森 (已結業)

識我的朋友應該知道我至愛「媽咪雞蛋仔」，佢果種外脆內軟不是間間做得到，難怪佢嘅分店開完一間又一間，最近我知深水埗又開咗，幾時可以開到屯門元朗？😣 不過唔緊要，經過見到一間叫「森」雞蛋仔好似唔錯，而且＄20一底都唔算貴，友人就買來試下，咦，岀奇地不錯啵👍雞蛋仔最好當然是外脆內軟啦！所以我對呢間森都有少少期待，我們點了綠茶味，大概等了10分鐘度，香噴噴的雞蛋仔出來了！外觀上佢比一般綠茶味更加深色，食到綠茶的味道非常濃，應該落了不少綠茶粉，夠揼本👍，拎上手幾有份量，咬落去都是外脆內軟，不過同媽咪雞蛋仔有點不同，外面不算十分脆身，內𥚃比較實在和煙韌，是另一種口感，相信火喉和時間的控制有點不同，媽咪雞蛋仔的會更乾身和香脆，整體來講都算幾唔錯👍，但我都係鍾意媽咪雞蛋仔多啲😂😋環境：8/10服務：8/10 價錢：7/10食物質素： 8/10 整體：7.8/10

開業咁耐先第一次黎食，第一次就試左抹茶加曲奇.個雞蛋仔吾係傳統咁而係入面好似蛋糕仔咁 口感岩我心水而且粒入面都同曲奇混埋左一齊，好似咬緊粒粒細小既曲奇咁， 口感好得意下次要再試下其他味正正

行過俾d香味吸引到，即刻雞蛋仔癮起，諗住之前網上都唔少人話過好食，應該差極都有個譜。我唔知係我口味有問題定其他人口味有問題，食左兩粒之後就放棄左。我叫左原味加蜂蜜，個味道係冇問題，但個質地出晒事，成餅都係淋嘅！仲要等左3個字，睇住佢即刻整，都係淋pat pat⋯雞蛋仔嘅精髓就係外脆內軟，佢唔脆不特止，仲要係un un地。廿幾蚊買d咁嘅野黎食⋯最慘係我親耳聽到其他人話好食⋯究竟係我黑仔定係點？但我又太失望，唔打算再俾多次機會佢⋯

妹妹想食雞蛋仔，經過就試下啦！哇？！！第一次食咁難食嘅雞蛋仔，外邊唔翠不突止，裡面仲乾爭爭！只係叫一底雞蛋仔要整20分鐘簡直浪費時間！一定唔會再有下次，影衰曬啲雞蛋仔！

男朋友好鍾意食格仔餅特登起佢黎到接我收工之前偷偷地竄出去買個格仔餅先😆都係睇openrice 見好多人話哩間好味所以試下因為男朋友太偏食都係叫番經典原味穩陣😂因為係即叫即整 所以都等左約10分鐘同埋都真係幾多人幫襯～～不過為左美食 係值得既😋😆好彩我預時間預得岩岩好我去到工作地方既時候男朋友都岩岩到驚喜成功！有得食新鮮熱辣辣格仔餅真係內脆外軟架 仲好足料好重牛油香👍🏻好想再試其他特別既味道😆

由佢開舖食到而家，老闆好好人 用心制作，無論雞蛋仔定格仔餅都好足料，超級好味！原味+Oreo/綠茶+Oreo都推介，鐘意食Oreo者一定會愛不釋手。質素高於價錢👍🏿👍🏿👍🏿👍🏿👍🏿

今天接姨甥女放學，我帶她去又新街，問她想吃甚麼，她說想吃雞蛋仔，我當然請她吃這裡最好吃的雞蛋仔吧。她選了咖啡口味雞蛋仔，至於我則選了新口味芝麻加蜂蜜，由於姨甥女早上沒吃早餐太餓了，我都沒拍她的咖啡雞蛋仔照片，給她快點吃充饑，不過她說咖啡味挺香濃的，很美味。最後我只拍了我的芝麻蜂蜜雞蛋仔，本身我蠻愛吃森的雞蛋仔時加配蜂蜜，因為這裡蜂蜜香甜味美，又不甜膩。可是這次芝麻配搭蜂蜜有點喧賓奪主，不知是芝麻味本身薄弱，還是蜂蜜搶掉芝麻的味道，我不太吃到芝麻味，我應該選配芝麻較好吧? 雞蛋仔一如既往烤得漂亮，外脆內軟，非常可口，除了味道上少許美中不足，基本上都不錯。

其實我一早唸好左要食雪糕雞蛋仔 但嗰日食既行程太滿🙈將佢放左最後先食 點知已經太飽喇😂淨係叫左呢個朱古力雞蛋仔🍫💕後來睇到佢整另一個既時候落左爆多oreo😂我即刻都嗌加 岩岩好趕得切 真係好味好多😍成個都好高質 可以話係我暫時食過最好味既😚舖頭有位比你坐低等👍咁就唔洗逼哂係門口等 我今次星期日去都幾多人架🤔等左大約15分鐘度 我覺得可以接受☺️下次有機會我一定會試下其他味既雞蛋仔同格仔餅架🤣

雪糕雞蛋仔紅到去英國無理由唔係發源地支持下既賣相好吸引. Very ig-able雪糕用上有保證既dreyers. 大大球rocky road味. 正!!!! 完全滿足到想食雪糕消消暑既慾望呀!!不過個雞蛋仔itself就.... very disappointing.朱古力味濃... 但粒粒都淋既...-____-" 想食外脆內軟雞蛋仔就千祈唔好貪心加雪糕!!!!

今日揸車入元朗搵朋友，因為早左入去又醒起元朗有間食雞蛋仔好出名，所以就去搵嘢食順便打發下時間啦。元朗嘅又新街真係出名多嘢食，見到其他野都好想食不過今次目標明確，就係要食雞蛋仔啦！一去到間鋪頭都已經好多人排隊，再望下佢哋嘅Menu，都真係好多款式揀喎！淨係雞蛋仔已經有原味，朱古力味，綠茶味，芝麻味係限定嘅！仲有格仔餅，仲可以加埋雪糕，棉花糖同埋好多其他嘅配料，真係花都眼亂對於我呢啲有選擇困難症嘅人嚟講真係好慘㗎所以最後乖乖地淨係揀咗雞蛋仔，綠茶味。簡簡單單試吓好唔好味先🤪唔好以為佢係普通雞蛋仔店，店入面都有三張枱可以比食客坐低食架，見時間尚早咁就坐低等雞蛋仔啦！哇！個綠茶雞蛋仔同我想像嘅一模一樣，淨係睇過外表已經忍唔住即刻食返一粒，雖然佢未去到真係話超級好好味，但係喺元朗區已經成為食雞蛋仔嘅代表作啦！

平時行過見到好多人排隊廢事等 今日冇咩人叫咗個朱古力雞蛋仔加M&M同朱古力粒 $28。價錢我就覺得有d貴 不過味道唔錯！口感同平時啲雞蛋仔唔同 佢好煙銀好似蛋糕仔！環境唔錯 有得坐 好適合影相

食飽飯行過去又新街食雞蛋仔又新街舖租貴 廿幾蚊一底雞蛋仔真係唔岀奇但舖頭裝潢幾靚 有兩張枱俾你坐低食都算係咁所有雞蛋仔都係即叫即製所以要有耐性等所有口味一律$20 如果要加配料 就要另加錢女職員態度都好好 我心大心細揀朱古力味定綠茶味好佢都好有耐性等 冇催我我揀左朱古力味 加朱古力粒粒 大約坐低等左十分鐘本身諗住有啲嘢咬下 但入面嘅朱古力粒粒溶曬所以最後只係一個特濃朱古力雞蛋仔下次都係加oreo 啦表面脆 入面軟 是常識吧！整體來說 森都可以算係新界區嘅雞蛋仔達人只賣同一類產品 而屹立不倒咁多年就可見一斑

前排見到排哂隊既 森格仔餅 相信好多人都認識甜品主要分 格仔餅同雞蛋仔雪榚 Order 左個 森 朱古力格仔餅 即叫即做 要等五到十分鐘 熱辣辣 好濃郁既朱古力味賣相好吸引 睇到滿滿的朱古力醬 溢出黎啖啖 都有朱古力醬 格仔餅烤到剛剛好 外邊脆脆的一個格仔餅$25 中價 配料再加$3

自上上次既朱古力雞蛋仔orea 令我念念不忘依間森more我今日轉突過黎食完先行反去劇院睇show(係咪好反影到我有幾鍾意食呢？)已經食過朱古力味、原味今次就試下佢個咖啡味啦！為表公平，都係加反orea!! (其實都因為我個人好喜歡orea,朋友都推介我朱古力粒，好！下次試)相機食先何其重要佢有個好靚既牆比你慢慢影有得坐架！有男朋友係度既話，就最岩影不經意相啦講反我個雞蛋仔先今次有啲失望唔知係咪因爲咖啡味呢？好似有少少燶味咁！定真係過左時燶左呢？個咖啡味又無乜咖啡味！Orea又無上兩次食咁多！我估都係睇人整！因為三次都唔同人整架！希望佢地可以留意反啲水準啦講真，如果我係第一次黎食，我就真係未必會再黎啦！不過我食過一次好好食！所以，我都重會有下次既！同場加映，今次帶左個朋友一齊去食，佢既食評係：唔好叫我當佢雞蛋仔食，我會鍾意食！但如果佢係雞蛋仔，我覺得佢唔好食！完。（其實佢形容得幾好架，你地參透下吖）

與朋友晚飯前先吃點小食談談天，小店小，只兩組座位，但假期晚旁邊B仔車水馬龍，剛好有位，我與朋友叫一客一起吃，寫意舒適。店員用心做好成品所以不會很快有食物。而且店子也堅持所賣產品因為我吃罷所有雪糕仍有雞蛋仔所以想再買些雪糕但店員不賣！