植公子生煎 (已結業)

經過呢間舖好多次，之前已經想試，但想食嘅食物永遠都話無，唔知係賣晒定係限量發售。今次終於試到了，我買左紅燒牛肉麵、酸辣湯麵、粢飯、兩款生煎包。由店舖返到屋企開餐，相距時間係10分鐘以內，但啲食物已經暖晒，即係唔夠熱。睇返食物，兩款麵嘅湯底都係唔夠色，湯色好稀，好白淨，一睇就知唔正宗，亦唔夠味，食落亦真係唔夠味。粢飯唔得，SIZE已經細，啲料唔夠豐富，啲飯又唔似上海舖嗰種口感，唔識講，總之唔好食，我食到一半就唔想再食。嚟到要等幾分鐘先有嘅招牌生煎包，兩款包嘅賣相都相當醜樣，一啲都唔吸引；個皮好厚，啲餡好少，汁係有嘅，但所有嘢都係分開嘅，即係一咬落去，只食到皮還皮，肉還肉，汁還汁，我囝囝好鐘意食生煎包，但佢食左一啖就唔肯再食。  招牌菜都搞成咁，我越食越失望，以後都唔會再幫襯。仲有，次次經過都見到餐廳大部分枱面上全部都係客人用餐完畢嘅碗碟，無一次見到佢哋有人去執，唔係好衞生囉。…查看更多

在家附近發現有這一間生煎包店，試很久直到上星期日才有機會試食這次是外賣回家吃的生煎包$22有三個但有套餐選擇，例如牛肉麵加兩個生煎包加一杯豆漿$54但因為想食多啲生煎包，所以叫了兩份生煎包及一個牛肉麵一個排骨菜飯合共$114跟套餐不是相差很多回家吃時生煎包的皮仍是脆的，但肉汁不夠多，沒有流汁的感覺，但味道方面亦不錯整體可以接受反而牛肉麵的麵質太休，牛肉是牛腩，但好像煲湯後的湯料很乾很鞋🤦‍♂️，湯也不夠濃，整體不好吃排骨菜飯的排骨醃得不夠入味，菜也煮不煮得不夠林下次想食的話也只會食生煎包…查看更多

屋企附近開左間生煎包，得兩款生煎包選擇，買左招牌生煎包外賣，返到屋企發現生煎包竟然係凍既，皮厚味道好一般，賣相亦唔吸引，呢個水準叫招牌生煎包，其他食物可以唔洗試，試過一次一定唔會再幫襯！…查看更多

睇住佢開張,由前身運動用品鋪變成一間食店,都好既,等區內街坊多個選擇.一星期內就食左兩次,哈哈! 佢個麵底,好食呀! 招牌生煎包做到鎖住肉汁,值得一試. 係略嫌酸辣湯希左少少,唔似正常酸辣湯既杰度. 紅燒牛肉都正既,排骨菜飯舊排骨好食,唔會鞋霎霎.餐牌食物選擇可能唔算多,但個人認為貴精不貴多,最緊要食物質素 :) 想反映返有樣野就係,堂食好似冇開冷氣咁,兩次都食到我旁邊果個標曬汗. 天氣開始熱,希望可以開返大D冷氣.…查看更多