椰小盅燉湯專門店 (太古城中心)

營業中

休息中

我是一個特別喜好湯的人 尤其是中式湯 燉湯更為最喜愛的😍難得今日去太古城 聽聞係誠品書店入面有一間《椰小盅燉湯專門店》好出名🤗餐牌上每個湯都有註明功效 非常細心❤️賣點係椰小盅🤔故明思意係用原個椰子原盅燉湯🤤好處係燉出黎既湯好香甜的椰味👍。蟲草花干貝土雞燉鮮鮑 (HK$85)+$9飯餐(椰小飯,雞翼,菜圃)今日點左蟲草花干貝土雞燉鮮鮑燉湯 功效:平肝固腎 提升免疫力🤩味道好滋潤鮮甜 仲好足料真係有鮑魚架🤭勁香椰味 超好飲 🤤平民價格 富豪級享受 CP值極高👍 另外加了$9飯餐 即有一個細份紫薯飯 一隻雞翼及菜圃 紫薯飯纖維多 飯裡仲有粟米和南瓜籽 感覺好健康😋菜圃配飯味道更佳 而雞翼相當入味 只需加$9 超抵👍。食物:7/10價錢:7/10環境:6/10。椰小盅燉湯專門店 (太古城中心)太古太古城道18號太古城中心1樓誠品生活L106號舖。

“燉湯+飯套餐：織金竹笙烏雞+大滿足扒餐+酸梅湯+油菜+雲海紅豆仙草”($119)“手工芋圓(凍)”($39)呢間總店喺太子嘅椰小盅宜家喺太古有分店啦小店主打原個椰子燉湯🥥仲不加任何味精😍呢道燉湯選擇好多,menu上每個湯都列明咗功效小店最近仲推出咗超抵食嘅燉湯+飯套餐一個set有齊燉湯,主食,菜,飲品同甜品🤩貪心嘅我當然會揀呢個set啦😛燉湯我就揀咗“織金竹笙烏雞”🖤功效係益氣養血同美容養顏😍岩哂女仔飲😍打開椰子蓋即刻聞到好香🥰湯頭十分清甜同好香椰子味😋入面超級多烏雞同竹笙😆超足料🥰主食揀咗新奧爾良雞扒+腸仔飯🐔雞扒金黃色煎得好靚☺食落肉質好軟腍好好味😋飯唔係普通白飯而係紫薯飯💜感覺好健康😝套餐仲跟埋“雲海紅豆仙草”雖然細細碗但超多紅豆🤩紅豆綿密,加上滑滑嘅仙草同椰奶真係好夾☺鍾意食芋圓嘅我仲加咗份凍嘅“手工芋圓”😆一盅入面有3色芋圓,紅豆,仙草同椰果芋圓口感十分軟糯🥰仲有就係份量超級大🤣食極都仲有芋圓🤣食完個餐再加埋碗芋圓真係超級滿足🤤

因為公司喺附近，有時都會落去食，唔知點解最近呢一兩個月，質素好飄忽。之前試過飲到唔熱嘅湯都算。琴日收工大約六七點左右，想飲下湯，所以叫咗個織金竹笙烏雞+超值飯餐，平平哋快靚正。點知攞到位食第一啖飯，唔係熱嘅，暖暖地又益益地。懷疑攞啲隔夜飯返熱。總之食落去唔係新鮮熱辣辣嘅飯。湯係正常不過不失。雞翼又係怪怪地夾起身已經支離破碎，又係暖暖地唔熱，滷水雞翼乾爭爭。成個體驗除咗湯之外，其他嘢好似啲賣剩蔗俾你希望老闆要跟進返啲員工質素，有待改進。

上次試過焦糖醋香排骨配紫薯飯後覺得可以Encore這次就繼續試同樣是糧心住家飯系列的：➡️ 醬香柴火雞小腿配紫薯飯 附山楂茶 $58 🐓首先包裝真的滿分 👍🏻飯盒很堅固 可以繼續使用上面還有溫馨提示原來它還得到米芝蓮2020的推介便當裡面有紫薯飯 雞腿 少許菜心 西蘭花等有菜也太好了!!! 營養算均衡 ☺️主角：醬香柴火雞小腿超好吃 😋😋😋雞肉很嫩之餘重點是它的醬甜甜鹹鹹的很開胃清新而且很入味 👍🏻👍🏻👍🏻大愛紫薯飯 (一如既往的很香❤️)蔬菜也煮得剛剛好 不會過老覺得是外賣之中的清流&健康之選

直接致電店鋪下單 VS OpenRice 下單：首次用OpenRice訂了太古 椰小盅，外賣自取9折後，燉湯、糧心飯較便宜；小食卻較店內購買還要貴。今次主要買飯盒，加油菜，牛筋很腍。下單後，不用15分鐘已備妥，很有效率👍🏻💕黃色外賣盒很醒神店內新增兩款燉湯+糧心飯超值套餐：$99- 包飲品、花侖啫喱 🎊$119 -包飲品、油菜、紅豆仙草，好抵喎，下次一定要試吓店內下單時，誠品會員可儲分，但經OpenRice 訂就儲不到。期待即將推出椰小盅便當米芝連2021

晚市禁堂食，唯有喺屋企開P, weekday 放工其中一人喺太古城買燉湯，紙袋高身又正方，啱啱好放椰子size , 椰子下有個膠碗方便古定又可以倒出嚟飲，好好嘅設計😍，擺錫紙喺椰蓋同椰殼之間發揮保温作用，再用shrink wrap以防倒瀉，事隔一個鐘仍然係熱❣，兩個鐘係暖，真心讚（不過係唔環保😔）要咗三個湯《蟲草鮑魚》HKD85好多料👍，有大量雞，一隻細鮑魚，少量蟲草，椰味濃。《花膠》HKD85花膠當然唔會好厚，湯都無平時阿媽煲會粘囗，反而有少少甘味，同樣有大量雞😂。《烏雞》HKD65好多雞，食唔晒，湯味有啲似蟲草鮑魚嘅

自家鮮芋圓$39 另加桃膠 $5.某日經過見未食過 又想食芋圓 就坐低幫襯下😆.就咁望成碗都係椰汁 其實都係 因為芋圓同桃膠都唔算話特別多 😅 芋圓都有口感既 但我就覺得冇乜特別 除左顏色鮮色d之外 得個幾粒 桃膠又係得好少 明明加左$😕😕😕 最大舊就係涼粉 仲有d珍珠...可能d排山倒海既好評係俾個燉湯呱👋🏻 ....

叫左兩個餐外賣自取分別係花膠燉湯+飯，竹笙排骨湯+飯+豆漿漏左俾杯豆漿🥲杯豆漿$9🥲算啦，豪俾佢～～～燉湯方面，花膠吾知係咪溶左，得番d碎🥲個湯係甜既，幾好飲。竹笙排骨湯就竹笙都算大塊，爽爽聲好好咬。個湯都濃郁好味。紫薯飯冇乜味，用黎菜脯撈飯幾好食，再要落豉油。仲有隻雞翼送飯，非常好。外賣自取係用openrice環保袋，個袋好硬淨挺身。椰盅燉湯係真空包裝，仍然非常熱辣辣。整體上包裝整齊企理。

去叫左個下午茶餐A($42)百合雪耳燉桃膠+煎餃椰小盅係自助模式，落單之後會拿到一塊燈牌，等響就可以去餐檯自取，地方乾淨，主打木系米色色調，平日下晝去到好少人，一個人都可以坐得好舒服等咗一陣就得攞，自取位置好貼心備有消毒酒精同口罩套!!之前都試過佢哋嘅燉湯同燒賣，食得出好健康好足料，呢次下午茶都唔錯!!先食煎餃，煎餃煎得啱啱好唔會太燶， 而且最緊要係唔油!!裡面主要系白菜同豬肉，唔係好鹹啱啱好，個醬系醋，點少少更加開胃唔會太膩。百合雪耳燉桃膠好足料 一開始我見到以為係糖水怕會太甜，點知道一食就知道係真係燉湯 尤其吃完煎餃更加顯得清潤🥄我自己都成日自家整燉百合雪梨水，椰小盅係完全無落糖同鹽 好清甜!!💕食完都算飽，我自己本身食得比較清淡，覺得健康抵食!

諗住凍凍地叫糖水因為一路食一路同小朋友玩都冇留意個兜糖水入邊有啲咩料點知差唔多食到一大半嘅時候發現有隻曱甴係入邊係一隻完完整整嘅曱甴！！！用OpenRice咁耐都未試過落評語但係今次點都要落味道係一般但衛生簡直係惡劣唔會再幫襯唔會再幫襯🤮🤮🤮🤮🤮🤮

無想過誠品內有間好食的燉湯，原個椰子燉湯，用料足而且用心叫左竹笙烏雞加椰小飯，一打開椰子蓋，睇到d料係多，香港人飲湯一定會食"湯渣"，椰子裡面的雞，唔可以話嫩，但一定唔會"鞋",有豉油提供，一d都唔咸，同d餸好夾。好多食評都講湯同飯，但唔好忽視配菜，佢隻雞翼同蘿蔔好入味，一定唔好浪費

📌食物評分：(5⭐️最高，💫為半星)纖金竹笙烏雞湯$65 加飯餐(細紫薯飯+1隻雞翼+菜圃)$9, 共$74 ⭐️⭐️⭐️⭐️💫人蔘燉烏雞湯$71, 加C餐(醬香柴火雞小腿配紫薯飯)$38, 共$109 ⭐️⭐️⭐️⭐️⭐️.📌環境：新開時是只有幾個企位，現在多了座位可坐下來慢慢品嘗美味椰盅燉湯。📌餐牌：.👇這個自家鮮芋圓好吸引，我見其他食客好大碗下，而且個盅碗好靚，下次一定要試。.👇下午茶餐牌📌個別食評：.1. 纖金竹笙烏雞湯$65 加飯餐(細紫薯飯+1隻雞翼+菜圃)$9, 共$74 ⭐️⭐️⭐️⭐️💫我是個不特別喜好湯的人，尤其一般不怎喜歡飲中式湯，即使是那些補的什麼花膠鮑魚，不過見天氣凍覺得都可以飲燉湯暖下。.餐牌上每個湯都有註明功效，這個竹笙烏雞湯可以益氣養血，美容養顏，當然要叫。.原盅小椰殼上，打開見到厚厚的椰子，聞到好香，第一時間即試啖湯，嘩，我叫了一聲，朋友以為我搞乜嘢，好好味，好鮮甜，怪不得賣點是椰小盅，原來這樣原盅燉湯的好處是湯有好香甜的椰味。👍💖加上足料 (可見下圖的竹笙) 和煲淋了的烏雞燉製，好正😋.個湯我加了$9飯餐，即有一個細份紫薯飯、一隻雞翼及菜圃，紫薯飯好值得讚，紫薯增加纖維，感覺更

呢間燉湯小店，主打原個椰子燉湯，仲主張每日新鮮製作，真材實料，唔添加任何味精百合雪燕燉桃膠下午茶 只係$42😍仲配4隻餃子🥟即叫即整 好香脆如果中意食芋圓仲可以轉芋圓份量超多，食落好煙韌配埋椰子燉糖水，好滑，好好味！

又係偷懶嘅星期一，唔想煮又想食得健康啲嘅我揀咗買 呢到燉湯飯餐做晚餐。 我叫咗「海帶薏仁子排椰小盅」$67，另加$9 有一隻雞翼、紫薯飯，同小配菜。返到屋企先知原來個椰小盅係真空包裝，而且都仲係好熱，湯味道香濃帶住淡淡椰子香，配住紫薯飯食好溫暖，我好欣賞個小菜（應該係醃製蘿蔔），酸酸甜甜好開胃。 湯渣都有好多。餐廳標榜燉湯唔會落鹽，唔會落糖，唔落味精；令到偷懶嘅我又安心啲享受呢間有米芝蓮推介嘅椰小盅。佢哋響太古同太子都有分店，有興趣嘅都可以試吓！

梛小盅燉湯專門店❤️🥥今次卡娜仔想介紹一間超滋潤養顏的米芝連燉湯小店，其實係回購系列黎，上次試過佢地原個椰子燉湯，今次我就食左佢地既下午茶餐，椰小盅主打係燉湯每日新鮮製作，真材實料，不加任何味精，你，又試過未呢？💡自助形式，到取餐處領取食物及進食完成後自行收恰💡6點後晚市外賣仲有椰小盅食品買三送一優惠！(太子分店 及 太古分店同時適用)💡加HK$7仲連埋紫椰小飯，非常滿足！💁‍♀️百合雪耳燉蛋白+餃子4隻 $42👍“百合雪耳燉蛋白食落超滑溜 好香 蛋白可以㨂要凍/熱 今次我就㨂左熱""煎餃子皮薄饀料足 咬落肉汁爆出黎"💁‍♀️百合雪耳燉蛋白+飄香糯米雞 $42👍“飄香糯米雞超足料 食落仲係好熱辣辣嫁 最特別係竟然入面有雞翼哈哈 但真心幾好食！"