楓林小館

營業中

休息中

又發現咗間好出色嘅中菜館😍一定要同大家介紹吓！✅招牌紅燒乳鴿王 呢度最出名就係燒乳鴿，實在太好食🤤乳鴿唔單止皮脆肉嫩，乳鴿仲好多肉，$88超抵食😋✅蝦多士用新鮮蝦整，多士唔單止夠脆，仲非常香口🦐✅欖角冰梅骨味道酸酸甜甜，拌飯食係停唔到口🤪暫時食過最出色嘅欖角冰梅骨✅杏汁花膠燉白肺滋潤養生，燉湯恰到好處，杏汁味道唔會太濃✅燕窩雞茸羹啖啖燕窩好足料😙好似食翅咁，調味做得好好💛好味指數:4.9/5 💜回頭指數:5/5📍楓林小館 (銅鑼灣)銅鑼灣謝菲道379-389號特麗樓1樓及地下5號舖

最近朋友帶我品嚐過一間超高質中菜館， 是最近食過最有心的中菜！「楓林小館 」在銅鑼灣開了，環境帶有古色古香的裝潢，食物水準真的好好👍招牌紅燒乳鴿皇牌之作，店員說幾乎每枱必點！採用中山石岐乳鴿用滷水膽先浸泡乳鴿，風乾2個鐘，落單時便即炸，所以皮脆肉嫩超入味！花膠杏汁燉白肺真材實料，連花膠都有，滋潤到入心入肺！🧡欖角肉碎四季豆 四季豆配上欖角肉碎香味俱全，咸香滋味送飯一流！楓林小館 銅鑼灣謝菲道379-389號特麗樓1樓及地下5號舖

楓林小館. 用餐日期: 2024年2月 午餐《$49 楓林蝦餃王》蝦肉好爽好彈，蝦餃皮都係偏厚，但一夾起就成舊餡掉出黎。一籠三粒大大粒，食幾粒就好快飽。《$22.6 蟹子燒賣王》呢個係用午市優惠價叫既，所以會優惠好多。燒賣大大粒，肉餡份量好多，正正常常。《$42 鵪鶉蛋燒賣》鵪鶉蛋燒賣都係一籠三粒，正正常常冇咩特別。《$40/件 懷舊蝦多士》一上枱個擺盤好靚，蝦多士就好似花瓣咁圍住中間既沙律醬，因為$40一件，價錢偏貴，所以期望值都比較高。賣相就好靚啦，一食入口，多士係鬆脆，但好油，蝦肉算爽彈，但都填補唔到果陣油膩感。《$88/隻 紅燒乳鴿》紅燒乳鴿配左幾塊印尼蝦片上枱，睇個份量就應該唔係用黎配住食，亦唔係用黎伴碟，唔知大廚有咩用意，但有少少多余既感覺。蝦片一早已經淋哂，雖然食落唔算好油，但亦都唔好食。乳鴿燒到皮脆肉嫩，仲好juicy，肉都幾厚身，相當不錯。《$48 百花釀花菇》其實就係蝦滑釀花菇，上面仲加左少少蟹籽，花菇都厚身，爽滑有咬口，但冇咩菇味，整體味道偏淡。《$38 竹笙黃耳餃》用既皮係粉果果種半透明既皮，厚身煙韌，包住滿滿肉餡，好大件。成件餃味道偏淡，食唔到竹笙，好普通。《

嚟過呢間餐廳三次左右, 之前都覺得唔多衛生, 今日大開眼界。 1. 首先啲茶杯碗碟全部有油漬, 有一隻碗同匙羹竟然有一大pat食物殘渣都照俾我， 唔止要換一次，拎俾客人嘅碗碟都咁污糟, 廚房睇唔到嘅真係唔知點！ 同埋餐廳係用地氈一浸霉味，地下地氈好污糟2. 短髮戴眼鏡員工本來戴住口罩,但係竟然打開口罩向住張已經更換新枱布但未有客人嘅枱打乞嗤，然後再帶返個口罩, 即係唔想啲鼻涕整污糟個口罩, 寧願啲鼻涕污染張枱？ 3. 問佢攞個外賣盒, 佢搲完頭皮又搲屁股，先攞個外賣盒俾我, 佢掂過我都唔想掂。4. 賀年食品嘅蘿蔔糕就咁擺喺枱面, 完全冇遮擋，啲職員同埋食客行過全部會經過，鋪晒塵, 這餐廳有蚊滋， 訂咗呢啲蘿蔔糕嘅人真係自求多福。5. 食物質素方便， 叫咗個海參麵， 海參好硬洗唔乾淨有好多沙， 燒賣腸粉嗰啲就正常酒樓食物，唯一好處就係佢啲嘢好大碟， 味道亦屬正常，可惜衛生唔太理想，啲蒸籠好多污漬同埋發霉。今次食完大家都話以後真係唔會再去，嚇怕了！

唔好以為我係專業食評家，不過我無啦啦行過江南老宅，跌進呢個美食天堂，先俾啲實感你哋。好啦，落手落腳嘅先係招牌菜紅燒乳鴿，一啖咬落去，外皮香脆，啖啖肉，啲味道鮮得滴水嚟🤤。再嚟，同桌友人點嘅椒鹽魷魚，份量足足哋，口感軟硬適中，鹹香麻辣嘅口味，真係滿足到五臟廟。話時話，俾個掌聲畀荔茸香酥鴨，鴨皮吱吱作響，與芋頭嘅絲滑夾搭得剛剛好，好似聽老歌般，懷舊又有feel。而家講返湯品，魚湯花甲浸勝瓜湯，鮮甜透心涼啊，每一啖都滿足到個口慾👅。直頭嗌得停唔到口嘅，非得嗰碟啫啫魚干芥蘭煲莫屬，蔬菜夠綠，魚乾夠香，真係啱食到飛起。呢家鋪頭，食得暖笠笠又食得舒心，完美繪出普羅大衆嘅飲食文化。食完成個心情都好晴朗，講真，我心目中最正嘅巷弄美食就佢喇😄！

第一次幫襯，屋企人話好多年前已經聽過楓林。點心好夠熱，好新鮮，出嘢食都快，侍應服務態度好好。有得訂位，啲茶客都好斯文，想假日舒服飲茶又唔貴真係大力推薦！搵食艱難，多多支持有心做嘅餐廳。

一探這間飲茶好去處，開始我嘅味蕾之旅🍽️。今次，我就品嚐咗楓林小館嘅兩款菜色。先嚟個"欖角冰梅骨"，個肉嫩滑，香氣四溢，欖角嗰點鹹香帶出肉骨嘅鮮甜，真係好入味，令人意猶未盡。返嚟味覺嘅另一端，"皇金蝦炒飯"嘅wok hei掃過舌尖，每顆米粒都包裹著咸蛋黃，金黃滋味令我食指大動😍！最後，當然少不了招牌嘅紅燒乳鴿。鴿皮酥脆得黎唔會太肥膩，烤到剛剛好嘅肉質鮮美多汁。一嘴氣，一撈汁，真係唔吃可惜👌！點心方面，蝦餃同燒賣等一系列經典款都做得唔錯，呢面算係無驚無險。確保每一啖都係質素的保證，呢家飲茶店絕對令你心滿意足同埋食指大動！下次再嚟，我仲會繼續試埋其他款式嘅點心，期待又一番新驚喜！🥢🥠

首先係呢度嘅「紅燒乳鴿」，話說啲乳鴿啲紅燒咖啡香，正！脆皮加啲嫩嫩嘅肉，真係餓咗一朝咸魚，呢度係你唔錯嘅選擇！再嚟係我最愛嘅「黃金蝦炒飯」，炒得啲飯香嘅無話講，啲蝦仁個個新鮮，啲脆脆咖梗係我心頭好啦！啲飯唔會太油，係咪夠佛心啊？啊，啲老板同阿姐服務好好，笑容嘅熱情真係可以填飽我地啲肚子嘅！有時候係啲小細節，先會使食物更加美味啦。

事源本人的爸爸與這經理相識因此今次黎食午飯當爸爸出現後，經理態度180度改變得十分有禮，但我走出房門，該名經理變了雙面人，經理企在門外收拾，責罵我催促他快速上茶給我們洗手，但我只是要去洗手間，卻沒有想催促他，不斷責怪我，真的一頭霧水，冇事也不要再來食飯！

一般大型茶樓來來去去都是相類似的風格和裝修，然而這間走中式精緻風的楓林小館真的挺吸引。🖼️入門口後樓梯的轉角位掛上一幅玉蘭花水墨畫，🏮每一卡客座上都掛上大紅燈籠，🏺還有古董大花瓶作裝飾，感覺挺古色古香。🥗楓林小館的晚飯小菜例如紅燒乳鴿，椒鹽蝦，燒乳鴿等多款招牌菜而聞名。🥟但由於我們是中午去到，這一次先品嚐精緻點心吧。🥢香煎蘿蔔糕 $38新鮮蘿蔔，廣式臘腸，蝦米，粘米粉等材料匠心製作而成，煎熟後金黃酥軟口感軟糯，更混合了臘味的獨特香氣，啖啖滋味十足。🥣沙田滑雞粥 $68雖然口感像冰鮮雞，但粥底煲得很綿，挺有米香，沒有加味精之下，鮮味很足。🥛炸鮮奶(4件) $58炸鮮奶外皮薄而脆，一看之下像炸魚柳，內裡的鮮奶軟硬適中，不會硬得像一件糕，又不會軟得溶掉，整體充滿奶香不會太甜。🍗蜜汁叉燒腸粉 $38腸粉份量不算多，但腸粉皮又薄又滑，叉燒粒軟腍有彈性，中間還有清香的芫荽，配上甜豉油，又是一經典之作。🍤楓林蝦餃王(3件) $22.6蝦餃皮薄晶瑩剔透，蝦仁大粒，鮮味十足又抵食。📍 楓林小館 (銅鑼灣)🏠銅鑼灣謝菲道379-389號特麗樓1樓及地下5號舖⏰11:00 -22:00🚙 港鐵銅鑼灣站C出口，

呢度好近我公司，啲嘢又幾好食，所以老細成日都請我哋去呢度食 lunch。今日五個人叫咗好多嘢，食唔晒要打包。我最鍾意食香口嘢，叫咗蝦多士同椒鹽白飯魚，蝦多士係幾好食的，夠脆，唔會油淋淋，不過成 $40 一件，我覺得都幾貴。佢啲蒸點心都好食，蝦餃燒賣大大粒，皮薄饀靚，啲蝦又新鮮，個黑松露帶子餃用料十足，配搭得宜，超讚。炒粉麵都好正，亁炒本地牛河好夠鑊氣，啲牛肉好腍好軟熟，懷舊肉絲炒麵啲麵脆卜卜，掂！奶黃煎堆仔圓轆轆，好飽滿，流心奶黃爆晒饀，外脆內軟。

這是一個不錯的地方地方尚算可以環境企理員工服務態度好溫馨提示午飯的時候啲點心出得好快如果搞聚會遲到的朋友仔啲嘢食可能凍晒所以最好齊人先至入座總括嚟講啲嘢食合格食得落口價錢唔貴👍

第一次嚟，唔算難搵，侍應叔叔好好人好有禮貌，店面乾淨，座位闊落乳鴿炸到皮脆肉嫩，鎖到肉汁，就算唔點椒鹽同豉油都好食蓮藕餅好厚實，蓮藕好夠，味道夠濃椒鹽鮮魷炸皮好薄，鮮魷爽脆，配埋炸蒜好香炸蠔炸得啱啱熟，好滑同鎖到蠔汁，又香口梅菜菜心，梅菜好甜，菜心好新鮮，配埋一流份量大，味道好，服務又好，好唔錯

一年悄悄地過去了，今天是2022年最後一日，又因為有優惠卷的關係，所以來楓林小館.其實只有我們兩條友去中菜館是有點怪，因為通常這些中菜館都是一家人或比較人多吃，兩個人點的數量不多.我們被安排坐近門口，二人位都在近門口位置，向入面就全是大枱.上枱有點凍了，第一口是很滑，有驚為天人的感覺，帶子彈牙，可惜之後涼得很快，可能冷氣吧，就變得有點遜色.蠔很大隻，很熱，外面脆入面軟，再加了薑䓤惹味.吃了兩碟餸加一碗飯已經很飽，正打算結帳出外吃個糖水，沒料竟然有紅豆沙送，就這樣完了這年最後的一個晚餐，亦趕及在倒數前回家🤪

今晚媽咪生日食晚飯，果然有驚喜，所有親友對每個餸都讚不絕口，招牌乳鴿真心好味，個蟲草海螺鮑魚煲雞湯超級正超級濃勁足料，個黃金蝦大隻彈牙好有蛋黃味，食完唔會有膩嘅感覺，脆皮雞皮脆正，條魚大細適中好滑，螺旋澡浸菜苗我哋第一次食，又係有驚喜，個炸蠔都勁正一樣好有驚喜，隻蠔炸完出黎都炸卜卜，又係唔會膩，個豉油王炒麵個味道係好耐無食過呢種味道，一種已經唔見咗好耐嘅味道，海參炒帶子好夠鑊氣好惹味，壽包入面個咸蛋黃有油唔太甜，啱晒老人家食，小朋友都好鍾意食，真心推介楓林小館！