森 (已結業)

本來諗住番去食上openrice search番發現執左😓飲食業真係難做呢間雞蛋仔專門店舖面大 但得兩張枱我平日下午時分去 完全無客又新街係美食集中地但係交通唔太方便我係咁岩去開先會食到就係鼎鼎大名B仔涼粉附近雞蛋仔可以揀唔同既味道有朱古力 有綠茶 有咖啡 等等價錢公道 唔會好似某連鎖咁貴都係20-25左右咬落唔會好濕又唔會太脆口即叫即做熱辣辣新鮮送上大食可以要埋雪糕 又係另一種感受真係可惜 咁既好地方又執一間喇

綠茶咖啡oreo雞蛋仔 $28話說佢做到後日12號就結業 到時仲want some more都冇啦😭 岩岩星期日去食 都只係等左10分鐘就有得食啦 比想像中快~~~~外層硬脆 裏面非常綿密飽滿 唔係食空氣 仲夾雜少少脆既oreo碎 口感同味道都好豐富 充滿幸福感😍 綠茶同咖啡味都唔錯 另外仲有朱古力味都好食😛oreo餡只係+$3就有 仲要係勁足料lolll 感覺仲抵過3蚊原本既oreo🤟🏻🤟🏻🤟🏻

食過呢間森嘅綠茶味雞蛋仔之後，發現暫時未發掘到另一間可以媲美得到。可惜元朗對我黎講實左太遠，唔知幾時再有機會食多次。粒粒都大大粒，外皮夠脆，熱辣辣之餘而且充滿濃郁綠茶味🍵真心好好味。

雞蛋仔一D都唔脆，又韌又硬，裏面嘅蛋漿厚到死，又無蛋味，完全唔知食緊乜，極度失望！原本想試埋佢嘅格仔餅！好彩無買！！頂唔順，一大半雞蛋仔送左比垃圾桶！無下次，bye bye

突然好想食雞蛋仔，發現無咩選擇。經過森，無咩人就試一試，平時大排長龍就無心機排隊。今次就試下原味雞蛋仔加OREO原味$18+ Oreo$3= $21好足料，粒粒都有OREO不過OREO已經冧左，如果你係幻想係硬脆的OREO，就唔好加了，你會失望。或者可以試下朱古力粒，紫薯可能遲啲會出？雞蛋仔做得幾好，起碼唔會得個空殻先。者係咬落去入面係空氣。粒粒咬落去都有蛋糕質感係滿足的。外脆內軟另外一題，除左雞蛋仔佢仲有格仔餅嫁

✨ Green Tea Egg Puffs with Red Beans 😋綠茶紅豆雞蛋仔呢個雞蛋仔真係唔係講笑空肚一個人食都食唔哂超級無敵飽肚建議約埋三五知己先好一齊食最適合身為綠茶控絕對要試綠茶咪雞蛋仔🤣呢到既雞蛋仔用料都算足紅豆大大粒好甜開頭食綠茶味都算出既但唔知係咪食多幾啖啲綠茶味比紅豆既甜味搶左綠茶味越來越淡綠茶味可以再濃點會更開心想試埋原味+紫薯 & 🍫+ Oreo 遲下約埋為食兵團一齊去先 😂唔係一個人去食搞唔掂😂

出發去元朗前一天，搜尋個邊的美食，就畀我發現咗一條片，介紹呢一間的人氣雞蛋仔 其實上次經過的時候，我都已經想試，但因為當時真係實在實在太飽了，被迫放棄。去到門面就揀咗綠茶m&m雞蛋仔， 當時入面有兩張枱可以畀人坐喺度食， 油煙味都幾大，喺入面坐都覺得幾焗下。 反而喺出面等感覺到涼快。都等咗一段時間，終於有新鮮熱辣的雞蛋仔， 如果你係要求食脆口的雞蛋仔，呢一間唔會畀到你， 因為佢的皮係煙韌的， 成粒都有餡， 綠茶味都幾香，好彩m&m冇益味，每一粒的雞蛋仔裏面都會有一粒朱古力。

叫左個綠茶Oreo雞蛋仔！幾好食，買左連續兩日。因為想試下朱古力心既綠茶雞蛋仔！吾錯，會繼續支持，之前係食開原味朱古力心，依家試埋綠茶味，都係吾錯既選擇👍🏻👍🏻👍🏻👍🏻👍🏻👍🏻👍🏻

🥜#tagnshare元朗篇-💰$22《重量級格仔餅💣》係等緊既時候，望到咁厚既，一定唔脆啦! 失望準備中既時候 #竟然有驚喜 ，講明認真厚，但係口感驚喜帶有少少煙韌😯 一路食一路爆漿🌋啖啖都有花生醬練奶沙糖，真係太over 啦嘛🤣 Btw叫左雞蛋仔未熟透😵#太厚所以好快就焗到淋食唔切#趕住食#元朗美食 .🙋🏻‍♀️高妹小編-👇🏻地址👇🏻.森 (元朗)元朗又新街38號恆富大廈地下11C號舖-#hk #hongkong #hkig #hkfood #hkfoodie #foodpics #foodbloggers #香港吃貨 #uhkfood #foodig #香港美食 #相機食先 #hkfoodieblogger #hkfoodblogger #LikeForFollow #FollowForLike #HK #Mood #HongKong #LikeForLike #FollowForFollow #手機食先 #Likes4Likes

✏️綠茶雞蛋仔 ($20) + Oreo ($3)茶味係有 但唔係日本嗰啲抹茶果 而係似台灣茉香綠茶嘅茶味 而且茶嘅味道俾想像中出😌😌雞蛋仔烘到成底都好脆 同埋可能加左oreo餡嘅關係 所以佢成底雞蛋仔都係好實心嘅不過一定要講嘅係 呢3蚊嘅oreo真心好好好好抵deal😂因爲每一粒雞蛋仔都係有成舊oreo餡喺入面 絕對唔係是但灑少少落去應酬你🤤🤤🤤 而且味道好夾 食到勁開心😂雖然佢冇做到傳統雞蛋仔嘅黃金比例咁樣一半係空心一半蛋漿咁樣出黎係好鬆脆 不過呢個成個實心得黎配料好豐富 而且都烘到成底都好脆!!!所以食完都好滿足🤪會想下次encore試第2隻味!

今日收工決定入元朗掃街，首先嚟個餐飯前甜品，對某d人嚟講，未食正餐先食甜品好似有d怪！不過我就冇所謂，皆因我哋喺附近落車，行過嚟呢度方便d!哈哈哈！去到舖頭可能仲好早，同埋我估無乜人好似我咁，喺呢個時候食甜品，所以無乜人，我哋喺舖20分鐘，計埋我哋只有3組客。舖頭主要賣雞蛋仔同格仔餅，好好多唔同嘅口味，而我今次係因為睇中佢杯雪糕雞蛋仔而嚟！田園雪糕雞蛋仔呢個雪糕雞蛋仔，賣相一流，原味雞蛋仔配cookie & cream 雪糕，加 d oero 碎，再加多棵薄荷葉，望落確係有田園feel。不過，雞蛋仔唔夠蛋香，質地偏硬同厚仔，唔夠一般食開果d雞蛋仔咁脆口，加上食到尾d雪糕開始溶，仲將雞蛋仔再浸稔d。 cookie & cream 雪糕屬正常口味，食唔出係咩牌子。老實講，如果呢個甜品一個人食，真係可以當正餐食，因為真係幾飽肚。

元朗真係多美食，經過呢間森，俾個menu 吸引住，決定要食番個飯後甜品。我同朋友仔點咗一個森林雪糕雞蛋仔share。朱古力雞蛋仔入面，有石板街雪糕，再加埋朱古力醬同朱古力粒，好邪惡，但我鍾意。好濃郁嘅朱古力味，又有多層口感。一個人食就太heavy，兩個人食剛剛好。溫馨提示，由於雞蛋仔暖暖地，令雪糕溶得好快，要食得好快先無咁論盡。好可惜嘅係，雞蛋仔唔夠香脆，太淋身，如果可改善埋就真係very good 喇。

今日專程去元朗搵食，食了正餐後搵啲甜嘢吃下，叫了個咖啡味雞蛋仔，仲送枝水，開頭都覺得奇怪咁好送枝水，雞蛋仔入口外不脆內不軟亦冇咖啡香味，un皮不脆內裡也死硬，唔怪得咁好有嘢飲送啦，見個外表都好靚食落就非常失望，所以冇下次，希望佢會改善啦! ><🙅‍♂️🙅‍♀️😠😭😢😥👎👎

經過這間雞蛋仔店很多次，但都沒有意欲買來吃. 不過某次看youtube channel正好介紹元朗掃街，其中一間就是這間Sumore，心想是youtuber過份吹捧還是真的好吃，還是要自己親自買來試試看!原來店內2張高身餐桌，可讓客人買了雞蛋仔在店內吃，從未試過買雞蛋仔也有堂食，平時的外賣小店，大多店舖奇細，但這裡卻提供空間讓客人可坐着休息片刻，實在難得!桌上也放上印有店名的餐巾，也相當貼心. 雞蛋仔即叫即製，都等了接近15mins，來到手上是熱烘烘的. 朱古力/ 綠茶雞蛋仔 ($20)一共來了這小店2次，第一次吃朱古力味，第二次則吃綠茶味~ 朱古力雞蛋仔相當香脆，是比平時吃到的雞蛋仔硬身一點，但內裡則很有肉地，不是只有外殼而沒有內涵的那種~ 朱古力味相當濃郁且甜度低，幾合我胃口. 故此，相隔數天再來吃另一口味~綠茶味都頗甘濃，是天然的綠茶味，同樣甜度低，不過個人還是偏好朱古力味!如果經過元朗都不妨一試，當支持一下小店. 畢竟，我估計如此大的舖面，租金都相當昂貴，而且提供堂食的雞蛋仔小店應該是絕無僅有吧!

.芝麻朱古力雞蛋仔 ($25)森嘅雞蛋仔偏實心 咬落去唔會太空心 比較似蛋糕仔 不過外面都係脆身嘅😋相比綠茶味 個人覺得芝麻味較好食 綠茶味好似香精味 唔夠濃唔夠真 芝麻味食落真材實料好多👍🏻👍🏻眾多嘅餡料入面 唔鍾意揀朱古力 最襯雞蛋仔架喇🤪🤪