楓食堂

難得經過大水坑站,搵嘢食嘅時候發覺有間日本餐廳,就過嚟試吓,點知真係估唔到咁好食！👍🏻雖然舖頭唔大,座位唔多,堂食都要等一陣先有位坐,不過更有隱世小店嘅感覺.😌咖哩海鮮拉麵,湯底非常香濃,啖啖都係魚蛋嗰隻咖喱味,冇乜味精,食完飲晒都唔會口渴. 🍜海鮮配料份量都好滿足,有青口,鴻喜菇,魷魚片,蝦. 🍄🦑🦐麵質係中華拉麵嗰款,煮到啱啱好,彈牙有咬口唔會淋,好掛湯.玉子燒煎得好好,明太子份量十足,味道恰到好處.聽講叉燒非常好食,唔預留一定會賣哂下次約埋朋友一齊嚟試其他菜式😌…查看更多

我我哋去買咗個吉列雞扒烏冬同埋吉列雞扒滑蛋飯，吉列雞扒肉質鮮嫩食上去一啲都唔乾柴，個皮方面亦都唔會好厚，入口鬆脆。烏冬方面係有咬口嘅稻庭烏冬，質地煙韌。唯一弊處就係湯底偏鹹。價錢分別為65同55，以香港來講都算抵食。…查看更多

富安花園沒有大商場，反而造就不少小店美食，呢間係其中一間街坊高水準日式小店，舖頭細細，座位不多，但食物質素高👍🏼柚子叉燒拉麵，用柚子做湯底清新，非常開胃，叉燒係老闆自製，新鮮美味😋…查看更多

喺富安花園起步行山前 要醫一醫個肚發現可以幫襯既餐廳💛 少之又少除左大快活之外 就得楓食堂 我當然係選擇支持小店!今日天氣都幾熱老闆知道我地堂食就即刻好高效率咁安排個歎到冷氣既位俾我地 仲提我地可以自助咁拎凍茶、熱茶🍵不過因為空間唔大 我都係鼓勵大家外賣自取多d!講下食物啦💁🏽‍♀️吉列廣島蠔冷烏冬 ($60)廣島蠔處理得唔錯 炸漿唔會過厚!冷烏冬汁溫度夠凍 夏天食真係唔錯~~不過烏冬份量少左d 男士未必夠喉啊😛岩鹽燒鯖魚定食 ($55)定食入面除左有主食 仲有湯同白飯🍚因為唔想食得太飽上山 所以就問老闆可唔可以轉烏冬😛 不過老闆就話：「鯖魚係要配飯先好食架！」所以我就乖乖地照食喇!燒鯖魚都幾大條 魚皮好香脆 成條魚都去左魚骨 可以啖啖肉咁樣食😋略嫌麵豉湯鹹左少少 不過一啖湯一啖飯咁送飯都ok!整體來講💁🏽‍♀️可以用呢個價錢食到連鎖日式餐廳既質素 值得再黎支持🙂💛…查看更多