椰林閣餐廳 (已結業)

星期日到藍田食晚餐，本來想去意八，但超爆，係椰林閣唔駛排隊，仲有卡位坐，無計，照入去食啦。打開餐牌，基本上全部都要50-90元架喇D套餐，甘叫個炒麵都成58元，不如据扒化算一點，雞扒加豬扒再加條腸，有意粉和飯，薯菜選擇，我選了意粉，蒜蓉汁，仲有餐包，忌廉湯包，呢個set只66元其實好抵食下。來了個忌廉湯夠濃，好味，我仲厸為好求其。餐包一般，不夠熱。等了十分鐘的扒終上場，汁已於上桌前已淋上，其實我比較like上桌時自己淋上去。但都夠熱，汁好咸，意粉另上會好d,放在一起有好迫的感覺，唔知食扒好定意粉先好，雞扒鞋了，豬扒ok，比雞扒更林同易切開。意粉又係好林，唔好食，好似仲有層粉係面添，可能意粉質素唔好。條香腸幾好食，雖顏色唔好睇。如果厸据扒來講，唔係好合格吧。但此餐都食得飽。加埋一埋單78元，合理價錢，dinner來講。

有一次口痕痕而且又肚餓，就去左YLK 食個時我叫左個學生餐係咖哩焗飯第一，等左我15分鐘 （個時放lunch）搞到我冇咩時間食第二，咖哩太鹹，食唔落口最好就係個杯涷嚀水仲有，有時有個 學生A餐好正 ， 不過係佢d汁

*無心水食什麼,隨意點上焗葡式咖哩雞扒飯,餐飲跟凍奶茶*焗飯 熱辣辣送上,有炒飯作底,中SIZE份量 幾好葡式咖哩汁 香香甜甜無辣度,但滿有椰香 算可以配料 切有青椒及甘荀粒 可以主角雞扒 無切一塊上,無雪氣問題,肉質頗嫩滑 滿意凍奶茶 夠凍,飲落似水溝糖漿 差劣

星期五晚朋友仔幫我整完電腦,於是便一起去啟田商場吃晚餐,由於星期五關係,商場很多食肆要排隊了.由於己八點多,不想朋友久等,突然想到很久沒有去椰林閣食飯,於是去看一看用不用排隊,嘩~不知是餐廳太大還是什麼問題?星期五都竟然不多人吃飯,入去有好多位,還可以坐卡位,實在太好了.侍應很快帶我們到非常寧靜和舒服的卡位坐下,看到餐牌上有很精多美圖片,很多食物都想吃,把餐牌番來番去,都不知吃什麼?最後還是被餐牌中精美的圖片-海南雞飯套餐吸引著,於是決定吃,都不到10分鐘已經有美味既海南雞飯套餐送上,這個海南雞套餐有中湯,,雞,生菜,非常豐富.食物方面:紅蘿蔔豬骨湯,我覺得中湯味道和家中煲得一樣清甜,不油,應該沒有下味精,喝完也沒有口渴的現像.雞也給得重手,不是散收收的廋雞,雖然雞沒有雞味,這也是預料之中,難道五十多元可吃新鮮雞,未免太奢求吧!雖然雞沒有味道,可幸有醬料蘸雞,也不會太沒有味道.最驚喜還是有我至愛的肥雞脾,很多地方雞脾也要加5元,現在不用加也可吃,開心.至於油雞飯非常大碗,但不知為飯一點也不熱也沒有油香味道,跟吃白飯差不多,飯就是這個餐中唯一失色的地方.總括來說,以這個價格可以吃到這個質

係藍田打完波 一心想幫趁'好好' WHY又摺左 於是同友人改去椰林開餐兩點半 個場好靜 得十檯客仔 不明所以..兩人同樣叫焗飯 一個焗豬 另一個焗雞前者我點 焗豬飯係用拿破倫汁煮 味道都甜甜酸酸 同鮮茄味大同小異都幾好味 豬扒又厚切 飯又粒粒剛好 good後者用咖哩薯仔煮 味道好夠卻不太辣 友人覺得個汁太膩 雞扒幾滑可惜件頭又細熱奶茶沖得幾香滑 熱檸茶就有陣漂白水味

小妹開始要努力溫書，所以今日放假就坐言起行，不過又到三點三，點都要落街嘆個茶餐鬆鬆先得。行過見到show出嚟嘅餐牌都不錯，就入去試吓。下午茶餐 – 鮮果長通粉沙律拼網米蝦春卷，個沙律到嘅時候打咗個特，不是傳統茶餐廳的醬，而係凱撒沙律汁，小妹最唔鍾意這款汁同沙律；不過唔叫都已叫咗，又是長通粉，就免為其難地試一啖，點知原來凱撒沙律汁同長通粉超夾，酸酸的，好開胃，原來之前唔鍾意食凱撒沙律大概係唔鍾意啲疏菜果種生嘅味道；沙律裡面有兩條網狀米紙包住啲蝦做嘅春卷，好脆又不油膩，可能是用上米紙的關係吧。餐飲加錢改了芒果魔豆乳酸，味道酸酸甜甜好醒神，內裡仲有細細粒嘅珠珠，咬開裡面是酸嘅果汁，好得意，幾好。小妹再加多個雜莓芝士蛋糕，個蛋糕買相不錯，軟軟滑滑，可惜竟然得好少好少好少的芝士味，失望點。基本成個餐都不錯，價錢又ok，下次再試其他款式，難怪剛剛小妹坐下就已經很難找到位子了。

探望友人後，和友人到附近商場吃飯。 這商場也來過好幾次，可能是假日關係，到處人山人海... 而不用輪候的，只有椰林閣。午餐選擇有十多款，價錢都是三十至四十元左右。有沙律，意粉，飯，焗飯 / 粉，大碗飯等等，款式談得上可以。今天點了： 洋蒽汁雞扒飯 ($36)：這個套餐包餐湯，餐包和飲品。餐湯點了忌廉湯，感覺像金寶湯，很不錯。 吃到煙味和粟米點點，很有咬口。 相比之下，餐包雖然非常軟熟，但因為不夠熱（有點冰凍... 就非常之遜色了）雞扒配的洋蒽汁，但出奇地沒有洋蒽味... 幸好雞扒很香滑，加了不少分。最驚喜是椰林閣會以翠肉瓜為配菜，個人喜愛翠肉瓜，很讚。椰林閣服務則跟以往差不多，自從早前疑似轉了侍應後，現在服務都不過不失。不算特別有禮貌，也不是特別差，一般。環境就比較嘈吵，可能很多學生在聚餐，說話比較熱鬧。整體水準還良好，比起以往，已經提升了不少。

一點多來到吃 Lunch，以前也曾經來椰林閣食飯，但感覺差透，服務態度差；食物質素低下等等。但是，今次再吃是要讚！ 來到餐廳不算多人，還有幾張吉枱，我們先坐在其中一個卡位，然後又因為該卡位下有啲垃圾，我們再轉枱，期間侍應服務態度也良好。點了： 餐包 (配餐)：熱辣辣！ 羅宋湯 ( 配餐)：明顯比以前吃過的忌廉湯出色！湯夠辣，也頗杰，不會是溝水之作。 李錦記燒針雞扒配飯 ($36)：唔知係咪用李錦記的關係，燒汁很香，雞扒不過不失，這個餸很有驚喜。 咖喱雞扒配飯 ($38)：咖喱雞變咗雞扒，有點失色，但咖喱非常之香濃，味道足！豬扒配飯 ($39)：無意見... 無特別。 整體也不錯，最讚係服務態度良好了（未知是否轉了一批 Staff ? ）！用餐時要求店員給予凍水 / 冰水 / 其他配料，他們也一一辦妥，很不錯！要繼續進步！

好耐冇去過椰林閣食飯…因為一直都麻麻～不過今次有驚喜！去到見到個有迎野試，並非平時既ｓｅｔ　ｄｉｎｎｅｒ同朋友一人叫左一個ｓｈａｒｅ野菜鮮果煙三文魚沙律(配意式香草油醋汁)ｄ菜同生果都好新鮮～三文魚煙得岩岩好！最好我覺得係個汁～酸酸地甜甜地，幾得意，好味！日式鰻魚焗飯又係個汁好好味～好甜的汁鰻魚有ｄ　”ｕｎ”左少少…不過都ｏｋ～ｏｖｅｒａｌｌ都係好味的！唯服務差左ｄ…ｄ　ｗａｉｔｅｒ係咁自己玩，都冇乜理ｄ客…

尋日嚟咗椰林閣同屋企人食飯，一點左右入到去，都差不多 Full，我同屋企人點咗 Set Lunch 食：不知是不是侍應太忙，一嚟到就丟咗啲餐品給我們... 係 "丟"，一股腦兒地撒下一堆餐具，要我哋自己拎自己擺... 首先，侍應送嚟忌簾湯，普通難吃，好杰，但感覺沒什麼味。 伴餐湯的餐飽居然是凍冰冰，連 "叮" 都唔 "叮" 一下就拎嚟俾我哋。 餐茶叫咗熱檸茶，好苦... >_< 黑淑汁牛仔骨配薯菜：賣相嚇人，啲薯菜少到喊。薯仔好硬，好淡。一碟得四小半舊的牛仔骨，舊舊都肥肉多過肉，啖啖肥膏，食之無味。最慘係個黑淑汁，淨係食到一陣油味，無黑淑味，好似溝咗水咁。瑞士汁雞扒配飯：賣相同樣嚇人，啲瑞士汁黑過墨斗，屋企人一見到已經唔想試，結果食淨一半。總之呢喥係頹飯之選， $36 一個 Set 咁的質素，仲要加一.. 真係唔會點幫襯。Anyway，要讚下呢喥服務態度好咗，特別係著紫衣衫的侍應，幾好。

小妹係油塘返學, 平時有lunch放12點8, 有1小時今日就同左d同學搭的士去左啟田商場既椰林閣食lunch我地12點10去到落埋單, 樣樣野都要吹3吹4吹佢先肯送黎咁都算啦, 我d fd d mian dish 已經差唔多食完, 但我個餐就仲未有, 於是多次向waiter反映, 但都冇人理半個鐘之後, 我頂唔順同左個經理講等左「半個鐘都未有, 有冇搞錯」 個經理先急急係廚房拎出黎比我但係果陣已經12點4個半字, 所以我同個經理講得返10分鐘都冇,我根本食唔設, 叫佢幫我cancel張單(小妹食野不嬲慢, 而且食得快會胃痛)個經理已經又li又路, 仲叫我打飽返學校食(根本不知所謂, 唔通留返黎放學食咩?)最後佢收左我10$ for 湯+野飲 就cancel張單我等其他同學食埋少少就一齊走啦不消6,7min, 佢又走過黎話我地坐係度傾左10min, 應該食得設囉<<之後話我唔應該咁樣......係咁話我地唔岩仲話同我地講道理到底道理何在? 你覺得人地10鐘一定食得晒就會食得晒?我自己既食野速度我諗冇人比我更清楚更何況係佢自己個餐遲左半個鐘先黎, 已經等到成肚火啦時間又唔

下午茶時間同男友出去食一直旺角既椰林閣都唔錯嫁..e排又跌左水準 試下e間係咪又跌左水準先炸雞翼配蝦卷 嘩..咩意思牙 一d禮貌都冇 行過就咁放低我碟野炸雞翼凍既 而且唔似係炸囉..一d都唔脆皮既 果個咁既蝦卷 油到死 入面仲要生生地咁薯條好硬 仲有果個千島醬好似俾人溝過水咁...冇味之餘顏色又淺男友叫果個..肉醬意粉仲離譜d色水一見到已經唔開胃...仲要話係焗既...熱都唔熱下點焗既呢芝士一d都冇...只有少量既黃色液體係上面一開始入到d waiter已經唔理人...冇人帶位 落單手舉到累都冇人理e間野..請都唔食喇咁既服務加咁既食物質數

啟田一向都無咩好野食果晚突然好想飲羅宋湯, 就去左椰林閣呢餐真係食到一肚火入到餐廳, 無人招呼d 待應勁hea, 企晒係度吹水, 眼尾都唔望下你舉手示意落order...明明有人見到都扮睇唔到...你有你舉, 佢有佢吹水!終於有人過黎寫單, 黑口黑面咁, 好似埋怨你阻住佢吹水食物出得超慢, 等左差唔多20分鐘食物味道尚算一般記得以前椰林閣係一間有水準ge餐廳服務亦不錯今時唔同往日...d服務差到離晒譜希望呢d大集團請有質素ge員工, 多d訓練員工待客之道!!!

星期六那天在買餸打邊爐之前,又要食番個下午茶.看過餐牌後在唔想食粉和飯後,最後只剩下沙律.咦,見到有個新的沙律,炸雞翼沙律一於叫這個,下午茶好快送到. 雞翼炸得脆,只是裏面過了火令到肉太過乾.加上唔太熱,都幾難食.嘻嘻,呢個雞翼唔記得係和某某鼓油還是喼汁合作,因為我只食到有醃過的鹹味呢 沙律有沙葛,青瓜等等..平日一向只有這些材料,今次竟然有罐頭桃都幾驚喜.當然沙律都無乜烹調技術可言,,只要材料新鮮,沙律醬好食,沙律自然好味道,雖然這兒不算最正色,只是22元一個餐有咁的沙律合格有餘,只係可唔可以唔好加咁多沙律汁,多到過酸了 服務:真係十年如一日,去過都知服務有幾好,心情好那天先好去食.否則,只換來更差的收場.原本雞翼只值2分,沙律幾好味就加多1分俾3分

每個星期日都好想去遠少少食下午茶,只是有時懶都唔會去得遠.今日去遠少少的椰林閣啦!咁耐無去過原來好多餐都己調低價錢,是金融海瀟關係嗎??原本叫了魚,點知俾隔離枱攞錯左,最後食豬扒.豬扒粉厚,至於塊豬扒勁薄又無乜肉,仲要勁無味.只好勁蘸千島醬.沙律夠凍,份量都唔算少,只是吃這麼一點點真不夠飽飲品的熱華田,都叫做有味,唔係飲水.如果同朋友傾計的話,坐係度剩飲好過食茶餐,因為茶餐總是教人有點失望,飲品倒是不錯的啊