楊記麻辣魚館 (金山樓)

「大圍街坊一定知道嘅楊記麻辣魚館，今次一次過叫佢哋4款招牌菜，由毛血旺到小炒肉全部味道同份量都好滿意，仲有解辣神器冰粉！」🌶️ 鎮店之寶｜毛血旺加寬粉 $170· 份量驚人：鴨血、牛柏葉、黃喉、午餐肉夠大堆頭，足夠3-4人食· 寬粉掛汁：索盡麻辣湯底，煙韌度滿分· 辣度可調：揀小辣都夠麻香，四川花椒夠哂麻，而且唔會得個鹹字🐔 香辣爆擊｜辣子雞 $138· 雞件炸到金黃，外脆內嫩，骨頭都入味· 辣椒乾爆炒，鑊氣足到隔離枱都聞到🥓 送飯神器｜小炒肉 $88· 五花肉薄切，肥瘦均勻，煎到微微焦香· 配唐芹+青椒，爽脆口感平衡油膩感· 白飯殺手：撈飯可以連吞兩碗❄️ 解辣必點｜冰粉 $28· 紅糖+山楂片+葡萄乾，甜酸口味即時降溫· 質感滑溜，食完麻辣野嚟一碗，喉嚨即刻舒服晒毛血旺同小炒肉絕對值得encore，辣度適合香港人口味。雖然環境普通，但價錢親民，適合一大班人食川菜！…查看更多

偶然去到大圍呢間楊記食平時食開元朗楊記最愛水煮魚湯都差啲可以飲埋但黎到大圍呢間好失望一黎睇到湯咁紅咁多紅油就覺得不妙結果一食味道都不一樣咁我就好好奇點解franchise 左楊記個名但可以賣唔同咪道同擺相本身嘅楊記又知唔知分店有咁嘅差別？(圖1為我食完d 魚先諗起影個湯做對比，圖2係食開嘅楊記水煮魚，個湯嘅色水味道都完全唔同，同埋應該係娃娃菜底，但大圍呢邊係油麥菜）希望有一日大圍都變成楊記果種獨門風味...變左可唔可以留言同我講聲？服務同環境都好的但冇動力去食了…查看更多

今日經過去咗食吓佢個午市套餐酸菜魚套餐配白飯，連紙包飲品$68酸菜魚份量都幾多魚好滑無骨，入邊有酸菜同埋萵筍萵筍比較偏硬酸菜魚湯熱辣辣好正不過湯底就比較偏油白飯都好大碗如果食量唔大可以揀少飯唔使+1食得再去食！…查看更多

因為今日想食重口味既野 崇拜完咗就走左嚟食呢間✌🏻🩷牛肉麻辣香鍋配飯 （bb辣）因為男朋友食唔到辣，所以呢一個就叫BB辣😗雖然望落去好多辣椒，但係只要你唔揀啲辣椒食嘅話呢其實佢冇咩辣味🙌🏻反而有種大陸嘢會有嘅老乾媽味😗除咗牛肉之外仲有蓮藕同埋薯仔都幾大兜，分分鐘可以配兩碗飯都得🤣🩷酸菜魚配飯（小辣）我自己呢個就係做咗小辣，但係出到嚟個結果都唔算辣魚片多 無骨 嫩滑～入邊仲有好多萵筍🙌🏻不過就冇最經典嘅寬粉每個套餐都係包一個紙包飲品 + 細細碟前菜高性價比既午餐🥣…查看更多

嘢食好味！！但千祈千祈唔好去佢哋洗手間🫠🫠一打開門就係洗手盤，隔離就係尿兜，再隔離就係馬桶。去完洗手，隔離尿兜會自己噴水🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️近距離到右腳濕晒😭😭😭😭真係好介意😭😭好核突。出到嚟同員工講，員工話好正常，冇得搞😵‍💫😵‍💫😵‍💫唔好意思都冇聲㗎😮‍💨老闆如果見到，可以貼張紙，提一提客人。或者搵師傅真係攪攪佢喇，，，就算噴到員工城身都係，再整野食畀客，都唔好喇，廁所水真係好唔衛生‼️‼️…查看更多