椰仔冰室 (鳳琴街)

營業中

休息中

作為連鎖冰室，椰仔冰室嘅餐牌同香港街頭冰室差唔多，價錢親民💰！驚喜係竟然食到紅茶冰室同款咖喱雞扒🍛！大大塊雞扒炸得金黃酥脆，蘸滿濃郁咖喱汁咖喱入面嘅薯仔更係靈魂吸滿咖喱精華🥔，食完即刻想加碗白飯！抵食又好味

2025年第一餐出街食，叫左個絲瓜肉片泡飯同咖喱雙排飯，絲瓜都未熟就拎上嚟，仲係好老嘅瓜，啲湯老婆話好咸。雙排嘅雞排又乾又柴，豬排一般水準，已經算最好，所以我諗下次唔會再嚟啦。

今日同家人一齊去元朗「雞地」食早餐，呢度既早餐係至到早上11:30。今次嗌了個沙嗲牛肉米粉，配反蛋、腸仔、厚多士，家人就嗌一樣，但轉左炒蛋。餐廳用QR CODE落單好方便，而11:00同時會提供午市套餐。沙嗲牛肉味都算夠濃，片數適中，米粉，炒蛋、反蛋、腸仔正常發揮。但有些建議，厚多士上到枱後唔太夠熱，浪費了本身唔錯既厚多士。門口有部機可以攞飛取位，餐廳走廊寛敞，座位比較親密。餐廳仲有好多款早餐選擇，下次可以再去試下。

不經意路過,見裝修企理,入去試試,叫了一個咖哩牛腩飯,因是下午茶,所以收費較平,52元是一般茶記收費,飯的份量很多,但牛腩不多,有兩塊薯仔,老實說味道正常,但最大敗筆,咖哩牛腩是凍的,好像完全沒有加熱,我是第一次吃這樣的咖哩牛腩飯,只能說是夥記hea做,但這樣會害死老闆,香港飲食業咁差怪不得客人,究竟伙記有冇用心去把這份工,元朗有咁多美食,如果不用心做很容易會關門.希望老闆睇到食評後能夠注意一下,否則很快便做不下去,尤其是想立足於元朗,真的要用心做

鮮茄濃湯牛肉通粉+ 火腿+炒滑蛋 +牛油厚多士($39/早餐/包餐茶/轉凍飲另加$3)★－:+:－:+:－:+:－:+:－:+:－:+:－:+:－:+:－★​問google大神，原來椰林閣集團旗下嘅🌴椰仔個名原來咁得嚟😗路過快食早餐，呢頭唯一一間叫大間啲嘅茶餐廳，造就咗佢食客滔滔不絕；可以用QR code落單，員工都算夠人，揮手會有人理；通粉個茄湯好稀，牛肉好韌咬唔開，生吞，其他食材正常，奶茶正常，OK。

其實已經去過五、六次了，今次忍冇可忍！一定要嘥時間去寫，作為冰室的老闆希望你正視一下，員工倒你米，不理不睬客人，仲話客人「痴線」！其實餐廳環境幾好，嘢食正常，但幾次去都嗌極冇人認，忙係正常事，如果只挨住出餐位傾偈而不望客人甘係咪吾識做樓面，可能呢位黑衫經理都應該另謀高就啦。呢間嘢原來都幾多負評，嘥咗個位，可惜！

呢間嘢唔好再幫襯 晚餐食鐵板餐 攞多個汁都要收錢 垃圾餐廳扮曬嘢 以為自己係高級餐廳呀 侍應態度極惡劣 尤其是高高瘦瘦嗰條咁嘅靚仔 佢咁多度食嘢都未聽過攞汁要收錢 千祈唔好再幫襯呢間嘢各位

今日帶女兒去補習，又未夠鐘，就去咗椰仔食個早餐，先再去補習😂沙嗲牛公仔麵，牛肉好滑，但少咗啲啲沙嗲味牛肉蕃茄通，濃濃蕃茄味，正最欣賞佢個多士，牛油塗滿整塊多士😋

今日食Lunch， 叫腸仔蛋， 點之條腸仔入要係冰凍的， 出面係熱， 噤咪同個店員講話腸仔係凍嘅， 佢D 態度差到不得了， 高8度講「噤咪換比你囉！！！」等咗成15分鐘， 都冇比返條腸我， 咪問下佢係咪補比我， 佢就話「同事話你頭先去咗洗手間， 噤條腸就梗係凍咗啦， 有冷氣就吹凍晒啦！！！」 之後我話頭先同你同事講咗話成個腸出面熱， 但係要入面就冰凍， 講講下個員工就直接走開啦。 噤我咪算囉， 唔食都算啦。5分鐘之後，另一個同事又走埋來， 好串噤話「咩事呀」， 原來佢又來串我話我去洗手間搞到條腸凍冰冰， 大佬， 有咩風係可以吹凍條腸的入面凍冰冰， 但外面係暖？ 我去洗手間5分鐘， 關事架咩。。。呢間野個個員工都係好食懶飛， 3個員工分別走來串個客， 正常野又唔跟， 唔會再有下次啦。野食都唔好味， 仲要串

已經唔係第一次同佢地鬧交執台無人理 上野又慢問佢地野 佢地仲要走返轉頭俾說話你聽入面又多烏蠅 試過有次成隻跌左落碟炒河到絕對差評 差評 唔洗食都一肚氣個店務經理聲大夾惡 包庇員工

要求凍奶茶多奶 懷疑直接畀咗杯奶我淡奶色奶茶估唔到依家香港地仲搵到間咁足料嘅連鎖餐廳 又或者cf驚我呢個鐘數飲茶會瞓唔到幾貼心窩心另外 叫扒餐5成熟 出到嚟仲聽到隻牛叫我唔好食佢

食過好多次既茶記 不過不失下午茶過黎食 抵d🥢港式西多磚配雞翼炸雞翼中間吾夠熟 西多幾多花生🥜醬🥢乾炒牛河應該係因為下午茶的關係，所以份量會小dd唔會好油都唔錯

11:05下單，11:30食物才到，叫的是咸牛肉蛋三文治，(沒有太多手工可言掛)，員工態度好有問題，回答是整緊嫁啦，催左三次終於到，可能唔催一個鐘先到定係唔會到？食物上枱，一看心知不妙！蛋>98%，咸牛肉<2%，我完全覺得你係咪冇晒咸牛肉！冇就同客人講，如果有你咁樣都出到貨我唯有俾個服字你，當人成世冇食過咸牛肉蛋三文治，搵笨。綜合各方面，價格、食物質素及員工態度完全絕對不合格，無論如何，不會再光顧。

職員態度劣質，倒瀉水落客人身上都唔覺得自己錯！其次，另一名職員會以非常惡劣態度（勁大聲勁冇禮貌）去同我地comfirm張單。我都係從事服務性行業，我有時都明返工會好攰同有壓力。但就唔應該咁發泄情緒落啲客到。炒飯幾好食，茶記嚟講算好食。但待應態度真係令我唔會想去多次。我仲以為自己做錯咩事要比人鬧。嘢食好食但我一定唔會推薦同再去呢到食。我未試過見過一間D待應咁惡！呢間分店我會永久Black list!呢到D待應真係要重新培訓。

今日收工後到元朗椰仔冰室食Dinner，由於時間常早因此叫左下午茶餐既香草蕃茄汁雞扒火腿意粉，另加左一份熱狗。意汁既汁有d奇怪，但都常可接受。雞扒大塊少少會好d。熱狗因個人喜好走左汁，如果有佢自制沙律汁應該會好食d。總結黎講都係一般，可以試下其他野食。