椰林閣餐廳 (已結業)

晚上10點去食~都好多人下去過好多間分店~最~~~~~~~~~唔惦係呢間:(唔係食物唔惦~價錢ok食物水準有進步,再4個月前黎過一次係服務好唔惦~待應有做野~但比人既感覺係好行~好冇士氣個隻~每間食市~經埋同副經理應該係最top~觀察力最強~但呢度唔係~得罪講~:(叫左大蝦拼牛柳同燒春雞~紅白湯都唔錯~蝦好彈牙牛都好大件加埋個好味既黑椒汁好味:)隻燒春雞~上次黎食就唔惦~今次就好滑~我估係剛燒好既環境~多卡位~坐得都舒服:)食物~希望keep住呢個水準~我會再黎食既服務~要改善~真誠既笑容好重要~上至經埋下至侍應…查看更多

今次我地又去返０９年Meeting去過的旺角花園街果間＜椰林閣＞，其實上次食過都係唔好食架喇，不過去到旺角食飯又想坐耐Ｄ傾耐Ｄ，又想唔使點等位嘅話.....呢間＜椰林閣＞不失為一個好選擇來嘅。上網睇到椰林閣嘅宣傳Menu介紹：「踏入4月，天氣回暖，陽光絢爛令人心曠神怡，胃口大增。椰林閣特別推出3款春日食品，包括鮮果大蝦沙律($58)、鐵板大啡菇伴一口牛肋肉($70)、日式芥末焗蟹籽深海紅白雙魚飯($60)，保證令你食指大動！晚上6時後，凡惠顧滋味熱選套餐，更可加$28，享受超值升級優惠，頭盤可選焗紐西蘭半殼青口(4隻)、法式焗田螺釀鮮蘑菇、紫蘇醬炒雜菌、泰式香辣沙嗲豬頸肉串燒(3串)、BBQ汁煙鴨胸薄餅、野菜鮮雜果凱撒沙律，更有酥皮餐湯及特式餐飲，讓你食得更抵。」好似好多野食揀，咁其實除咗以上介紹外，佢本身Menu係有好多小食套餐揀，只是款款質素都係咁上下囉....。呢期我再唔係好似上次咁喇，都係揀返個餐食吓啦，無謂人地食時我只淺嚐啦，聚會食飯嘛！ 所以我就揀咗＜鮮果大蝦沙律餐、餐湯(羅宋湯)、餐包、餐飲(熱檸茶) ($58) ＞:(好似好抵呀呵？如果你係冇要求的話咪好抵囉，我呢....如果佢Ｄ沙律唔係預先撈哂沙律醬可以走醬，如果大蝦可以有蝦味，如果餐包係硬法包我話就真係抵囉，不過還是算把啦....因為對椰林閣都冇乜要求架喇。我平時都唔食餐包的，只會撕開包皮來食，中間包的部份會放回包藍中，不過呢間椰林閣又唔會埋來執野由佢放係到吹乾....就係咁，我食完個餐湯沙律後見到個包好似被冷氣風乾了，我咪再拎來食下囉，真係硬哂喎，我愛硬包所以覺得更好食喎，有新鮮熱辣辣嘅又唔食，我仲食埋兩個Friend的風乾餐包添，我呢Ｄ都係犯賤架喇....哈哈哈哈，見到同行揀咗＜脆皮德國咸豬手餐 ($70)＞:(＜ 炸軟殼蟹雞扒餐 ($68)＞:(等等.....見到佢地碟野都真係仲麻麻咯，我已經算好喇。 唔計食的話，雖然佢地的服務都好麻麻又蠢蠢地，不過最正嘅係唔會趕你埋單趕你走，我１９３０先去到Join埋一齊我地傾傾食食到２２３０先埋單喎，係旺角邊到可以咁正呀？就算打邊爐放題都唔可以坐３粒鐘啦，真係幾十蚊坐成日都得！係呢樣最好囉！！…查看更多

當日同男友行完街已經晚上10點有多,好多食肆都收左!唔知食咩好,諗住椰林閣都ok,旺角呢間對我地又有共同回憶就決定食呢間。餐牌同前2個月係TST ge餐牌重係一樣,男友叫左上次食ge西冷跟飯,我就要肉眼跟薯菜~係落單ge過程中已經開始覺得服務唔掂,個侍應好似遊雲咁........ 一來就係餐包..凍的:( 再來餐湯,我個碗冇問題,但係男友個碗得一半,可能係加得唔夠,但男友話感覺上似飲過咁,即刻叫佢加番!主菜來了!!!見到好似幾吸引,已經好想試下,因為上次係TST男友食ge西冷唔錯!點知一食肉眼扒...冇味ge:(係我味覺有問題定咩?男友叫我試下佢個西冷過好d,但係..都係冇咩味,重有男友明明叫7成,但係得5成到!牛味又冇肉味又冇..只好靠d汁男友話ok,但係我覺得TST個間好好多,個到包係熱ge,餐湯正常,個扒又好食d,服務都好d!唯一好食ge係我ge跟餐薯蓉~最後食完野其中一杯凍檸茶都未黎,又要叫先黎!*好幾個月前都食過呢到GE午餐,d螺絲粉有d係硬有d係未煮過ge硬= =唔會再黎呢一間椰林閣食了:( 失望!…查看更多

做到下午茶時間先出到嚟食嘢, 行到椰林閣, 見好似好多嘢選, 就入去試下吧咖喱牛腩飯 ($28) - 味道一般, 冇咩咖喱味, 牛腩得2件, 其他全部都係薯仔黑椒牛柳飯 ($28) - 牛柳有雪味, 就算有黑椒汁都食得出, 証明佢d嘢真係好 "新鮮"叫左一杯coffee, 一杯朱古力, 兩杯都等左超過半小時都未到, coffee都好少少, 朱古力一d味都冇, 叫杯水好過…查看更多

食過咁多次椰林閣,最差係今次ga la...唔只食物差,連服務態度都好差碟海南雞飯催左好多次先黎...其他果3個餐都就快食完= =仲要個侍應個態度同講野勁敷衍.....= =""" 唔知咩蟹肉炒飯 普通la....蟹肉即係蟹柳肉 紅酒西冷牛扒 冇紅酒味,牛扒好硬= = 番茄飯個人覺得唔好味 軟殼蟹牛柳 牛柳過得去既...軟殼蟹好難食,"lone"左/0\"... 成碟最好味係d茄子= =…查看更多

同朋友行旺角，差不多晚上10時，大家都覺得有少少肚餓。見到椰林閣的餐牌，有宵夜餐。於是走去試下...吉列豬扒沙律吉列豬扒炸得鬆脆，而且係即叫即炸，好新鮮，沙律味道唔錯。瑞士汁乾炒豬扒意粉味道都算OK，意粉感覺很油，算唔錯。呢個宵夜餐認真抵食，25元包埋飲品，不錯。…查看更多

2日食既野儲埋一次過先打,我2次去叫既野都唔同!!!一次食係炸豬扒: .炸豬扒好大塊都幾抵食,食完件炸豬扒之後仲有好多油係碟度,好油膩!!!而且沙律入面生果既比例過多,生果又係d罐頭貨,唔新鮮又甜到死!!第二次去食 :炸魚,雖然比較細件而且又易碎,但係魚肉滑身好多,而且好juicy的!!但食完都唔飽男友每次去都會叫意粉,雖然唔夠多芝士係面!!但係肉醬既味道唔錯!!!但係就連腸仔都少左下午茶埋單 :$59…查看更多

一年前我都係呢間餐廳嘅常客.每星期都會去兩三次.每次都會一大班朋友.因為可以坐得耐同d侍應都會傾吓計.感覺都好親切.但係宜家我哋都小咗去.因為呢間餐廳多咗個黑面神.今日朋友話好想去食豬手(佢D豬手真係好好食).咁就唯有去啦......今次我叫咗份肉眼扒.我鐘意佢夠大份夠厚.朋友叫咗份豬手.唔會太冧啱啱好.d嘢食好啱心水.但係結果都係一樣.食食吓飯無啦啦"碰"一聲.原來個黑面神又發作喺到亂dum嘢!(如果你有心臟病千萬唔好去.因為你唔知幾時黑面神又會發脾氣dum野.咁樣俾佢嚇一嚇真係會死人)我個心都俾佢嚇到離一離.唔知仲以為係我得罪佢.就算d嘢再好食我哋都唔會再嚟!!!!!!!給呢間餐廳一個終告.一間餐廳好與壞好講食物.環境.員工士氣.一個終日黑口黑面亂dum嘢嘅上司.點會有一班笑面迎人既下屬?!一年前一間充滿氣氛既餐廳.點解一年後會變成咁??失望!!!!!!!!…查看更多

去旺角食飯，點知間間都要等位，最後搵到係新寶戲院隔離間椰林閣勁多位，睇個餐牌一個晚餐都要70蚊，諗住都唔會太差，所以幫襯，但結果有點後悔。三個朋友叫西冷扒，我叫黑椒牛柳。先來個餐湯，朋友的羅宋湯夠濃，說味道可以，但我點的忌廉湯勁淡，無味仲要表面係有層唔知水定油。到主菜，我的餐有炸軟款蟹，但粉勁多，根本食唔出係蟹；牛柳就還算不錯，仍能食出牛的鮮味，叫七成熟就真的接近七成，但黑椒汁是甜的，沒有黑椒味。朋友點的西冷扒，叫八成熟，結果像是五至六成熟，不過味道都不算太差，差的是飯，生硬，冷。而薯菜則是馬鈴薯切片而不是炸薯條，淡而無味而且還是冷的。一個小節可以留意，場內有一半空位，侍應應該有時間，但坐了個多小時，從沒有侍應來加水。不過，環境是舒適的，而且人不多，可以坐很久，三五知己想在旺角聚，都可以考慮椰林閣，只要大家都不太著重食物質素。…查看更多

我見到好多其他食評都踩貶e間餐廳, 但係我又唔係覺得咁差播星期三夜晚同朋友去椰林閣見佢d餐唔係特別貴, 所以入左去晚餐都有幾多選擇, 不過我地都以為好少野懶精緻點知食得好飽!我同朋友各點左龍利柳配天婦羅大蝦同埋牛柳配天婦羅蟹, 兩個都跟薯菜首先係忌廉湯, 我覺得太稀然後一杯熱情果特飲, 太甜, 但係好濃熱情果味跟住就係主菜d天婦羅好好味! 不過蝦好食過蟹 ; 隻蝦仲好爽, 好好食, 但係隻蟹太油牛柳我叫左6成熟, 好軟屬, 又唔咸, 實在太好食啦! 黑蕉汁有d咸, 不過好勁黑蕉味, 食到我咳薯菜個南瓜蓉(唔知係唔係南瓜...)一定要食!!!!好好食!!!!建議 : 叫晚餐問你跟飯定薯菜, 記住揀薯菜, 因為飯實在太多, 多到食唔晒!服務態度一流~果陣都坐到半滿架啦但係職員態度仍然有禮, 我食得好開心, 讚只係個冷氣機d風不斷吹落我塊臉度, 好凍 /_\e間好好食~遲d經過一定會再食過!…查看更多

行旺角真係好熱...去搵d野食下先..順手歎下冷氣我要左個..蒜汁雞扒飯..點解d飯又硬又乾既..塊雞扒又縮小..連D汁都少左..好彩有得問佢拎過d汁嫁ja...如果唔係都唔知點食曬D咁硬既飯..又有飯焦男友要左個..肉醬意粉...份量好似同以前冇分別..下次入去之前..都要諗諗…查看更多

之前o黎過呢間椰株閣,食得好激氣,諗住唔會再黎,不過男朋友想食,唯有去啦!!!今日4點幾黎食下午茶,比之前黎多左好多人,都幾旺....我睇全場得4個人做野,雖然人手不足,見到佢地好忙好忙,但係禮貌都非常好,做野快手快腳,我覺得值得讚賞:),提一提食物,下午茶o既質素都係咁上下!!!順便一提:之前黎有樣野好激氣,講兩個比較高層o既人,我聽其他人叫佢地一個好似叫"亞娟",一個叫"亞萍"兩個身為高層,一個就黑口黑面成日碎碎念講客人是非,好似要個個客都要好好禮貌先滿意咁,我覺得就算有不滿都唔好係間野度講!!另一個講野好大聲,又無禮貌,串到死,超唔鐘意,好彩今日黎到唔見佢兩個,大家要小心呢兩個人呀....…查看更多

平時都有去開呢間餐廳但係有樣野真係唔係好得就係...門口個位好多時都係冇人..要自己推門入去...入到去,有人帶位但係永遠唔會帶你去卡位(就算有)真係令人唔知點又唔想自己走去其他位2點幾都係busy time所以佢地真係好忙...幫你落左單...之後再叫野..就好難有人應你...講番野食質素普通..不過好岩傾計佢唔會趕你走份量適中,唔會太少呢樣野都算唔錯…查看更多

今日夜晚9點幾成10點上到去~見一見個門口~好靜~咁唔知佢係咪要收工啦~點知望一望不來係收12點既~咁就上去食喇~我之前都無去過呢間分店~去過其他個d呢~d服務態度都仲可以叫做ok既~但係呢間野///////我呢一世都唔會再去我真係唔係講得誇張咁一開始~有meun睇~都ok既~咁好快就諗到食咩~咁即刻有人黎落單喇~(可能我住得近個收銀位啦!!) 佢落完左就好快咁問定我地餐飲~咁我地話~轉頭先叫啦~佢就黑黑地面咁行開左喇~咁都算喇~到d湯同面飽都黎左~但係無餐具囉~之後就叫個女仔羅過黎啦~佢d態度真係好好囉~是但就咁放落檯面~(感覺係係度拋緊~)點知跌左支叉~幾驚呀~咁佢換左另一支返黎都有講唔好意思~咁我地就算喇~其間都無問題架~到我地叫餐飲個陣~都好快有人黎落單~不過杯野飲就好耐都未黎~咁就叫個waiter睇下啦~點知個waiter聽完我地講~係一句聲都無出過~就咁行左去喇~都唔知佢係唔係做野架~咁再吹多次都係咁~杯野飲就黎到喇~飲完就拿拿聲走啦~就叫埋單~係呀~佢真係9秒9羅張單埋黎~咁total數係138蚊~咁我俾左140蚊啦~咁我等左好耐~都無人找錢囉係...........之後我就係咁望住個收銀~佢就好奇怪咁望一望我就唔理我喇~點知呢個時候有另一個waitress就係度問喇~8號檯係度做咩呀.....(即係話我做咩係咁望住佢地個邊但又唔走)~另一個男waiter就話點知佢呀....咁呢個時間我即刻出聲話~你地未找錢呀....之後個收銀就好奇怪咁話~下嘜要找錢咩.....(無錯~係找2蚊姐~可能對你地黎講係無咩問題~係唔駛找~但係我又無講明話唔駛找~咁佢係唔係都要找左返黎俾我先啦~但佢地完全係無意識咁做~)...咁佢就即刻找返錢過黎啦~我就無羅到個2蚊~我只係羅左張單就走左~點知我出左門口無耐~個男waiter就追出黎話~小姐~個張單唔係你地張檯個張單黎架即係佢是但放個2蚊落去個單夾度~而個張單唔係我既.....呢一刻我真係覺得好過份囉~佢地完全唔覺得自己無找錢俾人係錯既一會事囉~佢只係是但羅返2蚊出黎係度敷衍我囉~之後佢先再羅返係屬於我個張檯個張單出黎門口俾我~咁我就走人所以我真係奉勸大家~唔好去食呢間餐廳~真係好離譜~我未試過一間餐廳係唔會找錢架....大家去食個陣~真係要留意呢樣野~同埋小心小心~…查看更多

(22/10/08)同老公食tea,我不餓在出面餐牌見到有煙三文魚鮮果沙律,才選擇入來。唯知店員說,「我地無煙三文魚」。因為我一心想食,而家話無,好快反應說道,「車!咁無就劃左佢啦!」跟住個女侍應,沒有基本的服務性行業基態度,一句唔好意思,對唔住都無,更對我有點不竊的表情,完全沒反應!唯有選另一個輕食,海撒椰果沙律;老公吃黑椒牛肉炒意粉。個沙律幾滿意,食生菜最忌無味,佢勝在醬汁夠,「海撒」味對板。炒意粉很有鑊氣!意粉軟硬適中,黑椒度辣度剛剛好。餐茶熱檸水,見水好俗,叫一男侍應換換,佢正在端食物到其他枱,沒回應,我地諗佢好似聽到咕喎,跟住佢返轉頭經過先至問我地做咩事。椰林閣….不嬲感覺麻麻,加埋呢次,真係覺得怪怪。你話佢野食唔好食,又未至於,o野飲就一定唔合格喇,永遠唔夠熱。服務咁樣仲要加10%,去茶記好過。…查看更多