椰林越南菜館 (已結業)

今日去左TST厚褔街搵食朋友介紹食越南粉2nd次黎,今次個位好少少,唔洗坐入去洗碗房一打開個menu見到圖文並茂咁幾靚點知叫個陣俾佢呃晒封面個條懶靚以為係design既個條curve原來係分隔線上面$42又有小食又有drink下面就淨係得個主菜同杯drink,少左個小食但反而多$3!!!我叫左邊colume個菠蘿炒飯點知$45仲要冇小食////flick晒!!!!朋友仔叫另一版,但問題一樣!!同價錢,但上面有小食+drink但下面得野飲諗好晒食咩小食叫個陣,落單個位仁兄先話冇,但又冇解釋係個fd指住俾我睇個分別我先明佢up乜,當堂吹漲晒!!其實道理上,個menu係冇錯,但就超級容易令人誤會lor!!客人睇唔明但服務員都唔解多句真係毫無service可言野食黎到,無話可說既係,佢真係即叫即炒,好香好均勻,仲曉出煙tim但食到一半想叫人落野飯個陣又係發火既時候講左3句唔該冇人應,舉手(筆直地!!!)叫人都係冇.......正當開始勞氣個陣,終於都同個水吧有eye-contact與此同時,一個帶位既女待應亦都見到我喇我仍然保持高舉既右手,加埋一副欲言又止既面口但2位大哥大姐都仲未肯俾個回應(

和友人在尖沙咀街頭逛了三粒鐘, 曾記起附近有一間吃越南菜的餐廳不錯, 但忘記在那裡, 逛呀逛, 走呀走, 終於找到了, 和朋友歡天喜地的進入此餐廳, 打開Menu, 見價錢都很經濟實惠, 一碟飯加一杯飲品或一碗越南河粉, 一碟小食, 再加一杯飲品才只收$42, 晚飯來說算平宜了, 朋友點了青咖哩雞飯加一杯珍多冰, 而我就點了一碗豬頸肉凍檬, 小食火箭蝦卷加一杯青檸梳打。等了一會, 先上了兩杯飲品, 再上的便是凍檬和火箭蝦卷, 最後便是青咖哩雞飯。先說說那豬頸肉凍檬, 細碗得可怕, 我想在任何一間越南餐廳吃的凍檬也比它大碗, 就算是吃下午茶的份量也比它大碗得多, 莫說是我們大人, 小朋友也未必夠吃, 朋友和我夾了每人一 ‘住’ 便吃完了這碗豬頸肉凍檬了, 還不夠 ‘攝牙縫’ 。兩條母指長的火箭蝦卷, 我一口便將它咬掉吞下, 尚算脆口, 但原來我未了解內裡緣機, 朋友很斯文的將它咬開了一半, 發覺原來內裡全是肥豬肉, 而所謂的蝦就只是尾巴那小小肉, 不是友人的精明, 也就給它蒙騙了。再說那青咖哩雞飯, 份量也是小得很, 雞有數舊, 但雞翼尖佔了一半以上, 而且辣得要命, 我和朋友就是一口飯

夜晚諗緊食咩～點知行左好耐都末找到想食既．．．行左陣見到呢間末食過，又好似ｏｋ咁，所以就入去試下ｌａ～坐位都差不多ｆｕｌｌ哂我地叫左２個$42 ｓｅｔ　ｄｉｎｎｅｒ，有些仲送小食有好多款野俾你選擇河，粉，撈檬，飯，炒河，炒飯．．．我地２人叫左香茅豬排撈檬　（豬排有些硬，好彩會剪碎上）蝦卷　（還可以）青檸梳打（難飲．．．）越式牛肉炒河＝干炒牛河（都ＯＫ既．．．）青檸檬茶　（麻麻地）整體都係麻麻地．．．．．．

是晚與2位友人去了此地吃晚飯。要了 3 個 set，但只有 1 個 set 有送小食。友人A要了茄湯牛腩檬，小食酸辣鳳爪 (2隻) - 友人說顏色似茄，不過唔夠茄味。友人B要了抄貴雕 - 友人說好辣 我要了抄粉皮 - 好有特式，我都未食過咁既粉皮，帶點嚼頭，比河粉更有口感，有點辣辣的，加上雞絲、軋肉與蝦及灑上炸的蒜片。唯一奇怪係食落味道無問題，但就係有種唔新鮮勁奇怪的氣味，唔知係 d 蝦唔新鮮定係 d 蒜頭。我地三個都要左咸檸疏打，都ok。之後要了牛油蒜容雞中翼 (5隻) - 唔係好肥，但係都幾大隻，美味~

約左個客係尖沙咀又未夠鐘，於是係周街行及搵晏食，周圍撞卒之撞左入呢間越南餐廳。印象中去過的越南餐廳都好像差不多，沒有一家印象特別深刻，這家也都是那些普通的越南餐廳。原來行下逛下，不經不覺已下午三點，午餐沒有了，換來的是下午茶餐牌。炒粉麵一律$28，連飲品。而這個午餐過後又未到正式下午茶的騎呢時間，店內的人不多。點了越式炒檬，味道像星州炒米檬粉版，有蝦、叉燒、牙菜，幾足料。飲品比較保守點了青檸梳打，水準不可能差到怎樣，不過不失啦。見樓下幾個食評都講佢服務差，但我又唔覺WO，走個陣個侍應仲好有禮貌咁同我講"多謝哂，慢慢行"，廿幾蚊貨仔，算係咁啦。

今日同友人行遠d 去左尖咀食越南野佢個lunch 有好多個set 揀, $38我今日叫左個炸扎肉撈濛. 因為炸扎肉哩個term真係未見過, 所以想試下另外仲有個小食同野飲要左越南春卷同青檸疏打野食好快就黎到青檸疏打... 真係成杯疏打水咁. 篤埋d 青檸都仲係疏打水味... 飲左幾啖冇飲啦越南春卷, 好香口, 炸得幾好食, 不過中間有朕芋頭味, 我個人就唔係好鍾意食芋頭啦.不過都仲受到朕味, 所以合格啦.個炸扎肉撈濛, 比較細碗左d, 好彩今日都唔係好肚餓.d 魚露都ok, 冇乜特別, d 炸扎肉有朕廁所味, 食緊都係咁.唔知係佢本身朕味定佢真係係o係某個地方炸出黎.不過平時食開d 扎肉就冇試過有朕咁既味啦...

好彩唔係繁忙時間,否則實比伙計趕.下午茶餐叫了個香茅豬扒飯 + 椰汁紅豆冰$28 ~ 豬扒一點香茅味都無,炸過的蒜頭亦唔香.杯紅豆冰都無椰汁味,好似係冰水加紅豆般.口福街那麼多食市,看來我都唔會再幫襯呢間.

入左黎依間越南野食飯，叫左個$42 ge套餐，佢有好多款野俾你揀，要左個咖哩羊河粉 + 蒸粉卷 + 青檸梳打。個咖哩羊河粉黎到見到成層咖哩油係面，雖然係咁，但好好味，D咖哩真係spicy，D羊肉都幾好食，正，不過D河成左三分之二都已經飽啦，都幾多。個小食係蒸粉卷，得兩個，都幾好食。另外朋友叫左蓄茄牛肉河，係用蕃茄做湯，亦有紅蘿蔔，少少酸咁...但好好味呢!另外有小食係蝦卷同春卷，又係每樣都兩個...春卷就麻麻地，唔係太好食。

朋友要的豬手撈檬只有三薄片，而我那碗香茅豬扒撈檬的豬扒也不是很大塊，亦不厚身，不過尚算煎得香口。豬扒已經切成碎件，不過東一塊西一塊的（在碗中），擺放得甚為零亂。檬粉不錯，沒有結成塊狀，還有青瓜條、甘筍條來增加爽脆口感，而炸香的蒜片和魚露，亦可以令淡口的檬粉添加額外的味道。晚餐除了奉送飲品，還可選小吃一款，粉卷過硬，春卷頗香脆，不過那兩片生菜片，則是水汪汪的，決定作罷。後來看到服務員把生菜片的籃子一個搭一個，搭了一整幢，籃底直接掂着生菜片，衛生程度實在不太理想，可幸之前沒有用來包着春卷生吃。

服務態度真的差到離譜. 問佢套餐既野可唔可以改, 佢話張紙到見到咩咪得咩囉!叫了扎肉撈檬及蕃茄牛腩的套餐. 包一杯野飲, 我叫了紅石榴冰原來唔包. 咁我問佢咩先包, 佢話已經寫晒喺到. 我真係見唔到, 佢就好悔氣咁張張紙反轉. 寫小食落錯單都算啦, 仲要屈我, 我都唔食春卷既, 點會叫春卷呀!食物水準呢, 都算ok, 份量都叫好足. 只不過, 未食完就有d比人趕走既感覺... 真係唔想再去...

尋晚同男朋友去食叫左兩個晚餐加碟炒蜆男友要牛柳粒紅飯我要牛肉撈檬佢個牛柳粒味道都幾好，有d黑椒不過裡面未熟透我唔知係咪特登半生熟咁啦總之個味都幾好我個撈檬都唔錯不過其實撈檬係唔會差得去邊的（或者係我好彩未食過難食ge撈檬）不過同menu幅圖真係有d出入lormenu幅圖個樣好似好多汁好吸引咁至於炒蜆份量其實真係幾多$48唔算貴不過有個別幾隻有沙男友話味道唔夠濃我就覺得都幾好同埋d蜆都幾鮮不過越食越辣呀!!!總括來說都叫食得過的，尤其是想食普通港式越南野同埋我覺得d waiter & watress 雖然唔會話好有笑容，但都覺得佢地幾殷勤，加水收碟呢d唔洗叫都識自動自覺

星期日.舊同事接收工兼食飯,她們提議去妹記,但次次都妹記好悶,於是我提議食椰林越南菜.呢間野都食左好多次,次次都叫炒金邊粉,今次亦不例外,仲叫左蝦餅撈糘,豬頸肉同馬拉盞通菜,粉面加$2有飲品,我同a朋友分別叫了三色冰同咸檸梳打.第一道到係通菜,賣相,味道一流,跟住就係我最其待的炒金邊粉,點知...........................佢分量小不只,而且真的是"炒金邊粉"只有洋蔥同芽菜,炸蔥酥.,仲有勁油.........令我忍不住講句真的是炒金邊粉.唯有忻待a朋友的撈糘,到了到了,望完之後又失望起來....粉就多,菜絲同青瓜絲勁粗,,1,2,3,4,5,6加埋甘筍有9條菜絲,加魚露就只覺淡而無味,蝦餅又似石頭,沒有口感可言,我又慨嘆,"我行錯路搵食"最後係豬頸肉,係t朋友至愛,沾上甜酸汁咬落ok,但好油而且太厚.雖然味道就但因肚餓關係,一行3條女都清哂d食物,埋單多謝$154.但我同t朋友一至決定,唔會再有下次.

以前都幫襯過幾次, 味道還可以, 價錢又平. 仺最近的一次, 印象真的麻麻.點了凍檸檬梳打(正常),香茅豬扒凍檬, 蒸粉卷.個豬扒較柴皮, 香茅味也不夠. 粉卷皮很厚, 也不夠熱. 真係比以前差了點.

初時見到有幾款二人套餐, 但朋友怕2個人食唔哂d野, 後尾見到原來全部粉麵飯都有set既, 加$2仲有小食一個添, 本身set 全部都係$39, 包飲品, 好抵~ 我地每人叫一set乾檬加小食, 飲品都可以揀特飲, 其實係好抵架, 不過味道就好一般囉我地叫左1) 蝦餅檬+辣鳳爪+黑翡翠冰(即係涼粉椰汁)2) 豬頸肉檬+春卷+紅毛丹冰春卷好油, 皮厚, 唔夠脆, 飲品麻麻地, 其他都尚可, 唯獨豬頸肉最ok

上兩個禮拜同男友仔去食嘢,唸住求求其其食飽就算啦,一坐低,就叫咗兩個椰青先至睇餐牌,兩個椰青好快到咗,當時好口渴,一啖啜落口,嘩!... ....酸嘅! 好明顯係壞咗,我睇真啲個椰青,表皮灰灰暗暗,又乾身,摸吓又唔凍,梗係無放係雪櫃啦!咁我又試吓男友個椰青,又正常喎! 咁咪等啲伙記得閒時叫佢哋啦,有個講完笑得閒睇吓啲客人喇, 咁我舉手示意叫人啦,點知佢一步都唔行埋嚟,離遠問我要咩喎!!!!! 大佬,咁遠......駛唔駛我e-mail俾你呀?我唔慣唱山歌咁同人講嘢, 咪指吓個椰青,造個口型話"壞咗!"點知佢好語重深長咁同我講 "個椰青唔會壞架"個椰青黃飛鴻扮,唔會壞?!!!之後兩個村姑look & 1個圍村阿叔look嘅server一齊嚟圍我我話:唔係哩,你試吓,壞咗呀佢話:個椰青搭飛機嚟!!So.....? Of course la, I'm afraid 香港無出產椰青囉我話:酸咗喎 !佢話:唔熟啫 !你同我就唔熟.....所以你揾我笨囉我同男友你眼望我眼, 咁都得?唉! 唔好影响自已食嘢心情, 算!我話: 咁...我唔飲啦....你幫我攞走佢啦佢話: