人工湖.聽講夜晚會有埋啲彩色燈幻影.可惜我哋唔會去到咁夜.今日目標在於湖的花園旁邊.（楠天餐廳）有環湖四人枱及兩人枱.還有餐廳內的可以好多人嘅大廳！真係落雨🌧都唔使驚.我哋因為參觀咗科學園周邊一陣.所以正直喺午膳時間.突然之間.多咗好多喺度上班一族.但係佢哋好有禮儀.用餐時講嘢唔會大聲.佢哋買嘢落單都好有禮貌排隊.呢度好似係快餐店咁.落單俾錢💰.取得食物.回枱用餐.茶水自助.我哋楝咗環湖兩人枱.頭頂有個玻璃簷篷.佢哋最忙碌時段係中午12點至二點.午餐人潮過後又回復超級寧靜世界。原來佢哋都有超值嘅下午茶.得閒可以來一個休閒寧靜下午茶！👍👍👍今日選餐如下： 1. 焗豬扒飯 X1 $53元 配餐飲(熱咖啡）

同朋友一齊踩單車 嚟到 科學園一定要試下 呢度嘅 好嘢食聽講呢度有一間 好有誠意嘅茶餐廳佢哋買啲好特別嘅嘢食就例如佢嘅鰻魚蛋包飯真係非嘗不可 超級抵食 性價比高食個包你返尋味

第一次食楠天，見大部份嘢都幾抵食，例如我食沙薑雞飯$50連熱飲(見過幾間科學園嘅餐廳都賣緊$55🤣)落單後唔駛等好耐就有嘢食，職員都好有禮貌，見今日咁好天決定坐outdoor，chill 住食茶記🤪嘢食方面份量唔少，仲有俾雞翼，可惜沙薑汁太鹹，如果分開上應該好好多😶

我第一次寫食評。。。因為聽聞楠天係好食嘅，平時佢收早無晚市，所以今日咁啱就到時間就過嚟食個晏試吓係咪真係好食。見到易拉架嘅相有叉燒煎蛋飯，立刻心心眼，排隊時見到佢叫黯然銷魂飯就更加期待。。。等咗一陣，叫我號碼我就行去攞飯，見到碟飯立即O嘴無晒期望。。。叉燒唔屬於半肥瘦，可以叫做瘦叉，d飯比較硬身，但呢兩個問題我都ok，因為我鍾意瘦叉同硬飯嘅。成碟飯要挑剔嘅地方係隻蛋居然係全熟，咁就已經唔可以叫黯然銷魂飯囉。。。仲有係豉油無帶甜仲要唔係淋係面，所以應該叫叉燒煎全熟蛋飯咁就唔會令人失望！

喺呢度打工真係好慘，又少嘢食，想嗌外賣平台又入唔到黎，啲嘢仲要又貴又難食。而呢間餐廳都算係唔錯，價錢算平，亦都放得入口。黑椒雞扒煎蛋飯 $48$48 包嘢飲，真係喺科學園算好平！本身都expect 好難食，點知都見得下人！塊雞扒唔算好大塊，係適中。雞扒有兩邊煎過，都有少少脆，肉質有少少偏乾，但都有啲肉汁！黑椒汁有點偏咸，撈飯食啱啱好。煎蛋就正正常常，就係一隻好熟嘅煎蛋。總括而言，不過不失，喺科學園黎講性價比算高。

唔洗解釋咁多 直接睇圖返到公司打開飯盒果陣 我既心情真係仲黯然過呢個黯然銷魂飯...其實即係叉蛋飯 但我諗每個叫呢個飯既人既要求都會係1. 半肥瘦叉燒2. 較過既甜豉油3. 太陽蛋/荷包蛋 (起碼係流心可以用黎撈飯)但我估唔到呢個飯可以完美回避哂上面講三樣野隻蛋唔洗講啦 兩大隻 係就係大大隻 但請問邊個食叉蛋飯會想食全熟蛋? 呢個頭直頭熟過麥當勞豬柳蛋漢堡 即係12成熟咁濟 食落去既feel就好似一塊圓形既烚蛋咁叉燒望都唔開胃 份量好似好多 但全部又瘦又碎又細舊 感覺就好似一個pizza切4塊太少 所以要切8塊咁每人可以食多d咁而且份量問題抵唔抵都係其次 叉燒切咁碎會影響既係口感 不過配落呢舊有厭食症既瘦叉燒 碎d反而好d另外甜豉油唔洗講啦 佢完全無加d人成日話龍門冰室難食 但我每次去食同樣既叉蛋飯 佢都做到我講果三樣基本要求 相比之下原來真係天外有天 我係科學園唔會再食呢間野

❤炸雞脾薯條 crispy fried chicken dumpstick with chips薯條就一般啦，都係普通個款幼薯條， 家姐同細妹都比較鍾意粗薯，但d薯條唔油，所以都食得好開心。 個炸脾係呢個tea裡面最好食嘅食物! 個皮真係好脆啊！而真係雞有雞味，咬落去都沖有雞汁，d肉真係一d都唔乾。Our favorite food for today's tea was the chicken dumpstick! The dumpstick was quite crispy and very juicy!💔西多士 Hong Kong Style's French Toast家姐ordered嘅普通款西多，西多士裡面d醬唔夠多，食落有d乾，家姐同細妹都覺得麻麻地~I think it didn't have enough sauce.❤️💔阿華田西多士 Ovaltine French Toast呢個就細妹order嘅，一個字，「甜」! 對細妹黎講甜過頭，但家姐覺得都 ok, 因為呢個多醬過佢個西多，同埋幾特別，好有阿華田味。It was too sweet for me! But my

係e個恐怖嘅疫情之下放假都係係屋企下渡過， 適逢今日已經係連續第五日零感染， 咁就出去行下啦。我地揸車去左科學園，驚喜之下非常多遊人，有些人踩單車，有些人帶小朋友來放電，我地行下海旁，吹下風，行完之後就搵下野食。見到e間楠天門外剛好有張枱，咁就坐低食個下午茶啦，見到個menu d下午茶都好抵食wor, 我見到個個客人都係食雞脾，於是就點左個雞脾薯條同埋西多士啦！西多士好快就有得食啦，即叫即做，同其他嘅店舖一樣啦，裡面係花生醬，上面再加上牛油，非常好味。到雞脾薯條啦，e個就等得耐少少啦，因為係即叫即做，切落隻雞脾嘅時候，好多雞油出晒黎，非常香，而雞皮都炸到好脆好香口，雞肉都醃得好入味，推介，而薯條都炸得好脆好香口， 師傅仲會落些少鹽，推介，食完之後都好滿意就走啦，會再黎呀！

聖誕節同一大班朋友慶祝， 所以一早訂咗到會晚餐食， 因為交通擠塞我哋遲咗一個鐘先到， 員工嘅服務態度好好，耐心等候，值得一讚！啲嘢食經過三十分鐘車程之後返到屋企仲係暖。 而且炸春卷同埋炸咖哩角仲係好脆。 已到會嚟講呢個水平絕對係超水準。另外個辣肉腸味道非常可口！ 辣辣的味道 令我哋好開胃，而且辣度適中， 就算唔係好食得辣嘅人都 食得津津有味。另外仲有咖哩豬皮魚蛋， 水準都唔錯。 肉醬意粉略嫌啲意粉太碎，所以分嘅時候有一點困難， 但味道不錯。總括而言， 對於駕車人士嚟講， 呢度啲嘢食絕對值得一試， 性價比高。

科學園附近唔算多嘢食， 而呢間餐廳一到lunchtime就會勁多人排隊。 今日早咗出去，所以就可以去呢間嘢試下！楠天最出名嘅就係佢嘅蒸魚，咁我當然都點咗一份豉椒蒸魚啦！我好鍾意食魚，所以對啲魚都有D要求架！嘩！果然係招牌菜，真係蒸得好好，條魚好滑，一D都唔老！佢D豉椒都落得幾重手下， 所以啖啖魚肉都點到D豉椒，撈飯食真係一流。眼見附近D人D餸賣相都非常唔錯，下次無咁多人排隊嘅時候再去試其他嘢！very good!!!!!

係科學園裡面唔多選擇呢間平靚正老闆好好人 會幫你搵位餸菜住家feel白飯仲可以任食呢個金銀魚肉餸飯好入味送汁仲好食其他選擇沙薑雞 雞翼都好正Recommend to people who can defer their lunch hour to 1:30 or later to avoid crowds and guarantee seats inside the restaurant.I also heard that they change menu once the meal was sold out. 可以一試!!!!!!!!

好多人都會問科學園有咩好食﹐呢度有間中式餐廳﹐一至五午餐時間一定大排長龍﹐最出名的莫過於新鮮蒸魚﹑燉湯同蒜香麻辣雞飯。 不過最多人叫，一定係蒸魚飯，差不多有一半人都食！事關好味之餘，來貨係來自漁農處的優質養魚場，咁就食得放心啦！ 蒸魚有兩款︰梅菜同剁椒豉汁。 梅菜同醬油都係偏甜，至於魚﹐一食就知係新鮮！肉質滑溜，味道鮮中帶甜，就咁梅菜配飯都已經好好味~ 剁椒豉汁蒸魚，一邊係放剁椒另一邊放豆豉醬。剁椒係指天指，都幾辣，我會撈落豉油攪亂，再用來蘸魚，咁就唔會太辣。豆豉醬好濃味，夾少少豆豉喺魚上面先放入口﹐正。$50食出雙重蒸魚滋味，市區都未必食到呀~

科學園一向都有唔少餐廳選擇，耐何質素真係非常參差，而且價錢不菲。作為成千上萬上班族的飯堂，平常更有不少男女老幼單車遊途經搵食，食物質素咁差點得！好彩有呢間楠天一騎當千。平日午飯時間墟冚到不行，但係都唔算等得耐，員工仲難得好似對住朋友咁客氣！有時番夜晚仲慘，得一兩間餐廳開，仲要唔好食。楠天不嬲唔開晚市，今個禮拜決定黎問下可唔可以6點關門前買個飯。結果可以。6點落到黎，員工都岩岩放工了，發現竟然係老闆楠哥留低親自下廚！！果一下真係好感動。今日食左個蔥油雞飯，雞肉幾滑，蔥油醬汁好好食，雖然多左少少油不過送飯一流，不知不覺已經扒晒所有飯！餐廳另外仲有麻辣口水雞、沙薑雞、豉油雞，全部都水準之上。跟餐仲送老火靚湯，無味精又多料，睇得出有心機擺落去。餐廳除左雞，仲有鎮店之寶- 梅菜/剁椒蒸鯇魚客飯，10個有5個都嗌；另外仲有其他高質款色，食完一定會覺得：咦！比想像中好食喎！最後，雖然呢篇食評唔係好似食評，不過客觀咁講啦：價錢合理，味道算上乘，CP值已經爆燈。有時候食既唔係食物本身，而係一份感動。餐廳亦有室外座位可以飽覽怡人景色，大家經過科學園一定要試呀