森記甜品之家 (已結業)

食完煲仔飯,揾番d甜品食下先好耐無食過森記呀...咦~ 加價既.........$13 鮮奶燉蛋白 (依然好味~ i like it) 滋補養顏呀....$15 花生糊 加 麻蓉湯圓 (男友話無以前咁好食喎......)

食完飯黎食「下場」，皆因大家未食飽5蚊兩塊煎得香噴噴既蘿蔔糕，真係好抵食 (許x山食同樣既野都兩三倍價錢)5蚊兩條腸仔，另外食左個鮮奶燉蛋白，13蚊，幾好食咁既價錢出去其他糖水店真係食唔到

24/10(五) 4:30pm尋寶過去,攜同戰利品趕下場,"永安".事前先到"森記"喫點甜的.下午四時許,學生哥兒擠滿店子,街坊客同為座上客也.店子內外格調一致,平實內歛.我倆輕嚐蘿蔔糕$5,桑寄生茶$9及木瓜燉雪耳$12.蘿蔔糕--蘿蔔糕的香脆賴以老闆娘的好手勢;實質來說糕身尚實,但蘿蔔絲及蘿蔔香並非昭然.桑寄生茶--茶味恰到好處,清甜而甘香!木瓜燉雪耳--木瓜的原味顯著,滋潤濃郁,味道鮮明!老闆亦沒恃老賣老,踏實妥帖!平易近人的"森記"!

附近食完晚餐, 見有間甜品舖頭就試一試門面因為舊式店舖關係, 所以並不顯眼客人都算多, 坐低之後就叫左個鮮奶蛋白 + 腐竹白果糖水食落兩款都幾甜, 唔鍾意食咁甜o既人可能會覺得唔係太好我就覺得ok la, 同埋價錢都算平共22大元

之前夜晚行完街, 想食下甜品森記是多年老店, 好似係盧海鵬有份開的去到既時候人很多, 而且地方總覺陰陰森森的以前同朋友黎坐下食下, 都坐得唔係咁舒服始終係小店, 環境同衛生都只係一般最後都決定只係買返屋企食講返野食, 買左燉奶挺滑溜的, 奶香尚可, 不會太過甜你話質素就當然比不上義順/澳洲牛奶公司之流咁好不過勝在經濟, 13蚊, 味道ok, 實不算貴

食麵食得咁勞氣，一於食d凍野甜野下返道氣，再加上成晚無食菜，食返生果補數。入到去立即叫個雜果涼粉。生果有很多種類，除了大路既西瓜、蜜瓜、桃、菠蘿外，還有椰果，食落煙煙韌韌。可惜生果全都是碎碎的。至於涼粉，和平時係街市買既，都唔一樣，比較煙韌，亦即是台灣人所說的"Q"。另外要杯菠蘿冰，初時以為係菠蘿加七喜，點知飲落似係罐頭入面浸住菠蘿既水。小時候媽媽煮咕嚕肉時一定會買罐頭菠蘿，那時既我最喜歡偷偷的飲菠蘿水。真係估唔到居然會係咁既情況下飲返。

雞翼($5)+凍綠豆沙($9)價錢平,,雞翼咸左d,,綠豆沙夠凍,,都好多海帶,,幾好食,,舊陳設但都算企理乾淨,,都係d街坊起度吹下水錦,,不過如果唔係經過都唔會特登黎,,唔就腳,,

即煎的蘿蔔糕頗香口　價錢相宜雖然真的滿是粉　　但只要覺得好吃　　管他蘿蔔成份高不高？至於雞髀　可能是浸了一整天的關係　味道很濃　　肉質也尚算滑蜜瓜奶是出乎意料的好喝蜜瓜味道不失　　和奶的配合恰到好處兩者的味道都得以發揮至於糖水　　都是一般貨色

2008年6月25日晚上8:30 同沙牛男友口痕痕想食甜品, 我提議去森記, 事關上食完燉蛋白+芝麻糊對佢印象好好, 想試下其他.椰汁西米露 – 凍的! 椰汁味唔夠, 一定係罐頭貨, 唔好食, 沙牛男牛食咗一半就放棄, 估到有幾唔好食! 因為沙牛男友咩到食得落肚, 佢都食唔曬, 果d 野就真係差差差!杏仁露 – 唔夠香! 無餘香! = 開粉糊, 我唸佢兩溝啦! 大部份開粉, 小部份真係磨埋單20蚊, 又唔算貴, 不過下次食番燉蛋白安全d!

今次係同honey黎試呢間幾出名既森記~我地叫左燉蛋白同喳喳湯丸~~凍燉蛋白幾滑, 成碗滿晒唔呃人ga~喳喳湯丸仲好好味, 我見好多人都叫tim~喳喳個甜味適中, 湯丸係芝麻味, 都有兩粒, o岩晒我!!我見都有唔少人食下雞脾腸仔~ 下次都可以試下!最開心都係有人夜媽媽特登陪我食糖水!~

　以前森記有懷舊的「雞蛋麥米粥」，麥米和薏米煙煙靭靭，好好「趙」!現在不賣麥米，改成紫米粥，味道很淡，吃到的只有一粒粒紫米。朋友吃的燉蛋不香不滑，義順的比較好吃。下次還是吃我喜歡的蜜瓜西米露 西米煮得很糊，加上濃濃的蜜瓜汁和果肉，兩者完全融合一起!不像一般甜品店「西米還西米，椰汁還椰汁，蜜瓜得幾粒」。森記還是專心賣糖水好了，因為其他小食認真麻麻！蘿蔔糕應該叫「粘米粉糕」，雖然是即叫即煎，香脆香口，但完全沒有蘿蔔絲　 鹵水雞翼好鹹，用了太多生抽。$9 - $11 一碗糖水，非常抵食。　

對上的星期日,吃過母親節的晚飯,打算回家之時,一位好朋友的來電,想來西環吹吹水,我和女朋友見朋友難得來西環,便一口應承,但吃過晚飯,沒理由再去茶餐廳吧...所以就決定去森記試一試糖水...一入去,二話不說即叫左芒果西米露同雜果西米露,另外仲叫左碟蘿蔔榚同煎香腸,芒果西米露的確唔錯,不過嫌芒果比較碎,缺乏口感,至於雜果西米露比較遜色,雜果唔夠吸引,車厘子,一些很碎的碎生果,而且晚上時段可能比較忙,那些凍的西米露都雪得不夠凍...不過西米露都只是10蚊而已,在香港物價高漲的時代,算係比較便宜了....蘿蔔榚值得一讚,雖然並沒有太多配料在內,但煎得很香,而且入口熱辣辣,即叫即煎,好味夾大件!!!$5煎香腸比較像燒烤過的香腸,沒有什麼特別...2條$5吃罷便離開去公園繼續吹水,到大約兩三點再經過森記時,發現森記原來好夜關門,呢一點值得一讚!!!有機會會再去試多次!!!!

承上食評，吃過撚手小菜，喝完冰凍啤酒後，大家意猶未儘，於是乎一行人浩浩蕩蕩行去森記，也是一間在西環享負盛名的甜品店。筆者要了個什果西米露，十塊錢，足料，消暑一流。

出糧日兼難得阿爸返香港，補完習就順便去森記買糖水。鮮奶燉蛋白、紫米粥、麻蓉湯丸、木瓜炖雪耳，同桑寄生茶。唔知係咪外賣關係，之前食過既鮮奶燉蛋白同紫米粥都覺得麻麻。麻蓉湯丸一般，阿媽認為比超市急凍既仲差，皮厚麻蓉唔夠香，薑湯太甜。木瓜炖雪耳同桑寄生茶第二日食，未食過桑寄生茶，但原來就係平時阿媽有煲既涼茶。炖雪耳酸酸地，木瓜又只係得個唔知冰糖定片糖既甜味。總之今次就唔太滿意啦。

今日好好彩唔駛補習，所以又同朋友仔打波。打完又忍唔住黎呢度食我既頭號中式糖水心頭好--鮮奶燉蛋白($13)，同紫米粥($9)。鮮奶燉蛋白同上次一樣，只嫌唔夠凍，所以唔多講。不過原來紫米粥仲好味，一試就立即取代燉蛋白，因為佢清清地而帶點甜，感覺好健康，仲有粒粒既紫米係度，口感十足。見到周圍既人都叫蘿蔔糕，雖然之前既食評都叫人可以不試，但還是忍不住追加一碟蘿蔔糕和一隻雞翼($5@)蘿蔔糕根本不是蘿蔔糕，因為我真的連一條蘿蔔絲也吃不到。不過是因為剛煎好，而且5蚊已有2大塊，所以都不錯。至於雞翼，是雞全翼來的。入味但有點乾淨淨。題外話，正如title所講，今日俾「友情」二字煩死。日頭因為終於同好耐無傾過計既同學講返野而有點開心，但夜晚又同識左10年既老死嘈大交，兼且收到張絕左交既「好」朋友既明信片。唉，總之就友情同愛情一樣，有又煩無都係煩。