椰林閣餐廳 (已結業)

有同學生日,所以到了這間餐廳品嘗午餐.餐廳裡不是太多人,不用等就可以找到位置坐.先來的是餐包.餐包軟綿綿的,塗點牛油在裡面,真是十分好食再來的是餐湯: 羅宋湯 (紅湯)很油膩,沒有一般羅宋湯的香味...我只是勉強的喝了一半最後就是主菜...想不到這個是最令人失望的這個飯份量不夠, 也不太熱...感覺就像在吃快餐一樣.相信這次也會是我最後一次來的...希望餐廳會在日後有所改善啊

昨晚9時和太太入座,客己經唔多,我叫咗一份黑椒牛柳(7成熟)拼芝士焗蠔跟意粉,太太叫咗一份什扒餐,落咗order後聽到有抬客話d湯唔熱,伙計随即攞去再叮過,到我上湯時情况一樣,同個伙計講佢都係再攞去叮過,好似習以為常咁,湯都未飲完,兩份扒就到,心諗咁有效率,但望住兩份扒無煙出,我切我份黑椒牛柳時點解我叫7成熟變咗十二成熟,咁你咪問我幾成熟呀!,無牛味,d意粉又凍又無味,最勁係隻芝士焗蠔,我可以揸上手食,熱都唔熱吓,老婆份什扒都一樣咁哀,全部唔熱,我叫經理嚟同佢講,佢好懶懶閒話換過,我話唔駛啦!煮極都係咁,我$$$都無俾就走咗!我覺得吸間嘢嘅運作有問題,d食物全部煮定,到你order後,好以執藥咁照執,食物好唔好食見仁見智,最基本條件都要熱呀!奉勸各位食客不要浪費時間及$$$幫襯呢間餐廳!

是晚10:00到達餐厅，我和太太叫了2份焗朱扒反(宵夜飧)，坐了十分鈡都未有飲品到，叫咗1個男侍應跟，個侍應話嚟梗，5分鈡後飲品到，之後再追亇侍應，都係話追咗，5分鈡後，落单亇男侍應同亇女部長話收工10:30），期間男侍應仲離遠同我地張枱講話黎梗，之後女部長比2份焗朱扒反我地，等咗25分鈡，碟反完全未焗過，D反凍冰冰，之後要求換過其他。奉讙管理層D嘢食好都冇用，VERY POOR 管理&SERVICES，雖然我地有會員咭，我以後永遠唔會再幫襯，(NEVER)追碟反3.4次都冇用，2亇男侍應都唔掂，失敗，

入到嚟見到枱面餐紙寫著"馳名海南雞飯",姑且一試.要咗一份海南雞飯餐,另一份係咖喱豬頸肉飯.不過海南雞飯非常失望,啲雞比較"鞋",又無雞味,而啲骨仲係鮮紅色的,啲飯又偏硬,唔明點解咁都係馳名,好彩唔係兩份都叫海南雞,如果唔係就慘啦.至於個咖喱豬頸肉,其實無乜咖喱味,豬頸肉則ok.最後不得不提呢度啲服務,呢間啲侍應只顧自己吹水,明明有兩碗例湯又只比得一碗,完全唔跟進,好心收得咁既價錢就比返啲好少少服務啦.

小弟愛吃椰林閣的牛利飯！小弟一日去到Hung Hom椰林閣時！環望四周只有幾位客人！但小弟入去時全程無人理！直致有一位女待應經過！<接着就精彩啦！>我：小姐唔該你我要.....女待應:唔得閒呀！！環望四周遠處有四位待應正在吹水！我向他們舉手示意!四位待應竟然一齊扮睇唔倒並身背向我繼續吹水！OH MY GOD!!小弟爆立刻離場！係口收銀ask:你好似未叫野?小弟:我叫唔倒野

見到報紙有coupon$98二人餐，不過食落又唔係好抵...有個海南雞飯既set，另外我揀左喇沙海鮮意粉，不過意粉果個原來又無餐湯的，$98加一係黃埔新邨似乎唔係好抵囉，去珊瑚堡好過。佢啲服務以前試過幾次又幾間，次次都唔開心既經歷，不過今次去（隔左兩年後）又真係好左，有啲後生啲既waiters就串啲，但其他，有幾個睇落資深啲既就好好service。海南雞飯不過不失，雞有點兒過生囉...同埋唔係好熱...試下喇沙海鮮意粉，不過完全係葡汁味...海鮮都ok多，炸軟殼蟹唔錯！

唔知點解, 突然好想去据扒, 所以同衰佬黎左椰林閣食晚飯,一去到, 侍應安排左我地坐一張好迫既枱,咁我地見到仲有第二d位就更係想坐得舒服d la,都唔明點解要人地坐到咁鬼迫, 明明入面仲有好多位ga ma,怪怪地咁,呢度既上菜速度係勁快,好似趕住收工咁, 湯都未飲完就已經上晒d主菜,不過呢度都算幾平既, 味道都可以,款式亦有唔小既選擇,都會再黎食過既... 紐西蘭牛柳, 7成熟的煎得剛剛好, 有口感加上淡淡肉汁, ok呀 紅酒汁燒羊架, 不會太(蘇), 都係ok ga

bf話未食過椰林閣，好想試我就覺得好普通又貴唔想去不過夜晚十點幾黎到呢間，見有宵夜餐廿幾蚊有個焗飯，於是就入左去bf叫左個洋蔥豬扒飯，佢話冇乜特別（我一早講左好普通架啦）、D飯又少（少於一碗飯）我叫左個焗肉醬雜腸意粉...（不過我搵黎搵去都係得廚司腸，我諗都有半條gei...）...好彩D肉醬幾好食，好有牛味@@小插曲：食食下，我地後面張檯黎左個女仔，係由個個樣高級少少既男職員陪佢入黎gei,我估佢地識架啦，因為佢地行入黎個樣好親匿我見到個女仔個飯有兩碗咁高，我就同bf講：「點解人地個飯咁高既？」點知咁岩個女仔又係問同一條問題，個staff就答佢：「梗係啦，我叫到梗係多D啦」食到臨尾，另一檯客想埋單，叫極個staff都唔應，係個女仔提佢佢先知幫個客埋完單，佢仲走返黎同個女仔講：「有你o係度搞到我個心都散晒~」我比ok係因為個肉醬意粉D肉醬幾好味jar...

因為黃埔花園那邊人很多, 於是來到這較遠離的一帶找地方吃晚飯.門口有人等位, 但伙計聽到我們是兩位便立即有位了. 伙計全部都怱怱忙忙的. 但服務態度還可以.食物方面:1. 羊架配意粉 : 只有兩件無乜肉0既羊架. 骨多過肉. 淋上黑椒汁, 好似食緊碟頭飯咁. 唔合格. 2. 菠蘿海鮮炒飯 : 菠蘿幾甜, 海鮮也算多. ok 啦.3. 叫了兩杯特飲 - 朱古力曲奇咖啡 和 香橙朱古力 : 個人覺得香橙朱古力較好味. 但特飲要加8元, 只有一小杯, 有點貴. 唔抵.

2008年11月12日晚上近十一點，同女友想搵平平地西餐消夜醫下肚，就入左去椰林閣。點完個set，見到有冬日特飲promote，張相同內容都幾吸引，有「香橙朱古力」揀，係天寒地凍的日子真係好吸引，所以就點左試下。等左一段時間，杯「香橙朱古力」終於黎到，但點解會變左係熱咖啡？初時仲以為佢地上錯左！所以我地專登叫個waitress埋黎confirm，佢居然話：「香橙朱古力其實都係咖啡，兩款係同一類」我地聽完真係當場「Ｏ嘴」！杯「香橙朱古力」唔單止冇香橙味，更加冇乜朱古力味，就只有咖啡味！不如你話比我知「香橙朱古力」賣晒，剩係得咖啡啦！夜媽媽十一點幾整杯熱啡比我，係咪玩呀？！？

Yesterday night had dinner with mum in this restaurant cos its quite late and we are so hungry. We ordered a bake escargot rice, indian pancake and a eel fried rice. The food arrived, the escargot rice is really really good, ontop of the escargots are some grounded garlic, and it taste really good with it. The white sauce is very creamy and rich, next time i must try other baked rices. The indian pancake is also very nice its not oily at all and it has curry sauce to dip into, and the surface is

多年沒有光顧椰林閣，今次久別重逢，新的裝修給人耳目一新的感覺，可說是唔食得都睇得。但坐下後其實感覺也頗迫。看完餐牌的推介，本想點燴羊肉，但侍應姐姐竟說暫不供應，令人失望﹗老公點了海南雞飯，端來的雞肉帶血，立刻叫侍應換掉；不久後端來一碟新的。餐牌上的圖片很吸引，故被騙點了咖喱海鮮拼盤；實物是兩碼子事：沒有蝦、帶子是雪藏的吉烈假帶子、還有一點魚和蟹柳；幸好還點了薄餅伴咖喱汁吃，算是有一點價值。大蝦鮮果沙律最糟，蝦勁淡沒味，肯定是雪藏的，但怎也該調調味吧﹗所謂鮮果，只是蘋果、梨及少量西瓜，連菠蘿也欠奉，更不用妄想有士多啤利、椰果等。較ok的是牛柳伴鴨胸飯的鴨胸。最後加$8叫了杯特飲蜜瓜雪香，也是不可口，唉﹗

一向以來都對椰林閣無乜好感, 因為去過幾間分店食, d食物水準都係好一般, 記得有次去荃灣o個間仲食到一肚火, 因為d waitress叫極都唔應, 但成班就企埋一邊嘻嘻哈哈吹水.琴日同朋友去紅磡呢間, 以前都來過幾次, 都係對d食物無乜好感. 但係琴日出乎意料之外o既好.我朋友叫左個扒餐, 睇落去賣相唔錯, 跟o既腸亦都唔係cheap腸. 至於我就叫左個德國咸豬手餐, 隻豬手燒得好靚, 皮好香同脆, 有甜甜地o既蜜汁味, 有肉料, 肉唔會太淋, 有咬口(我唔鍾意太淋, 因為好似食湯渣咁), 仲要大一大隻, 五十幾蚊都算好超值.至於服務方面, 無乜特別, 合格o既.

真係估唔到, 豬肉供應會對此餐廳影響如此大. Order左一個Set Lunch B, 豬扒拼鰻魚配照燒汁. 這碟食物, 包含了一塊勁超薄既豬扒, 及一塊面積等同一張細號tempo紙手巾(注意, 係未攤開的狀態)的鰻魚, 本人非大食之人, 但係今次真係唔夠食, 想信捱餓的感覺會比現在那種半天吊的情況更好. 但小弟相信都要負點責任, 為什麼不order飯或意粉...偏偏要選薯菜...食物品質及味道算不上一般,價錢, 以$36大元, 真係有點過份. 一句講晒, 下次唔會再行入去.

今次好失望, 這間餐廳住時食物水準都ok, 但是好似越來越差, 今天食了一個銀雪魚午餐, 他的伴菜是沙律, 但是竟然如沙律般冰凍, 我認為你明知是一早整定, 他一定會凍, 當客人叫到, 你都好心d啦, 寧去焗一焗, 食物整定外, 服務態度亦無以住禁好, 仲成日計錯$, 埋錯單, extremely disappointed.......